دوانيه شلة منتظرات نتيجه عملية اطفال الانابيب والحقن المجهري

[مش حائول]

انا ماكتبلي كورتيزون  بس الله يعينكم عالسمنه من وراها 

 

[زمرد Q8]

قوه بنات شلونكم باجر السحب باذن الله بسال بعد السحب يصير اشرب قهوه ومطاعم واخربط بالاكل قبل الارجاع والا ممنوع وشنو مفروض اسوي بهاليومين الي بين السحب والارجاع

 

[nonlove]

توني سألت الدكتور وقال بدال اربع حبات ٣ حيات لمدي اسبوعين وعقب حبتين بمدة اسبوعين وعقب حبه لمدة أسبوعين وعقب أوقف والله يسهلبالنسبه حق المتن واااااايد متنتني والله من جيذيه حسيت ابي اهدها وفعلا هذي اول مره استخدمها.... هلا زمرد الله يسهل عليج... والله انا بين الترجيع والسحب كنت اطلع واروح وايي لاني كنتي ادري بالحكره... بس اول يوم ماكنت اقدر لان بنج عام و كنت شوي تعبانه فارتحت بالبيت.... زمرد عند منو تعالجين؟؟؟ اللحين بالنسبه حق المجلس الطبي... انا دوامي غصب طيب يبون تقرير وانا ماابي اعطيهم قاعد افكر دكتورة فاطمه تسويلي تقرير وفيه السونار واعطي دوامي وعقب بمقابل المجلس الطبي اعطيهم مال دكتور ناصر.... والله يسهل يارب.... والله يسهل علينا يارب.... H انشاءالله بعد اسبوع تبشرينا يارب... للصمت المفروض هالايام تحللين وتطمنين يارب يارب وتبشرينا... مش حئول وزمردالله يسهل عليج الايام و تبشرينا بحمالجوطبعا باربي كامستغنى عنج والله يرزقج كل خير

 

[زمرد Q8]

حبيبتي نون مشكوره بس ماقلتيلي عن الاكل بعد السحب والقهوه والمطاعم بعد السحب للارجاعوهل مفروض امشي بعد واشرب ماي ولاعادي هاليومين فري

 

[H.al]

الزمرده انا اتذكر اخر سحب سويته تعبت اول يوم رس من ثاني يوم قمت اطلع امشي عشان سؤال لي بجسمج تطلع من بعد سحب اي اكلي لي تبينه عادي بس التزمي بالادويه لي يعطيج ياهم الدكتور وربي يسهل عليج ويفرح قلبج يارب نون اللهم امين يارب ... معنه مادري ليش البوم حاشتني بجيه من غير سبب والله يا نون انا الاسبوع الياي يبلش دوامي بعد جذب سنه كامله اقتنع زوجي اني ابلغ رئيسة قسمي والحمدالله ربي سخرها لي وكل يوم تدعيلي 

 

[BARBI]

حبي زمرد ربي يكتبلج الخير شربي بروتين وحاولي تمشين عشان الغازات عادي اكلي اللي تبينه .. 

 

[مش حائول]

نون معروف الكورتيزن ماتعدينه على طول بالتدريج الله يعينكمزمرده اذكر الايام هذي اكل الي ابي لاني عارفه اني بنحرم بعد كم يوم بس اهم شي الحبوب تداومين عليها 

 

[زمرد Q8]

مشكورين بنات نون شريت السفرجل قلت خل اجرب طعمه ماعرفت اكله هههههه شلون اكله مثل التفاح مع القشره والا بدون اقشره  

 

[BARBI]

اي عادي قصصيه واكليه نفس الكمثرى 

 

[زمرد Q8]

مع القشره ؟

 

[nonlove]

هلا زمرد.... أي يبا اكلي اللي تبينه... لأن انا كنت محرومه قبل السحب وكنت ادري بنحرم بعد الترجيع فالأيام اللي بينهم بدعت كليت وشربت وطلعت لاني وراي حكره.... القهوة بصراحه امتنعت من بديت الإبر من اول علاجي والحمدالله ليه اليوم ماشربت مع اني قبل كنت شوي اشرب... وانا ترى مدمنه قهوة فرنسيه عالريج وعقب قهاوي مع حليب بس الحمدالله امتنعت عنهم.... بالنسبه حق السفرجل انا اكله بدون قشره خدامتي تقول ماناكل القشر والله اول شي بالغصب بس عقب قمت اقصصه مع بوملي وقام ينبلع وانا أخذه من جمعيه مشرف واااايد ارخص كرتون فيه ٦ حبات ب ثلاث دنانير وشي.... وسيفكو وربعه حبتين بدينارين وشي..... H ليش الضيقه طلعي وروحي... بس لا تدوسين على روحج انا طلعتي ما تتعدى ساعتين اذا بتعشى واذا بيت امي اروح ورى صلاه العشا وارد بليل.... والله الايام تمشي اذا لهينا روحنا.... بس اذا قعدنا بنفكر ونقرى اشياء من النت وتتعب نفسيتنا..... وانا مااعتقد اداوم.... مع انه مكتبي بس فيها قومه وقعده وكتب وشغل شوي جايد هذي الايام فاخاف بصراحه وبظل مرضيات ليمه يكتبون لي تقرير واسوي مجلس طبي ان شاءالله.... وبعد فكرت بزحمه الشوارع خو عادي طريج بو ربع ساعه يصير ساعه ومااعتقد اقدر اقعد بالسياره ساعه..... والله يسهل يارب.... 

 

[H.al]

سلام بنات .... اليوم من قمت وانا بس ابجي ليش مادري ..... معنه الحمدالله الافرازات ودم واقف من يومين بس مادري ليش خايفه   .... مو عارفه وضعي لاني حامل ولاني مو حامل .... ودي اعيد تحليل اشوف هرمون شنو صار في ارتفع مارتفع ونفس الوقت قاعد اقول اخليها على الله ولي ربي كاتبه بصير ماجزعت من رحمت ربي بس  تعبت  .... بدت اعصابي تنهار 

 

[H.al]

مشكله ماعندي احدد افضفضله لا امي تدري ولا اختي ولا احد احس موضوع صعب ولي يدري مو طالع بيده شي ولا مقصر سامحوني بس محتاجه افضفض 

 

[مش حائول]

h حاسه فيك والله بس تعوذي من ابليس انتي حامل وببتم حملك ان شلءالله حاولي تلهين باي شي  لحد موعدك متى هو؟؟؟

 

[سمو النفس]

H كل ماتضايقتي افتحي القران واقرري واستغفررري وربي بيتم حملج ان شاءالله نون انا بعد الخامس لمن خلصت مثبتات قلت لدكتوري ماقدر كل يوم انطر على ماادخل اسووي سونار كان زحمه ننطر بالساعات قالي خلاص راجعي اي دكتور برا وضعج بالسليم ورحت لدكتوره ناهده العلي عندها عياده حييل ارتحت لها وولدتني بعد  

 

[سمو النفس]

الله يثبت مافي ارحامكم ويرزقكم باطفال سليمين معافيين جميعاً ويرزقنا الحمل والطفل السليم المعافي يارب

 

[H.al]

اعوذ بالله من بليس وأهله ...... سونار مادري يا الاحد او الاثنين اخر تحليل كان الاثنين وقالت سونار بعد سبع ايام فمادري اي يوم يصادف الاثنين او الاحد لازم شنو تشوف نبض ولا جنين .... الجيس شافته الخميس لي طاف 

 

[مش حائول]

h  يعني قبل اسبوع اخر موعد وشفتي الكيس النبض ماراح يبين يبيله 3 اسابيع  يعني لا تهافين اذا ماشفتي نبضه انا عن نفسي ماخليهم يسوون سونار مهبلي اخاف بصراحه فمعندي مشكله انتظر لين يبان النبض ويطول شوي اذا السونار خارجي 

 

[nonlove]

السلام عليكم ورحمه الله وبركاته.... H حبيبتي الله يهون هذي الايام يارب واللحين ويكند راح يمر بسرعه وراح تشوفين الجنين ان شاءالله واذا الله كتب النبض... بس من كثر ماقريت عادي حتى لو ماشفتي النبض عقب راح تشوفينه ان شاءالله... وانا معاج لا احنا بالسما ولا احنا بالارض ساعات افكر ليه عقب ٩ أشهر اني متى اولد ومتى اشياء وايد... وساعات اتكلم جني مو حامل و بدورلي نادي اروحله و بسافر بالصيف والسوالف والله مااللومج تعبنا تعبنا. كل موعد اقول اكيد برتاح وماكو نفس الحاله ماتغير شي على نفس الحاله.... والله يخفف علينا هذي الايام...... ومشكورين على دعائكم لنا.... انا أن شاءالله موعدي الاثنين اتطمن على الجنين يارب..... والله يسهل يارب 

 

[H.al]

مش حائول انا سالفتي غريبه عجيبه مشكله كثر مادورت حاله نفسي بالنت مالقيت يمكن ماتبعتي من الاول اول ثلاث تحاليل كان يرتفع الحمدالله دبل وجم مره ينزل دم على وبعدها صحيت يوم يمعه ولا دم مغرق ملابسي رحت طواري سوا تحليل هرمون نزل وقالوا اجهاض ورديت البيت وعدت تحليل بعد يومين ارتفع بس مو دبل كان يرتفع بنسبه ٦٠بالميه وهم دم مستمر وبعد ثلاث تحاليل قررت دكتوره تشوفني كان الخميس لي طاف وانا غاسله ايدي من الحمل لان هذي ثاني مره يصيرلي جذي  فقالت بسوي داخلي عشان تتاكد مو خارج الرحم يوم سوت شافت جيس حمل ورحم مليان دم وينقبض قالتلي رحمج يرفض الجنين ننطر لي الاثنين نشوف شنو يصير بهرمون اذا وصل ال ٢٠٠٠ كملنا على الادويه وننطر الحمدالله وصل ٣٣٧٢ بس اخر زياده مو حلوه اقل من ٦٠ بالميه زاد مشكله ان قتلها ليش من قبل ماسويتي فحوصات دام اجهضت اول مره قبل لا اسوي ثانيه ماردت على قالت هل مره نسوي ان شالله مادري يمكن موضوع طول وانا مافيني صبر ... ويمكن لي امر فيه هرمونات حمل والله مادري .... بس لي اعرف تعبت ومشكله اعرف نفسي ماراح اوقف لين يعجز طب .... بس هم تعبت حياتنا صارت كلها مستشفيات وعلاجات وتحاليل بيتي انمله ادويه ... ماصرت اعرف استانس باي شي