ديوانية بيت العمر

[رحله عمر]

ام وهابي عندي سؤال عن الجبس اناكله اطالعه واخاف منه حتى اني افكر ماحط جبس في بيت العمر السؤال هل الجبس آمن هل هو يتحمل الحراره والبرد ومايطيح فوق روسنا مع الوقت وهل الجبس انواع لاني اسمع صوت من الجبس لما اروح بيت حماي احس راح يطيح فوقهم بس مأدري متى

 

[اخت فروحه]

بنات وانتم من اهله توني داشه الديوانيه واقاكم طالعين
يلا اسولف وياكم بكره
حبيت اسال فروحه وسافانا ليش اسالتكم عن المطابخ وبس انتوا اللحين وين وصلتوا بالضبط ما تبون ديكورات جبس حلوه
راح انزلكم صور من جهازي وتشوفونهم بكره


نوم العوافي

صباح الخير :

ام وهابي انا خلصت الاسود وبلشنا بالمساح بس لما بغينا نمدد الكهرباء للمطبخ احترنا والكل يقوللي سوي المطبخ من الحين عشان تمديد الماء والكهرباء واهو مال المطبخ نفسه قال المفروض من الحين ويسوي مخطط للكهرباء والماي ويعطيه للكهربائي والصحي

وبالنسبة للديكورات والله جنج حاسة فيني امس بالليل كنت اقول حق نفسي ابي اطلب منكم صور ديكوات وشنو الدارج الحين مشكورة حبيبتي :tek:

 

[sara3]

صباح الخير

كلام ام وهابى سليم بالنسبة للديكور
لاتخلين تركيزك على شى واحد جمعى صور من الحين التشطيبات فيهابنود وايد

تمديدات الكهرباء

تمديات الصحى

العازل

النوافذ

البيبان


الدرابزين خشب حديد

الارضيات والحوايط

السور

باب الفلة الرئيسى

الديكور

التكييف

الخزاين الجدارية

الاصباغ

حطى دفتر وسجلى العناوين

وخلى لك فولدر حطى فى الصور اللى اتجمعينهم

وفولدر للصور اللى اعتمدتيهم,هالفولد اترحلين لة الصورة اللى خلاك اوكى بعد مناقشتها من جميع الاطراف

خليك منظمة حتى لى يا وقت الشى ما تتدودهين

ما نسيت شى ام وهابى ذكرينى:cxxxp:

 

[sara3]

بالنسبة للديكور

مثل ما شفتوا الصور اللى حطتهم ام وهابى فى الكلاسيك وفى المودرن

فانتى لازم اتعرفين شنو تبين كلاسيك ولا موديرن

فى ناس اتحط الاستقبال موديرن واتحط غرف النوم حديث يعنى يجمعون النوعين

اخليكم اسوى تصبيرة حق بنتى

 

[اخت فروحه]

صباح الخير سارة اشوه لقيت احد معاي
شنو بعد المساح بما انج بنيتي قبلي ؟؟؟ عشان ادور صور

 

[اخت فروحه]

قولولي الصولرة امينه ولا لأ

 

[sara3]

امبينة ياعسل

 

[sara3]

انتى ما قلتى لى ريلك يبنى بروحة ولا شركة اللى ماسكة البيت

 

[sara3]

اخليك همسة

 

[اخت فروحه]

احنا كان المقاول ماسك الاسود بدون مواد والحين خلص واتفقنا مع مساح يمسح البيت يعني احنا اللي نمشي مو شركة بس اول مرة اسمع عن الشركة شنو يعني اهي اللي اتييب المقول والمساح والكهربائي جذي تقصدين ؟؟؟ احنا جذي افضل ونكون ضامنين ان المواد اللي نختارها درجة اولى

 

[اخت فروحه]

سارة طرى ابالي بالنسبة لجمعتنا نقدر نحدد المكان والموعد عالخاص ولا اشرايج ( قطة ويه خخخخخخ)

 

[sara3]

سورى
كتبت رد اشطولة وطار

بالنسبة للجمعة عادى مثل ما قلتى على الخاص وخليها لظروفها

فى ناس تبنى بروحها

وفى ناس الشركة تبنى لهم الاسود وهم يشطبون

وفى ناس على المفتاح مثل حلاتى ما نقدر انجابل

 

[sara3]

انا عندى اشوية ملاحظات ما دام انتى بالاسود

سوى لك نقطة كهرباء ليت على جدار صينية الدرج واحد احتياط مو بالسقف علشان لااحترقوا الليتات سهل اتصلحينة وامن حق اليهال لايطيحون علامة يتصلح اللى بالسقف

 

[sara3]

اذا عارفة وين مكان الكونسول من الحين حطى اضاءة جانبية من الصوبين خل يسلك لها الكهربائى

اذا بتحطين لوحات او تبسترى وعارفة مكانهم فى الاستقبال حطى لهم اضاءة جانبية فى الجدار
من الحين

حطى نقطة كهرباء فى الممر حق مكنسة , دريل اى شى بدل ما العامل يدش الغرفة علشان يبى كهرباء

 

[sara3]

اذا تبين اتسوين فجوات جدارية سوى من الحين وانتى فى الاسود

اذا تبين سيفون الحمام بالطوفة من الحين قولى حق العامل مال الصحى يحفرون لة فى الطوفة وترى يبى واحد شاطر

اذا بتسوين كبت بالطوفة من الحين حددى علشان لايصير فوقة ليتات ولا اتحطين ديكور وتتكلفين وهو منخش

 

[sara3]

وانا اتصفح النت يبت لكم هذى الاسعار للجبس

تركيب أسقف وبراويز جبسية:


المواصفات


توريد وتركيب براويز عرض (10 سم) و بلاط جبسي (جبس ايراني) ، ثم يتم مساحه بالجبس ليصبح شكله مستوي(جبس كويتي) .

سعر المتر المربع شامل التوريد و التركيب (1.750 د.ك) للسقف السادة .

* تحسب البراويز المترين متر مربع.

** يحسب الكورنيش (1.750 د.ك) بالمتر الطولي.

*** يحسب الجسر الصناعي ( 2.250 د.ك) بالمتر الطولي.

**** تحسب البرديات ( 2.250 د.ك) بالمتر الطولي.

 

[sara3]

ديكورات اسقف

 

[sara3]

شى يفتح النفس

 

[سافانا]

السلام عليكم

كيفكم بنات سارونه ولاعليك امر بغيت محلات ديكور او مواقع لهم تكون بالكويت .

وبغيت اسوي قبب بالديكور تتوقعون تطلع حلوه والالا .

 

[سافانا]

أم وهاب دزييت لك رد عالخاص والضاهر انو ماوصل شيكي وقولي لي