ديوانية بيت العمر

[مشاعل]

انا بسوى دورين ونص سرداب

 

[وصايف لو]

مسـآء الخيرات وهلا فيكم جميعا
ها شخباركم شنو ماسوين مع البنيان؟؟؟؟؟؟
وأعذروني بعدم حضوري الديوانية بأستمرار والله مشاغل مع هالبنيان والحمد لله رحت وحددت أماكن افيش الكهرب واماكن الحمامات أعزكم الله طبعا التحديد يكون بصبغ رش ولون صاخب

 

[وصايف لو]

مساء الخير

انا تونى قاعده الف على المكاتب الهندسيه فياريت الى بنت بيتها تقولى تقريبا كم كلفها الاسود والتشطيب
وهل السنترال من ضمن التشطيب والا لا ؟
انا ما عندنا الا 25 الف

وبياخذ زوجى 20 وانا 20

يعنى بيصير عندنا 65 الف ممكن ناخذ بعد 10 يعنى 75 الف تعتقدون يلى بنيتو يكفى ؟؟؟

انا مساحه بيتى 400 متر

وجزاكم اللة خير

أهلا وحياج الله أختي مشاعل
انا بنيت ثلاث ادوار بدون سرداب كلفني الاسود 35 الف وللحين ماشطبنا
و65 الف يبني بس دورين ويشطبها أكيد بدون سرداب وممكن يزيد شوي حسب التشطيبات اللي انتي تبيها , وبلاش توهقي نفسج بهالقروض وانا أختج واذا كان حال بيتج زين ابني علية او رميمية أفضل لان البنيان مثل النار ياكل الاخضر واليابس والله يكون بالعون وان شاء الله البنات يفيدونج

 

[فديت قلبه]

ان شاء الله لما يطلع لي بيت بعد جم قرن ادش اشاااارك معاااكم
يااااااااااااارب بيت قريب والله المستعااااااااان على الشقق

 

[مشاعل]

وصايف

والله انا محتاره

ودى ابنتى البيت لان نصرف فلوس على خاربيط مالها معنى

ودى اعمر لى بيت

مشكوره ع الرد وانتظر بعد مشوره الباقى

والله كريم

 

[sara3]

هلا مشاعل انتى تبين تبنين
دورين ونصف وسرداب .ممكن المبلغ يكفى دورين ونصف اذا تشطيباتك مو مبالغ فيها الحين الكل يصيح من البنيان الفقير والغنى .بس مع السرداب ما اظن يكفى .وحطى فى بالك ان ما عندك حديد واسمنت وطابوق مدعوم.

شوفى هذى الحسبة على اساس دورين ونصف ومساحة البنيان الاجمالية 900 متر مربع

متر مساحة البنيان مشطب وخالص تقريبا 84 دينار (ديلوكس)

مساحة البناء تقريبا 900مترمربع
التكلفة =900x 84
= 75,600 الف

مستوى التشطيبات يمثل ثلثين القيمة الاجمالية لتكلفة القسيمة
السبيعن راهية على دورين وربع

ديلوكس = ارضيات جرانيت /رخام سلم رخام المونيوم نوعية جيدة يعني مستوى
تشطيبات متوسط

وشوفى ردود واراء البنات وموفقة حبيبتى

 

[sara3]

ان شاء الله لما يطلع لي بيت بعد جم قرن ادش اشاااارك معاااكم
يااااااااااااارب بيت قريب والله المستعااااااااان على الشقق

حبيبتى خليك متفائلة وماكو شى يركض مثل العمر بس القهر ان اللى تبينة فى بيت العمر وانتى صغيرة غير عن اللى تبينة بعدين

 

[مشاعل]

صباح الخير
اشكر كل الى رد على

ومن فيكم جرب مكتب الشتلى ؟؟

واشلون المكتب ؟ احس ان اسعارهم غاليه بس ريلى يقول احس انهم خايفين الله

الى جربهم يقول اشلون التعامل معاهم

ومن عندها مقاول زين ويخاف الله لتبخل على

وعساكم ع القوه

 

[مشاعل]

هلا مشاعل انتى تبين تبنين
دورين ونصف وسرداب .ممكن المبلغ يكفى دورين ونصف اذا تشطيباتك مو مبالغ فيها الحين الكل يصيح من البنيان الفقير والغنى .بس مع السرداب ما اظن يكفى .وحطى فى بالك ان ما عندك حديد واسمنت وطابوق مدعوم.

شوفى هذى الحسبة على اساس دورين ونصف ومساحة البنيان الاجمالية 900 متر مربع

متر مساحة البنيان مشطب وخالص تقريبا 84 دينار (ديلوكس)

مساحة البناء تقريبا 900مترمربع
التكلفة =900x 84
= 75,600 الف

مستوى التشطيبات يمثل ثلثين القيمة الاجمالية لتكلفة القسيمة
السبيعن راهية على دورين وربع

ديلوكس = ارضيات جرانيت /رخام سلم رخام المونيوم نوعية جيدة يعني مستوى
تشطيبات متوسط

وشوفى ردود واراء البنات وموفقة حبيبتى

مشكوره حبيبتى

بس انا بسوى دورين فقط ونص سرداب

دورين ما يكفونا ريلى يبى ديوانيه وانا بخلى السرداب استقبالى

وحتى لو ما كفى التشطيبات ممكن اخلى السرداب اشطبه بعدين انا مو مستعجله عليه

 

[sara3]

مشكوره حبيبتى

بس انا بسوى دورين فقط ونص سرداب

دورين ما يكفونا ريلى يبى ديوانيه وانا بخلى السرداب استقبالى

وحتى لو ما كفى التشطيبات ممكن اخلى السرداب اشطبه بعدين انا مو مستعجله عليه

هلا مشاعل نصيحة اذا ناوية اتسوين سرداب سوى سرداب كامل احسن دامك ناوية انك اتشطبينة تالى

قيمة السرداب تكون نفس قيمة الدور الارضى زائد 10 الاف :eh_s(6):_03BA:

 

[مشاعل]

سارا

احس عندج فكره فى البناء

ناوى اعصرج عصار خخخخخخخ

ميخالف تحملينى شوى

الاسود بيكون مقاول طيب التشطيب اشلون اكمل مع المقاول والا انا اشتغل بروحى شنو الافضل ؟

يعنى ايب كل شى بروحه مثل الصباغ والكهربائى وغيره ؟

 

[مميزة خلقة]

بنات الحين مافهمنا ايهو احسن من حيث الجوده والاستمراريه البورسلان ولا الرخام وصج انه اشكالهم متشابهه مافي مقارنه؟

 

[sara3]

سارا

احس عندج فكره فى البناء

ناوى اعصرج عصار خخخخخخخ

ميخالف تحملينى شوى

الاسود بيكون مقاول طيب التشطيب اشلون اكمل مع المقاول والا انا اشتغل بروحى شنو الافضل ؟

يعنى ايب كل شى بروحه مثل الصباغ والكهربائى وغيره ؟

هلا مشاعل انا اقترح مثل ما قلتى انتى اتوفرين المواد واتييبين كهربائى وصحى وعامل ديكور وغيرة

موفقة حبيبتى واى سؤال انا حاضرة باللى اعرفة

 

[sara3]

بنات الحين مافهمنا ايهو احسن من حيث الجوده والاستمراريه البورسلان ولا الرخام وصج انه اشكالهم متشابهه مافي مقارنه؟

هلا حبيبتى كل نوع لة ميزاتة الرخام فخم وراقى حلو حق الاستقبال بس لازم اتنقينة حبة حبة لان العروق ودرجات اللون تفرق شوى .والبورسلان عملى وارخيض وفية تنوع وايد واشكال والوان وارخص من الرخام .فالمسالة مسالة ذوق وميزانية بالاساس

 

[sara3]

صباح الخير

اشلونكم بنات واشلون البنيان معاكم كل شى تمام صامدين ولا دايخين

 

[sara3]

المهم انا طحت على موضوع حق عضو باحد المتنديات ذاكر تجربتة فى البنيان راح احاول بهاليومين اعدل فية واقتبس منه شغلات تفيدكم

نطرونى :eh_s(6):_03BA:

 

[مشاعل]

صباااح الخير

ان شاء الله باجر استلم الخريطه واشوف تعجنبى والا فيها تعديلات والله يعينا

سارا

بانتظارج

 

[مميزة خلقة]

بنات قولولنا شنو الهبه بالبنيان وشنو الالوان للبيت من الخارج اخوي يقول بيج بس احس بايخ والكويت كلها بيج نبي شي فنتك وشنو افكاركم للسرداب اذا كان اهو للاستقبال افكر اقسم السرداب استقبال وشوي غرفه للبوفيهات بس بس احس مدري شلون اذا كانت نزلت الدرج على طول بصالة الاستقبال شلون بكره البوفيه والخدمه رايحين رادين عالحريم هالشي مو داش مخي

 

[ريناد9]

هلوووووووووووووو


شخباركم شحوالكم...

انا انقطعت عنكم فترة بسبب الوفاه في عيلة زوجي ...

شخبار البنيان ..

احنا بعدنا ما صبينا باجر يحددون اماكن كهرباء مالت السقف بنات حبيت اسئلكم

انتو بتحطون المراوح ولا

 

[مشاعل]

ريناد

محد يحط مراوح الحين


انتظرى رد باقى البنات