ديوانية بيت العمر

[Stylist]

السلام

بنات بغيت اسأل وقلت انتوا اهل خبرة ان شاءالله تفيدوني:gathering:
ابي وول بيبر راااقي بس مو غالي لأني من النوع المملول باجر اروح اشلعه واحط غيره :dddds:
اللي اعرفه ان ينباع بالرول مو بالمتر والرول عبارة عن خمس امتار صح ...........؟

ووين القى وول بيبر حلو وراقي بس مو غالي
انا سمعت عن الصراف والعالمية منو عندها فكرة عن اسعارهم وجم الرول تقريباً........؟
واذا في محلات ثانية قولولي

ومشكورين عسى الله يهنيكم ببيوتكم

 

[صاحبة المعالي]

والله مع ان شقه مو بيت بس نفس الحوسه اللي انتوا فيها
العمال ميننين حبيبي .. يوم ايون وعشره يلبسونا
انا حدي متملله ابي اخلص
قلت هاليومين اشوف لي غرفة النوم
اشرايكم آخذ .. نجاره و الا جاهزه ؟
​

 

[سنعه ومنعه]

وحدة وحدة بالدور يا كمااااعة مش كدة

بتقمص شخصية مقاول

أخت فرووحة أشدعوة ما قالللى المساح نفتح شركة هههه قلت لة أنا قادرة على بيتى بالأول وتالى أشوف بيوت العالم

بس عادى صار خبرة

وأول بيت أقظبة بيت الأهل بيسكنون بيت جديد يبيلة شغل قايلة لهم أنا أمسكة لا أحد يقص عليكم

دهنا بمكبتنا

شيوخة .... فية تمديدات كهربائية ارضية ويتم دفان هالاسلاك برمل ومن بعدها الأرضيات
أنا هاذا ألى صاربالدور الأول
ييي
يعنى شغلة تركيب الأرضيات للدور الأول مو سهلة من يجيكم السيراميك تكونين محضرة الرمل نساف كبيييير وأسمنت
ويكون معلم تركيب الأرضيات مكلم واحد عندة راااافعة عوووودة يحمل الأغراض لى فوق بس حساب هالرافعة مووو علييج ,,, على مركب السيراميك

صااحبة المعالى اللة يسهل عليج وعلى ريلج وتسكنوا عشكم الجميل وتجيبوا فراااخ مأطأطيييين يختى عليهم

 

[سنعه ومنعه]

ستايل مالة مثيل

فية محلات أول شارع تونس مقالبل مجمع البحر

فية سطرة محلااات خاصة بالهسوالف

 

[سنعه ومنعه]

كمل مشوااايرى

مشاوير يا قلب العنا

أشرايكم بمطاابخ الشويخ الحديثة ,,, للمطبخ الرئيسى

لفيت المطابخ وعجبنى شغلهم دخل مزاجى

يعنى أحد تعامل معاهم ؟؟

فيدونا

وهاذا كيشن أند كيشن دق على بعد قلت أخذ قياس وبقارن بين الأثنين؟؟

فيدونا

ما أرجع الاا أشوف الرد زاهب
يلا من رخصتكم

شربوا شاى على ما أرجع حطيتة لكم على الطاولة

أمحق ضياافة

 

[اخت فروحه]

مراحب :

ستايل ماله مثيل الصراف زوغة بس ما انتبهت للاسعار خذيت فره فيه وشفت الموجود يهبل واشكال والوان

عندج الدعيج بشويخ وحولي جبال مجمع البحر




سنعه ومنعه زين نبهتينا على حساب رافعة الرمل لان المقاول قص علينا ودفعنا حساب السيارة الكبيرة ((مادري شسمها ))



صاحبة المعالي والله ماجربت الجاهز كله نجارة بس هالمرة ودي اخذ جاهز يكون جوذة وابيها موديرن بس مادري من وين

 

[اخت فروحه]

بنات منو جرب الومنيوم الواوان ؟؟ اشرايكم فيه ؟؟لانهم كانوا معطينا عرض سعر بالصيف والحين دقوا علينا يقولون الاسعار نزلت وفرق عرض السعر بحدود الفين

 

[اخت فروحه]

سنعه :

ما شفت المحلات الي قلتي عنهم ماعندي فكرة

 

[اخت فروحه]

كويتيات بغيت رايكم كلكم وحدة وحدة تجاوبني بليز :
غرفتي النوم مسويه خلفية السرير ديكور جبس فبحط السرير المرتبه بس والكبت لقيت عند علي فؤاد الغانم كبتات موديرن توصل لي السقف وتكون طلبية من امريكا فمحتارة بالكومودينو والتسريحة من وين اخذهم هل في محلات تبيعهم بروحهم او افصلهم نجارة ؟؟ مادري احس النجارة ما يضبطون الموديرن؟؟ وهل فيمحل نجارة زين ؟؟؟

 

[أوركيدا]

السلام عليكم بنات @ انا اخت اوركيدا حبيت انظم للدوانيه علشان استفيد من خبراتكم الرائعه

تونا مبلشين بالبنيان صار لنا 3اسابيع بس @الله يعين ويسهل @

 

[sara3]

مساء الخير

اشلونكم حبيبات قلبى ؟؟؟؟؟؟؟؟؟؟؟؟؟؟؟
ها كل شى تمام فى الديوانية.الامن مستتب؟؟؟؟؟؟؟؟؟؟؟؟
انا اليوم عندى شغل وايد قاعدة ارتب الكتب اللى عندى فى البيت
البيت بينفجرعندى 3 غرف فيهم مكتبات ملوت ايكيا وطافحين.قاعدة اجرد كتب وايد راح اتبرع فيهم لمدارس العيال

وفى كتب حق الصليب الاحمر

وفى كتب عزيزين على قلبى . كبروا على عيالى.خاطرى احتفظ فيهم شسوى من عندها فكرة ؟؟؟؟

الحين سين سؤال فى الفلة اليديدة بتخلون مكتبة حق الكتب ولا كل واحد كتبة فى دارة؟؟؟؟؟؟

 

[sara3]

السلام عليكم بنات @ انا اخت اوركيدا حبيت انظم للدوانيه علشان استفيد من خبراتكم الرائعه

تونا مبلشين بالبنيان صار لنا 3اسابيع بس @الله يعين ويسهل @

هلا اختى حياك اللة معانا

بس ليش ما يكون لك اشتراكك الخاص علشان البنات لاتتخربط في تفاعلها معاط

مرة ثانية ولكمو

 

[DooNy]

مساكم الله بالخير جميعاً

اخت فروحه الحمدلله على سلامة بنتج وماتشوف شر

شنو آخر أخباركم وين وصلتوا ؟

سارا بالنسبه لسؤالج المكتبه شي ضروري بالبيت بس ما يمنع نحط مكتبه صغيره بالدار للكتب الخاصه

 

[Stylist]

ستايل مالة مثيل

فية محلات أول شارع تونس مقالبل مجمع البحر

فية سطرة محلااات خاصة بالهسوالف

تسلمين ياقلبي عالرد...ماقصرتي:ggdw:

بس بنات اللي عندها فكرة عن الأسعار بليز تقولوي بجم الرول تقريباً

 

[Stylist]

سنعه ومنعه
صراحه ماعندي فكرة عن مطابخ الشويخ
بس اللي عجبني شغلهم وشايفته ابيت اهلي صج رووووعه مطابخ الرياض وبعده الفارسي
والله يوفقكم ان شاءالله


اخت فروحه
تسلمين حبيبتي عالرد وشوقتيني اروح اشوف
وبالنسبة حق غرفتج دام ان مختاره ستايل مودرن ماانصحج تسوين شئ نجارة بيطلع مو متناسق
روحي ذا ون او اي ديزاين عندهم كل شئ ينباع بالقطعه وان شاءالله بتلقين الستايل اللي يمشي مع غرفتج

 

[اخت فروحه]

مساكم الله بالخير جميعاً

اخت فروحه الحمدلله على سلامة بنتج وماتشوف شر

شنو آخر أخباركم وين وصلتوا ؟

سارا بالنسبه لسؤالج المكتبه شي ضروري بالبيت بس ما يمنع نحط مكتبه صغيره بالدار للكتب الخاصه

الله يسلمج


شوفي الصفحة السابقة بالنسبة لكراسي السينما

 

[ام تحب عيالها]

اهلين سارا كيفك حياتي

عرفتيني انا رقابة المواقع وغيرت اسمي

ايش مسويه مع بيتك

انا لاعت كبدي من بيتي للحين ماسكنه فيه

 

[اخت فروحه]

سنعه ومنعه
صراحه ماعندي فكرة عن مطابخ الشويخ
بس اللي عجبني شغلهم وشايفته ابيت اهلي صج رووووعه مطابخ الرياض وبعده الفارسي
والله يوفقكم ان شاءالله


اخت فروحه
تسلمين حبيبتي عالرد وشوقتيني اروح اشوف
وبالنسبة حق غرفتج دام ان مختاره ستايل مودرن ماانصحج تسوين شئ نجارة بيطلع مو متناسق
روحي ذا ون او اي ديزاين عندهم كل شئ ينباع بالقطعه وان شاءالله بتلقين الستايل اللي يمشي مع غرفتج

مشكورة عالرد
بس اي ديزاين وين صاير ؟؟

 

[DooNy]

دوني دوني دوني دوني

وينج ؟؟؟؟؟

لقيت طلبج بالنسبة للكراسي السينمائية

((الكترونيات اليوسفي ))

سن سيتي الشويخ

عندهم كل التجهيزات السينمائية من شاشات و سماعات واضاءات وكراسي

وعندهم تصميم ديكورات سينمائية

روحي شوفيهم وادعيلي

ياعمري ما قصرتي خوش بشاره عاد انا مريت سوني بسن سيتي مافكرت امر اليوسفي

ان شاءالله أمرهم بأقرب وقت انا تعاقدت مع شركه نسيت اسمها بس معروفه يركبون البروجيكتور والشاشه البيضا وتوزيع الصوت كامل وأخذت من آرت كازا ليتات الأرضيات حق الممرات
والحوايط يمكن أمر الصراف للديكور يقولون عندهم عوازل الصوت الي تتركب على الطوفه مثل السينما باقيلي بس الكراسي

مشكوره على اهتمامج وعسى الله يبارك لج في بيتج وعيالج وتسكنون بالصحه والعافيه :tek:

 

[اخت فروحه]

مساء الخير

اشلونكم حبيبات قلبى ؟؟؟؟؟؟؟؟؟؟؟؟؟؟؟
ها كل شى تمام فى الديوانية.الامن مستتب؟؟؟؟؟؟؟؟؟؟؟؟
انا اليوم عندى شغل وايد قاعدة ارتب الكتب اللى عندى فى البيت
البيت بينفجرعندى 3 غرف فيهم مكتبات ملوت ايكيا وطافحين.قاعدة اجرد كتب وايد راح اتبرع فيهم لمدارس العيال

وفى كتب حق الصليب الاحمر

وفى كتب عزيزين على قلبى . كبروا على عيالى.خاطرى احتفظ فيهم شسوى من عندها فكرة ؟؟؟؟

الحين سين سؤال فى الفلة اليديدة بتخلون مكتبة حق الكتب ولا كل واحد كتبة فى دارة؟؟؟؟؟؟

هلا سارا

ان بحط كل واحد بغرفته