ديوانيـة --> بجريآت <-- : تعالوا نفضفض ونسولف !

[طموحه بزياده]

انا بالاسبوع 37 و3 ايام يعني داشه الاسبوع 38 صح جذي؟ هههههه

 

[# غنوجة بيبي #]

طموحه عادي لا تخافين مصيره بيطلع

انا ولدت بالاسبوع 38

انت الحين ماكملتي ال38

و لا تحاتين سهالات ان شاء الله

نصيحه اخذي ابرة ظهر عشان ما تحسين بشي

كل اللي جربو كمام تعذبو من العوار

 

[مذهلة2013]

طموحه انا ولدت ٤٠ اسبوع بالظبط
اخر يوم لي بالتاسع
وماكو بوادر نهائيااااا
سبحان الله جك بوم نزل الماي

 

[فيلسوفة تتفلسف]

ابرة الظهر معذبتني ودي اخذها بس خايفه حيل من مكانها وانا اخاف حيل من الابر واخاف ظهري يعورني امي كانت ماخذتها باخر اخواني للحين ظهرها يعورها فمادري راح اقدر اتحمل الم الولاده ولا لا بماني بجر موعارفه شلون صاير راح اجرب واذا ماقدرت اطلبها

 

[همس اشواقي]

الف مبروك سكر معقود والحمدالله ع السلامه
ننتظر الاكشن ولاده
انا اليوم دشيت الاسبوع ٣٧ الله يسهل
يلا سبتمبريات صفوو طابور &#55357;&#56399;&#55357;&#56399;

 

[مذهلة2013]

فيلسوفه
نصيحه اخت لاخت
توكلي على الله واخذيها
الحين الكل ياخذها وخصوصا البجريات
لانه الولاده موسهله كلشششش
شرايج انا ماخذتها وانا قيصري
يعني صاحيه بوقت الولاده كلها

 

[فيلسوفة تتفلسف]

مادري والله خايفه منها

 

[# غنوجة بيبي #]

فيلسوفه حبيبتي

ابرة الظاهر حدها تكونين 4 سانتي
يعني لو بتجربين العوار و تطلبينها ما راح يعطونج

انا اخذتها و الحمدلله ما حسيت بعوار عقبها

روعه و اريحلج
اذكر والله حطولي بالدرب طلق صناعي من كثر ماهو قوي قمت احس فيه حتى و انا مبنجه

كنت اقول لو مو مبنجه جان تقطعت

 

[أأأميرة الورد]

الله يهون عليكم وتولدون بالسلامه

 

[طموحه بزياده]

غنوجه بيبي

يماااي لهدرجة عوار الطلق صراحع احاول استوعب شلون احساسه احس ماقدرت خخخخخخخ

دكتووووري قال الاسبوع الجاي راح يسويلي فحص عشان يشوف عنق الرحم شنو عنده ههههههه

بجذي اكون لي جا موعدي الاسبوع الجاي بالاسبوع 38 و و4 ايام

=========
بنااااات

انا بطني حيييل مرتفع بالشكل وحتى بالاحساس احس بضيق تنفس من ضغط البيبي لفوووق
شكثر ملاحظين بطني مرتفع حيل

هل معناة هذا ان الجنين مانزل للحوض ولا ضغط على عنق الرحم ولا فكر ان ينفتح سانتي واحد حتا :0

وهل معنا هذا ان الولادة بتكون لا قدر الله متعسرة او قيصري ،؟!!

 

[NewMommy]

السلام عليكم . اتمنى تضيفوني معاكم انا ولادتي بفبراير ان شاء الله و توني بجر اجهضت قبلها بس الله سهل و يارب الله يثبت اللي برحمي هالمره

 

[أمورته]

يارب يهونها علينا وعليكم يارب ياكريم

طموحه بزياده خليها على ربج لا تفكرين وايد
لان انا مجربه هالتفكير متعب
اكيد كل شي يصير لنا خيره ان شاءالله

عجبتني كلمه فيلسوفه لما تقول اكيد الله عارف قدرتنا على تحمل الحمل والولاده
عشان جذي رب رزقنا ياربي لك الحمد حمدا كثيرا طيبا مباركا فيه

 

[حبيبي زوجي W]

السلام عليكم ورحمة الله وبركاته
شلونكم كروشات شخباركم
حبيت ابشركم
انا ولدت طبيعي ولله الحمد
بيوم الخميس الساعه 8 بالليل
وجبت احلى ولد بالدنيا
والفال لكم خواتي بالولاده السهله

​

 

[لوولوو_88]

قائمة بجريات 2014 و 2015
------------------★



1- حبيبة حمد ( 25/8 )

3-2- حبي و حياتي + اميرة ( 30/8 )

5-4- آشوآآآق + فيلسوفة تتفلسف ( 2/9 )

6- طموحه بزياده ( 4/9 )

7- همس اشواقي ( 15/9 )

8- الأوركيد~ ( 17/9 )

9- ( 4/10 ) katrina90

10- ( 5/10 ) zoz_ota

11- طهر ( 5/10 )

13-12- أمورته & لوولوو_88 ( 7/10 )

14- اهذريبك~ ( 14/10 )

15- مهابه ( 21/10 )

16- بدون بس مغتربه ( 24/10 )

17- ( BaRBya ( 26/10

18- الفوز الحلو ( 28/10 )

19- أم عبو_د ( 15/11 )

20- ام_حوريه ( 19/11 )

21- دآآآنه ( 28/11 )

22- ام احلى بيبي ( 7/12 )

23- ( 12/12 ) th7awe

24- ( 21th ( 14/12

25- مايو 95 ( 4/1 )

26- شوكة رنانة ( 7/1 )

27- غزل ( 18/1 )

28- بنت الكويت 90 ( 30/1 )

29- زمرده ( 2/2 )


♥♥♥♥♥♥♥♥♥♥♥♥♥


الف مبرووووك ولادة ( حبيبي زوجي ) و الحمدلله على سلامتها و سلامه وليدها ربي يجعله من الذرية الصالحة ♡


الفال ل اميرة و حبي و حياتي و حبيبه حمد و اشواق و فيلسوفه و طموحه بزياده ربي ترزقهم الولاده الميسره و يا رب تهون عليهم و تقر عيونهم ابيبياتهم بصحه و عافيه يا رب ♡

 

[آشوآآآق]

مبرؤؤك حبيبي زوجي


الحمدالله ع سسلآمتج ويتربي بعزكم المولود


عقبالنآآ ~~

 

[فيلسوفة تتفلسف]

الحمدلله ع سلامتج حبيبي زوجي كنتي وايد تحاتين الحمدلله
والف مبروك الله يخليه لج

يمااا قرب موعدي وقمتي تدعيلي يالولو حياتي لج بالمثل

 

[سـٌگر معـقـود]

السلام عليكم


الحمدلله الله سهل ولادتي بيوم 14/8
ورزقني احلى بنوته
والفال لكم بالولاده السهله يارب

 

[طموحه بزياده]

الحمدلله علا سلامتج (سكر معقوود)

وتتربى البنوته بعزكم

ناطرسن تجربة الولادة الاولى بالتفصيل )

 

[فيلسوفة تتفلسف]

حمدلله ع سلامتج سكر

ناطرين قصتج انتي وحبيبي زوجي لا تطولون نبي نقراها قبل لانولد ههههههه

 

[ElRaZaH]

الحمدلله ع سلامة اللي ولدو
صج بنات ابرة الظهر رحمه اخذوها بس نصيحه سوو التحليل اول ماتدشون التاسع
انا ماسويته وقعدت 3ساعات ناطره النتيجة