دليل نوادي الكويت الصحية

[منطلقة بطموحي]

مشاركة: دليل نوادي الكويت الصحية

كلامكم يحيّر و مادري شسوي ..

محتارة بين فليكس و شامبينز ..

 

[sara wth love]

مشاركة: دليل نوادي الكويت الصحية

اليزيوم ذا بست


بالسنة اكو اشتراكين ياانج تشتركين ب1000 د.ك بالسنة او 500 د.ك ايضا للسنة



وللامانة العرض الثاني "500"وايد حلو وبنفس قيمة باجي النوادي تقريبا لو تحسبينها+ماكو لوية وعفسة مثل باجي النوادي والاعضاء حدهم راقيين وكلاس وكافي منظر البحر اللي يطل عليه


على فكرة الشخص الواحد500 واذا يبتي شخص ثاني وياج يشترك تصير قيمة اشتراكج 400 واذا يبتي شخص ثالث كذلك تقل قيمة الاشتراك وتصير 300 وهكذا

 

[كويتية أمورة]

مشاركة: دليل نوادي الكويت الصحية

صاجة هو الفرق بين الاشتراكين ان بو 1000 معاه جلسات مساج وطين وتنحيف وسوالف جذي
بس بو 500 مادري جنه معاه بس شوية
تصدقين شوقتيني على اليزيوم اذا جذي اشترك انا وخواتي يصير ارخص علينا

 

[sara wth love]

مشاركة: دليل نوادي الكويت الصحية

امورة



انا امس امسوية جولة على معظم النوادي المذكورة وبصراحه اليزيوم يشرح القلب عنهم ,فزيادة تأكيد روحي بنفسج وشوفي عرووضهم وربنا يئدم اللي فيه الخير ياحببجي

 

[بسمة الروح]

مشاركة: دليل نوادي الكويت الصحية

عفوا اختي ^^ بنت الكويت^^


ممكن رقم نادي نيو بدي لين او حتى عنوانهم وين بالسالمية



ويعطيج العافيــــــة

 

[كويتية أمورة]

مشاركة: دليل نوادي الكويت الصحية

سارا انا داشة اليزيوم وشايفته نظيف وراقي وشغل عدل بس جنه صالة الرياضة عنونه وماكو اجهزة وايد!!
بس حمام السباحة كبير وايد


بسمة الروح بدي لين موجود بالسالمية مجمع العنجري فوق

 

[b6o6a]

مشاركة: دليل نوادي الكويت الصحية

منو سمع عن نادي اسمه سيدتي بالسالمية؟
عفيه قولولي اذا زين والا لا! لأانه قريب يم بيتنا وكله أمر عليه وقاعدة أفكر أشترك!

قصدج سيدتي الي بالبلاجات...

ترى مو شي صغير وما يشجع على الرياضه

مره دشيته واختنقت ...

 

[amooosha]

مشاركة: دليل نوادي الكويت الصحية

بنات فلكس ما تحسون وايد زحمة؟؟ لانه الكل مشترك فيه!!!!!!

وشرايكم بنادي بالمز اللي عالبحر اللي تبع المنتجع بس عيبه يمكن خلط !!

 

[** الحب كله **]

مشاركة: دليل نوادي الكويت الصحية

الكورنيش حلو الي عالبحر

 

[jaggy-cat]

مشاركة: دليل نوادي الكويت الصحية

بنات منو سامعه عن نادي الهلال الأحمر الصحي وين شالوه؟

 

[كويتية أمورة]

مشاركة: دليل نوادي الكويت الصحية

الكورنيش عندهم اشتراكين واحد 650 وواحد الذهبي ب 750
الفرق ان بو 750 معاه جلسات مساج سويدي وسوالف جذي
واذا تبين الكلاسات والاجهزة تدفعين زيادة على الاشتراك<<<<<عيل حق شنو 750 مادري!!!
يقولون نظيف وراقي واللي فيه سنعين واشتراكه سنوي ماكو شهري
وصاله الحريم اجهزتها شوية بس في صاله مختلطة فيها زيادة اجهزة
طبعا احنا ماندش مختلط عشان اهلنا مايقصون روسنا هههههههه
وغير جذي لاقدمتي ياخذون بياناتج تالي يدقون عليج يقولولج قبلناج ولا لأ
ياملقها هالسالفه

 

[طير الحب]

مشاركة: دليل نوادي الكويت الصحية

والله دخت ولىه الحين ما عرفت وين اروح دبرونى

 

[عود مبخر]

مشاركة: دليل نوادي الكويت الصحية

واااااااااااااااي كويتيه اموره بعضج

بدعتي من بدا الموضوع و انتي تحنين بشترك و بشترك و وين و وين

اشتركي يا معوووده و ضعفي


شرايج تروحين معاي فيت ؟؟ او الفتاه اليديد بالخالديه اذا خلص

ابي شي قريب و ما ابي اروح شامبيونز لوعتي جبدي بالبويات و فلكس ما في مواقف

 

[eng_bdliat]

مشاركة: دليل نوادي الكويت الصحية

واي انا جربت مره تشامبيونز عجيب جنج بفندق بس وايد غالي
انزين بنات محد جرب توب سنتر الي بالسالميه يقولون زين ونظيف وبعد مو غالي يمكن 30 او 35 ياليت الي تعرف عنه شي او مجربته ماتبخل علينا لان لااازم هالصيف ناديييي

 

[@@عيوني@@]

مشاركة: دليل نوادي الكويت الصحية

في وحدة معاي بالدوام مشتركة بتوب سنتر وتمدحه

 

[كويتية أمورة]

مشاركة: دليل نوادي الكويت الصحية

ههههههههههههههه عود اذري اذيتج
ماعليه حبوبة عطيني راسج ابوسه ولاتزعلين
امممواااه.....
اف اف اف الله يقطع بليسج شفيها ريحة راسج حزرة شحاطة؟ خخخخخخخخخخخخخخ

اقول فيت يقولون الاجهزة قبال حمام السباحة ومع الرطوبه تفوح ريحة الكلور تصك الراس!!!<<<<<<جنج بتذبحيني الحين مو بتعظيني ههههههههههه

 

[jaggy-cat]

مشاركة: دليل نوادي الكويت الصحية

وين صاير توب سنتر؟

في وحدة معاي بالدوام مشتركة بتوب سنتر وتمدحه

 

[كويتية أمورة]

مشاركة: دليل نوادي الكويت الصحية

قبال مجمع الثريا
جنه مجمع شاهه اللي فوق فيه الوطنيه

 

[jaggy-cat]

مشاركة: دليل نوادي الكويت الصحية

Thanks كويتية امورة

 

[eng_bdliat]

مشاركة: دليل نوادي الكويت الصحية

مكشوره عيوني
انا بروح وبشوفه بعيوني :d
بس كويتيه اموره اهو جبال الثريا ولا صوب شارع المطاعم لاني جني مره شفت الافته مالته هناك ولا هذا صالون ؟