ديوانية المسافرين الى فرنسا 2008 تعالوا نسولف و نستفيد

[ظلال القرآن]

انا حاطه جدول كالتالي
اليوم الأول: اكتشــــــــــاف لمنطقة الشانزلزيه+ساحة كونكورد

اليوم الثاني: الذهاب الى متحف اللوفر (Musée du Louvre) + اكتشاف منطقة الاوبرا ومنها الى مول الغاليري لافييت

اليوم الثالث : برج ايفل Eiffel Tour+ نهر السين + غابة بولونيا Bois de Boulogne

اليوم الرابع : قصر فرساي Chateau de Versailles+ اللاديفانس Grande Arche de la Défense
وهو يبعد عن وسط باريس تقريبا نصف ساعه والقصر يحتوي على حديقة كبيرة جدا يفتتح ابوابه من الساعه 9 ص _ 6 ونص م

اليوم الخامس : الذهاب الى دزني لاندDisneyland Paris+ لافيلاج اوت لت lavalleevillag
تبعد دزني لاند تقريبا 40 دقيقه عن وسط باريس وتحتوي على قسمين : حديقة دزني Disney land park
القسم الاخر: الاستديوwalt Disney studio


اليوم السادس : منطقة مونماتغ mont martre + الحي اللاتيني lequartier latin
المونماتغ هي اعلى منطقة في باريس وتبعد حوالي نصف ساعه

اليوم السابع : اخذ جولة بالباص السياحي الاحمر + يوم مفتوح

اصحاب الخبره وش رايكم ؟؟؟؟؟

اختي رفييف ممكن تساعديني بسكن مناسب ونظيف انا وزوجي و 4 عيال اكبرهم 12 واصغرهم 4 سنوات ؟؟؟

حلو برنامجج اسمحيلي ببوقه _03BA:

بالنسبه للسكن انا نفسج انا وزوجي وعيالي 4 وحجزنا هالفندق اخذنا سويتين
الواحد تقريبا ب 48 دينار
انا مجربته بميونخ اييييييييينن والغرف واسعه وكل غرفه عباره عن سويت تكفي 4 وراهيه عليهم
ومكيف واثاثه يديد مو مثل الفنادق الاوربيه العتيجه الي تلوع الجبد
شوفيه
http://www.suitehotel.com/suitehotel/fichehotel/gb/sui/3239/fiche_hotel.shtml


http://www.suitehotel.com/suitehotel/fichehotel/gb/sui/3239/fiche_hotel.shtml

 

[المحيلبية]

الله يوفق الكل تروحون وتردون بالسلامة صدقوني كل شي بفرنسا حلو 100% راح تستانسون انشالله!^ _^

 

[tahoona]

شلونكم بنات آنا مسافرة باريس وميونخ بعد اسبوعين ان شاء الله ودي أسأل جم سؤال ....
آنا في باريس بسكن في فندق كونكورد لافاييت وودي أستخدم المترو في تنقلاتي لاني عرفت أنه أرخص بوايد من التكاسي .... منو تعرف اسم المحطة اللي يم فندقنا كونكورد لافاييت وشلون أروح لها ...؟ عشان أقدر أستوعب الخريطة من الحين لأن خرعوني قالولي المترو صعب وما ينفهم خصوصاً لما تجابلين المكينة تتوهجين ما تعرفين تحجزين تذاكرج ... وبعد آنا إن شاء الله بروح دزني وفيرساي وهذيله شلون طريقتهم من نفس محطة المترو اللي يم الفندق ولا لازم أروح محطة ثانية آخذ فيها القطار ؟ وشنو أحسن تذاكر للمترو آخذهم للمدة اللي بقعد فيها وهي 5 أيام في باريس ؟

وبالنسبة حق الأسواق الرخيصة سمعت عن تاتي وسوق أبو كير وين هذيلي وشلون أوصلهم بالمترو ؟ وهل صج يسوون العنوة ؟
أدري مصختها بالأسئلة بس أدري فيكم ما تقصرون حبايبي وراح أدعيلكم دعوة سنعه باذن الله ...

 

[المزيونة^]

بنات معلومة بس عن متحف اللوفر ترى كله لوحات ومجسمات صح حلوة و فن فيها بس مفاصيخو ماتصلح لنا وكلش ما عجبني الوضع احلى شي الموناليزا و عليها زحمة حيل و اذا كان وياج يهال ما انصح تروحون له لانهم بيفتحون حلوجهم من كثر ما يشوفون هالمناظرو بالنسبة للي قالوا عن المترو ترى وايد سهل اهم شي انج تكونين عارفة الطريج االلي رايحة له و اسمه و جم محطة بتوقفين فيها و طريج الردة واسم محطتج اللي ركبت منها و انشالله تستانسون فيها

 

[الطش والرش]

خبيرات فرنسا..............سؤال لو سمحتوا

اروح مع قروب ولا ما تسوى يعني سهلة ان الواحد يعرف اماكنها

بلييييييييييييز فيدوني :tek:

 

[my_size]

خبيرات فرنسا..............سؤال لو سمحتوا

اروح مع قروب ولا ما تسوى يعني سهلة ان الواحد يعرف اماكنها

بلييييييييييييز فيدوني :tek:

بروح مع ريلي بروحنا و اول مره بدون قروب
اكششششششن و الله يسهل

بنات راجعة لكم و مشكورين على التفاهل يا عسولات

 

[ام مضاوي]

ومنكم نستفيد

وانا ناويه اروح اخر 7

بس جاري البحث عن عروض حلوه ولي الحين ماحجزنا

شتنصحوني فيه

واذا الميزانيه محدوده
انا وزوجي بس

 

[my_size]

ام مضاوي سوي مثلي مع ريلي

 

[النمساوية]

بنات في ناس انصحونا ناخذ فيزا المانية لانها ما تأخذ الا بس 3 ايام
ونقدر ندخل فيها فرنسا لانها من الاتحاد الاوربي

جربوا الحركة وادعولي استانس والله يشفي اخوي اللي رايح علاج

 

[ام مضاوي]

ماي سايز

شنو حركتج بالضبط؟؟؟

وانا ما اخذت اجازه لي الحين
ناطره زوجي ياخذ علشان احدد معاه
واهو صعبه لي الحين ماحدوو علشان طبيعة دوامه مو بكيفه

عاد حدي ما احب جذي

ياالشغله تتسهل ولا اكرها لي تعسرت

 

[ام مضاوي]

احنا باليوم الثاني ومافي رد

ناطره الرد منج ماي سايز

شنو طريقتكم

 

[مشمشة رمانة]

:tek:

شلونكم بنات آنا مسافرة باريس وميونخ بعد اسبوعين ان شاء الله ودي أسأل جم سؤال ....
آنا في باريس بسكن في فندق كونكورد لافاييت وودي أستخدم المترو في تنقلاتي لاني عرفت أنه أرخص بوايد من التكاسي .... منو تعرف اسم المحطة اللي يم فندقنا كونكورد لافاييت وشلون أروح لها ...؟ عشان أقدر أستوعب الخريطة من الحين لأن خرعوني قالولي المترو صعب وما ينفهم خصوصاً لما تجابلين المكينة تتوهجين ما تعرفين تحجزين تذاكرج ... وبعد آنا إن شاء الله بروح دزني وفيرساي وهذيله شلون طريقتهم من نفس محطة المترو اللي يم الفندق ولا لازم أروح محطة ثانية آخذ فيها القطار ؟ وشنو أحسن تذاكر للمترو آخذهم للمدة اللي بقعد فيها وهي 5 أيام في باريس ؟

وبالنسبة حق الأسواق الرخيصة سمعت عن تاتي وسوق أبو كير وين هذيلي وشلون أوصلهم بالمترو ؟ وهل صج يسوون العنوة ؟
أدري مصختها بالأسئلة بس أدري فيكم ما تقصرون حبايبي وراح أدعيلكم دعوة سنعه باذن الله ...

حبيبتي تهونة إذا بتسكنين في الكنكوردإتول لا تحاتين المتروفية محطة كبيرة ولا تخافين اول شي لا زم تثبتين شسم محطتج الاولى وتالي حددي جم محطة عقب الهدف.. واسم محطة الفندق إتوال فرقي بين الشارديقول إتوال وبين الكنكورد إتوال وشوفي تحت الفندق اكو سوق عود وفية بعد سوبر ماركت وايدحلو,, وبالنسبة حق دزني لاندتاخذين المترو من عندج بالفندق ومدتة ساعة إلا ربع لانة رأيسي ويوصل بعد المطار وبالنسبة حق المطار اكو بعد باص يوقف عند الفندق هذاحق لي يتو بتمشون ولة وقت محدد سالو الفندق عنه

 

[جاكليت]

بنات شنو اسم الرحلات اللي فيها طبيعه في باريس

يعني ابي اشوف جبال و خضره و شلالات ؟؟

 

[بدويه عيميه]

بليييز بنات ابي فندق رخيص و مريح و نظييف

 

[bambena]

400 تذكره للشخص ؟؟!! وايد غالي اذا للشخص

اللي تروح اول مره وخاصه اللي بتقعد شويه اخذوا الباص السياحي هوب اون هوب اوف تركبينه يفرج كل مكان والمكان اللي يعجبج تنزلين فيه واذا خلصتي تركبين الباص اللي وراه وايد حلو ومفيد

 

[بدويه عيميه]

و انا رايحة فرنسا انشا اللًة بس اقولوكم بنات سعر تذكرة المترو ب5دنانير او اربع ونص للشخص الواحد
و انا انصحكم تاخذوون المترو لأنه التكاسي نصابيين و قبل التكاسي ياخذون عشريين دينار بس الحيين اربعين دينار

 

[bambena]

المترو سهل اول مره ومرتين وبس خلاص ولو ان مترو باريس من اوصخ واقدم المتروات في اوروبا بس الناس تركبه عادي امان

اورو دزني اذا معاكم يهال وثقال قعدوا فبها ليله واذا خفاف لا والله روحوا الصبح وردوا بالليل انا جربت من اوتيلاتها النيوبورت ودزني

 

[bambena]

فنادق باريس غاليه طبعا اللي بالشانزلزيه

الوارويك

كالفورنيا

باور

دانييل

نصيحه بعدوا عن الكونكورد لافاييت بعيد عن الشانز وقديم ومليق ماحبه

 

[bambena]

من باريس تقدرين تروحين اي دوله بيوروب بالقطار وبسهاله ورخص

من اهم المناطق القريبه والحلوه واللي ممكن تروحينها بنفس اليوم

بروج ببلجيكا

ليل بفرنسا

هذيل اللي انا رحتلهم من باريس

رحت بعد فينيسيا بس طبعا مو مالت يوم واحد


اكمل بعد شوي

 

[my_size]

ماشالله اختي بامبينا مشكوره وايد على المتابعه
و انا بغير وجهتي كلها بفتر باريس اول يومين بخلص كلشي فيها بالكثير 4 ايام
و الباجي بدخل الدول المجاوره
اهمها بلجيكا علشان الكاكاو البلجيكي يم يم يم يم يم

راجعه لكم