ديوانية بيت العمر

[nono78]

اشلونكم بناااااااااااااااااااات

شخباركم

 

[ام وهابي]

شلونكم بنات
ادري طولت عليكم بس مو مني من الدي سي ال مو راضي يشبك مدري من الغبار ولا برمجته تعبانه
طبعا رحت ابيات وصراحه مت من القهر تدرون ليش لاني عجبني عندهم الموزاييك الزجاجي وكنت فبل ادوره وما حصلته
والله روعه شويه عليه
الموزايييك اشكال وانواع واحد احلى من الثاني والمغاسل اشكالها تهبل وبعد الخلاطات الي على شكل مربع عجيبه
واسعارهم غويلين حبتين بس على شي يسوى صراحه
الاصباغ عنهم الجوتن وهمبل والجزيره سالت عنها وعن الفلفيت بس ما عندهم ولا يعرفونها
ورق الجدران عندهم تشكيله حلوه بس احسها ما تناسب الاستقبال تصلح حق المعيشه او غرف النوم
خذيت حق غرفه بنتي ورق جدران سعر الرول 6 دنانير وفيه 10 امتار وعرضه 55 سم
وفيه ارخص تقريبا 4 وفيه اغلى 12 دينار
اكثر شي شد انتباهي عندهم الاضاءه فظيعه وافكارها حلو واغلبها مودرن
بنات اللي يبنون اللحين روحوا شوفوا المغاسل واختاروا من اللحين تدرون ليش كذا مغسله اعجبتني لكن للاسف التمديد الصحي ما يمشي وياها لان بعض الموديلات التمديد الصحي يكون على زاويه وطاوله المغسله على جنب
اخت فروحه عندهم سيراميك حمام يصلح لحمام الضيوف او غرفه الماستر لونه موف او خمري لمعه فضيه وشكله يبين ورق جدران
مو سراميك وحاطين وياه مغسله لونها فضي وجنبها حاطين كرسي منجد مخمل فضي فاتح صراحه اعجبتني
وكنت ناويه اصورها لكم بس الكاميرا الموبايل ما رضت تشتغل قهرتني
احسها تهبل للناوين يحطون اثاث كلاسيك نفسك
اخترت الالوان لغرف العيال وطبعا اخترت لون واحد لكل غرفه خفت من اني اكثر اللوان وتطلع الغرف لويه من الالوان واصلا الغرف ما تحمل صغيره 5*4
اخترت الالوان الورديه الفاتحه للبنات والبنت الكبيره لون اخضر فاتح والاصغر ورق جدران احمر مع الاسود والاوف وايت
بنقشات الوررود وجهه مخطط نفس الالوان
غرفتي لحد اللحين ما قررت بس ابشوف االاثاث شنو بعدين اقرر

 

[شيوخه]

أنا عندي سؤالعفيه ردوا أنا توني خلصت المساح و بببلش التشطيب يصير نبلش الديكور وتركيب سيراميك الحمامات الحين مع هالجو زوجي رافض وانا مصره عشان ما نتأخر شرايكم

 

[ام وهابي]

بنات منو تعرف مصانع بيروت للاثاث وين مكانه وشلون شغله بسرعه الله يخليكم
اسمع ناس تمدحه بس يقولون غالي حيل احد يعرفه او سمع عنه بليز ضروري

 

[ام وهابي]

اشلونكم بناااااااااااااااااااات

شخباركم

اهلين نونو شخبارك ولهنا عليج شخبار المطبخ خلص ولا لسه

 

[حبـك سـراب]

امبيه جنهاا قصر كـــــــــــــــــامل....

 

[ام وهابي]

أنا عندي سؤالعفيه ردوا أنا توني خلصت المساح و بببلش التشطيب يصير نبلش الديكور وتركيب سيراميك الحمامات الحين مع هالجو زوجي رافض وانا مصره عشان ما نتأخر شرايكم

انا انصح انك تسوين الديكور اول وبعدين السيراميك لان االسيراميك يبيله فراراه وايد وبالجو صراحه ما يساعد انا السيراميك بديته بشهر سبعه بالموت والحر والخيسه وتعبنا حيل فما بالج اللحين حر وغبار
وانتي براحتج وتخيلي زوجج بيقابل العمال وقت تركيب السيراميك طول اليوم وما يغيب ولا دقيقه عنهم علشان ما يحوسون الشغل
الديكور شغله اخف شوي وما يحتاج مقابل وايد لانه يطول بالتركيب اذا العامل الديكور يصب الديكور عندكم
انصح بالديكور الاول بعدين السيراميك

 

[شيوخه]

شلونك أم وهابي من زمان ما مريتي أنا قلت لكي على أبيات وقلت مدري راحت ولا لا على العموم أشوه انك شريتي بس ترى السيراميك كله أنا حاجزته من الشايع صراحه تصاميمهم روعه ويعطوني التصميم ما على العامل الا ان اهو يركبه فما يندره يضبطه والا لا

 

[جوكليت بار]

حمام الاستقبال ومغاسل الضيوف جربي ارتكازا الخام ما ادرى الاسيوية ولا الى يمة شوفى داونى ايش ماخذة ومن وين الرخام اللى نتحطينة شنة عندك الكريم مارفل وعندك انواع ثانية ما تحضرني الحين اهم شى ان مافى عروق وايد لان مع الزمن راح تطلع فية عروق فيصير تو مش وبعد نقطة ان مكان معروف لان الرخام مصيبتة ان مو كل الصناديق نفس الشى تلقين لمن بيركبون يفرق عن بعض شوى لانة طبيعى فديرى باللك شرطى عليهم اى شى ما يعجبك وغير ياخذونة.الشايع حلوشغلة عندة الستاندرد الامريكى نايس انا خذت منة البديهات حق العيال وخذت بانيو البنات عندك تايلز اند مور خذت المغاسل حق العيال وعندك شى شغل الكويت هم حلو خذتة للشقق والسرداب طبعا كل هذا اطقم حمامات

بمر ارتكازا وبشوفه ,, و الشايع عجبني لأن وااايد فخم وشغل راقي
بروح وبقارن
والرخام صاجه آنا راح اكون منتبهه على شغلة الأختلاف ,,

ناطرة دوني تزودني بخبرتها

 

[جوكليت بار]

اي بنات ماقلت لكم عن بيتي
عباره عن سرداب ودورين ونص
الأرضي عبارة عن صالات مفتوحه ومطبخ تحضيري وجناح صغير فيه غرفه ماستر وصاله صغيرة لأم ريلي اذا بتنام عندنا
والأول جناح لي وغرف عيالي ,, خليته بس طابق للنوم والراحه
وسكرت نص السطح بخليه معيشه ,, خليته صاله واسعه درايشها كبار تطل عالسطح ومطبخ تحضيري
وحمام تكرمون ,, والسطح حاطه في بالي البسه سيراميك ملون خشن وازينه بالزرع يصير شكله حلو وشرح
لأن درايش معيشتنا تطل عليه
والخدم لهم غرفه وحمامها وغرفة غسيل لها باب عالسطح ,, يعني استغليت السطح عدل مدل:ggdw:

 

[اخت فروحه]

مرحبا بنات
اشلونكم ؟ شخباركم ؟ ان شاء الله بخير

 

[سافانا]

 

[سافانا]

 

[سافانا]

باركي لي سارونه


طلع المشكله بسيطه

مثل ماكنت ماابي بس باست وكوبي بدون مااروح للعلامه الصفراء وطلعت على طول .

 

[سافانا]

يالله الحين عطوني رايكم


بالبيت والي له ملاحظه عفيا يقولها

وخاصة الواجهه شنو يصلح على شكل البيت

 

[DooNy]

بنات منو تعرف مصانع بيروت للاثاث وين مكانه وشلون شغله بسرعه الله يخليكم
اسمع ناس تمدحه بس يقولون غالي حيل احد يعرفه او سمع عنه بليز ضروري

مصانع بيروت ما عليها كلام معروفه وشغل نظيييييييف وجوده وتعتبر من أقدم المناجر بالكويت ومن الأوائل بعد وحالها حل ديكورات الخالد وموبيليات الصباح ومنجرة الطيب وكلهم مو رخاص ويعتمد السعر على نوع الأخشاب المستعمله
ومكانها يا محفوظة السلامه بالشويخ وين الغنام مو أول لفه يمين ثاني لفه جنج رايحه سن ستي بس لا تلفين يسار كملي سيده اييج تقاطع تروحين يسار ويصير مكانهم هم على ايدج اليسار مبنى كبير مكتوب عليه الأسم

 

[DooNy]

أنا عندي سؤالعفيه ردوا أنا توني خلصت المساح و بببلش التشطيب يصير نبلش الديكور وتركيب سيراميك الحمامات الحين مع هالجو زوجي رافض وانا مصره عشان ما نتأخر شرايكم

لا حبيبتي هدي الوضع لا تستعيلين ترى انت الخسرانه خل يتعدل الجو شوي وخلي البيت يريح على الأسود لوشهرين ولا ترى بتحوش البيت بطوط مالها والي :dddds:
وعلى هالجو العمال بيركبون أي كلام بس علشان يخلصون ماراح يتحملون الحر والغبار وأنتو ماراح تقدرون اتجابلونهم عدل

 

[DooNy]

بمر ارتكازا وبشوفه ,, و الشايع عجبني لأن وااايد فخم وشغل راقي
بروح وبقارن
والرخام صاجه آنا راح اكون منتبهه على شغلة الأختلاف ,,

ناطرة دوني تزودني بخبرتها

هلا حبيبتي

بالنسبه لي انا ما افكر اروح عير حسن أبل ليش؟ عندهم خدمه وسيرفس قوييييي وقت البيع ومابعد البيع وهذا مهم باجر انكسر شي او اخترب اييونج على طول
انا مسويه معاهم عقد مشروع كامل بالتالي:
1- تمديدات الصحي (صناعة سويسريه) البايبات الي على شكل هوز تصير مرنه يعني لا بغينا انغير بايب ولا تمديد شي بس فك وسحب مافيه تكسير سيراميك وطوف

2- السيراميك للحمامات تكرمون وأدوات صحية وسيفونات مخفيه لازم تتركب وقت الأسود الي تصير بالطوفه والأدوات الصحية معلقه يعني لازم تتركب المساميير (الهولدر) وقت الأسود

3- الباركيه والرخام (الباركيه صناعي) علشان يغنيني عن سالفه التشميع والتلميع ومايشرب ماي وراح يكون بالطابق الأول (طابق غرف النوم والمعيشه) والرخام أخذته طبيعي للسرداب والأرضي مع الدرج والرخام عندهم أشكال وألوان وأسعار انا أخذت مرمر واخترت الألواح الي تصير متشابهه وبما ان ما كفت الكميه إلي موجوده عندهم اطلبولي من بلد المنشأ بس حرصت انهم يصورون لي الألواح وأشوفها قبل الشحن علشان تتطابق مع الي عندي

4- الشبابيك الألومينيوم عندهم جوده ممتازه تعزل الجو الخارجي عن الداخلي يعني لو اتحطين ايدج على الدريشه ما تحسين بحرارة الجو بره ونفس الشي عن الغبار

5- الأرضيات الخارجية للحوش والسرداب الساقط سيراميك خشن مناسب للجو الخارجي يعني مخصص لعوامل الجو

والله بعد نسيت شنو أخذت اهم ماقصرو سوولي كوتيشن كامل وملف خاص يعتبر عقد مشروع كامل وخدمتهم ممتازه

ارتكازا اخذ منهم حجر بركاني طبيعي حق الطوف الخارجية مو كلها مجرد ديكور مو اكثر اماكن معينه يعني

أي شي ثاني انا حاضره

 

[DooNy]

اي بنات ماقلت لكم عن بيتي
عباره عن سرداب ودورين ونص
الأرضي عبارة عن صالات مفتوحه ومطبخ تحضيري وجناح صغير فيه غرفه ماستر وصاله صغيرة لأم ريلي اذا بتنام عندنا
والأول جناح لي وغرف عيالي ,, خليته بس طابق للنوم والراحه
وسكرت نص السطح بخليه معيشه ,, خليته صاله واسعه درايشها كبار تطل عالسطح ومطبخ تحضيري
وحمام تكرمون ,, والسطح حاطه في بالي البسه سيراميك ملون خشن وازينه بالزرع يصير شكله حلو وشرح
لأن درايش معيشتنا تطل عليه
والخدم لهم غرفه وحمامها وغرفة غسيل لها باب عالسطح ,, يعني استغليت السطح عدل مدل:ggdw:

الله يبارك لج فيه ان شاءالله

 

[DooNy]

مرحبا بنات
اشلونكم ؟ شخباركم ؟ ان شاء الله بخير

هلا حبيبتي شلونج شنو آخر مستجداتج ؟