سور المدينه
New member
الحمدلله رب العالمين
من ولدت وانا احاول ادخل المنتدى وكله معلق ومايفتح عندي
المهم هذي قصة ولادتي
يوم الثلاثاء في المغرب كنت داخله المنتدى وقلت لكم احس بالم في ظهري بس مو الم دوره
المهم جلست استشورت شعري وكشخت حطيت ميك اب وجالسه احوس في الغرفه الا سمعت صوت زي اللي طق شيء
ونزل ماي طرت على الحمام وشفت ماي ودم كثير خفت ودقيت على زوجي قال لي يعني شلون قلت له مايصير لازم طبيب على طول
المهم قال دقي على امي دقيت عليها وماردت ودقيت على امي قالت لي روحي المستشفى على طول
قال زوجي يالله امشي ورحنا دورنا على امه وفي السياره بدت الطلوق والالم يروح ويجي بس ماكنت مصدقه انها ولاده اقوله ودني المستوصف بس
بس امه قالت لا الولادة المهم رحنا الولاده وعلى ماجى دوري مت تعب ومشيني مشي حتى ماركبوني عربيه المهم فحصتني ونزل الماي اكثر وقالت لي مفتوح 5 سم انا وجهي @@
قالت خلاص ولادة مبكره والجنين صغير وجاو يسرعون يالله بسرعه تحليل بول
واروح بسوي التحليل واكتشف اني مالبست نعال هههههه وام زوجي فصخت نعالها ودخلت به الحمام وجاو يسرعون قالوا مافي زلال ووزنوني وشالوني
قالوا لزوجي يالله خلاص سويت اجراءات الدخول وخلوه يمشي
انا الممرضه تمشيني شفت لوحه غرفه الولادة واخترع سالتها مب تنويم قالت لا انتي 5 سم ولادة على طول ومن الخرعه راح الالم واسمع هاللي يصارخون واحس اني خفت وتوترت اكثر
وبدت الطلوق تزيد وكل من تجي الطلقه اموت من الالم المهم دخلت غرفة الولادة الساعه 12 وجات 2 ونص ولازاد فح الرحم 6 وبعدين 7
شفتها جايبه لي مغذي ثاني قلت لها مابي طلق صناعي قالت لا مو طلق صناعي وتالي قالت لازم طلق صناعي انتي طولتي والبيبي تعب
واهي حطت الطلق وشفت الموت من قوة الالم ماقدر اتنفس قلت لهم خلاص ابي قيصريه وتالي قلت لهم مابي اولد روحوا عني واقول للمرضه انتي ماعندك عيال ماتدرين بالالم قالت انا فيه بيبي يعرف الم هههههه
المهم بعدين دخلت يدها ووسعت قالت خلاص الحين ولاده ويودوني الغرفه الثانيه ويقولون لي قومي من السرير روحي سرير ثاني قلت لهم ماقدر اقوم قالوا لازم المهم حاولت وقمت ورفعو رجولي قالت سوي بوش واسوي ويقطع نفسي واوقف قالت دفعي اكثر
واحاول بس ماقدرت قالت البيبي طلع يالله واحاول واحاول وقالت البيبي تعب يالله قلت لها شفطيها بس لايموت البيبي الا ماحسيت بشيء احس زي اللي مت وحييت وطلع الراس وطلعت الجسم على طول سالتها شنو جبت قالت بنت وحطتها عليا وحسيت براحه وقمت ابجي واحس الالم كله راح المهم اشوي قلت ابي الجوال ودقيت على زوجي واهلي قبل حتى لا تنظفني وتالي نظفتني وطلعت الميشمة وتالي جى دكتور عشان الخياط قلت مابي دكتور قالوا مافي الا دكتور المهم امري لالله وخيطني وحسيت بالم الخياط بس موايد
واخذوا بنتي ودوها العنايه لانه وزنها صغير وتعبانه اشوي
وخلوها في العنايه تقريبا 5 ايام وبعدين طلعناها على مسئوليتنا
والحمدلله ليلحين نتوفه ويالله اعرف اتعامل معاها وكل من يشوفها قال انها سبيعيه من الصغر
وبس هذي مغامرتي مع الولادة مع اني وقتها قلت مستحيل اولد ثانيه والكل يقول لي بنتك نتفه ماتعبتي فيها
من ولدت وانا احاول ادخل المنتدى وكله معلق ومايفتح عندي
المهم هذي قصة ولادتي
يوم الثلاثاء في المغرب كنت داخله المنتدى وقلت لكم احس بالم في ظهري بس مو الم دوره
المهم جلست استشورت شعري وكشخت حطيت ميك اب وجالسه احوس في الغرفه الا سمعت صوت زي اللي طق شيء
ونزل ماي طرت على الحمام وشفت ماي ودم كثير خفت ودقيت على زوجي قال لي يعني شلون قلت له مايصير لازم طبيب على طول
المهم قال دقي على امي دقيت عليها وماردت ودقيت على امي قالت لي روحي المستشفى على طول
قال زوجي يالله امشي ورحنا دورنا على امه وفي السياره بدت الطلوق والالم يروح ويجي بس ماكنت مصدقه انها ولاده اقوله ودني المستوصف بس
بس امه قالت لا الولادة المهم رحنا الولاده وعلى ماجى دوري مت تعب ومشيني مشي حتى ماركبوني عربيه المهم فحصتني ونزل الماي اكثر وقالت لي مفتوح 5 سم انا وجهي @@
قالت خلاص ولادة مبكره والجنين صغير وجاو يسرعون يالله بسرعه تحليل بول
واروح بسوي التحليل واكتشف اني مالبست نعال هههههه وام زوجي فصخت نعالها ودخلت به الحمام وجاو يسرعون قالوا مافي زلال ووزنوني وشالوني
قالوا لزوجي يالله خلاص سويت اجراءات الدخول وخلوه يمشي
انا الممرضه تمشيني شفت لوحه غرفه الولادة واخترع سالتها مب تنويم قالت لا انتي 5 سم ولادة على طول ومن الخرعه راح الالم واسمع هاللي يصارخون واحس اني خفت وتوترت اكثر
وبدت الطلوق تزيد وكل من تجي الطلقه اموت من الالم المهم دخلت غرفة الولادة الساعه 12 وجات 2 ونص ولازاد فح الرحم 6 وبعدين 7
شفتها جايبه لي مغذي ثاني قلت لها مابي طلق صناعي قالت لا مو طلق صناعي وتالي قالت لازم طلق صناعي انتي طولتي والبيبي تعب
واهي حطت الطلق وشفت الموت من قوة الالم ماقدر اتنفس قلت لهم خلاص ابي قيصريه وتالي قلت لهم مابي اولد روحوا عني واقول للمرضه انتي ماعندك عيال ماتدرين بالالم قالت انا فيه بيبي يعرف الم هههههه
المهم بعدين دخلت يدها ووسعت قالت خلاص الحين ولاده ويودوني الغرفه الثانيه ويقولون لي قومي من السرير روحي سرير ثاني قلت لهم ماقدر اقوم قالوا لازم المهم حاولت وقمت ورفعو رجولي قالت سوي بوش واسوي ويقطع نفسي واوقف قالت دفعي اكثر
واحاول بس ماقدرت قالت البيبي طلع يالله واحاول واحاول وقالت البيبي تعب يالله قلت لها شفطيها بس لايموت البيبي الا ماحسيت بشيء احس زي اللي مت وحييت وطلع الراس وطلعت الجسم على طول سالتها شنو جبت قالت بنت وحطتها عليا وحسيت براحه وقمت ابجي واحس الالم كله راح المهم اشوي قلت ابي الجوال ودقيت على زوجي واهلي قبل حتى لا تنظفني وتالي نظفتني وطلعت الميشمة وتالي جى دكتور عشان الخياط قلت مابي دكتور قالوا مافي الا دكتور المهم امري لالله وخيطني وحسيت بالم الخياط بس موايد
واخذوا بنتي ودوها العنايه لانه وزنها صغير وتعبانه اشوي
وخلوها في العنايه تقريبا 5 ايام وبعدين طلعناها على مسئوليتنا
والحمدلله ليلحين نتوفه ويالله اعرف اتعامل معاها وكل من يشوفها قال انها سبيعيه من الصغر
وبس هذي مغامرتي مع الولادة مع اني وقتها قلت مستحيل اولد ثانيه والكل يقول لي بنتك نتفه ماتعبتي فيها
