ديوانيـة --> بجريآت <-- : تعالوا نفضفض ونسولف !

[# غنوجة بيبي #]

قائمة بجريات 2014 باذن الله


1- (23/4) مآيكبرني نك

2- (lawyara (28 / 4

3- عروسة فوشيآ ( 2 / 5 )

4- (hod'hod (26 /5*

5- رفيعة الشآآن ( 27 / 5 )

6- # غنوجة بيبي # (4 / 6)

7-8- ( Zynah-Q8 ( 14 / 6 & منـال

9- شربات لوز ( 24 / 6 )

10- سور المدينه (28 / 6)

11- ( 4 / 7) om_sanad

12- (bnt-usa (7 / 15

13- مذهلة2013 (16 / 7)

14-15- ( 20 / 7 ) تدخلين القلب & ElRaZaH

16- (29/7) al_sheikha

17- نور الضي ( 6 / 8 )

18- سكر معقود ( 8 / 8 )

19- حبيبة حمد ( 25 / 8 )

20- حبي و حياتي (30/8)

21- آشوآآآق + فيلسوفة تتفلسف (2/9)

22- طموحه بزياده ( 4 / 9 )

23- همس اشواقي (15/9)

24- الأوركيد~ ( 17 / 9 )

25- (5/10) zoz_ota

26-27- أمورته & لوولوو_88 ( 7 / 10 )

28- اهذريبك~ (14/10)

29-30- ( BaRBya ( 26 / 10 + بدون بس مغتربه

31- ام احلى بيبي (12/7)


♥♥♥♥♥♥♥♥♥♥♥♥



ثانكس حبيبتي نور نبهتيني

+

زوز حياج الله حبيبتي...تم اضافتج للقائمه

 

[# غنوجة بيبي #]

ماشاءالله شهر ابريل بسرعه مر تبارك الرحمن

نهاية الشهر بشتري اغراض الجمعيه لي و للبيبي ان شاء الله

و ان شاء الله ما انسى اغراضي الصيدليه.. بكتب كل شي بورقه

لان مع الثقل كلش مالي خلق اتحرك للتجهيز..ودي بس اطلع اتسوق لنفسي هههههههه

اليوم بطلع مليت من قعدة البيت

و ادري بحن على ريلي و اقوله تعبت بقعد..خطوتين و انافخ و احس حوضي يشد و ريولي ما تشيلني

عودت نفسي عالقعده من جذي لازم اشد حيلي و امشي شوي عشان بالتاسع ما اتعب وايد

و ادري بالتاسع بيزيد الثقل دبل و المشي بيكون اتعب

المفروض سرير الاستقبال يوصل بعد عشر ايام

بأجله بخليه تاريخ 2/5

قبل ما ادش التاسع بيومين افضل

 

[ZynaH-Q8]

غنوجه انا احس ابريل سلحفاة موراضي يمشي مع ان من جم يوم داشة الثامن احس صارلي سنه
طبعا عوار الحوض والعظام اطقطق تتفجج واي الله ياجرنا ان شاء الله

وع المشي احسن تبلشين اخر اسبوع بالثامن انا جذي ان شاء الله بسوي اللحين بريح نفسي ﻻن اي حركه عوار بعظامي وظهري فخايفه من هالشي

 

[سور المدينه]

انا من الحين اتحرك وامي اصلا ماحب القعده صج خطوتين واتعب بس مادري ليش ماحب الجلسه
ونهاية اليوم مفججه عظامي وجسمي كله يعورني
الله ييسر
تتوقعون اني ماعشر بماني اتحرك وايد

انا حدي خايفه انه يجي رمضان وماولدت لانه انا اخر يوم بالتاسع بيكون اول يوم رمضان

 

[# غنوجة بيبي #]

زيون و سور الله يهون علينا و عالجميع

والله انا امشي بس مو وايد

عاد اليوم و انا امشي بالسوق احس يحوشني شد من تحت بسرعه و يروح
اتوقع البيبي يحرك راسه..لان اخر سونار كان راسها تحت

 

[Mshtgtlkmoot]

بنات
شنو اغراض الجمعيه لج وللبييي؟؟

 

[نور الضي]

العفو غنوجه
انا رقم ١٧
يلا بنات
شدوا حيلكم
مايكبرني
ولوايرا
ودنا نشطب علي تجمع ابريل
كل ما سكر تجمع استانس
احس يقرب موعد تجمعي
مدري انتوا مثلي؟

 

[# غنوجة بيبي #]

اكيد نور..تحسين قربت الصجيه هههههههههه

..


مشتاقتلك الاغراض كما يلي


البيبي :شامبو +صابون جسم+بودره+كريم مرطب جونسون النوعين الوردي و الشفاف و قطن و اعواد اذون و مناديل جونسون و حفاظات و حليب و فازلين و شاش عشان تنظفين حلج البيبي من الحليب و بودرة السر من الصيدليه


اغراض الام:شامبو+صابون جسم..ديودرنت..فوط نسائيه..فرشاة+معجون..من الصيدليه :تحاميل بيتادين ..لصقات الحلمه



ولا تنسين تشترين حزام لج حق بعد الولاده ..يمدحون حزام بيلي باندت من مارتني دستنيشن .. و هم لا تنسين تاخذين نعال حمام عزج الله حق الحمام بالمستشفى

 

[نور الضي]

اشتقت للمنتدي
امس معلق مدري شسالفته
شخباركم؟

 

[# غنوجة بيبي #]

اهلاااان نور تمام و انتي..؟

اي والله صاير المنتدى يعلق و يرد

 

[Miss305]

مرحباا بنااات شلونكم طبعا انا بجريه ومواليد مايو اعرفهم ويعرفوني لكن ولا مره دشيت هالتجمع الحمدلله الحمدلله خلصت كل شيء بس فيه اشياء تو لاحظت انها ناقصتني من الجمعيه :-






كريم نيفيا لشد الابيض


جل نيفيا للسيلوليت


كريم جيلسوليد الاحمر


كريم فيد اوت اكسترا الازرق >>>>>>>>> قريت انه يفتح التصبغات اهم شيء المفاصل والرقبه





وابي اسأل متى ناوين تشترون كورسيه من الحين او بعد الولاده علشان تعرفون المقاس

 

[lawyara]

شلونكم امهات المستقبل
باقي 10 ايام على اخر موعد ، مو قاعده احن كثر حنة الاهل بلليمعات هااا ليلحييينج ما ولدتييي ؟؟؟ ههههه يعني محد ناطر موعدي

مس انا ما شريته عقب الولاده بقولهم اييبولي لانه ما راح البسه اول 10 ايام

قاعده احاتي شلون بلبسه مع عوار الخياط يصك عالقلب

 

[live life]

بعد عشر ايام يخف حييل عوار الخياط لا تحاتين

 

[مآيكبرني نك]

لؤيآرآ

لو مسويه نفسي انآ مب عاطيه حد موعد ولآدتي الصح عشان لآ يعؤرؤن رآسي

 

[# غنوجة بيبي #]

واي لويارا حسبالي ولدتي..ههههه لا اتغشمر ..ان شاء الله تولدين بسرعه و ترتاحين يا رب
متحمسه اقرى قصتج..الله يسهل ولادتج يا رب

 

[lawyara]

ليف لايف اشوه طمنتيني ♡

ما يكبرني اتمنى اني ماقوول بس يحرجونج بالاسئله غصب تتكلمين ليتني معطيتهم موعد ابعد

غنووجه هههههه الله يسمع منج ، انشالله يا رب هالاسبوع اولد واكتبلكم التفاصيل

 

[# غنوجة بيبي #]

انا بعد ناويه اذا حملت مره ثانيه ان شاء الله ما اعطي احد الوقت بالضبط..بنقص شهر ان شاءالله..لان وايد ناش ما تستاهل
لما كنت بالشهر الثالث وحده من جماعتنا قالت جم لج شهر .. قلتلها الثالث و انتي ..قالت بالثاني
توها ولدت قبل اسبوع ..انصدمت صراحه من جذب البنات
ودج تجذبين عالكل ما عدا القريبين حيل منج
و ودج ما تعلمين بحملج الا بالرابع..نعاملهم بالمثل

 

[يستفزني غلاك]

صباححح الخخخير ي حلوااات
شششلونكم شخبار كم
مادخلت المنتدى هاليومين بسبب الثقل

اما سالفه اللي يسالون هاه ماولدتي يووووووووه موطبيعيين هههههههههههههه
انا اللي يقهرني ان شبه يومي هالسؤال

انا باقي لي 10 ايام اخر موعد الله يسهلها ويهون علينا جميييعا
انا نفسسج lawyara

بخصوص الكورسيه اذا تقدرين تشترينه الحين و تخلصين احسسسن قبل لاتولدين عشان يكون كل شي جاهز
انا تعقددددت الحين امشي و الا اششششرب دارسين و الا شنو

الدارسين يقولون بس حزت الطلوق اشرب و المشششي يقولون موزين كثرررته
بس انا اقول اخليها ع الله متى ما الله كتب

 

[عروسة فوشيآ]

مرحبا بنات

الله يسهل ع الكل
انا بالاسبوع 37 واتمنى اولد هالاسبوع بالسلامه تعبت من جسمي الحمدلله عالعافيه يارب
الاقدام عندي تنمل ومنتفخه وكفوفي احسها شاده مو قادره اسكرها
يارب تسهلها علينا بولاده طبيعيه



يستفزني غلاك
اهم شي المشي ورياضه القرفصا والحبي يساعدون عالولاده بعد رب العالمين
وعادي لو شربتي دارسين بس مو يوميا



بنات تواسع
انا رحت لموعدي وقالت لي البيبي مو نازل للحوض
لازم امشي وايد عشان ينزل

 

[lawyara]

يستفزني ، الله يسهل علينا يا رب ونولد هالاسبوع قولي اميين

عروسة انا جذي لما رحت كنت اول اسبوع 37 وقالتي راسها تحت بس ما دشت الحوض ، بس صج التمارين اتسوي شغل اصلا اتحسين يزيد الثقل