حبيبتي عجبتني سالفة التذكره الاسبوعيه
بس شلون نفهم خريطة الميترو
و وين رحتي و كل مكان رحتي له شكثر كلفج ؟
و الف حياج بالديوانيه
شوفي حبيبتي خريطة المترو من اسهل ما يكوون لا تشيل همها نهائي
انتي تدخلين المحطه كاتبين اسمها بخط كبير تشوفنها وينها بالخريطة و تحددين وين بتروحين
راح اشرحلج بالصور
المحطة اللي عليها دائرة باللوون الاخضر اسمها
ESPALNED DE LA DEFDNSE
وهي اقرب محطة لسكنا تحتنا بالضبط تلاقين اسم المحطة داخلها بخط كبير علشان تحدين موقعج
اذا انا بروح الشانزليزية ارووح لمحطة
CHARLES DE GAULLE
و اهي تتعتبر بداية الشانزليزية
يعني تقريبا تخطين اربع محطات و كل محطة تمرين يمها يوقفوون فيها تقريبا 30 ثانية تقدرين تشوفين فيها اسم المحطة بخط كبير
يعني راح توقفين في
PONT DE NULLY
و ما تنزلين
و بعدين
LES SABLONS
و ما تنزلين
وبعدين
PORTE MALLIOT
و ما تنزلين
و بعدين
ARGENTTINE
و ما تنزلين
و المحطه اللي وراها على طول اهي شارل ديغوول و اهي بدايه الشانز تبين تنزلين فيها كيفج و اذا ما تبين
نطري بمكانج علشان يودونج المحطه اللي وراها و اهي GEORGE V و اهي وسط الشانز و المنطقه الحيه لأن الشانز حيل كبير
و جذي ترا انا شرحتلج حسب محطتنا او فندقنا
بس بقولج شغلة يمكن تغلطين فيها و اهي حيل ضروريه
ان لما تروحين المحطة راحح تلاقين قطارين عكس بعض يعني واحد يوديج المحطة اللي انتي تبينها واحد يوديج العكس
هاذي الصورة توضح
علشان جذي لازم تشوفين قبل ما تركبين المترو اللوحات اللي بنفس جهتج راسمين لج خط سير هذا المترو اذا لقيتيه العكس روحي للثاني الل صاير بعكسه و تأكدي قبل ما تركبين
اتمنى انج فهمتي علي لأن كل محطة فيها قطارين عكس بعض بنفس المكان يمكن تركبين بالعكس و يوديج محطات انتي ما تبينها فتضطرين تنزلين و تدورين فوق تحت بالانفاق و السلالم علشان تروحين الجهة الثانية اللي فيها قطارج و محطاتج اللي تبينها
طبعا هاذي جزء من الخريطة شرحت عليه مو كلها
و تلاحظين اني شرحت على الخط رقم 1 الاصفر لأنه المترو تقريبا14 خط بس الخط رقم واحد اهو الرئيسي دايما محطاته قريبة من الفنادق و فيه الشانز و قوس النصر و تلاقين بعض المحطات مثل CHALES DE GOULLE اللي بالصورة اللي قبل شوي متفرع منها خط رقم 6 يعني اذا تبين اي محطة برقم 6 و انتي برقم 1تروحين شارل ديغوول و و تنزلين فيها و تلحقين اللوحات اللي مكتوب عليها رقم 6 بعدين تلاقين المترو و تركبينه بحيث انج تروحين للمحطه اللي تبينها
لأن برج ايفيل مثلا مو بخط رقم واحد بخط رقم 6
انتي تروحين CHALES DE GOULLE اللي بالصورة اللي قبل شوي تنزلين فيها و تلحقين اللوحات اللي عليها رقم 6 لين توصلج للمترو و طبعا كل تحت الارض ما تطلعين علشان اذا طلعتي بالغلط راح تضطرين انج تقصين تذكرة مرة ثانيه علشان تدشين عند الانفاق
لما توصلين لرقم 6 تاخذين تقريبا 5 محطات تلاقين محطه اسمها BIR HAKEIM تنزلين فيها و تلاقين برج ايفيل فوق اهي مو طالع اسمها بالصور اللي فوق لأن انا قاصتهم مو كل الخريطة لأنها كبيرة بس اذا عندج الكبيرة راح تشوفين المحطة على خط رقم 6 لونه اخضر فاتح
ادري قرقرت وايد
بس صدقيني انتي بمكن تحسين انه صعبه و خاصة من كلامي بس صدقيني ما يبيله شي بس شويت تركيز و كل شي يصير تمام
ــــــــــــــــــــــــــــــــــــــــــــ
سؤالج الثاني صراحه
انا رحت قوس النصر لأن بالشانز تشوفينه و ما يكلف لأنه ببلاش توقفين يمه و تصورين
رحنا المتحف اللوفر و هذا رخيص اساسا و ترى عندهم يوم بالشهر يخلونه ببلاش سألي عنه لأني ناسيته اي يووم و ترى مو زحمة و اذا انتي عندج يهال و ما تحبون هالسوالف ترى مو لازم تروحون كله لوحات و اهو 3 اقسام احنا رحنا ربع قسم و تعبنا لان حيل كبير و ملينا لأن مو ميلونا بس قلنا لازم نروحله لأنه معلم حرام ما نروح
دزني ما رحنا لان ما عندنا يهال بس يقولون انها تونس لليهال والكبار
بس يبيلها عباله
لأن ما ينراح لها بالمترو لا بالرير و اهو قطار اسرع من الممترو و بعيدة و بعدين تذكرة القطار و الدخول غالية و حتى السكن يعني الدخول للشخص الواحد تقريبا 20 دينار غير تذكرة القطار و السكن
قلنا ماله داعي
قصر فرساي قالولنا كل جزء يبيله تذكرة بروح و سعر برووح الصالة سعر و الحديقة سعر و لازم تأجرين قاري ما ادري سيارة صغيره و اهي طبعا غاليه علشان تفرين بالحديقة و غيرفه الملك اغلى شي و المطبخ سعر
قلنا روحو زين ماعندكم سالفه لووول
اي سؤال انا حاضرة
بس تعبت
ما ابي اكتب بدون اسأله سأليني عن مكان معين وانا اقوولج من عيوني لأني رحت اماكن وايد :tek:
اي سؤال انا حاظرة
