دوانيه شلة منتظرات نتيجه عملية اطفال الانابيب والحقن المجهري

[منوة الزين]

يالله لك الحمد والشكر



الله يبارك لنا في ما عطانا ...

 

[BARBI]

باجر حللي وبعدها بيومين عيدي التحليل
عشان تشوفينه تضاعف والا لا

مو شرط يتضاعف لانه انا ماتضاعف الهرمون عندي
واذكر سئلت دكتور وقالي 60‎ ‎%‎ مايتضاعف الهرمون عندهم ..

خلاص الحين ارتحتي وعرفتي النتيجه ..
كثري استغفار ..

وكثروا حمد ..

وربي يفرحكم بشوفت ضناكم بعد 9 شهور
وانتوا سالمين معافين ..

 

[H.al]

الف الحمدالله يارب
الله يتمم لنا على خير يارب ويثبت مافي ارحامنا ... كنت مفكره اداوم بس بعد الحين الزم ماعلى حملي

 

[H.al]

باربي بولدي ضليت ثلاث اسابيع كل يومين اعيد تحليل وكان يتضاعف بس تشخيص دكتورتي ان هذي طبيعه جسمي بس التزمت راحه تامه سبع شهور ماتحرك من مكاني غير بيت امي وبيت خالتي

 

[BARBI]

اي ديري بالج
ونصيحه اذا على الدوام اخذي مجلس طبي ..

مو شرط كل حمل عن حمل يفرق .. انا حملي الاخير
حيييييل تعبت فيه واخر شي ولدوني .. مع اني ماكنت بولد
بس صارت لي مضاعفات وخافوا علي قبل البيبي .. والحمدلله
ربي يحفظ البيبي ويطلعه بالسلامه ..

 

[H.al]

بنات يعني اعتمد على نتيجه تحليل اول مره اسوي تحليل بالبيت اخاف مو صحيح
ريلي مو راضي يوديني اسوي تحليل الحين

 

[منوة الزين]

لا عاد ضروري السبت تحليل المستشفى وتدخلين ع دكتورج

ويكملج كورس علاجج ... الله يتمم علينا بخير

 

[منوة الزين]

اي اعتمدي والحمدلله من بعد الله ....

 

[H.al]

منوه الزين دزيتله صوره التحليل وقالي اكمل على العلاج ... وان شالله باجر الصبح بروح اسوي تحليل هرموني
الف الحمدالله رب العالمين ودي اصرخ ابجي انا بالحمام مكرم سامع صرخت ريلي اخترع مسكين واهم شي تحليل حاطته جدامي مو مصدقه عمري
يارب تمم علينا وحفظ اجنتنا يارب وان شالله الخلقه تامه وحمل تسع شهور
مادري شنو اسوي بس ودي اقول حق ناس كلها انا حامل

 

[BARBI]

إن شاء الله اعتمدي اذا تعديتي عشر ايام خلاص

 

[H.al]

يرزق كل وحده تتمني الحمل يارب
الله لك الحمد وشكر يارب العالمين

 

[مش حائول]

الف الف الف مبروك h
ياربي يا بنات والله فرحتلكم
يارب يثبت اجنتنا ٩ شهور
وباربي الله يطلع ولدك بالسلامه وتشوفينه باحضانك
نون ان شاءالله المره الجايه تحملين وتبشرينا بنعطيك شهرين راحه وبعدين عيديها

 

[مش حائول]

انا مستغربه مافي الا حنا
محد سوى ترجيع وينتظر خل يقرا ااردود عشان يتفائل

 

[منوة الزين]

مشاءالله تبارك الله الحمدلله


h خلاص امشي على كلام دكتور

 

[H.al]

الله يبارك فيج مش حائول انتى كنتى بشارة التجمع
والله انا سويت ثلاث مرات وري بعض بس بين ثانيه وثالثه دوره وحده لي ريحت فيها اول تجربه كانت شهر ١٢ وتجربه الثانيه شهر واحد وهذي ثالثه بلشتها بشهر ٣ والله تمم على خير

 

[BARBI]

مش حائول كانو معانا بنات قبل سنه نفس هالوقت
والله تمملهم بالحمل وولدوا قبل شهرين او 3

عيون عمشه ومس زوز
واذكر فنر معانا بس اخذت قرار نهائي ماتبي تعيد التجربه عندها 4 بنات حمل طبيعي وكانت تبي ولد.. عسى إن شاء الله ربي يرزقها بدون عمليات ..

وهمن في جم وحده بس ماستمروا معانا ..

تميت انا ومنوة الزين ..

وبعدين بتجربة منوة الزين يت معاكم نون لوف وh وانتي

 

[BARBI]

الله يتمم لكم على خير .. ويكتب اللي فيه الخير لكم ..

ماكو الا انا اللي مستمره لووووووووووول

 

[منوة الزين]

اي قبل سنه كانو معانا

الله يذكرهم بالخير

فاشن ومشاعل، بعد اختفووو

 

[منوة الزين]

باربي حبيبتي

ان شاءالله مانقطع

ونستمر

وتفرحنا

نون لووووووف بعد جم شهر بحمالها

 

[H.al]

باربي انا كنت متابعتكم من اول تجربه لولدي ب٢٠١٥ بس ماكنت أفكر بمنتدي
ورديات قريت المنتدي يوم بلشت تجربتي من يديد بس بثالثه يوم شفت منو تابع عند دكتوره الزافيث قررت أسجل قلت نهون على بعض
اذكر ماي ورد وعيون راشد وعسل وأيد بنات واختفوا