دوانيه شلة منتظرات نتيجه عملية اطفال الانابيب والحقن المجهري

[عيون عمشة]

هلا منوة ..
انا للحين ما عدت العمليه ..
ان شاءالله هالشهر باذن الله ..
لان الشهر الي طاف صارلي تخربط بالدورة واضطريت ااجللها ان شاءالله خيره..
وانتي متى بتعيدينها؟؟

 

[ذكرى الفراق]

الله يرزقكم الذرية الصالحة يارب
بنات اختي سوت عملية انابيب عند منصور العرف واليوم هو العاشر من ارجاع الاجنة امس نزل عليها افرازات بنية وبعدها دم احمر فاتح شوي ووقف وسوت تحليل هرموني اليوم تقول مافي حمل وطبعا تو الناس على موعدها 27 احر هالشهر عسى الله يرزقككم منو صار معاها جذي وحملت !!!

 

[ذكرى الفراق]

وينكم !!!!

 

[منوة الزين]

بشرينا ان شاءالله حملت

 

[M!Ss Smart]

مرحبا بنات شلوونكم

انا متاخره بالحمل واليوم نزلت عاي الدوره (
كنت اراجع عند دكتور لان التبويض عندي ضعيف وخذيت كلوميد وابر والتبويض يصير زين عندي بس سبحان الله مايصير حمل وزوجي للحين مافحص انشاءلله بيفحص هاليومين.
سؤالي اهو بنات انا واايد سالت عن التلقيح وانابيب ولاحضت ان الاغلب يفشل اول مره مادري ليش ؟؟؟ متردده اخاف اسوي وافشل وماستفيد واخاف ما اسوي وانطر والوقت يمشي مادري صراحه شسوي

 

[منوة الزين]

هلا سمارت
ثقي بالله انه هو الرازق
اذا فشلت مره معناه مو اخر الطريق سوي مره ثانيه
انا الاولى فشلت الثانيه نجحت الحمدلله
الله يررقج بالحمل

وبوضح لج نقطه اذا انتي مافيج شي وتبويض بعلاج ومن غيره زين
ان شاءالله تنجح

مثل ماقلت لج اول واخير الرزق على الله
ثاني شي اختاري الدكتور والمستشفى الناجح

 

[mashaeil.a.al]

الله يزقنا جميعا يارب عاجل غير اجل
انا جربت مرتين بالحكومه وماصار حمل والحمدالله وقريبا ان شاءالله بعيد التجربه ان شاءالله ودعواتكم لي
حبيت اسال عن افضل تحاميل تثبيت لان احس تحاميل الحكومه ماتصلح قوتهم 100 و3 مرات باليوم ابي تنصحوني بافضل تحاميل تثبيت
وجزاكم الله خير

 

[منوة الزين]

مشاعل
الله يرزقج وتنجح عمليتج القادمه
ويرزقنا وياج

 

[منوة الزين]

اذا تحسين متاذيه منهم او حسيتي انهم مايصلحون لج
قولي لدكتوره تغيرهم لج.. واذا ماكو غيرهم بحكومه
قولي اكتبي لي غيرهم احسن وافضل، واشتريهم من برا،...

 

[منوة الزين]

مساء الخير

 

[ماي الورد]

مساء النور
الله يفرح خواطر الجميع ويسعدهم يارب

 

[منوة الزين]

امييين

 

[منوة الزين]

مسسسسا الخير

 

[mashaeil.a.al]

صباح الخير اخواتي
اليوم ببداء تجربتي الثالثه دعواتكم لي وللجميع
والله يتمم على وعلى الجميع يارب
ابي استشيركم بشغله اليوم اخذت ابر وانا من قبل شهر اكل حبوب رويال جلي
تنصحوني اوقفهم ولا اكلهم مع الابر متردده اخاف تاثر على الابر شنو رايكم

 

[منوة الزين]

الله يتمم لج
وقفي كل شي مع العلاج

اكلي ماي وخيار ... من بدايه العلاج لين النتيجه

ابتعدي عن الاجبان ... ربي يرزقج

 

[ماي الورد]

خليج ع وصفه دكتورج فقط والله يسهل لج هالمره كل خير يارب انتي وكل الحريم

 

[عيون عمشة]

موفقه حبيبتي ..
انا مثلج امس بنات رحت للدكتوره وهاذي التجربه الثالثه الله يكتب لي الحمل فيها ياااا رب ..
هالمره غيرت وبديت مع الدكتوره اليزافيت برويال حياة ،،
وقررت انها راح تبلش معاي عالبروتوكول الطويل على قولتها يعني راح نبلش من 21 الدوره تقول جذي تزيد الفرصه معانا لبويضات اكثر وافضل شرايكم بكلامها والحمدالله نتيجه فحوصاتي وسوناري كله زين ربي لك الحمد بس هي قالت بتغير هالمره وتخليه من21 الدورة نبلش علاج وابر.. والحين اكتفت بفيتامينات لي وحبوب منع حمل لحد موعدي ولما سالتها ليش حبوب منع حمل قالت عشان ما يصير معانا تكيس..
اسأل الله التوفيق لي ولكم والله يرزقنا الحمل السليم عاجلا غير آجلا امين

 

[mashaeil.a.al]

الله يوفقج يارب ويتتم لج ولنا على خير ويفرح قلوبنا يارب عاجل غير اجل
ليش انتي اول كانت تجرب معج بالقصير وماتنتج بويضات واجد ولا كيف ليش حولتج على الطويل

 

[عيون عمشة]

الله يوفقج يارب ويتتم لج ولنا على خير ويفرح قلوبنا يارب عاجل غير اجل
ليش انتي اول كانت تجرب معج بالقصير وماتنتج بويضات واجد ولا كيف ليش حولتج على الطويل

اهلين حبي ..
انا اول تجربه كنت عند فوزيه القطان وكنت بالقصير معاها وثاني مره مجمد هم عندها وكلهم فشلو الحمدالله ع كل حال ..
بالعكس الحمدالله يا رب انا بويضاتي زينه لكن الدكتوره اليزافيت قالت نغير و نجرب هالمره عالطويل وان البويضات جذي تصير اكثر والله اعلم وانا وافقت نبذل مجهودنا ونتوكل عالله وباذن الله تنجح هالمره معاي ومعاج ومع الكل يا رب

 

[منوة الزين]

مشااءالله الله يوفقكم ويرزقكم ولايضيع تعب

مشاعل .. وين تراجعين الصباح؟

وشنو جربتي برنامج الطويل او القصير ؟