دوانيه شلة منتظرات نتيجه عملية اطفال الانابيب والحقن المجهري

[زمرد Q8]

اشعةالصبغه لصمتي حكاية بسيطه ترا كلها عشر دقايق مايحتاح بنج وانا اراجع عند دكتور ناهض لي اسبوعين رايحه رادهومايخلوني اشوفه !!!!!!!

 

[l9amty7kayh]

باربي وزمرد مشكورين وايد وايد ع الردانا باجر بسوي الاشعه مع بنجوالله يكتب لي ولكم الخير 

 

[nonlove]

السلام أمس بديت اخذ العلاج والأبر والله يسهل لأي استفسار عن دكتور ناصر قولولي انا موجودة..... وبصراحه جزاه الله خير انه يرد على كل الاسئله ماشاءالله عليه

 

[l9amty7kayh]

هلا نون زين احد وياي هالشهر نبي نواسي بعض<strong><em><del></del></em></strong> ونشجع بعض  والله يكتب لنا الخير ولجميع بنات المسلمينانا عندي جم سؤال انتي اي برنامج قصير او طويلوباي يوم دوره انتي الحين واسفه ع التطفل 

 

[nonlove]

هلا والله لصمتي حكايه..... انا اعتقد الطويل... توني خلصت الإبر خمس ايام وسويت سونار وزاد الجرعه حق ٣ ايام أن شاءالله.... وفوقهم دريب حديد ٢٠ يوم لأن دمي ناااااازل.... والله يسهل يارب.... وعادي حبيبتي اخذي راحتج بالاسئله... أي والله تواسي بعض.... والله يكتب حق كل اللي يتمنون حمل يارب

 

[l9amty7kayh]

هلا نونحتى انا البرنامج الطويل اليوم ثاني ابرهواول مره اسوي هالعمليهانتي اول مره او سويتيها من قبل وجربتي تسوينها عند ناهض منو الدكاتره الي جربتيهم غير  الدكتور ناصر العازميوجم محاوله نجحت او فشلت نبي تفاؤل وين باجي البناتلما اروح لعيادة ناهض زحمه عندهمعقوله ولا وحده فيهم تكتب تجربتها في المنتدىاو ع الاقل تشجعنا 

 

[زمرد Q8]

قوه بنات منو سوت تحليل مخزون البويضاتالله يجزاها خير الي ترد علي ?

 

[BARBI]

حبايبي ربي يرزقكم ماعمري سويت تحليل مخزون البويضات انا توني ادري انه البويضات اللي تطلع لنا ياخذونها من المخزون شي جذيه 4 مرات سويت طفل انابيب ومره وحده نجحت .. إن شاء الله مايأثر علي 

 

[زمرد Q8]

هلا باربي
انا طلبته لان كان هرمون fsh مرتفع
سويته بحكومه طلعت تحاليلهم طل
تنقع العينه اسبوعين ومن المستوصف لياكو الا اختربت
المهم عدته بالخاص كانت النتيجه مختلفه بس مو حيل حلوه بس ع الحفه بس همن احسن من نتيجة الحكومه
عاد سالت الدكتوره ليش جذي مختبرات الحكومه قالت مادري بس احتمال العينه ماكانت في مكان بارد او من السياره واهي رايحه من المستوصف لياكو من جذي الارقام تتغير بس توبه اسوي تحاليلي بالحكومه
باربي انتي جم عمرج اذا مافيها احراج
وصج التنشيط ياثر بالمخزون !!!
لان طول عمري اخذ منشطات
وعندي ولد واحد بس وانا كبيره مو صغيره ابيله اخو او اخت

 

[nonlove]

السلام..... انا من سويتها اول مره عند دكتور اسامه الصالحه ونجحت الحمدالله وعندي توأم... وعقب سويت هم عند د. اسامه مره من اول وحملت جم شخر ووقف النبض ومره ترجيع اجنه ومانجحت وعقب رحت عند فوزيه وسويتها مره حمل خارج الرحم بس للعلم مو اهيه اللي رجعتهم كان عندها ظرف طارىء ويتني دكتورة اليتامى نسيت اسمها الأول وعقب سويت ترجيع وماضبطت... واللحين اول مره عند د. ناصر العازمي والله يسهل يارب.... وبالنسبه حق مخزون البويضات عمري ماسويته بس راح اسأل الدكتورة عنه أن شاءالله.... 

 

[زمرد Q8]

الله يفرح قلبج يانون لوف بالحمل مع دكتورج ناصر العازميوالله ودي اروحله بس سمعت غالي حدهبس شرايج بدكتور اسامه صالحه ووين عيادته باي مستشفىواذا مافيها احراج جم عمرج نون لوفوياليت تسالين دكتورج عن مخزون البويضات المشكله انا دكتوري ماشوفه مساعدته بس الي تشوفنيساليه كثرة التنشيط تاثر ع مخزون البويضاتلان عمري 37 ومن وانا عمري عشرين واخذ منشطات وكلوميد وابر لكن ماحملت الا بطفل الانابيباحس ضيعت بويضات ع الفاضي 

 

[زمرد Q8]

اي وعندي مجمد من حملي الاول بنات بس كلش مابي ارجعهم الا لمن اوصل لسن اليأس وقالو لي الدكاتره خلاص مامنج عيال برجع المجمد يعني مخليتهم للزمن والحين دام فيني بويضات بحاول انابيب لين يعجزون الاطبا فيني تالي يكون عندي مجمد احتياط 

 

[l9amty7kayh]

مشكوره ع الرد نون للاسف ماجربتي ناهض حماديهوالحمدلله ياقلبي العوض ولا القطيعه ودام في تجربه نجحت ان شاء الله وباذن الله هالمره تنجح وتفرحين بواحد احدزمرد توج صغيره 37 اعرف حريم بالاربعين ويحملون ويولدون ومخزون البويضات هذا ماسمعت عنه بس ماعليج من الدكاتره اذا ربي كاتب لج ضنابتشوفينه لو ماعالجتي بس احنا نبذل الاسباببس طبعا مانتضايق من كلام الدكاترهوباربيحياتي انتي اشكر مؤازرتج لنا وسؤالج عناالله ييزاج خيرطيب باربي مو مفكره تعيدين التجربه تجربة الحمل مره ثانيه والا بترتاحين 

 

[BARBI]

هلا حبيبتي انا عمري 35 بعد قلبي لصمت حكايه لاني منكم وفيكم عندي توأم وتوني والده قبل كم شهر ربي يحفظهم ويبارك فيهم حالياً مافكر بس يمكن بعدين مادري والله بس لو تسأليني الحين بقول لا مابي بنطر شوي لانه آخر بيبي خدج ويبيله متابعه وجهد اكثر 

 

[زمرد Q8]

العمر كله باربي حبيبتي يبارك بعمرج ربيحبيت استشيركم بموضوعدكتوري عنده تحديد جنس الاجنهوانا بيني وبينكم مشتهيه بنيهعندي ولد وودي ب بنتوزوجي مو راضي اسوي تحديد جنس انثىيقول خليها ع الله واذا بتسوين سوي صبيعلشان يصير اخو لولدنا شرايكم اسويها من وراهابي بنت خاطري في بنت 

 

[nonlove]

السلام.. زمرد الكويت عمري ٣٥ ودكتور اسامه الصالحه خذته مرت شيخ قطر فتحت له مستشفى كامل الله يوفقه..... و للصمت حكايه اللي يتمم علينا وعلى كل محرومه يارب... وباربي الله يحفظ عيالج يارب وصج انا حسيت احساس اول ما ولدت التوم قلت يبيلي اربع سنين بس صارلي ١٠ سنين والله يكتب اللي فيه الخير....

 

[l9amty7kayh]

نون الله يخليهم لج ويعوضج تعبتي عشر سنين وانتي تحاولين الله لايضيع لج تعب ويعوضج هالمرهممكن اعرف متى يبلش الدكتور السحب اذا برنامج طويل خاصة ان الدوره للحين مانزلت

 

[l9amty7kayh]

زمرد الله يرزقج في توم بناتبس انا اقول خليها بدون تحديد جنسيمكن اتيبين توم ولد وبنت بجذي احسن لكم 

 

[BARBI]

زمرد ياقلبي حددي دام عندج بنت خلي الاجنه ولد بس حطي في بالج انه في زياده على المبلغ 

 

[زمرد Q8]

لا باربي ماعندي بنتوالعمر كله نونلوف الله يعوض صبرج يارب والبرنامج الطويل ماعرفله لصمتي حكايهسويت القصير الي يبدي ثاني يوم دوره