ديوانيـة --> بجريآت <-- : تعالوا نفضفض ونسولف !

[بدون بس مغتربه]

الحمدلله على سلامتكم انتو والبنوتات بالمبارك ان شالله... يتربون بعزكم...
الولادتين سهلين سبحان الله غير اللي قريت عنهم.. اعتقد اليوغا اللي سويتوه يساعد على تسهيل الولاده واحلى شي انكم رحتوو للولاده جاهزين....
هده شسم دكتورتج،؟ انتي خاص موو؟؟

 

[مـهـــابــــه]

ماشاء الله قصتكم مشجعه .. الله يرزقنا جميع بالولادة السهلة يارب

هدهد دكتورتج بالشفا والا من برا ؟!

 

[ZynaH-Q8]

تبارك الرحمن هدهد وغنوووج قصصكم وااايد مشجعه ..ربي يرزقنا كلنا الوﻻده السهله
يتربوووم بعزكم البنووتات الحلوات


ام سند انا رقمي 2 ماابي اتعدا رفيعه ﻻاازم اهي قبلي هههههه
يالله رفيعه سيري ونحن من بعدك


الله يستر ويسهل علينا

 

[حسآيِف]

ماشاءالله عليج هدهد
والحمدلله ع السلامة وعلى سلامة البيبي ..

قصتج توّنس ;q

 

[katrina90]

الحمدالله على سلامتكم هدهد وغنوجه يتربون بعزكم ان شاء الله..


الفال لنا في شهر 9 او 10 يارب تعدي الايام ويصير شهر 9 ونولد بسلامه انا واللي معاي من البنات

 

[HoD'HoD]

نور
الله يبارك فيج وامييين اجمعين ان شاءالله
لا ما شفتها بس شفت دكتورها لان كان واقف عند باب غرفتها بالولادة ههههه

مذهلة
لولو
الرزة
ام سند
بنت
كاترينا
حسابف
زينة
بدون
مهابة
الله يباركم فيكم ويسلمكم حبايبي وعسى الله يكتبلكم الولادة السهلة من غير تعب ونصيحة كثرو تمارين قرفصاء وصعدو الدري ونزلو وتمرين الحوض والمشي
هالتمارين اللي خلت البيبي عندي ينزل وايد بالحوض ومع البش ينزل بسرعة ومايحتاج شفط
غير التمر اللي يلين عنق الرحم ويخليه يفتح بسرعة

بدون ومهابه
دكتورتي من دار الشفا اسمها آسيا اتينن حدها ومعروفة انها صبورة

 

[# غنوجة بيبي #]

الله يبارك فيكم و يسلمكم و عقبالكم تشوفون بيبياتكم..صج البيبي ياكل القلب

ام سند يا حياتي قريت ردج بيونيو الله يسهل عليج ولادتج

يالله رفوع و زينه شدو حيلكم

 

[الأوركيد~]

هدهد
غنوجة

ما شاءالله لا قوة إلا بالله

الله يفرح قلوبكم

و يسر تربية بنياتكم

الحمدلله عالسلامة

الله ييسر لنا

و عقبال بنات ال9

و الله يسر لشربات و يفتر البيبي

:eh_s(17):

 

[شربـــات لـــوز]

حبيبتي الاوركيد امين يارب
والله يهون ويسهل عليج

 

[شربـــات لـــوز]

هدهد الحمدلله على سلامتج حبي وتتربى بعزكم

 

[HoD'HoD]

الاوركيد
الله يبارك فيج حبيبتي ويسلمج والله يسهل عليكم ويتمم عليكم للتاسع يارب

شربات لوز
الله يسلمج حبيبتي والفال لج بولادة ميسرة باذن الله

 

[# غنوجة بيبي #]

راح اشتاقلكم بنات ..والله اني كسبت خوات

كانت ايام حلوه..استمتعوا بالحمل

 

[طموحه بزياده]

توني ادري رقمي 18 ههههههههههههههه



حدي بعيده



الحمدلله علا سلامة اللي ولدو

 

[مذهلة2013]

قائمة بجريات 2014
------------------★


1- رفيعة الشآآن ( 27 / 5 )

2-3-( Zynah-Q8 ( 14 / 6 & منـال

4- شربات لوز ( 24 / 6 )

5- سور المدينه (28 / 6)

6- ( 4 / 7) om_sanad

7- (bnt-usa (7 / 15

8- مذهلة2013 (16 / 7)

9-10- ( 20 / 7 ) تدخلين القلب & ElRaZaH

11- (29/7) al_sheikha

12- نور الضي ( 6 / 8 )

13- سكر معقود ( 8 / 8 )

14- حبيبة حمد ( 25 / 8 )

15- حبي و حياتي (30/8)

16-17- آشوآآآق + فيلسوفة تتفلسف (2/9)

18- طموحه بزياده ( 4 / 9 )

19- حسآيف (9/7)

20- همس اشواقي (15/9)

21- الأوركيد~ ( 17 / 9 )

22- (4/10) katrina90

23- (5/10) zoz_ota

24-25- أمورته & لوولوو_88 ( 7 / 10 )

26- اهذريبك~ (14/10)

27- مهابه (21-10)

28- بدون بس مغتربه ( 24-10)

29- ( BaRBya ( 26 / 10

30- دآآآنه (28/11)

31- ام احلى بيبي (12/7)

32- (12/12)th7awe

33- غزل (18/1)

♥♥♥♥♥♥♥♥♥♥♥♥♥

 

[حبي وحياتي]

غنوجه
معقوله البنت اللي تولد خلاص ماعاد نتواصل معاها
بصراحة انا حيل مرتاحه من تواصلي معاكم حسيت انكم صديقات ارجع لهم بكل شي
ماعرف انام بالليل اﻻ ليمن امر واقرا مشاركاتكم
ابيه صعب ينتهي تواصلنا للابد جان زين يستمر تواصلنا حتى بعد الوﻻدة اكيد بنحتاج لبعض وبنتناقش بتربية اطفالنا ومشترواتهم وطرق حل المشاكل اللي تصادفنا بتربيتهم
ادري غنوجه انج تعبانه من الوﻻدة وتربية البيبي بس ﻻ تقاطعين خل يكون تواصل حتى لو كل جم يوم
صج صج الفراق صعب. :eh_s(16):

​

 

[نور الضي]

مذهله
سور المدينه ولدت وجابت بنت
شيليها من اللسته

 

[أمورته]

الف الف مبروك هدهد وغنوجه وسور
الله يسهل على الكل

 

[نور الضي]

شلونج امورته؟
شخبارج مع الحمل؟
ماعرفتي شنو فيج؟

 

[أمورته]

الحمدالله كل شي تمام وقاعد اخذ حبوبي واروح مراجعات
سلمج الله فيني بنوته مثل ماكنت حاسه مع انه الكل كان يحسب فيني ولد
كلهم خير ونعمه
ورحت شريت لها ملابس وجهزت لها من سنتر بوينت تقريبا خلصتها بس انا مابلشت لنفسي ولا. شي


طمنيني عنج شلونج شخبارج وشلون العنونه. الي بطنج

 

[Om_Sanad]

ماشاءالله رقمي صار 5
يله زينه ومنال دوركم
يارب سهل علينا كلنا

بنات الي بالتاسع امشوا كل يوم