ديوانية بيت العمر

[اخت فروحه]

شهرين :s141: شدعوه وانتو مو مسوين معاه عقد من البدايه بالمبلغ والمده:hjy5jewf:

اي والله شهرين زهقنا

وبالنسبة للعقد للمدة مادري والله
بس السعر قام يتحلطم وقال انا خسران والمواد ارتفعت وحنة هالعمال انتي عارفتها وخفنا اذا ما عطيناه يخرب الشغل الباجي

 

[اخت فروحه]

نسيت ابشركم طلعنا من المستشفى ولله الحمد والمنه :yaaaaaarb:

 

[اخت فروحه]

هلابنات
خلصت من غرفة الملابس
الحين صلحت ارضية غرفة النوم باركيه
مادري وش اسوي الجدران
باشتري مرتبة سليب هاي طبية
حابة تكون غرفتي مودرن
مادري ماحب الورق موعملي...الصبغ المقلم اعجني الذهبي مع الفضي المطفي لكن احس مايمشي مع المودرن كثير
صبغ الفولفيت مادري بعد ماحس نقشته تنفع مع المودرن عطوني صور او افكار
زوجي زهق لنا اسبوعين ننام عالارض وانا مشوشة

هلا فيج حبيبتي :

عاد المودرن اشكال والوان ويهبل انا كنت ابي كلاسك بس بديت اهون لما شفت صور المودرن

اخذي جولة في صفحات قسم الديكور اشكثر حاطين صور وطبقيها بألوانها وصبغها وكمالياتها

 

[..أم خدوود..]

ام خدود لو اأعرف أنزل صور جان اأتشوفين المطبخ بينيان المقصود أنة انبنى عواميد صغرة بالعشر سانتى وبنهم أبواب ألمونيوم ويبين السيراميك بين الكبتات انشاللة وصلت المعلومة
مشكوره على الرد والله ينولج الي بالج ياسنعه ومنعه

 

[sara3]

نسيت ابشركم طلعنا من المستشفى ولله الحمد والمنه :yaaaaaarb:

الحمد لله على السلامة
زغدى الشر

ديرى بالك من تغيير الجو والبرد

 

[sara3]

ام خدود لو اأعرف أنزل صور جان اأتشوفين المطبخ بينيان المقصود أنة انبنى عواميد صغرة بالعشر سانتى وبنهم أبواب ألمونيوم ويبين السيراميك بين الكبتات انشاللة وصلت المعلومة
مشكوره على الرد والله ينولج الي بالج ياسنعه ومنعه

هلا حبيبتى

قميظة الصور تنفع بنات وايد واتحل اشكالات وايد عندهم حاولى اذا عندك وقت تتعلمينمن قسم الحاسب

اهى صور خاصة ولا من النت ؟

 

[sara3]

هلا فيج حبيبتي :

عاد المودرن اشكال والوان ويهبل انا كنت ابي كلاسك بس بديت اهون لما شفت صور المودرن

اخذي جولة في صفحات قسم الديكور اشكثر حاطين صور وطبقيها بألوانها وصبغها وكمالياتها

نفس اللى بغيت اقولة

وشوفى رابط موضوعى هذا

http://q8yat.net/showthread.php?t=267804

 

[ام وهابي]

فروحه طالعين من الشر ان شاء الله
الالوان اللي اخترتيها للمطبخ وايد حلوه ولو مثل ما قالت ساره تحاولين ادخلين اللون الخشبي الفاتح يتراواي يطلع وايد حلو
اما بالارضيه تكون شكل الباركيه الفاتح او بالاكسسوارات وكراسي المطبخ

 

[ام وهابي]

انا حاطه موضوع بقسم الديكور عن المطابخ الاوربيه وفيها كم صوره مطابخ بنيان اروح ادور الرابط وارد

 

[سنعه ومنعه]

جمعةمباركة ا م وهابى

لوه جبدى هالكهربائى لى يومين أدق جهازةمغلق

ديكور الدور الأأول متعطل علية يعنى التتمديد مهم هالفترةوعطلنا


تكفووووون أى عندةكهربائى تنقذنا فية

أنطر

 

[اخت فروحه]

السلام عليكم :

صخة اليوم

بنتي ردت تعبت اليوم الصبح ووديتها الطوارئ وقعدنا ليما العصر بعدين تحسنت الحمدلله وطلعنا


المهم وانا بالمستشفى عيوني كله عالسيراميك ولاحظت ان الارضيات مايحطونها ابيض فطرى ابالي فكرة قلت دام احنا ماركبنا الارضيات ليش ما ابدل الابيض واخذ اللون الثاني اللي بالسيراميك يعني مثلا حمام البنات ابيض ومدخله معاه لون وردي فقلت اخذالارضية وردي وطبعا اشكر ام وهابي على هذا التنبيه والله يوفقها

وبالنسبة للحمام اياه اللي قلت لكم ان مكان المرحاض غلط الحمدلله وبعد مهاناااااااااااااة بدلناه بس شنو سوالف ومشاكل طلعت معاه من عازل وتمديدات صحي وتكسير سيراميك الحائط ونزل كوع البايب عالسرداب ووووووووووووووو
لكن الحمدلله بالاخير ضبط واشكر الاخت سارا على نصيحتها اني ابدله فعلا ارتحت نفسيا حتى ريلي استانس لكن قمت اخاف اطلب من ريلي يغير شي مرة ثانية لووووووووووول

مشكورين كل اللي نصحوني وافادوني وان شاء الله في ميزان اعمالهم

جني قرقت وايد ((شسوي محبوسه بالبيت مع هالبنوته وما عندي الا المنتدى لان عيالي الباجين طالعين مع عمامهم))

 

[صاحبة المعالي]

فروحه الحمدلله على سلامة البنوته
اخذي راحتج سولفي كثر ماتبين
انا مثلج هونت عن الارضيات البيضا .. و الفضل لام وهابي وخبرتها ماقصرت
​

 

[nono78]

فروحه الحمدالله على سلامة البنت

وصحه وعافيه ان شاء الله

 

[RuRu 1996]

حلوين حده ..!

يسلمووو

 

[سنعه ومنعه]

هاذى حالة كل اليهال فرووحة
منكثر ما اليهال ياخذون الأدوية صار ماكو مناعة كلش

شفتى اشلون الحمدللة والشكر قعدنا نلاحظ كل شى والكامية شغالة

مثلا شفت بمحلات الخالد ديكورهم صورتة وعيتة للديكور وسويتة لغرفتى

شفت حمامات الخيران بعد صورتهم وسويت نفس حواف الدش مو مرتفعين بأطار لا لا نازلين عن أرضية الحمام

وبعد زين غيرتى من أول شى صلحى قبل لاتسمنين أنا جذية بحمامى السباك القديم عافس لى الحمام وتوزيعنة ومع السباك الجديد شاطر وغير واضطريت اشيل الاعزل ونركب من جديد

يمالكم من سوالف التغيير بس من أول شى أحسن

الحين اوصل لمشكلتى وشكلى بغير الكهربائى المعفن وبيييب واحد غيرة الديكور ناطرة واهوو حقران من قلب راسى أحس بينفجر

بخلص حاطة ببالى اسافر بقضى شوط من التشطيب بسافر الصين تأثيث بس وبريح وزبتشرى حاسة بكبت

 

[الكرملين]

السلام عليكم
مشكوره سارونه على الديكور الحلوه
بااااي بس الي يبي يواصل معاي على الأيميل كااااهو:
nn-zz22@hotmaqil.com

 

[اخت فروحه]

هلا شيوخة بالنسبة لحمامات يكون ديكور جبس

 

[اخت فروحه]

دوني دوني دوني دوني

وينج ؟؟؟؟؟

لقيت طلبج بالنسبة للكراسي السينمائية

((الكترونيات اليوسفي ))

سن سيتي الشويخ

عندهم كل التجهيزات السينمائية من شاشات و سماعات واضاءات وكراسي

وعندهم تصميم ديكورات سينمائية

روحي شوفيهم وادعيلي

 

[سنعه ومنعه]

بندعيلج أخت فروووحةومن غير خدمااات

كلنا بحوسة اللة يعلم فيها عسى اللة يهون علينا وعليكم ,,,, حشاا ولااادة خخخخخ

حوستج شيوووخة بالديكور نفس حوستى بالكهرباء كل يوم منتف لة مكان وماشى على يوم ببط كرشة لوع جبدى

على ما أظن شيوخة طالبة انتى من الصين يالللة شدى على هالديكور علشان تبلشين بتمديدات الأرضية للكهرباء ومن بعدها تبليط الأرضيات والأبواب والصبغ

ما نقولكم صرنا مقاوليين خخخخخ

 

[اخت فروحه]

هلا سنعه

انا افكر بعد التقاعد افتح شركة مقاولات ( الكويتي انفع )

ها تشاركيني ؟؟؟

والله نصك على احسن شركة