ديوانية مغتربات usa

[مجنونة حبه]

السلامبنوتات اشلونم
ام كوشه
اشلونج وي انتي نفسي بعد لووول
نفس فيتامينات الي اخذهم ونفس الماركه بس حبوب الحديد غير أنا الصيدليه امسويين لي ياه بس احس من الحديد يحوشني امساك وتكرمين ماادش الحمام في حبوب حق هالشي مع ان اكل فواكه وكواجه وخضره بس مافاد معاي
خوخه
مااتشوفين شر حبيبتي وصج التحليل يغث بس احس له فايده
وان شالله بيبي سليم ومافيه شي
دودوي
والله ماادري أشفيني حايشني كسول مالي خلق اطلع ولا اسوي شي
مع ان ريليً يقولي طلعي امشي حركي ريولج
بس ان شالله اجهز يوم أودي اليهال ملاهي جريت امريكا يمدحونها
ام دونه
ان شالله تتشافى نوره وتيسر عمليتها بسهاله
لولو
والله بخير إحنا تمام انتي اشلونج وشخبارج
*

 

[doode cool]

هلاو

مج مج

اي واولله اطلعي انبسطي غير جو لا يحوشج الكسل مثلي انا سودانيه كلش ماتحرك

بقول

اي في علاج للامساك :eh_s(2):<< عانيت منه وانا حامل

تلقينه بصيدليه

علبه صفرا وداخله حبوب صغار مره كانو جريش بالكاكو يالين البطن اتوقع تروحين الصيدليه يطلعونه لج

ماتشوفين شر حبيبتي
​

 

[مجنونة حبه]

مشكوره دودي
والله واريت بس اتعب حيل بالطلعه ولأنة عندي تو بيبي يزيدون التعب علي واايد وابوهم كاسر خاطري متحملهم ويحاول يفهمهم

 

[miss-_-eng]

سلام عليكم بنات شلونكم مع الغربه الخايسه

بنات انا بجر وحامل وولادتي ان شالله شهر ١٢ وشهر ٨ راح يكون اول كورس لي بالجامعه مع ريلي انا حاليا بالكويت وراح ارد امريكا شهر ٨

بس خالتي ام ريلي راح تييلي وقت ولادتي هناك فتقول ان بس اولد راح تاخذ البيبي وترد فيه الكويت عشان لا ياذينه وقت دراستنا ويعطلنا عن الدراسه @@ وانا كلش مو موافقتها لان البيبي يبي حليب شلون بترضعه بس ماكو اهيه تقرر وولدها ينفذ خو ولدها يقول مابعد كلام امي كلام

بنات شسوي والله تعبت حييل من التفكير بهالموضوع تقول ان انتو ماتعرفوله بعدين يصير شي بالياهل وتوكم صغار فشسوي اذا خليت البيبي عندي شلون بنظم وقتي وخصوصا ان البيبي ينام بالنهار ويقعد بالليل وانا مااقدر على هالشي لان بنام حق الدوام و تخصصي واايد صعب انا فشسوي شورو علي وهم مابي خالتي تاخذه وياها وانا اقعد على اعصابي ٥ شهور بعيده عن ضناي ..

امي مره كبيره مابي ادخلها بمشاكلي واخليها تحاجي خالتي بس تعبت يا بنات عفيه ساعدوني انا الحين بالرابع وكله افكر وكل يوم تحاجيني بنفس الكلام ان البيبي لا تفكرين ان يظل وياكم هناك لازم يرد انا اربيه

فشسوي وياها

 

[ام كوشه منكووشه]

قووووه بنااات

مج مج
بعد قلبي ماتشووفين شر
بالنسبه للامساك في حبوب انا اذكر بولادتي عطوني منها عشان تلين البطن ومااشد عالجرح بس ماادري اذا يصير تاخذينها وانتي حامل سالي الصيدلاني اكيد يعرف وكثري من البرتقاال والعنب

اهليين دودووي
حبيبتي انا بخير وان شاءالله مابقي شي اذا تيسرت اموري وارتفعت المشيمه فبيكون اخر موعد لي 12\8
واذا لأ فالدكتوره بتدخلني بعد 21\7 والله كريم ان شاءالله

مس
حبيبتي الله يسهل عليج حمالج وغربتج يااارب
وبالنسبه لخالتج حاولي تتفاهمين مع ريلج وتقنعينه بهدوء بوجهة نظرج واقترحي عليه انكم تحطون البيبي بالحضانه بالوقت اللى تكونون مشغولين فيه او عندج كلاسات ودراسه او انكم تيبون له بيبي ستر
بس صدقيني خالتج تبي مصالحتكم وقاعده تفكر فيج انتي بالدرجه بالاولي لان انتي اللى بيتاثر مستواج ودراستج مع سهر البيبي وماتدرين يمكن انتي بنفسج بعد الولاده تقولين لها اخذيه خصوصا ان بالغربه كل شي تسوينه انتي بنفسج ماكو احد يساعدج او تعتمدين عليه وعلى فكره في من صديقاتي اهني حاطين اعيالهم عند اهلهم ويايون يدرسون ..عالاقل اول فتره خليه عندها واذا كبر شوي وتعدل نومه وانتي ثبتي نفسج زين بالجامعه ييبيه عندج ..

 

[ام كوشه منكووشه]

دعووول
حبيبتي نقوول الحمدالله علي سلامتج ومبروووك ولا بعدج صااامده
الله يقوومج بالسلامه يااارب ويفرح قلبج بشوفة ضنااج ان شاءلله

مشمش
الحمدالله علي سلامة وقرة عينج بشوفة اهلج
طمنينا عنج ولا تقاطعينا يالغاليه

 

[miss-_-eng]

حبيبتي ام كوشه ماقصرتي ..

صاجه والله هم خالتي تفكر بدراستي مسكينه .. وبتتعنى لي هناك عشان حفيدها وعشاني ماتقصر الغاليه والله ..

واهيه وايد خايفه ان الحضانات مايهتمون بالبيبي هناك فتقول البيبي اول الايام مايعرف امه وابوه اذا كبر صار عمره ٨ اشهر اخذوه لي شهر ٨ اللي وراه ان شاء الله يكون شوي كبر و نومته تعدلت

بس انا قمت احاتي الحليب شلون عليه شلون يرضع ؟
وريلي ماعنده ان انا انام بره البيت والحين يقولي الياهل ماينام بره البيت قاهرني شلون انا ابي امي تربيه بعد اذا يا اهني الكويت شلون ماينام عندها .. احب امي يكون لها ايد بتربية البيبي استانس بس ريلي كلش موراضي يقول البيبي ماله الا بيته ينام فيه ومن سمعت خالتي هالحجي قالت ان البيبي من الصبح لي بليل اذا امج تبيه يكون عندها بس بليل ايي ينام عندنا

واااااي ريلي كلش مايخليني اقرر وياخذ بقراري وهالشي وااايد ماثر علي

 

[مجنونة حبه]

مس
نفس ماقالت كوشه
وبالنسبه حق رضاع تقدرين اربعين يوم اترضعينه يا من صدرك ولا تشفطين من صدرج واتحطينه بالمميه علشان يتعود يرضع بعدين بالمميه حليب حق أنفنت
ولاتحاتين ان شالله اكيد امج وامه بيقومون بالواجب وأكيد امه راح أتخلي امج اتشوفه بأجر كلشي يتغير وان شالله يتغير كلامه
هالامور لاتناقشونها من الحين اذا ياه وقته الامور بتنحل بروحها
والله يوفقكم صح صعبه بالبدايه بس بعدين بتتعودين

 

[Cαήαđiαή ģiяĻ]

السلاام عليكم

 

[Cαήαđiαή ģiяĻ]

...

 

[Cαήαđiαή ģiяĻ]

......

 

[Cαήαđiαή ģiяĻ]

...

 

[ام كوشه منكووشه]

مسااااء الخير

اشلوونكم بنااات وشخباركم

خووخه
حبيبتي طمنينا عليج ماقمتي تشبكين مثل قبل
شخبارج مع الحمل ومتي بيعيدوون لج التحليل

 

[مجنونة حبه]

السلام بنات ليش صخه
يعني السمر وقفكم
ام كوشه اشلونج وشلون نادي معاكم
بنتكم تعلمت تتسبح

خوخه
اشلونج وشلون المعهد حسيتي تطور بنفسج

شنول طمنينا عنج
ضيون شلونج
بطوط
قوليلنا شصار معاج بالدايت كير
عاد نبي نصايح منهم بعد
ام دونه شلونج وشلون البنات عسى مستانسين
نوني ودودي اشلونكم وشلون عطلتكم
دعول
الله يسهل عليج حبيبتي ماادري عندي احساس هالاسبوع راح تولدين هذا اذا ما ولدتي الحين
توفي اشلونج مع بنوته تاتي ( كل يوم امطلعتها اسم ) وشلون نفاسج

والباقي البنات جميعا من غير استثناء اشلونكم

 

[Cαήαđiαή ģiяĻ]

بــــــآك

 

[Cαήαđiαή ģiяĻ]

شلونكم؟

 

[miss-_-eng]

مجنونه مشكوووره حبيبتي ماقصرتي

 

[doode cool]

hالسلام عليكم بنات

شلونكم شو اخباركم اي والله هدؤؤؤ الديوانيه


مج مج

انا الحمدالله ماشي اموري بكرا انشاءالله معزومين ع الغدا بالهوم استي حق زوزي اول الي ساكن عندهم عاد فكرت شنو اسوي وياي احترت

قلت مافي الا تشيز كيك مجمج وام الكوش<<يعني تشيز كيك ام الكوش بس ترقيعا للقبل سويته هههههههه

ام اكوش

شلونك شخبارك واخبار النادي شو صار عليه

خوخه

اي والله ماصرتي زي لو تشبكين المعهد اكيد في واجبات وحوسه وجذي الله يعين

مس

انا رايي من راي البنات بما انو خالتج من جد تفكر فيكم وماقصرت انها بتجي وجذي

بس بصراحه انتي جربي البيبي اول لما تولدين البيبي وكيف الوضع والله يمكن البيبي يصير ملاك هادي ماتدرين بما انو بكر انا بنوتي كانت ملاك هادي بس عليها عرات احيانا
انتي جربي والله حلو الامومه تشوفين بيبيك يكبر قدام عينك خاصة اول الاشهور وجذي وصدقني بتتعودين بعدين زي ماقالو البنات حطي بالكير الحضانه وقت الدراسه الين تخلصين انا اعرف وحده تحط ولدها الين الساعه خمس انتي جربي قبل تقررين اي قرار واستخيري ربك وتوكلي ع الله وانشاءالله تتيسر امورك بس والله جربي يمكن البيبي يصير هادي وجذي وتخلينه عندج تفاهمي مع زوجك وشوفي الي يريحكم واذا ماتححملين خليه عند خالتج وامج مابيقصرون بس ارجع اقول جربي اول قبل القرار .. لانو اخاف تخلينه يروح ويتعلق قلبج فيه وتفكرين فيه وانشاءالله تتيسر امورج ي رب العالمين..


بطوط

اخبارك بعد التحاليل شو صار عليك

شنول

نقول قرت عينيج والحمدالله ع اللسلامه ي رب



ام دونه ضيون منور مريامه غلا غلوي دعول<<<والله نحاتيج شو اخبارك ؟؟؟
نوني سندرلا وكل البنات
​

 

[miss-_-eng]

دودي مشكووووره ..


مادري شلون اجرب لان راح يكون عطله عرفتي مالت الكريسماس فماكو دراسه حتى لو يبجي واسهر عليه عادي بس خوفج تسافر خالتي ترد الكويت وانا اتوهق بالدراسه عرفتي فما ادري انا بستخير وان شالله خير يارب


مشكوره عالرد

 

[اختكم بالله]

السلام عليكم

شلونكم بنات

اعذروني والله طول اليوم حوسه مع المعهد وبعده مراجعات عياده وبعدها عيوني تسكر من التعب