دوانيه شلة منتظرات نتيجه عملية اطفال الانابيب والحقن المجهري

[nonlove]

السلام.... في اليوم التاسع الابره التفجيريه خذيتها وعقب اليوم ١١ السحب وانا أن شاءالله اليوم السحب والله أيسر الأمور على خير..... والتجديد على حسب دام علاج وتعب الله العالم فيه... ليش ماتسون واللي الله كاتبه بيصير... والله يكتب لكم اللي تتمنونه

 

[l9amty7kayh]

نون سحبو منج بويضات اليوم او عقب باجر مافهمت

 

[BARBI]

حبيبني زمرد سوري فهمت انه عندج بنت ... دام ماعندج بيبي خلاص لاتحددين خليها على ربج .. 

 

[BARBI]

حبايبي ربي يرزقكم 

 

[زمرد Q8]

لاباربي عندي ولد عمره 5 سنين وودي في بنت وزوجي مو راضي 

 

[l9amty7kayh]

زمرد تحديد الاجنه بتدفعين الف او الف ونص زيادهوانتي اصلا مو ضامنه الحملالحمل من الله بس العمليه سببف مانصحج لو لاسمح الله ماصار حمل بتضايقينانتي وكلي امرج لله سوي العمليه بدون تحديد اجنه واللي ربي كاتبه بيسير والله يعطيج الي تتمنيه يارب 

 

[BARBI]

والله زمرد انا لو بمكانج احدد والدفع فيني فيني همن ماتدرين إن شاء الله تحملين ويكتبلج ربي الحمال انا 4 مرات سويت تحديد جنس الجنين وماكان يصير حمل اما العمليه الاخيره الحمدلله تم الحمل وبالجنس اللي ابيه لكن ولدته مبجر بالاسبوع 28 

 

[nonlove]

السلام... اليوم كانت عمليتي سحب البويضات....ودخلت على ٢.٣٠ وطلعت ٣.٤٥... والله كانت متعبه مع اني مسويتها من قبل أكثر من مرتين.... ولمه طلعوني حسيت مبيض اليمين عواااار لأن صج بالسونار يبين انه اليمين في بويضان أكثر اتوقع من جيذيه عواار وقلت لهم بروفين على طول.... وعقب العمليه ودوني غرفتي بس هم كان بطني يعورني حيل بس عقب خف ونمت... والحمدالله رديت البيت ونمت ليه بليل لظوعقب كنت باكل بس ماقدرت لاني كنت صايمه فمن جيذيه ماقدرت اكل..... وأي قبل لا اطلع يتني حاله ترجيع مرتين.... عطوني حبوب الترجيع واتوقع من الأكسجين... والحمدالله ويالله ناطرتج للصمتي..... 

 

[BARBI]

نون ربي يكتب اللي فيه الخير لج وتطلع معاج بويضات حلوه يااااارب 

 

[زمرد Q8]

نون حمدلله على سلامتجوانا متفائله فيج وان شاء الله ربي يكتب لج الحملهالشهر ياكريملصمتي حكايه صاجه انا بعد مو ضامنه الحمل صج نسوي العمليه بس يمكن تنجح ويمكن تفشل يارب لطفك فينا يعني الله يكتب لنا الاجر ع التعب والابر والعلاجات الله المستعان الي مثلنا مانحمل الا بعلاج بس الحمدلله باربي ياحبي لجوالله احبج في الله ياحياتي انتي انا افكر اسويها من ورا زوجي لان يبي اخو حق ولدنا وانا ابي بنت يارب يرزقني بتوم بنت وولد

 

[nonlove]

السلام.. مشكورة باربي ماقصرتي والله... زمرد ماتقدرين تسوينها من ورى الزوج كلش...لان في توقيع الزوج والزوجة على الموافقه... والحمدالله اليوم قالوا لنا تلقحت ٨ بويضات ولله الحمد..... بس اللي ابي اعرف تحديد اللجنه بنفس يوم الترجيع وله قبلها... انا أذكر قبل قالوا لنا قبلها عندكم جم النيه وجم صبي.. واخترنا..... ياليت اللي تتذكر تقول لنا..... والله يكتب لنا كل اللي فيه الخير يارب

 

[l9amty7kayh]

حمدلله على سلامتج نون مادري والله لاتساليني انا ماعندي خبره كلشهذي اول مره اسويها ومادري شالطبخهللحين انا على الابر التحضيريهوللامانه ماراح اسوي تحديد اجنه الليايي من الله حياه اللهبسالكم نون باربي زمردانتم سويتو هالعمليه من قبل وعندكم تجاربصعدتو الدري ؟انا شقتي بالدور الثاني والبيت الي احنا مأجرين عندهماعنده اسنسير قولولي شسوي

 

[nonlove]

صباح الخير.... للصمت حكايه انا اول مره سويتها ما حددت اجنه ولا كان في بالي كلش لأن قلت اللي ايي من الله راضيه فيه والحمدالله الله رزقني في بنت وولد..... وبالنسبه حق الدري انا بكل عملياتي مااطلع من البيت الأسبوعين والدري مو زين لج كلش والله.... يا تروحين عند امج أو عقب الترجيع تصعدين مره وحده وتقعدين اسبوعين وعقب تنزلين حق التحليل بس ترى يختلف من وحده ليه وحده.. اعرف ناس ماتحركوا من مكانهم واعرف ناس عاشوا حياتهم طبيعيه... والله يكتب اللي فيه الخير.... 

 

[BARBI]

هلا حبايبي وانا احبكم والله بالنسبه لتحديد جنس الجنين مع فحص الاجنه انا سويتها لانه تطلع معاي اجنه مشوهه عرفتوا .. كنت اطلبها من ابلش العلاج وانا مبلغه دكتورتي وهي اكد عليهم يوم السحب لانه فترة الانقسام ياخذون وخزا من التلقيح ويبين عاد معاهم الجنس واذا سليم او مشوهه ..يبلغوني بعد اسبوع يدقون علي ويقولولي طلع عندج اجنه سليمه وموشوهه عرفتوا ويعلموني بالجنس اللي تم معاهم .. 

 

[BARBI]

بالنسبه للدرج والله شوفي اغلب الدكاتره يقولون عيشي حياتج طبيعيه ... يعني ياما حريم تموا اسبوعين لاصعدوا الدرج ولا نزلوا وماصار حمل وياما حريم وتجارب انذكرت بالتجمع عاشوا حياتهم طبيعيه وحملوا .. بس عن نفسي كنت احرص ما اجهد نفسي اتم هالاسبوعين بالبيت اتحرك داخل البيت تجنبت الدرج .. بنات فترة ارجاع الاجنه شربوا بروتين وكثروا منه واكلوا خيار وبيض انا اذكر كنت اشرب حليب واحط عليه بروتين بنكهة الكاكاو الدكتوره صرفته لي ... الحمدلله .. ربي اكرمني ... بالنسبه لصلاتي للامانه كنت اصلي وانا قاعده ... حتى قيام الليل وانا قاعده .. كنت احرص على ابر السيوله اخذها مرتين باليوم اذا ماني غلطانه .. حبايبي ربي يرزقكم 

 

[l9amty7kayh]

هلا نون وباربيانا ماراح اطلع من الشقه موليه بتم اسبوعين بعد الارجاع بشقتينون انا امي متوفيه ومابي مرت ابوي وحريم اخواني يدرون اني مسويه عمليه والدري ابي اصعده لشقتي بس مره وحده بعد الارجاع مضطره وخايفه واحاتي وايد نبهو من صعود الدري بعد الارجاعوباربي حبيبتي انتي ونون عطوني الاكل الي لازم اكله وقت الابر لتنشيط ووقت الدوره هذي الي بسوي فيها العمليه لان مدمنة كوفي والبروتين البودر وين ينباع باربي 

 

[l9amty7kayh]

نون حبيبتي متى قالج الدكتور ارجاع الاجنه

 

[BARBI]

هلا لصمت حكايه بروتين بودر بشوفلج صورته اذا قدرت انزله بالمنتدى وعرفت بنزله .. انتي دام سحبوا منج بويضات امشي حيل عشان ترتاحين من الغازات وهمن شربي حليب وحطي بروتين مرتين باليوم ... اذكر فترة الارجاع تميت ساعه او ساعتين بس ما اذكر اني طولت عزج الله اتوقع جابولي قسطرة للبول لاني كنت حسرانه حدي يمكن بعد نص ساعه او ساعه .. ناسيه تجربتي تحصلينها بالمنتدى بس اذكر كنت اشرب حليب مع البروتين ..

 

[nonlove]

السلام... للصمت حكايه الله يرحم أمد وموتى المسلمين و خلاص خلي صعدتج الدري بهدوء جدا وشوي شوي مره وحده ماتضر أن شاءالله.... وباربي انا شكلي بشرب هالبروتين موجود للصمت حكايه في الصيدليات وسيفكو وبعض الجمعيات... وانا حاليا الدكتور قالي وخري عن الدجاج واللحم فعايشه على الربيان والسمك...والقهوة مره وحده باليوم... بس وقت فتره الانتظار عقب الارجاع ما اشرب.... الدكتور قال كثروا خضروات وفواكهه...وانا قريت مهم الخيار والسفرجل.. ووخري عن البقدونس لأن يزيد الطمث.... وان شاءالله عقب الارجاع بخليه يقولي شنو اكل وشنو اشرب.... وان شاءالله الاثنين ترجيع الاجنه.....وفعلا حاليا بعد السحب بطني متفوخ ومعطيني الدكتور حبوب للغازات وملين... والله يكتب اللي فيه الخير يارب 

 

[زمرد Q8]

هلا لصمتي والله تجربتي الاولى ماصعدت الدرج كلشوانتي اذا عنج ميزانيه اخذلج شقه فندقيه ع البحر فيها اسنصير منها مايضيق خلقج بهالاسبوعين ومنها ماتصعدين الدرج ونون مو جنه الخميس السحب ليش تاخر دكتورج بالارجاعوباربي البروتين اخذه عادي وانا اطق ابر تنشيط يعني هل زينه لجودة البويضات