ديوانيـة --> بجريآت <-- : تعالوا نفضفض ونسولف !

[اهذريبك~]

بنات ماعندكم اخبار عن سكر ولدت والا لا ؟؟

 

[اهذريبك~]

فيلسوووفة هذا اللي سمعته عن الطلق الله يهون عليييج يارب و يسهل ولادتج

 

[اهذريبك~]

ابرة الظهر انا بعد بستخير فيها انا وحده ماتحمل كلش بس على كثر اعراضها الجانبيه ماشفت احد يشتكي منها

 

[حبيبي زوجي W]

مساء الخير على الجميع
شلونكم كروشات
اليوم كان عندي موعد
وسويت سونار
وياريت ماسويته
الدكتور صدمني وقال ماي البيبي ناقص
الطبيعي 10 سم وانا عندي الماي 6 سم
وعطاني موعد سونار ثلاثي بكره الصبح
عشان يتأكدون عدل من نسبة الماي
بنات تكفووووووووون ادعولي
من قالي الدكتور وانا ابجي
وحالتي حاله
وربي مو خوف علي بس انا خايفه على البيبي
لاتنسوني من دعواتكم الطيبه

​

 

[طموحه بزياده]

فيلسوفه وناسه هههههههه اكشن

الفال لي ابي احس هالاحساس لاني مليت باجر اخلص الاسبوع 37

 

[طموحه بزياده]

حبيبي زوجي



ان شاءالله ماكو الا كل خير عموما كل شي مقدر ومكتوب والواحد لازم يكون قوي ويتقبل مثل هالامور


بس انتي باي شهر؟؟؟

 

[اهذريبك~]

حبيبي زوجي اشربي ماي زمزم حيييييل يمدحونة لماي البيبي و ان شاء الله ماكو الا الخيررر

وطلبو منج ثلاثي لان اذا الماي ناقص الله لايقولة ان شاء الله ممكن يكون عند البيبي مشكله فعملية التبول لان بس يبلع الماي فزيين الحين يشوفون عشان اذا في مشكله يلحقون ويعطونج ادويه تحسن التبول عنده

 

[حبيبي زوجي W]

حبيبي زوجي



ان شاءالله ماكو الا كل خير عموما كل شي مقدر ومكتوب والواحد لازم يكون قوي ويتقبل مثل هالامور


بس انتي باي شهر؟؟؟

امين الله يسمع منج يارب
انا الحين لي 39 اسبوع
والحمدلله على كل حال

​

 

[لوولوو_88]

سكر بعدها ما ولدت

 

[لوولوو_88]

ماكو داعي للخوف حبيبي زوجي يمكن يكون هالشي سبب عشان تولدين .. ربي يسهل عليج يا رب .. و انشالله ماكو إلا العافيه

 

[غــــزل]

ي عمري ماكو الا كل خيررررر ي روحي

 

[قـــمـــرهم]

حبيبي زوجي

هانت كلها اسبوع وتولدين لاتحاتين


واذا الماي ناقص اشربي ماي واجد كثري كثري الماي

في دكتوره قبل قالتلي الماي اذا شويه يعني انتي ماتشوبين ماي واجد

والله ييسر امورج

 

[حسآيِف]

حبيبي زوجي

نفس الكلام قالوه لاختي .. لازم يكون اقل الماي انتي باسبوع ٣٩

يعني ماباقي شي اليوم باجر بتولدين والطلق شغاب معاج من زمان

 

[# غنوجة بيبي #]

حبيبي زوجي الله يطمن قلبج و يسهل عليح و تولدينه سليم معافى

 

[# غنوجة بيبي #]

بنات احس بالم من تحت السره وظهري كل نص ساعه
شنو يعني هذا طلق ؟؟

اذا العوار مال البطن معاه عوار اخر الظهر هذا ولاده

اذا مو منتظم معناته ولادت قربت هالاسبوع إن شاء الله

اما اذا منتظم و كل ماله الوقت يقرب فهذي ولاده لازم تطيرين المستشفى تفحصين و تسوين تخطيط

 

[فيلسوفة تتفلسف]

اليوم ماحسيت بالعوار بس مره وحده

الله يسمع منج غنوجه وهالاسبوع اولد حتى في شغلات بعد ماجهزتهم بس عادي

حبيبي زوجي الله يسهل عليج وان شاء الله مافي الا كل خير

 

[آشوآآآق]

اليوم ماحسيت بالعوار بس مره وحده

الله يسمع منج غنوجه وهالاسبوع اولد حتى في شغلات بعد ماجهزتهم بس عادي

حبيبي زوجي الله يسهل عليج وان شاء الله مافي الا كل خير

ع بالي ولدتي ع سسالفه الطلق


بس شكله فيج تجآديم وان شآءالله تبشرينآ قريب


انا من نآحيتي كل شي آختفى :bbbiu:

 

[CuTe KuwaiTia]

وايد استفدت من الكلام اللي بالتجمع بنات

الله يوفق و يسهل عليكم كلكم و يتمم عليكم على خير و يرزق كل وحدة اللي تتمناه

انا حامل بالبجر واحاتي وايد شغلات واولها الولادة الله يسهل

 

[غــــزل]

بنات شنو قررتوا تسمووووون البيبي اذا كان بنت او ولد ؟.

صراحه انا محتاره ابي اسامي استغفرلله انمسحت الذاكره

 

[om fairoz]

الله وناسه اللسته تخرع وتونس بنفس الوقت احس كل ماقرب الموعد تخترعين زياده الله يسهل علينا كلنا
ضيفوني معاكم باللسته بجريه ولادتي بتكون ١٢/١٧ ان شاءالله