دليل نوادي الكويت الصحية

[noooora85]

مرحبا شكرا لكم عالموضوع
كتير حلو ومفيد
بس ممكن تفيدوني
وتعطوني معلومات
عن نادي كيرفز
ورقم النادي وبسرعه
وشكرا لكم كتير

 

[مريوما الحلوه]

انا شكلي بشترك بفيت الدسمه حده راقي بروح اشووف اليوم

 

[مريوما الحلوه]

فيت غالي ليش شهر 120 قاطين فلوسنا

 

[أم عواشي]

النادي : shaps
المكان : الجابريه
قيمه الاشتراك : 104 3 شهور
النظافه : وايد نظيف
المدربات : حليوين وايد
نظام نص ساعه باليوم مافيه حمام سباحه

 

[حزينة الأقدار]

في نادي جديد في المهبوله يم بردتوك
نفس العماره واهو يم شقتي
ودي اروح اسال بس ناطره المعاش
ابي تكون عندي لياقة حق السفر
وابي اضعف

إى والله سألي إحنا ناطرينج:tek:

 

[فرفووشه]

مرحبا بنات ابي مساعدتكم من تعرف معلومات عن نادي كازبلنكا الصحي في المنقف؟

 

[كوييتيه_1980]

اسم النادي : نادي الهلال الصحي
عنوان النادي : بجانب نادي الصليبيخات
قيمة الإشتراك الشهري : 35
واحتمال في عرض للصيف صار بــ 15
نسبة النظافه : جيده
هل يوجد حمام سباحة او لا : في حمام سباحه وكبييييييييييير حييييييييل ويشوووق
مميزات النادي : حجمه كبير وأجهزه حديثه حييل

ومفتوح من الساعه 9 الصبح لي 7 بليل تقريبا

عيوب النادي : انا الصراحه شفته مافي اي عيب

بس خوفي مع عروض الصيف يصير زحـــــــمه وما احب الزحمه كلللللللللللش

مفتوح 3 أيام بالاسبوع :- السبت والاثنين والثلاثاء

رقم تليفونهم : 4873431 -- 4873432 -- 4873433

انا بروح باجر ان شاء الله واشوف اذا موزحمه اسجل ولا قعدت البيت ملل

ملاحظه :- ترى الفرع الرئيسي إلي بشويخ سكروه يعني مافي إلا فرع واحد لنادي الهلال وهو بصليبيخات فقط

 

[مريوما الحلوه]

انا بشترك بنادي اليرموك يمنا وشهر ب 50 نظيف وصغير بجربه هالشهر\وفي حمام سباحه وسونا وجااكوزي

 

[والله احبــه]

بنات مافي نادي بمنطقة الفروانيه اذا وحده تعرف تقولي

 

[تــوتــه]

بنااااااات ولي يعافيكم ابي رايكم بالنادي اللي بفندق رامادا الرقعي ( السفير )

شرااايكم فيه لان بخاطري انا وامي نشترك هالصيف

 

[AFRoDiT]

بنات حبايبي

احذركم من نادي شاتوفيب


والله ماودي أخرب على سمعته الجذب خيبه

بس قبل 4 سنوات كنت في فندق السفير الي ع البحر يم نادي ضباط الجيش
و حمام السباحه مالهم يبين من البلكونه والحريم مساكين بالمايوهات ..

وعقبها بـ فتره سكروه و ردو فتحوه

بس جني سمعت ان الفندق تسكر عاد مادري ..

بس اذكر حزتها لما امي شافت حمام السباحه من البلكونه حذرت كل رفيجاتها الي مشتركين فيه



مابي أهول في الموضوع و انقد ع النادي
بس انا قلت الي اعرفه .. وهـ الحجي كان من زمااان

 

[أسولة]

في نادي جديد في المهبوله يم بردتوك
نفس العماره واهو يم شقتي
ودي اروح اسال بس ناطره المعاش
ابي تكون عندي لياقة حق السفر
وابي اضعف

مرحبا إختي لولو والله صارلي فترة أشوفة ودي أروحلة لأنه قريب يم شقتي... بنات إلي عندها أي فكرة عنه تبلغنا.

 

[hadyah]

النادي اسمه بيلاتس اختي مشتركة فية
وايد حلو ومرتب ومواعيده مضبوطة
عندهم اجهزة وكلاسات

اختي مستانسة على لان الكلاس حده 5 متدربات فقط

يعني جنج عندج مدربة لج بروحج

 

[أم الكتاكيت]

رد: مشاركة: رد : دليل نوادي الكويت الصحية

النادي :سيدتي
عنوان النادي : السالمية شارع البلاجات
قيمة الإشتراك الشهري : 30 دينار يوم وترك و كل يوم 40
النظافة: جيد
هل يوجد حمام سباحة او لا : نعم بس حجم متوسط
مميزات النادي : بس للسيدات وكل يوم ما يستعملة الرجال مثل المبرور
عيوب النادي : عيبه الوحيد المدربات ما يهتمون ذاك الزود والاجهزة المشي بس 3

جم رقمهم ؟؟؟

 

[أم الكتاكيت]

بنات جم رقم نادي توب سنتر ؟؟؟؟؟؟؟؟؟؟؟؟؟؟

 

[كويتيه توب]

بنات نبي نوادي بالمنطقه العاشره لي الحين محد رد علينا بليييز !!!!!
والله يخليكم اللي ادش تحط نبذه عن النادي وبس مو اطقونها سوالف والله ضيعتونا عفيه بنات ولحد يزعل مني بس والله قاعده اشوف الصفحات كله سوالف واهوا ملف للنوادي .. واسفه اذا غلطت .. :tek:

 

[84 Miss Chocolate]

ودي اشترك بنادي اموووووووووت عالسباحه بس ما عندي احد يشترك معاي و يشجعني عشان جذي ماني مشتركه .

 

[قانونية]

بنات ابي نوادي بالجابريه او السالميه مايكون غالي وايد بليز للاهميه

 

[**كتكوته الحلوه**]

يعطييج العافيه حبيبتي على موضووعج حييل حلووووويفييد الكلل :ggdw:

اسم النادي :فلكس الصحي
المكان: الشعب البحري
الاشتراك:120 بالشهر
في كل انواع الرياضات (سباحه +اجهزه بكل انواعهامع تلفزيون
يفتح من الصبح ليه الليل24
في حوض سباحه حلييو
وفي جدول حق كل انواع الرياضات واوقاتهاا
مدربه السباحه واايد كانت مهتمه فيني وعلمتني انواع السباحه
وبكل جهاز في تلفزيون يسلييج وانتي تلعبين رياضه
نظيف والمدربات وايد يهتمون فيج
ياخذون وزنج وطولج ويشوفون جم مفروض تنزلين ويقولووج شنهو الرياضاات اللي بسرعه تخليج تنزلين وزنج والباجي علييج
بنات ترى آنه كنت مشتركه فيه من زمان قبل 3 سنين وبرووح مره ثانيه بشوفه بعيوني وبتأكد من كل شي لاني يمكن اشترك فيه مره ثانيه _03BA:واذاا ممكن اكتب رقمهم اذا سمحلي المنتدى بالتوفيق

 

[..، شهوده ..،]

بنات أبي نوادي بالمنطقه الرابعه غير سفير الرقعي واشرايكم بكونكورد

وعطوني نوادي بحولي




..