دوانيه شلة منتظرات نتيجه عملية اطفال الانابيب والحقن المجهري

[عيون عمشة]

حبيبتي الله يثبته ان شاءالله ويرزقج ويفرح قلبج .. اشغلي نفسج باي شي عشان ما تفكرين وتحركي حركه بسيطه والله يسهلها ان شاءالله وتعدي وتبشرينا انج حامل با رب

 

[منوة الزين]

مساء الخير

 

[ماي الورد]

مساء الورد
شخبارج منوه

 

[منوة الزين]

الحمدلله

 

[كتكوته22]

اخباركم اخواتي ان شاءلله بخير
اليوم انا خامس يوم من ترجيع الاجنه
ومن يوم الجمعه احس بمغص الله يستر والله خايفه
لان بتجربتي لاولى حسيت بمغص ومصار حمل وتجربتي الثانيه ماحسيت بشي كلش وماصار حمل والتجربه هاذي من 3يوم وانا احس بمغص
دعواتكم لي ان الله يرزقني ويرزقكم الحمل السليم المعافى عاجل غير اجل ويفرحني وافرحكم بخبر حملي يارب املي يالله مايخيب
احتاج دعواتكم وبشده لاتنسوني

الله يثبثه لج يااارب لا تحاتين الأعراض تختلف كل مره وأخز مره حسّيت بمغص اول الأيام تقريبا لي الخامس بعدين خُف والحمدلله طلعت حامل الله يرزقج ويرزق جميييع خواتي المحرومات

 

[BARBI]

هاي بنات رحت لموعدي عند رائده وصرفتلي علاجات لي ولزوجي
في علاج اول مره اخذه اللي ينقسم حبوب بيضه وبنيه حق شنو بالضبط هالحبوب اللي تعرف تفيدني وهمن صرفتلي حبوب ثانيه غير الفوليك اسيد وصرفت لريلي حبوب ياخذهم مرتين باليوم وقالت استمروا عليهم لين موعد الدوره اللي قبل العمليه عشان ابلش احطلج مغذي يساعد في ثبوت الاجنه وچني سمعتها تقول بسويلج منظار بس ماثبت .. وقالت ببلش معاكم قبل الدوره اللي بتسوين فيها انابيب

بنات شنو العلاج الطويل .... انا 3 مرات اسوي انابيب بنفس الدوره يبلشون معاي الابر هالمره اشلون موعارفه ...

 

[منوة الزين]

اهلين باربي
الله يوفقج ويسهل لج علاجج ويرزقج الحمل
العلاج الطويل يبدون معاج قبل الدوره الجايه
يعني احسبي لين اليوم 21 من الدوره هذي اللي عليج
اليوم 21 يبلشون معاج الابر والعلاج....

موووووووفقه يارب

 

[عيون عمشة]

باربي انا نفسج هالمره ماشيه على البروتوكول الطويل.. يعني بلشنا من21 الدوره واخذت ابر لحد ثاني يوم الدوره الجايه وبعدها اغير الابر لحد يوم السحب والله كريم ..
مشاعل شخبارج بشري عنج حبيبتي

 

[منوة الزين]

الله يتمم لكم اجمعين

 

[ماي الورد]

الله يسعدكم يارب والايام الجايه تكون كلها فرح وسعاده لكم

 

[منوة الزين]

امين يااارب

 

[عيون عمشة]

امين ماي ورد الله يسمع منج حبيبتي..
مشاعل شخبارج بشرينا ..

 

[منوة الزين]

مشاعل طمنينا عليج.....

 

[mashaeil.a.al]

اخباركم بنات
طلعت النتيجه مافي حملل الحمدالله على كل حال
الله يعوضني خير يارب

 

[mashaeil.a.al]

الشي اللي استغربه مادري عادي او لا
بتجاربي الثنتين الاولى نزل على دم قبل بنفس يوم التحليل
ومافي حمل
والثانيه نزلت على افرازات بنيه قبل التحليل ب4 ايام
اما هالتجريه مانزل على شي كلش بس مغص
من صار لها نفسي مانزل عليها شي وطلعت مو حامل

 

[منوة الزين]

حبيبتي ربي يعوضج الحمدلله على كل حال

 

[ماي الورد]

كان ودي اسمع البشاره لكن اللهم لا اعتراض ع حكمك
ربي يكتب لج الحمل بلا عمليات ولا تعب
معوضه خير يارب

 

[عيون عمشة]

معوضة خير حبيبتي مشاعل الله يرزقج قريب يا رب ..
ولا تيأسين ارتاحي جم شهر وعيديها خلي املج كبير ادري الفشل شي صعب حاسه فيج بس ان شاءالله استمري بالعلاج وان شاءالله خيرر تفائلي..
دكتورتج منو قلبي ؟

 

[BARBI]

حبيبتي مشاعل معوضه خير يارب

مشكورين بنات ع الرد .. الله يسهل الامور الحين الدكتوره
قالتلي اللتزمي بالحبوب اقل شي 4 اشهر لي 6 اشهر
وتالي نسوي العمليه قالتلي لازم انتي وزوجج تمشون على العلاج

ياربي رحمتك ..

 

[mashaeil.a.al]

اختي barbi
الحبوب اللي نصهم ابيض وبني هاذي تنظيم هرمونات
يعني اهي اصرفت لج حبوب تنظيم وفوليك اسيد فقط وموعدج بعد شهرين
الله يتمم لج امورج يارب ويوفقج ويرزقج ويرزق الجميع يارب