ديوانية بيت العمر

[البسايل]

السلام عليكم بنات شلونكم وشلون دوانيتنا عساها عامره يارب بذكر الله ........ حبيبتي ضاويهq8 بالنسبه لموضوعج سبحان الله نفس موضوعى انا طالعتلى ارض بمدينة جابر وهم بطن وظهر ومستطيل بعد ولمعلوماتج انا دزاين البيت المستطيل بالتصميم احسن واسهل هذا كلام المهندسين طبعا سهل انهم يستغلون اركان البيت كله عكس المربع يتوهقون بالوسط... دايما يكون منطقه ميته من كبر البيت هذا بالنسبه للبطن وظهر الله يوفقج فى بيتج وتدخلونه بخير وعافيه ان شاء الله حبيبتى حبيت اعرف انتو اى قرعه وبلشتوا بنيان ولا لأ وبالنسبه للسرداب انا طمنونى وايد قالوا ان يصير نسوى سرداب بس التكاليف بعد فحص التربه واتمنى انى اكون فدتج

 

[اخت فروحه]

السلام عليكم بنات شلونكم وشلون دوانيتنا عساها عامره يارب بذكر الله ........ حبيبتي ضاويهq8 بالنسبه لموضوعج سبحان الله نفس موضوعى انا طالعتلى ارض بمدينة جابر وهم بطن وظهر ومستطيل بعد ولمعلوماتج انا دزاين البيت المستطيل بالتصميم احسن واسهل هذا كلام المهندسين طبعا سهل انهم يستغلون اركان البيت كله عكس المربع يتوهقون بالوسط... دايما يكون منطقه ميته من كبر البيت هذا بالنسبه للبطن وظهر الله يوفقج فى بيتج وتدخلونه بخير وعافيه ان شاء الله حبيبتى حبيت اعرف انتو اى قرعه وبلشتوا بنيان ولا لأ وبالنسبه للسرداب انا طمنونى وايد قالوا ان يصير نسوى سرداب بس التكاليف بعد فحص التربه واتمنى انى اكون فدتج

حياج حبيبتي

نفس المعلومات اللي قلتها لضاوية((اشوه يعني عندي معلومات مش بطاله ))ههههههههه

 

[البسايل]

سارا حبيبتى انتى تستاهلين كل خير ........... اخت فروحه الف منروك ومنها لاعلى :aha:

 

[البسايل]

هلا وغلا ......... ولو انتى الخير والبركه

 

[sara3]

بنات لحقوني
حدي محبطه كل الالوان اللي اخترتها حق غرف عيالي طلعت تلوع الجبد انا اخترت اللوان عبالي تطلع هاديه وفاتحه شوي
طلعوا كلهم فاقعين
من زود القراده ما خذيت عينات من الالوان علشان اشوفهم لا شريت على طول كنت مفكره ان الالوان اللي بالكتالوج ما تختلف عن اختياري طلع العكس
غرفة عيالي اكثر وحده تلوع الجبد لون اصفر صارخ ما تقدرين اطالعين بالغرفه من كثر ما اللون اوفر
مدري سشوي ساره وفروحه شنو اسوي احس اني ضايعه ما عندي احد يفيدني غيركم شلون اقدر اصلح الغلطه ويصير اغير الاوان

قلبى عندك شوفى المحل اللى خذتى منة وشوفى شنو يشورون عليك اذا ما يفتح انا راى اتغيرينة ولا انك اتجابلينة فى الدشة والطلعة واتحسين بقهر

او انك تلعبين بجو الغرفة اتحطين ورق جدران وتلعبين بالاضاءة والوان الاثاث اتحطين الفواتح يعنى شغلة خبير الوان

انا رايي يا يفتحون الغرفة ولا اتغيرين الصبغ

الله يعينك

وياريت اتحطين التجربة بالتفصيل الالوان اللى حطيتيها صورى الجدار وحطى ماركة الصبغ وارقام الالوان

علشان البنات يتفادون الخطا هذا

الفواتح يا بنات غرفنا تراها صغيرة واذا نفسك فى الغامق بس جدار واحد

يارب اتخلص بيوتنا على خير واتكون عامرة بذكر الله

 

[sara3]

سارا حبيبتى انتى تستاهلين كل خير ........... اخت فروحه الف منروك ومنها لاعلى :aha:

مشكورة عيونك الحلوة حبيبتى

 

[ضاويهq8]

هلا البسايل .. جزاج الله خير اختي .. احنا قرعتنا كانت في 15 /6 وبالنسبه للبنيان تونا ولا شي احنا قاعدين نفكر بتصميم البيت وكثير نحاتي الارض عشان السرداب لكن انتي والخوات طمنتوني ما قصرتوا ..واحنا ما راح ننتظر كثير لازم نبي ذبحنا الايجار .... بغيت اسال فحص التربه احنا نسويه ولا الاسكان ولا شلوون ؟....ومن خلال خبراتكم منو احسن مكتب للاستشارات الهندسيه اعطيه افكاري ويصمم لي البيت بطريقه حلوه وتكووون اسعاره معقوله بعد ؟
عسى الله يوفق الجميع ويحققون اللي يتمنونه في بيوتهم

 

[بشتخته]

سلام عليكم خواتي

اشلونكم
شخباركم
ولهانه عليكم وعلى هالجمعه الحلوة
تبارك الرحمن .. مو باجي شي ونزل بيتي ان شالله
قولوا يارب اخلص قبل رمضان

دعواتكم حبايب قلبي

حدي حايسه والله مادري من وين ابدي ومن وين اخلص
بس ودي افتك وارتاح



وانشالله بس انزل بحط لكم صور بيتي مع الأثاث :eh_s(8):

 

[ام وهابي]

شلونج بشتخته عساج بخير صج والله ولهنا عليج انشا اله تخلصين بيتج وتنزلينه بالعافيه
شفتي ردي بالصفحه اللي قبل السالفه اللي صارت لي عفيه ردي اقريه وقوليلي شسوي
اخر يومياتي
اليوم بدوا العمال بتركيب المطبخ <<<واخيرا <<
طبعا الغلطات بالهبل للاسف
المغسله ومهارب الحنفيه مكانها غلك وصارت تضرب بحد الالمنيوم ورحنا واتصلنا على عامل الصحي وكسرنا من جديد علشان ينزلون مهارب الحنفيه تحت
الديكور الموزاييك حاطته دار مدار الحنفيه طلع من جهه ناقص والشكل اللي ناويه يكون عليه غلط حاولنا نكمل الموزاييك الناقص بس للاسف طلع المموزاييك منقرض من السوق وما حصلناه
العمال غلطوا بتصميم المطبخ وبدلوا الزاويه بوحده غلط
المدخنه طلعت مرتفعه عن تصميم المطبخ مع ان الفني قاسها اكثر من مره وحاط علامات على مكان الحنفيه والمدخنه والبلاكات بس شغله وقياساته كلها خرطي
وبس
قلبي شاب نار على المطبخ :eh_s(14):
مع ان شغل الثريا من متانه وجوده بالمطبخ لا يعلى عليه بس عيبهم الفني الي يقيس شغله خرطي بخرطي
زوجي سفل فيه حده عصب يقول انا كل شوي هاد دوامي علشان الفني يجي ويقيس المطبخ واخرته شغله جذي والله قهر ما اللومه
بس الالوان طلعت حلوه ومتناسقه والمطبخ واسع ما تخيلته كل الوسع وهذا اللي خفف عليه شوي

 

[اخت فروحه]

ام وهابي عساج عالقوة الله يعطيج العافية وتعدي هالاخطاء على خير يارب وتتوفقين بالباجي

 

[دهن عود]

مشكوووووووووووووووورة يسلموووووووووو

 

[اخت فروحه]

مساء الخير حبايبي :

عندي سؤال بخصوص بالوعة المطبخ (تكرومون) وين افضل مكان لها :بالنص ولا على طرف ؟؟؟

 

[ام وهابي]

مساء الخير حبايبي :

عندي سؤال بخصوص بالوعة المطبخ (تكرومون) وين افضل مكان لها :بالنص ولا على طرف ؟؟؟

وفي لا تحطينها بالنص علشان اذا تبين تحطين جزيره بالنص ما تضايقج حطيها بمكان طرفي بس ديري بالج من الدجه اللي تركبين عليها المطبخ احسبي احسابها
الله يعينج في المطبخ كل شي لا زم تحسبين احسابه حتى لو عند ناس ثانيه يعتبرونه تافه ومو لازم تهتمين له
بس لما تجين اتركبين المطبخ يبين عندج ان الامور التافه بنظرهم اهي اللي اتطلع شكل المطبخ مرتب وحلو

 

[ام وهابي]

فروحه سمعتي عن المغاسل الموزاييك المعلقه شفتها بموقع سعودي واهي تفصال على الطلب مدري اذا في احد بالكويت يسوي مثلهم او لا بس بصراحه حدهم روعه وانا انشا الله راح انزل لكم صورهم وطريقه تفصالهم وصنعهم انتظروني
وهذي هديه مني لكل اللي يبنون اللحين

 

[ام وهابي]

تفضلوا

 

[ام وهابي]

وهذي بعض الحركات بالمزاييك يا ربي شنو احبه هالحجر


















:eh_s(8):

 

[اخت فروحه]

اهلين ام وهابي
هذي المغاسل سهلة اهي صبة تصبينها مع الاسود وتحصين فراغ بالنص عشان تحطين المغسلة اللي مثل الطاسه وبعدين تلبسينها بالحجر او الرخام او اللي تبين(مو جذي ولا انا غلطانة؟؟؟؟؟؟
ومشكورة عالنصيحة والصور الاروع
الاخيرة عجبتني فكرتها لو تحطين زرع بالرف

 

[ام وهابي]

عدل كلامك يا فروحه بس في بعض المغاسل ما ينفع تحطين لها صبه او تكونين مو حاسبه احسابها من البدايه فهاذي يكون الحل <<<<وطبعا انا منهم <
وهذي الطريقه

 

[ام وهابي]

'طريقه عمل هذي المغسله

 

[ام وهابي]

طبعا فيه طريق ثانيه انج تستبدلين الالواح الاسمنتيه بشبك حديد وتلبسين عليه الموزاييك بعد عمل الطرطشه
وهذي شكل الشبك