ديوانية شموسه ورينبو...الي ولادتها بالصيف تتفضل تقرق معانا

[nonia]

نونيا شفتي الموضوع اللي حطته الفنانه عن فصلات الولاده والله استانست لم قريت ردود البنات احس شوي ترد الروح يبيلنا جذي مواضيع

اتصدقين والله ضحكت لما قريتهم , صاجه كلش مو محتاجه اخترع زياده .

 

[rainbow_brite]

الله يبارك فيج نونيا وان شا ء الله تولدين بالسلامه وتفرحين بالمولود ويباركلج فيه

 

[أوشال]

اشلووونكم بنات ...

 

[شمس و قمر]

الديوانيه منوره اليوم بردودج يا شموس

منوره بوجودج

وسلامات ما تشوفين شر بس ديري بالج من الكحه القويه بالتاسع لانج مع الكح يتشقق البطن وتزيد الخطوط لازم ادهنين بطنج

الله يسلمج من كل شر........... وماضن انه راح يتشقق اكثر من جذي :eh_s(16):


والظاهر التعب يوم راحت خدامتج بدا يطلع عليج الحين وانا حاسه فيج لان يهال صغار وحمال الله يعينج :eh_s(16):

اتصدقين الظاهر هذا التفسير العلمي للي قاعد يصيرلي هههههههههه
وشموس ترا الروحه حق بيت الوالده راح اتشوفينها تقل :eh_s(11):انا قبل كل يوم عندهم بس لم خلودي دش الروضه صرت شوي التزم بنومته لان ابو الشباب عنده شوي قوانين صارمه اذا نامو عيالي بالليل مال يرضى اطلع :eh_s(13): عكس الاوادم ينومون عيالهم عشان يطلعون فتلقيني اقزرها تلفون ونت وتلفزيون

الله يعين انا بصراحه لازم زوجي يطلع منيه البس عباتي واروح لهلي على طووووووووووول


وين ايام اول كل يوم عند امي وخواتي راحت علينا انا حتى اقترحت على ريلي ان انييب خدامه ثانيه ما رضى وبقوه :eh_s(14): الله كريم




وحمد الله على سلامة اختج مبروك ما ياكم والفال لج ولنا بالسلامه يا رب :eh_s(9):

الله يسلمج ويبارك فيج يارب
ياحياتي والله انها تعبت لان الحبل السري لاف على رقبة بنتها وتعسرت الولاده
والحمدلله انها قامت بالسلامه
مسكينه امها كانت حيل تحاتيها


شموس ودج عاد بعدين الاوادم يهونون عني ومحد يسالني متى بتولدين عاد تلقيني بنفسي احن على عمري متى اوووووووولد :eh_s(3):

ههههههههههههههههههههههههههههه انا من الحين احن على عمري

اليوم كل من شافني قال هاااااااااااااااااااا ترى الدور وصلج:eh_s(16):

 

[شمس و قمر]

بنات اشلونكم اشرابكم منو احسن المواساه والاالسلام اليديد

انا عن نفسي افضل المواساة

بس الهادي بالمركز الاول

 

[شمس و قمر]

هلا بنات شلونكم ؟

اعذروني اليوم يمكن ما افضى ارد عليكم اخوي عندي وماخذ اللاب توب مني
توه تركه شوي جان ايي ركض اسلم عليكم واقرا ردودكم على السريع

يلا اشوفكم بعدين ان شاء الله سلام

ناطرينج لاتتاخرين علينا

 

[شمس و قمر]

قوة بناااات جميعاااا شلونكم شخباركم

شلوون الثق معاكم يالله منو عليهاا الدوور لا تعطلوون المرور لوووول انا خلااااص استغفر الله عظامي تبطلت واييني ساعات عوار خفيف ويرووح مايندرى ليكوون طلق المهم والبيبي تعدلت وضعيته الحمدالله والله يسهل علينااا اجمعيين يارب

اهلين زقروته

الحمدلله اخيرا تعدلت وضعية البيبي:eh_s(9):

يالله الحين انا وانتي ورينبو نتسابق ونشوف منو تسبق

 

[شمس و قمر]

اوش اوش

اهلين حبيبتي احنا بخير انتي شخبارج وشخبار العوبا؟؟

 

[أوشال]

بنات وايد ضايق خلقي وأحس بكتئاب
وبس ادور قصص الولادة

اللي يابي يقرا حياه الله

السلام عليكم ورحمة الله وبركاته

مساء / صباح الخير

أول شي حبيت أبارك لكل خواتي اللي ربي قومهم بالسلامة

وبالذات رابطة امهات يوليو وربي يسهل على الباقي منهم ان شاء الله

وهذي قصة ولادتي وتشريف أحلى عبادي فديته

يوم الإثنين وكان بتاريخ 25 / 6 قمت لصلاة الصبح وانا حاسة بثقل مو طبيعي

بعد ما صليت رجعت السرير وانا بالزور أشيل عمري

تميت بالسرير والآلام ما أعرف من وين تجي بكل جسمي

قمت من السرير على الساعة تسع يمكن وزوجي بهالوقت راح على شغله وانا ما بينت له ان فيني شي عشان لا يتشاغل مسكين

المهم قمت خذت لي شاور وتنقعت شوي بالماي بعدها حسيت براحة

وقلت دام الوضع مش تمام خل أروح يم أمي ولا أقعد في البيت بروحي

الله أعلم من الصبح لين يرجع بوعلاوي شنو راح يصير فقمت رحت

وتميت هناك لين صار وقت صلاة الظهر وقمت الساعة 12 عشان أصلي

كملت صلاة وانا من دخلت التاسع بعد كل صلاة لازم أقرا سورة مريم (ع)

وانا قاعدة أقرا السورة على سجادتي حسيت الألم يزيد بجوانب بطني >>>> تجاهلته

وكملت قراءة ووصلت لنص السورة والا تقريبا ثلاثة أرباعها

بهالوقت كأنه شي نزل مني وكانت الساعة 12 ونص

والا كني كنت قاعدة على بالونة وانفجرت هذا الوصف الأقرب اللي كنت أحس فيه

سكرت القرآن وقمت عشان أشوف شالسالفة وانا أمشي حسيت الماي يمشي وياي

وصلت لباب دورة المياه يكرم ويعز وجه السامع والا الماي واصل لرجولي

دخلت غيرت ملابسي وطلعت وتميت قاعدة بالمجلس بروحي وانا بهالحالة

ومن حد يجي أقول لهم لو سمحتوا خلوني بروحي ما عدا أختي الكبيرة وأمي مسكينة

جات تسألني شصاير قلت لها وأمي بعدها جابت لي رطب

وسوت لي شاي قرفة بس ما شربته وكلت كم حبة رطب

بهالوقت وكانت الساعة يمكن ثنتين الا ربع دقيت على زوجي

وطبعا كالعادة ماقدرت أتكلم من الألم أول شي ومن هذا

مسافة الطريق بس ووصل بو علاوي وتم يحاول وياي يبيني أقوم اروح المستشفى

قلت له مابروح من الحين وقعد وياي لين صارت الساعة ثلاث ونص

والألم كل ماله ويزيد والفارق بين كل تقلص والثاني يقل يعني بهالوقت صار

الفرق بين كل تقلص والثاني خمس دقايق قمت بهالوقت توكلت على ربي

وقلت خلاص لا ينقص الماي عن البيبي بعدين مايفيد الأسف

وصلت المستشفى الساعة اربع وعلى طول رحت الجناح شافتني الدكتورة وطمنتني

وقالت يالله نشوف تحت ان شاء الله يكون في توسع

وبعد الكشف قالت لي متوسعة 3 سانتي وتميت بغرفة الملاحظة ساعة تقريبا

بعدها خذوني غرفة الولادة ومن دخلنا بو علاوي قعد مرة يقرا قرآن

ومرة عاء ومرة يجيب لي ماسك الأكسجين والممرضة تدلك ظهري كل ما يجيني الألم

وشوي تعطيني ماي وعصير >>>>>>>> فاضية ذي الممرضة

المهم صارت الساعة خمس ونص والألم يزيــــــد ووصل التوسع 6 سانتي


وعطوني كم إبرة لتخفيف الألم ولزيادة الطلق

بعد الإبرة وصل التوسع 8 سانتي وانا احس اني لازم أدفع

لأن الألم وصل حده والدكتورة تقول لي لا تدفعين الحين عشان لا تتعبين انتي والبيبي

قلت لها يادكتورة أحس الحركة لا إرادية وجات تشوف الا طلع فعلا قالت لي خلاص

قربتي تسوينها يا ام علاوي قلت لها الحمد لله وبوعلاوي مسكين يوم شاف الجد

ماقدر يتحمل طلع قعد شوي ويا خواتي ورجع ثاني وانا كنت على وشك أولد

جا جنبي وانا اطالعه وأقول له حاسة روحي بتطلع مو قادرة خلاص

قالت لي الدكتورة قولي يا الله ودفعي وانا اسوي اللي تقول لي >>>>> مطيعة

وآخذ نفس عميــــــق وادفع مرة ومرتيـــــــن وثلاااااااااااااااث

يااللــــــــــــــــــــــــــه روحي راح تطلع قالت خلاص قربتي حيــــــــــــــل

دفعة دفعة طويــــــــــــــــــــــلة والحمد لله شرف بهالوقت عبادي

وكانت الساعة 8 وعشر دقايق مساءاً

ونور دنيانا ربي لك الحمد وكان بصحة ممتازة وتوووووب

طبعا أنا حدث ولا حرج وبو علاوي شاق الحلج وخواتي بعد

واللي بعده كلكم تعرفونهومايحتاج أقوله

وتوته توته خلصت الحدووووته

وفي بعد قصة ثانيه

بسم الله الرحمن الرحيم
شخباركم خواتى
اليوم بقول لكم قصة ولادتى بالقمرة سارونة مو امصدقة انى ولدت مثل الحلم او شريط الفيديو يمر بسرعة الله اسهل على كل وحده بتولد

بتاريخ 1\7\2007 كان عندى موعد فى المستشفى فرحت الموعد اخذت الوزن اله كان نازل كيلو

دخلت على الدكتوره فحصت عليى قالت انه البيبى نازل فى الرحم فاخذت السماعه بتسمع النبض
اله النبض صاير ضعيف فسئلتنى عندش الم قلت لها اى عندى الم اروح و جى تقلصات بس على
فترات فسيده سوت لى تخطيط اوطلع عنى تقلصات ولاده فحصت عنق الرحم فكان مفتوح 1سم فا
من قالت لى انى اهنى فرحت قلت خلاص بولد رجعت البيت على طول اخذت لى ماء وقريت سور او
ادعيه تسهيل الولاده شرب ومسحت على بطنى فبدا عندى مغص وبتدت التقلاصات اتروح او ترجع
او انى حدى مستانسه لانه ثقل دابحنى بس جت الليل ابغى الالم ازيد مافى راح كل شى ولا كانه
فى شى قعدت يوم ثانى ابغى عوارض او شى ادل على الولاده مافى فصارت نفسيتى كلش
تعبانه طلعت فالليل رحت اتمشى او عقب ودانى زوجى مطعم وتعشينا علشان بس يرفع من
معنوياتى رجعنا البيت على الساعه 1الليل قام اجينى الم فى ظهرى احسه بينقص فقعدت اسولف
مع البنات فى المنتدى فقالوا لى تبخرى فقمت سويت لى او تبخرت بالبن رجعت ابغى انام مو
قادره اذن الفجر فقمت صليت و قريت سورة مريم وايه الكرسي وتبخرت مرة ثانيه او انى اعانى من
الالم بس مافى شى يدل على ولاده يعنى لانزل دم وله ماى نمت قعدت ساعه 12 اله دم نازل عليى
وبتدى الالم ازيد وشوى اشوى على الساعه 3ماقدرت اتحمل الالم غير انه ماكنت ماكله شى فرحت
المستشفى سوى لى فحوصات طلع عندى طلق قوى والفترات كلش متقاربه فحصت تحت فكنت
متوسعه 1سم او انى كنت متوقعه اكثر يعنى 3 سم ودونى غرفه الولاده حطولى سيلان مغذى و
تحميله والالم ازيد فكنت دايما مع كل طلق اقول ياالله يالله و اكرره واخذ نفس علشان اساعد فى
توسع عنق الرحم او اكثر من التسبيح و الادعيه غير قراءه المعوذتين واايد سهلت عليى ساعه 4ونص جت الممرضه وضربتنى ابره علشان يتوسع عنق الرحم لانه ماقاعد يتوسع عندى شى دايما 1سم على ساعه 6ونص خلاص ماقدرت اتحمل الالم كان الالم قوى احس اعظامى بذوب فحصت الممرضه تحت فكان بعد 1سم فلمن قالت لى خلاص قمت اصيح واقول له ابغى ابره منومه ابغى انام من يوم الاحد لحد الحين كله 1سم ما اصير بموت كسرت خاطرها وضربتى ابره ونمت بس كان من اجينى الطلق اوتعى بس ما احس بالم قوى على ساعه 7ونص وفجاءة صار عندى توسع كامل يعنى من 1سم الى حاله ولاده فقمت اصيح او اذكر الله ونزل منى شى قوى من تحت حتى الممرضات استغربوا حاله ولاده فقمت ادفع بس ثلاث دفعات وطلعت بنوتى القمرة ساعه 8 اله عشر بتاريخ 3\7
او هذى قصه ولادتى بسارة فلاتنسوان يابنات الدعاء وذكر الله وقت الولاده لانه راح اسهل عليكم وايد مثل ما الله سهل عليى
مسامحه على الاطاله
وهذى صورة

بسم الله والحمد لله وبفضل من الله وبعد أنتظار تسعه شهور جاءت

الى هذه الدنيا أبنتي الغاليه بنين وبولاده ولو إنها مؤلمه


إلا إنها ميسره وسهله وكل هذا رحمه من فضل ربي


وكل أملي ورجائي من رب العالمين أنه يتمم على البقيه باليسر


ويرزقهم الولاده السهله والذريه الصالحه




قصه ولادتي



يوم الاربعاء تاريخ 27 \ 6\2007


أستيقضت من النوم صبااااحا فزعه لانه أنفتح كيس المااااااااي


وعلى طووووول نااااااديت زوجي وهو جنبي وقلت له ودني المستشفى



حااااااااااااله ولاده والمسكين كان وايد خااااايف علي بس ما كان عندي ألم طلق ولا شي بس



كان المااااااي يجري بطيئ وأحيانا اقول لزوجي هذي أبوال وأحيانا اقوله لالا هذه ماء البيبي



ودخلت الحمام وأخذت عالسريع شاور دافى وطلعت وشربت لي مغلى ومنقوع ماء عشبه


كف مريم واللي كنت محضرته قبل لا أناااام وشربت كااااس كامل بس ما كان فيه وقت


أسويلي زعفران ولا دارسين وعلى طووووول المستشفى



وطووول الدرب وأني أسولف ويه بو علي وأضحك معاااه وأقوله ولاده بس بدون ألم


وليييين وصلت للمستشفى دخلت وفحصت لي وشافت نزول ماء البيبي وقالت ولاده



وهنا دخلوني على غرفه المخااااااااااض وأني للحين بدون ألم بس كل اللي فيني



أنه ماء البيبي قاعد ينزل وجات الدكتوره فحصت لي كم توسع وقالت لي بس


إصبع واااااحد مفتوح وهنا جاني الاحباط كنت أتمنى أكون متوسعه أكثر



وجلست أقرأ سوره مريم وأكرر سبع مرات سوره القدر وبعض السور القصيره


وحتى بدا عندي الالم وشوي شوي قعد يزييييد بس كل ما فحصولي كان مازلت


إصبع واحد متوسعه على رغم الالم اللي فيني



وعلى الظهيره بدأ الالم يزيد أكثر فأكثر وكنت بس 2 سانتي وبقيت بهالألم حتى المسااااء


وكنت اتألم لكني أخذ نفس وأرتااااح وأقرا الدعاء وهو مكتوب جدامي


يا مخرج النفس من النفس
ويا خالق النفس من النفس
ويا مخلص النفس من النفس

خلصني يا ألله


وكنت لا أزال عالتوسع نفسه على الرغم من أزدياد الالم


حتى الساعه العاشره بالليل فحصت لي وشافت التوسع 6 سانتي


ومن بعدها ارتاحت نفسيتي أكثر وأكثر لما توسعت ومن بعدها وخلال نصف ساعه


وبعد وابل من الابر واللي طقوني به وما كنت أحس بألم الابره جام الطلق


كان التوسع 8 سانتي وللعشره سانتي وجاااااءت بنتي الغاليه



وحطتها على صدري



ومن بعدها طلعت المشيمه وهذي قصتها كالولاده وألمها شديد

وفي الاخير الخياطه والغرزااااات آآآآآآآآآآآآآه منها



كل ما خاطت قلت لها بسسسسس



وهذي قصه ولادتي

 

[شمس و قمر]

جـــــــــــــــــــــــــدول العضـــــــــــــــــــــوات النشـــــــــــــطات

ذكريات 6-5-2006<<<<<< ولدت والحمدلله.... جابت ولـــــــــد

كات وومن 26-5-2007<<<<ولدت بالسلامه....وجابت بنوته حلوه

مي الحلوه 20-6-2007<<<<ولدت بالسلامه وجابت ولــــــد:eh_s(17):

دموع الذهب 23-6-2007 ولدت باذن الله وناطرين اخبارها

كي كي 23-6-2007 اكيد ولدت بس محد قالنا

الفرحه السجينه 26-6-2007 ولدت الحمدلله وجابت بوووووي

فروتي.......... ولدت ان شالله بس ماندري شنو جابت:eh_s(8):

ام عواشي 1-7-2007<<<<<ولدت بالسلامه وجابت بنوتـــــــه:eh_s(17):

شروفه 2-7-2007 <<<<< ولدت وجابت بنوته حلوه اسمها نور


TooTooتو تو 10-7-2007 شدي حيلج يالبطه عطلتينا

جاكليت 12-7-2007 ولدت وجابت بنوته عسلللللللللل

أم حمووودي 30-7-2007

رينبو 1-8-2007

زقرتيه 1-8-2007

شمس وقمر 1-8-2007

بنت النوخذه 2-8-2007

ام آلاء 2-8-2007

nonia نونيا 2-8-2007

fjnt ام شيوخه 5-8-2007


اوشال 8-8-2007

ماي لوف 1-9-2007

ملاك هدية 3-9-2007

دونات 30-9-2007

كاشونه 30-10-2007...... الله يعينج على طول الانتظار

 

[donat]

جـــــــــــــــــــــــــدول العضـــــــــــــــــــــوات النشـــــــــــــطات

ذكريات 6-5-2006<<<<<< ولدت والحمدلله.... جابت ولـــــــــد

كات وومن 26-5-2007<<<<ولدت بالسلامه....وجابت بنوته حلوه

مي الحلوه 20-6-2007<<<<ولدت بالسلامه وجابت ولــــــد:eh_s(17):

دموع الذهب 23-6-2007 ولدت باذن الله وناطرين اخبارها

كي كي 23-6-2007 اكيد ولدت بس محد قالنا

الفرحه السجينه 26-6-2007 ولدت الحمدلله وجابت بوووووي

فروتي.......... ولدت ان شالله بس ماندري شنو جابت:eh_s(8):

ام عواشي 1-7-2007<<<<<ولدت بالسلامه وجابت بنوتـــــــه:eh_s(17):

شروفه 2-7-2007 <<<<< ولدت وجابت بنوته حلوه اسمها نور


TooTooتو تو 10-7-2007 شدي حيلج يالبطه عطلتينا

جاكليت 12-7-2007 ولدت وجابت بنوته عسلللللللللل

أم حمووودي 30-7-2007

رينبو 1-8-2007

زقرتيه 1-8-2007

شمس وقمر 1-8-2007

بنت النوخذه 2-8-2007

ام آلاء 2-8-2007

nonia نونيا 2-8-2007

fjnt ام شيوخه 5-8-2007


اوشال 8-8-2007

ماي لوف 1-9-2007

ملاك هدية 3-9-2007

دونات 30-9-2007

كاشونه 30-10-2007...... الله يعينج على طول الانتظار

:eh_s(9): احلى جدول

 

[donat]

اوشال
وناسة بعد ابي قصص ولادة....
انا كله ادور قصص الولادة بس ما القى وايد انتي من وين حصلتي هذول من قسم نساء وحمل وولادة؟؟؟

 

[ملاك هدية]

هلوووووو
بنوتات
مراسلتكم من مستشفى العدان تعود من جديد وتحيكم
شخباركم؟؟
وعلومكم؟؟
مابشرتكم حطوني بغرفه خاصه ((على قولة المثل لاعلى هذا مصبح ولا على هذا ممسي)) بس على الاقل نمت شوي
فيه تطور في مستشفى العدان
الزياره لين 8 واذا ما طلو الزوار السسترات يجيبون العلاقات العامه يطلعونهم
بصراحه شي عجبني علشان المرضى يرتاحون
امس سويت سونار للبيبي جان يقول لي الدكتور يابنتي انتي متاكده من حساباتك وانك في الاسبوع ال32 قلت له ايه جان يوقل لي يعني انا غلط قلت له ليش شنو مبين معاك قال فارق معاي اسبوعين يعني انتي في الاسبو 34 قلت له دكتور ما يصير على حساب موعد الدوره واول سونار انا 32 جان يقولي انتي حتعلميني شغلي
زفني
بعدين وريته السنار الثلاثي اللي سويته في مستشفى لندن وقلت له شوف دكتور يالله هني اقتنع انه اهو غلط
اليوم اجتماع الدخاتره علي والله كريم يارب يطلعوني
ادعولي
باااااااااااااااااااااااااااااااااااااي بطات

 

[donat]

مبروك عليج الحبس الانفرادي من عقب المعتقل
وبالنسبة للحساب اخاف البيبي وزنه زايد من السكر عشان جذيه يبين اكبر من عمره؟

 

[ملاك هدية]

مبروك عليج الحبس الانفرادي من عقب المعتقل
وبالنسبة للحساب اخاف البيبي وزنه زايد من السكر عشان جذيه يبين اكبر من عمره؟

والله انج صاجه حبس انفرادي بس شوي هدوء
انا قاعده اقول حق الدكتور نفس الكلام بس الاخ مصمم

 

[rainbow_brite]

بنات حده ضيقة خلق توني قاعده وما فيني نوم :eh_s(16): واليهال نايمين وريلي راح الدوام قبل اتحلطم عالدوام والحين ظايق خلقي بالبيت شسوي اقعد من الحين ما فيني نوم انا من النوع بسرعه امل بالبيت واي زهقت انا بالليل احاتي اليهال اذا ياتني الولاده واهم نايمين والصبح احاتي اتييني ولاده وريلي بالدوام وريلي يحن ويقولي روحي من الحين نامي في بيت امج وانا مصره ومابي وامي تقول حياج الله والله احس نفسي ظايعه :eh_s(11):



ملل :eh_s(2):




ملل :eh_s(2):





ملل :eh_s(2):


ملوكه مبروك عالغرفه الخاصه اللي يسمعني الحين يقول فدق خمس نجوم بس على الاقل ارحم من العمومي وان شا الله يطلعونج وتطمنين على بنتج وترتاحين في بيتج :eh_s(17):


دونات انتي اجازه والا دوام :eh_s(10):


شموسه مشكوره على تعديل الجدول الحين اتضحت الرؤيه الدور الحين على ام حمودي بعدها انا وانتي وازقرتية سباق عاد ماكو فرق بينا وبين اللي ورانا يوم واحد نونيا وبنت النوخذه وام آلاء :eh_s(15):

اقول شموس عاد اذا ولدتي بالسلامه منو بيعدل الجدول خخخخخ

 

[ملاك هدية]

دونات مشالله التوقيع قاعد يمشي
معبيته بانزين؟؟
ترا سبحان الله بعد الاسبوع ال30 تحسين انه بطيء ويزهق

 

[ام حمووودي]

شموسه ماتشوفين شر انشالله ... وولادتي 20/7 باذن الله

 

[ملاك هدية]

هاي
رينبو
تصدقين انا في الخميس والجمعه اقعد مبجر
وحق الدوام ما اقعد
ولي خذيت اجازه على بونه انام وارتاح تلاقين فيني ارق ومستحيل انام
وفيه ايام مايكون عندي دوام ضروري يحلا النوم بعيني

 

[ملاك هدية]

ام حمودي
الله يهون عليج
تكفين اول ماتولدين خلي احد يطمني عليج
اوكي