ديوانية بيت العمر

[DooNy]

يالله الحين عطوني رايكم


بالبيت والي له ملاحظه عفيا يقولها

وخاصة الواجهه شنو يصلح على شكل البيت

لا اله الا الله تبارك الرحمن عساه منزل مبارك

خليني احط الصوره جبالي و أقولج رايي بالتكسيه الخارجية للبيت اشتصلح لها

 

[DooNy]

حسيت سيجما الي مضروب زجاج وايد بيصير حلو مع الدرايش بيصير روعه

 

[DooNy]

بما إنا تطرقنا للرخام هذي صور يوم رحت أختار الألواح من المخزن





على فكره مو هذا الرخام الي انا مختارته هذي صوره عامه للمخزن

 

[اخت فروحه]

هلا حبيبتي شلونج شنو آخر مستجداتج ؟

هلا والله
ماكو جديد خلصت كل السوالف اللي عندي والحين عندنا مساح

بسأل عن الارضيات وحدة تقولي ان احلى شي للاستقبال الجرانيت المربع الكبير الابيض اشرايكم ؟
يعني تتوقعون احلى من الرخام ؟؟؟؟

 

[DooNy]

هلا والله
ماكو جديد خلصت كل السوالف اللي عندي والحين عندنا مساح

بسأل عن الارضيات وحدة تقولي ان احلى شي للاستقبال الجرانيت المربع الكبير الابيض اشرايكم ؟
يعني تتوقعون احلى من الرخام ؟؟؟؟

والله ما أدري ما اعرف شكله إذا عندج صوره حطيها وعموما انا أحب الأبيض علشان جذي اخترت المرمر الأبيض يعطي وسع للمكان وبعدين حجم القطع يعتمد على مساحتج من تعطينهم الخريطه راح يقطعون الارض على شكل مربعات واساسا يعتمد على حجم الألواح علشان ما يكلف المشتري طلبيات اكثر
وترى اكبر حجم لقطعة الرخام الي راح تتركب 70في70 وانا طلبت متر في متر ما نصحني قالي راح يصير صعوبة بالنقل والتركيب لثقل القطعه وراح تصير احتمالات للكسر يعني راح اطلب طلبيات تعويضيه على حسابي

 

[DooNy]

هذا الجرانيت الأبيض ما احسه يصلح شكله جنه سطحة مطبخ

 

[DooNy]

شكلي بروحي بالديوانيه وينكم بنات

 

[سافانا]

هلا وغلا دوني ماشء الله عليك

مجتهده بالضيافه بالديوانيه

يعطيك العاافيه

ماادري بلنسبه للواجهه السيجماء الي يلمع قصدك

 

[DooNy]

هلا وغلا دوني ماشء الله عليك

مجتهده بالضيافه بالديوانيه

يعطيك العاافيه

ماادري بلنسبه للواجهه السيجماء الي يلمع قصدك

اي والله شفتي بس لأن بصراحه شي حلو نفيد ونستفيد وحاسه بالبنات الي توهم بادين مو انا كنت ماكلتها قبلهم وكنت أعاني من الفراره ومافي من ينصح :0bee2e8d89:

السيجما الي تصير فيها برقه زري بس خفيف شفته في بيت اول ما هبو فيه قبل 6 سنين او أكثر كان روعه ولي يومج ما أشوف منه وايد

 

[اخت فروحه]

اشلونج سافانا شخبارج ؟؟؟

 

[مهااوى]

الله يوفقكم وانا تووووووووووووووووووووو الناس ع البيت كله من السي سيد مو عاجبه شيء الظاهر يبي المريخ

 

[DooNy]

مهااوي الله يرزقج بالبيت الي تحلمين فيه

 

[سافانا]

هلا والله اخت فروحه من زمان عنك

وين الغيبه

شنو اخر اخبارك

 

[سافانا]

دووني الله يوفقك على النصايح

بس ماادري الزري احس مو مال بيت مال ثياب (ولو اني مااحب الزري في كل شي)

ودي احط حجر بس الضاهر ان الميزانيه ماتستحمل ومالنا الا السيجما

بس عفيا اذا تعرفين احد يبي يبيع حديد قولي لي عليه(ارتفع سعر الحديد بالعالي)

 

[DooNy]

دووني الله يوفقك على النصايح

بس ماادري الزري احس مو مال بيت مال ثياب (ولو اني مااحب الزري في كل شي)

ودي احط حجر بس الضاهر ان الميزانيه ماتستحمل ومالنا الا السيجما

بس عفيا اذا تعرفين احد يبي يبيع حديد قولي لي عليه(ارتفع سعر الحديد بالعالي)

لوووووول ضحكتيني على زري الثياب لا كلش مافي مقارنه :dddds:

ان شاءالله من عيوني والله يعين

 

[سافانا]

والله قاعده اتكلم جد كرهت الزري

حتى الورد قامو يحطون عليه زري والاكل بعد (طبعا للزينه)

السالفه مصخت احس الدنيا صارت زري

وعالعموم مشكوره

 

[سافانا]

دووني حبيبتي سؤال بما انك خلصتي بيتك

اشلون بالنسبه لبلاكات الاباجورات الي يم السرير

هل اني احدد من الحين وين احط السرير واحط يمه البلاكات

 

[سافانا]

يالله تصبحون على خيييييييييييييييييييييييييييييييييير

واحلاماا سعيده

 

[جوكليت بار]

هلا حبيبتي

بالنسبه لي انا ما افكر اروح عير حسن أبل ليش؟ عندهم خدمه وسيرفس قوييييي وقت البيع ومابعد البيع وهذا مهم باجر انكسر شي او اخترب اييونج على طول
انا مسويه معاهم عقد مشروع كامل بالتالي:
1- تمديدات الصحي (صناعة سويسريه) البايبات الي على شكل هوز تصير مرنه يعني لا بغينا انغير بايب ولا تمديد شي بس فك وسحب مافيه تكسير سيراميك وطوف

2- السيراميك للحمامات تكرمون وأدوات صحية وسيفونات مخفيه لازم تتركب وقت الأسود الي تصير بالطوفه والأدوات الصحية معلقه يعني لازم تتركب المساميير (الهولدر) وقت الأسود

3- الباركيه والرخام (الباركيه صناعي) علشان يغنيني عن سالفه التشميع والتلميع ومايشرب ماي وراح يكون بالطابق الأول (طابق غرف النوم والمعيشه) والرخام أخذته طبيعي للسرداب والأرضي مع الدرج والرخام عندهم أشكال وألوان وأسعار انا أخذت مرمر واخترت الألواح الي تصير متشابهه وبما ان ما كفت الكميه إلي موجوده عندهم اطلبولي من بلد المنشأ بس حرصت انهم يصورون لي الألواح وأشوفها قبل الشحن علشان تتطابق مع الي عندي

4- الشبابيك الألومينيوم عندهم جوده ممتازه تعزل الجو الخارجي عن الداخلي يعني لو اتحطين ايدج على الدريشه ما تحسين بحرارة الجو بره ونفس الشي عن الغبار

5- الأرضيات الخارجية للحوش والسرداب الساقط سيراميك خشن مناسب للجو الخارجي يعني مخصص لعوامل الجو

والله بعد نسيت شنو أخذت اهم ماقصرو سوولي كوتيشن كامل وملف خاص يعتبر عقد مشروع كامل وخدمتهم ممتازه

ارتكازا اخذ منهم حجر بركاني طبيعي حق الطوف الخارجية مو كلها مجرد ديكور مو اكثر اماكن معينه يعني

أي شي ثاني انا حاضره

زين والله كل هذا عند حسن ابل ؟ بمرهم الأسبوع الياي ان شاءالله

انزين دوني ماقلتيلي عن حمام الأستقبال اذا ابي شي فخم ؟ ارت كازا شلون مستواهم ؟ مثل الشايع ؟

ويعطيج العافيه حياتي ماقصرتي نخدمج بالأفراح يارب

 

[جوكليت بار]

الله يبارك لج فيه ان شاءالله

ويبارك لج في بيتج ويجعله منزل مبارك عامر بأهله باذن الله