ديوانية بيت العمر

[ضاويهq8]

مرحبا بنات .. احنا تو طالع لنا ارض في مدينة جابر ... حبيت اسال الارض في جابر يقولون انها سبخه فهل هي تساعد ان الواحد يبني سرداب اقصد اللي يسمونه سرداب ساقط يعني مو حيل نازل بالارض انا خاطري بالسرداب يساعد في انج تاخذين راحتج في التصميم مثلا المطبخ يكون تحت وغرف الخدم والغسيل وجناح اخليه للدواوين .... بيتنا بطن وظهر والارض مستطيله ما هي مربعه وناس كثير يقولون الارض المربعه احسن بالتصميم ... زوجي مفكر يخلي جهة البيت الداخليه خاص لمدخل النساء والجهه الخلفيه لانها على ساحه تكون خاصه للرجال يا ترى بالتصميم اذا قسمنا البيت قسمين يكفي لنا من المساحه لغرفة معيشه والمطبخ (في حاله اذا ما بنينا سرداب )يا ليت اللي قسايمهم مستطيله يفيدونا

 

[اخت فروحه]

السلام عليكم اشلونكم؟
ام وهابي حبيبتي ودي افيدج بس للاسف ما وصلت لمرحلة الاثاث

ضاوية:حياج الله ياقلبي
بالنسبة للسرداب عادي اذا سبخة لان في شاليهات عالبحر وحاطين سرداب وعندج المنقف هم قريبة من البحر وحاطين سرداب بس اهوا التكلفة راح تكون اكثر في هالحالة
بالنسبة للبيت اللي بالطوا انا اللي اسمع انه افضل بالتصميم مو مثل ماتقولين. انا افضل السرداب لان يعطيج مجال بالوسع لما تحطين الدواوين فيه واذا ماتقدرون عادي يصير تحطين استقبال الحريم بالواجهه الداخلية والرياييل عالجهة الثانية وفي تصاميم وايد حلوة بس اهم شي حاولي لاتضيعين المساحات عالفاضي يعني لايكون في ممرات ودواعيس وايد وبالتوفيق واذا اي استفسار حاضرين احنا بلشنا قبلج وممكن نفيدج وتتحاشين اخطاء البنيان قد ماتقدرين

 

[sara3]

اهلين سافانا:
اللي بعد العظم الاسود الصحي والكهربائي بعدين الطرطشة ثم المساح بعدين المساح ثم التكييف بعده الديكور والسيراميك

مساء الخير


كلام سليم اخت فروحة

 

[اخت فروحه]

اليوم نقلت لكم صور طاولات جدارية ياريت تعجبكم

 

[sara3]

مرحبا بنات .. احنا تو طالع لنا ارض في مدينة جابر ... حبيت اسال الارض في جابر يقولون انها سبخه فهل هي تساعد ان الواحد يبني سرداب اقصد اللي يسمونه سرداب ساقط يعني مو حيل نازل بالارض انا خاطري بالسرداب يساعد في انج تاخذين راحتج في التصميم مثلا المطبخ يكون تحت وغرف الخدم والغسيل وجناح اخليه للدواوين .... بيتنا بطن وظهر والارض مستطيله ما هي مربعه وناس كثير يقولون الارض المربعه احسن بالتصميم ... زوجي مفكر يخلي جهة البيت الداخليه خاص لمدخل النساء والجهه الخلفيه لانها على ساحه تكون خاصه للرجال يا ترى بالتصميم اذا قسمنا البيت قسمين يكفي لنا من المساحه لغرفة معيشه والمطبخ (في حاله اذا ما بنينا سرداب )يا ليت اللي قسايمهم مستطيله يفيدونا

السرداب اذا عندك تكاليفة ممتاز والقسيمة المستطيلة افل من المربعة ما تضيع فيها مساحات حتي المطبخ المسكر المستطيل افضل

بالنسبة لتقسيمك ممكن وراهى خاصة انك تقولين ان بالاضافة للصالات راح يكون عندك بس معيشةومطبخ

واذا فى مطبخ بالسرداب لا تنسين اتسوين اصانصير حق الاكل وبالتوفيق يا ضاوية

 

[اخت فروحه]

 

[اخت فروحه]

اشلونج سارة شخبارج؟ بلشتي بالاثاث والسيراميك؟؟
اقري مشاركتي في الديوانية عن السيراميك لما خذيت جوله عالمحلات

 

[sara3]

شلونكم بنات وشلون الديوانيه
ادري طولت عليكم بس واله اللحين مو قادره حتى احك راسي من كثر ماني مشغوله بتاثيث البيت
احترت حدي بغرف النوم حق عيالي ودي بغرف جوده وبنفس الوقت شغلها خفيف وحلو للاسف السوق كله ما تحصلين خشب كله ان بي اف اللي يقولون عنه كرتون حتى المحلات الغاليه رحت لها ما حصلت والتفصال كله خشب مو اصلي
وشغل اي كلام والجاهز شغله بالزخرفه اوفر واسعارهم بالعلالي عفيه الي تعرف محلات حلوه حق غرف النوم ومتوفر عندهم نظام نفر ونص مو اطفال وخشبهم زين تقولي ناطرتكم

ام وهابى

عندك شغل النجارة منجرة الصباح والخالد وغيرها من المناجر المعروفة

بالنسبة للجاهز مو كلهم ام دى اف

فى عندك الاسرة اللى تكون حديد مشغول

وفى عندك السرير الامريكى شغلهم حلو اذا اتسوين لهم خلفية على الجدار اللى يسمونة ديكور راس السرير ,وما اقول الا ربى يعينك ويوفقك فى اختياراتك

 

[sara3]

اليوم نقلت لكم صور طاولات جدارية ياريت تعجبكم

خوش فكرة حق الغرف اللى مساحتها صغيرة تسلم ايدك:ggdw:

 

[sara3]

سافانا

مثل ما قالت اخت فروحة نفس الترتيب

لفى الحين عادى وسوى لك خريطة اى فور واخذيها معاك ولازم اتعرفين المساحات اللى عندك الارضيات غير والجدران هذا بالنسبة للحمامات


وارضيات الغرف لاتنسين النعل المحل يقص هم لك ارتب

واذا عندك حارس عادى تشترين واتخلينة فى القسيمة بس ديرى بالك من الشموس مكان فية ضل افضل

,

 

[ضاويهq8]

اخت فروحه
sara3
جزاكم الله خير طمنتوني بالنسبه للسرداب... لان زوجي من سمع عن الارض لغى فكرة السرداب تماما ....
ادعوا ان الله يهديه ويقتنع ..
طيب الحين شنو الخطوه الاولى عشان نبدي ؟

 

[sara3]

اخت فروحه
sara3
جزاكم الله خير طمنتوني بالنسبه للسرداب... لان زوجي من سمع عن الارض لغى فكرة السرداب تماما ....
ادعوا ان الله يهديه ويقتنع ..
طيب الحين شنو الخطوه الاولى عشان نبدي ؟

؟؟؟؟؟

 

[sara3]

اشلونج سارة شخبارج؟ بلشتي بالاثاث والسيراميك؟؟
اقري مشاركتي في الديوانية عن السيراميك لما خذيت جوله عالمحلات

انا خلصت من الارضيات ,اثاث ريض يا عسل

 

[اخت فروحه]

اول خطوة اهيا المخطط مع المهندس المعماري بس حبيبتي حييييييل تركدوا بالتصميم وكل يوم جابلي الخريطة وفكري عدل وخلي معاج على طووووووول قلم رصاص ومحاية ومسطرة وخططي وغيري واهم شي تفكرين بالمستقبل ان البيت يناسب حياتكم الحين وبعدين واهم شي ان البيت يناسب حياتكم وطريقة معيشتكم يعني في تصميم يناسبني ما يناسب غيري على حسب طبيعة البيئة والمجتمع اذا اهل البيت اجتماعيين او عندهم اهل يزورونهم من دول ثانية وينامون عندهم اذا يزورونكم الاهل مع يهال وايد اقصد اذا احد قالج مو حلو جذي غيري مو كل شي تسمعينه الاستشارة حلوة بس تاخذين اللي يناسبج وحلو انج تدخلين البيوت اللي قاعدة تنبني وتاخذين افكار وتشوفين عالطبيعة (بعد استئذان اهلها طبعا)
جني طولت مو خخخخخخخخ

 

[ام وهابي]

بنات لحقوني
حدي محبطه كل الالوان اللي اخترتها حق غرف عيالي طلعت تلوع الجبد انا اخترت اللوان عبالي تطلع هاديه وفاتحه شوي
طلعوا كلهم فاقعين
من زود القراده ما خذيت عينات من الالوان علشان اشوفهم لا شريت على طول كنت مفكره ان الالوان اللي بالكتالوج ما تختلف عن اختياري طلع العكس
غرفة عيالي اكثر وحده تلوع الجبد لون اصفر صارخ ما تقدرين اطالعين بالغرفه من كثر ما اللون اوفر
مدري سشوي ساره وفروحه شنو اسوي احس اني ضايعه ما عندي احد يفيدني غيركم شلون اقدر اصلح الغلطه ويصير اغير الاوان

 

[ام وهابي]

عفيه بنات شلون اغير اللوان انا اخترت ماركة الجوتن للاصباغ نص لمعه نوع الصبغ اميشن مائي

 

[اخت فروحه]

ام وهابي حبيبتي عادي تصير دايما خاتي توهاصار لها نفس المشكلة مع صباغ حط لها الوان غير اللي تبيها وراحت البرجس عندهم قسم للاصباغ اغلى من الصباغ اللي سوالها بس عدلوه لها
تقدرين تزيدين علبة الصبغ لون افتح اذا باجي منهم او اذا ينصبغ وجه ثاني افتح مادري والله سألي الصباغين او تخلين طوفة اوثنتين فاقع والباجين دوري لون هادي والله يعينج

 

[نور التركيه]

الله يعطيج العافيه

 

[نور التركيه]

مشكوره اختي

 

[ام وهابي]

ام وهابي حبيبتي عادي تصير دايما خاتي توهاصار لها نفس المشكلة مع صباغ حط لها الوان غير اللي تبيها وراحت البرجس عندهم قسم للاصباغ اغلى من الصباغ اللي سوالها بس عدلوه لها
تقدرين تزيدين علبة الصبغ لون افتح اذا باجي منهم او اذا ينصبغ وجه ثاني افتح مادري والله سألي الصباغين او تخلين طوفة اوثنتين فاقع والباجين دوري لون هادي والله يعينج

اشوه يعني يصير افتح اللون طمنتيني الله يطمن قلبج مع ان زوجي يقول الجوتن ما تنخلط الوانهم ولا تنفتح