^دياي بالعسل**تشلي هني**سهل ولذيييييذ حق العشا..^

[مدينه]

السلام عليكم..
شلونكم يا الطباخات الشاطرات؟؟
هذا الطبق ذقتة عند حمولتي اول ما تزوجت وخذيت طريقتة من طباختهم..عفيه جنه_03BA:
المقادير:
صدور دياي باكيت واحد مقطع صغار+طحين وملح
ملعقتين نشا+عصير ليمونه+نص علبة شطة
مشروم+فلفل اخضر+بصل ابيض
عسل
زيت للقلي
الطريقة:
نغطس قطع الدياي بالطحين والملح ونقليهم بالزيت ونحطهم بالمشخال
نخلط النشا مع ثلاث ارباع قلاص ماي وبعدين نحط معاه الليمون والشطة ونخلطهم على النار لين تصير الخلطة ثقيلة شوي
نييب مقلة كبيرة ونحمس فيها المشروم والبصل والفلفل اخضر واذا حبيتي شرايح طويلة زنجبيل تعطية طعم صيني(يفضل لوتقطع الخضار شرايح طويلة)
نخلط معاهم الدياي والخلطة مالت الشطة واذا اختلط كلة انحط آخر شي العسل حسب الرغبة(انا احط قفشتين او ثلاث واذوقة اذا ناقص او لأ)ونخلطهم دقيقتين على النار..ويقدم مع الجباتي اللي تسوينة بالبيت او المثلج..
ترا واااايد لذيذ لا يطوفكم..واللي جربتة تقولنا رايها.. وعليكم بألف عافية:bye22:

 

[cute-q8cat]

يسلموووووووو

 

[aloyaa]

تسلم الايادي ... بس الشطة تقصدين فيها دقوس قراش؟؟ والعلوب ولا بو ديج؟؟ ومشكورة

 

[مدينه]

تسلموووون على المرور..
قصدي دقوس قراش العادي بس ديري بالج من بوديج لان حدة حار ماصلح مع هالطبخة..وبالعافية

 

[غنوة ستايل]

تعرفين ذكرتيني باكله اكلتها في مارينا كريست نفس الطريقه بس كانت متروووسه زنجبيل ..
وعجبتني كثير شكلي بجرب طريقتج ،،،، احب الاشياء اللي فيها عسل و فلفل

 

[مدينه]

غنوة ستايل..قوليلنا رايج اذا سويتيها..وعليج بالف عافية مقدما:fun:

 

[جارة القمر]

مشكوووووره

 

[nice-girl]

مشكوووره

 

[hmama]

ممكن تكبرين الخط

مو واضح

 

[أم عزيـز]

تسلم اليادي حبيبتي
وعساج على القوه

 

[بنت الفقيد]

تسلم ايدج