ديوانيـة --> بجريآت <-- : تعالوا نفضفض ونسولف !

[حبي وحياتي]

زوجي حبيبي
سكر معقود
الف الحمدلله على سلامتكم وسلامة بيبياتكم ربي يحفظهم ويذوقكم برهم

​

 

[حبي وحياتي]

زوجي حبيبي

​

سكر معقود
الف الحمدلله على سلامتكم وسلامة بيبياتكم يتربون بعزكم ويرزقكم برهم

 

[حبي وحياتي]

بنات بسالكم
انا نزل معاي مثل الافرازات الثقيله وفيها دم
و رحت المستشفى وخذيت تخطيط على تقلصات الرحم وقالولي ان فيه طلق بس بسيط وقلتلي دكتورة الطوارئ ردي البيت اذا زاد معاج شي تعالي
هل معناته ان ولادتي قربت وﻻ باجيلها جم يوم
وشلون اعرف ان

​

اكيد فيني ولاده عشان اروح المستشفى

 

[آشوآآآق]

بنات بسالكم
انا نزل معاي مثل الافرازات الثقيله وفيها دم
و رحت المستشفى وخذيت تخطيط على تقلصات الرحم وقالولي ان فيه طلق بس بسيط وقلتلي دكتورة الطوارئ ردي البيت اذا زاد معاج شي تعالي
هل معناته ان ولادتي قربت وﻻ باجيلها جم يوم
وشلون اعرف ان

​

اكيد فيني ولاده عشان اروح المستشفى

آن شآءالله قربتي تولدين دآم نزلت الافرآزآت فيهآ دم تعتبر السدآده حقت الرحم


الله يسسسسهل عليج يآرب:yaaaaaarb:

ويقر عينج بشوفه ولدج

 

[سـٌگر معـقـود]

الله يسلمكمم يارب والفال لكم ان شاء الله


قصصه ولادتي ببنوتي ♡


--------

بدأت القصه بمراجعه روتينيه حق دكتورتي تاريخ ١٢/٨ يوم الثلاثاء
وبعد الفحص قالت بس ١ سم ، وعنق الرحم الحمدلله مهيء للولاده ( ليين جدآ )
بس انتي عديتي موعدج ( طايفه موعدي ب٤ ايام ) ومارااح انطر عليج لا يشرب البيبي وسخ او يوسخ بالماي

صرفتلي خروع اخذه بالليل ، ع اساس يسرع بالولاده وعطتني ظرف 2 لدخول المستشفى اذا مافاد الخرووع
ارووح لهم يحطون لي طلق صناعي ، وكنت مقرره ماروح اصلا ههههه الحمدلله جت طبيعيه

بعد ماشربت الخروع الاربعاء الصبح قعدني مغص بططني واصواات الا حال بطني ككله
وبعدها اختفى كل شي ! تحبطت وفقدت الامل بالخروع ... الخميس الفجر س٢ حسيت المممم بظهري
وبرووده نفس الدوره بالضبط حتى كنت ابي احط الكمادات الحاره .. ويروح ويجي الالم واذا جا ماقدر اصلب طولي

قلت بس صارت الصجيه هههههه رحت تسبحت وبخرت شعري واستشورت و طلعتلي رطب و جاي زعفران بعدهأ
قعدت ريلي بروح المستشفى بس قلتله على رووواء لاتخترع اخذ راحتك < وبالسياره ندمت عالجمله هذي هههههه

ركبت ومشيناا ودررب يالله وصلنااا وانا بجي عالصامت وصلنا بسرعه ويل جير عالطوارىء .. شافوني للحين صاحيه
فيني حيل عطتني علبه تحليل اسويهااً!! وانا خبله سويت انزين انا جايه اولد شكوو تحليل بول !! هههههه

خلصت ركبت التخطيط في طلووووق وفحصت الا ٢ ونص سم وكان على اذان الفجر !! تبين دخول ولاكيفج انتي مطوله احتمال عالمغرب تولدين < عاد ماكنت حابه ادخل ويلعبون فيني
قلت بطلع ماوصلت لباب الغرفه الا ذيج الطلقه لفيت عليها قلت دخلووني هههههه

رحت غرفه الولاده بدلت وقعدت سوولي فحص ابره الظهر وقلتلهم مابيها الحين خفت تبرد الطلوق < غشيمه
س٦ خذيتهاا ومنهاا وانااا ماحس ان فيني ولاده قاعده عالانستقرام هههههه وريلي راح دوامه على اساس بقعد للمغرب
قال اردلج الظهررر وماعندي احد كلش بس قايله لاختي
س٨ فحصوني ٣ سم
دقو على دكتورتي قالت بطوو المااي وعطوها طلق بالدرب // طبعا ماستوعبت شنو بطو الماي حسبالي بتفحص
عقب اقولهاا لااا لاتنشف بنتي تقولون ولادتي مطوله بطته جان ينقلب وجههاً المااي اخضر موسخه فيه // كله من الخروع حل بطنها وياي ههههههه

قلتلهااا ماابي طلق دكتوره طوارى فلبينيه نفيييسه قالت اوكي الحين اقول لدكتورتج // راحت وردت جان تقول لا لازم موبكيفج دكتوره تبي !!
٨ ونص بالضبط حطته عقب ضعفت نبضات البيبي اضطروا يعطوني اكسجين ويراقبون النبض صح خوفوني دقيت على اختي س٩ ونص واسولف وياها
واحس بضغط جنه فيني بواسييير قالت اذا يقولون مطوله اصلي الظهر واجيج سديته الا دكتوره مصريه تفحص وسكتت !! انا علامه تعجب جمم وصل

اهيا >> ٨ سم !! جان اخمط التلفون وابجي هههههه < اخترعت ماكنت متوقعه كلش لان قالولي بالليل
دقيت على اختي تعالي الحيين ولااااده < عاد مادري شكنت ابي فيها لان كنت مو يمها كلش
١٠ ونص دخلت دكتورتي وانا ماعندي احد كلش ملش !! اختي مامداها توصل
وتعلمني عللبوش كلهم هدووء فجأه يطالعون بالجهاز ويصارخوون يلااا يلاااا وانا متحمسه اقوى شي اخر شي اضغط غلط ههههههه
اتفخ خدوودي واعصر ولا تقول لا مووو فوق تحت تحت هههههههههه

بعدهاا طلعت بنووتي وحسيت فيهاا زلقت حاااره حطتها على بطني ماذكر شفتها عدل من الصدمه والخرعه ماشفت ملامح بس جسم
وابجججي واهيا تضغط وتخيط حسيت بغزه الابره قلتلها قالت تبين تنامين قلتلهاً اييييي قالت يلا مع السلامه

وقعدت على صوت اختي الساعه ١٢ ونص والغرفه فاضييه اقولهاا وين الناس

والحمدلله يارب كانت سهالات وربي يسرها يالله لك للحمد اللي للحين مومستوعبه اللي صار
والفال لكم يارب بالولادات السهله

 

[طموحه بزياده]

ماشاءالله قصتج حلوووه

بأي مستشفى ولدتي وعند منو؟؟؟

و تنصحين بابرة الظهر؟؟؟

 

[أمورته]

الحمدالله على سلامه كل الي اولدو
الفال لنا بالولاده السهله

مشكوره سكر على كتابه قصتج ماشاءالله مشجعه

 

[فيلسوفة تتفلسف]

حمدلله ع سلامتج سكر قصتج تونس الله يخليها لج

وصج البجر افلام ماتعرف شي الله يستر

 

[سـٌگر معـقـود]

طموحه

برويال عند فوزيه

انصح فيها وحيييل بس صراحه معاي عوار بظهري من يوميين مت منه
احسه مفجج امي تقول عادي من الولاده وانا ربطته بالابره

 

[همس اشواقي]

ماشاء الله سكر قصه ولادتج مريحه عطتني امل
اتوقع له دور زيت الخروع بجربه ان شاء الله

 

[حبيبي زوجي W]

​

السلام عليكم ياحلوووووووات
حبيت اكتب لكم قصة ولادتي
مثل ماتعرفون انا بجريه ومن حملت وانا خايفه من الولاده
وقريت وايد قصص عن الم الفحص والطلق والولاده
وفي ناس اطمن وناس تخووووف
دشيت يوتيوب وبحثت بقوقل وماخليت شي
وحانت لحظة الولاده وبدا العد التنازلي ودخلت الشهر التاسع
وبدا الخووووف والتوتر
وكل ماحسيت بألم قلت لزوجي ابي اولد
وباللحظه اختفى كل العوار
وفي مره قريت بالنت ان الجماع والمشي يسهل الولاده
وقررت اطبق هالشي لان من طبعي اخاف من اي شي اشربه يآثر علي او على البيبي
ومن دخلت التاسع جهدت نفسي بالمشي والجماع
مع اني ماكنت واثقه او مقتنعه انه يسوي شي
بس هم سويته جماع ومشي وشغل وبذل مجهود
بس عشان اولد طبيعي
ويوم الثلاثاء 12/8
كان عندي موعد وسويت سونار وقالي الدكتور ماي البيبي ناقص المفروووض 10سم انا عندي الماي 6سم

ودخلت المستشفى يوم الاربعاء
والخميس الصبح حطولي طلق صناعي

بس ةالله يابنات الفحص مايعور والله
دام انتي مسترخيه وماتشدين مافي اي الم
انا بعد ماحطيت التحميله اشتغل عندي الطلق
وطلبت من الدكتور يفحصني وفحصني وقال مفتوح الرحم 2 سم بس قالي شرايج اوسعلج قلت اوكي ووسعلي بصراحه كان التوسعه تعور حيل
وبعدها زاد الطلق عندي لدرجة احس ظهري يبي ينكسر
ومن قوة الطلق قمت ارجع وظليت اصارخ ودوني الوضع وودني الوضع
وامي عمري كانت عند راسي وتدعيلي وزوجي مو عارف شنو يسوي
ودخلت غرفة الوضع وحطولي الحقنه وبعدها ركبوا التخطيط
وعطوني ابره والكمام
خدرت شوي والطلق شغال
بعدها جا الدكتور فحصني جان يقولي ولاده
وبنفس اللحظه انفجر الماي
والدكتور رفع رجولي وقالي يالله ادفعي وانا ادفع والطلق يابنات كأنج تبين الحمام اكرمكم الله
والدكتور يصارخ يلا شدي وانا اشد
تقريبا اربع خمس مرات
وبعدها طلع راس البيبي
وطلع البيبي وراح العوارنهائيا
وخيط الدكتور الجرح والحمدلله تمت الولاده

والسهاله من الله
والله قر عيوني بشوفة ولدي بين ايديني سالم بصحه وبعافيه
ونصيحه لخواتي البجريات
والله وبالله الفحص مايعور
والولاده اسهل من الطلق
ولاتسمعون كلام احد وخليكم ريلاكس وادعوا الله يسهل ولادتكم
وهاذي قصة ولادتي
حبيت اذكرها لكم يمكن تستفيدون منها وتعرفون مو كل اللي يصير مع غيرج يصير معاج
لا
ترى التساهيل من رب العالمين

 

[نور الضي]

الحمدالله علي سلامتج
الفحص مايعور بعض البنات يهولون

 

[فيلسوفة تتفلسف]

حبيبي زوجي شربتي خروع وهالسوالف

 

[الأوركيد~]

ما شاءالله

سكر و حبيبي زوجي
قصصكم تشجع
الف مبروك
و ربي يتمم عليكم و يرزقكم بر عيالكم
و عقبالي و بنات ال9 بالولادة السهلة الميسرة يا رب

:yaaaaaarb:

 

[مرت الغلا]

اخييييه ايام لما كنت بجر والحين الثاني سبحان الله ترا البجر اونس شي استانسوا

والحمدلله على سلامتكم والله يسهل عالباقي

 

[# غنوجة بيبي #]

الحمدلله على سلامتكم بنات

شبعو نوم

الياهل يخلي نومج مقطع حيييل

احاتي الدوام اسبوع الياي

حبيبتي مرت الغلا ذكرتج..انتي كنتي والده شهر 12 او 1

كنتي مسويه ربط صح ؟؟

 

[لوولوو_88]

قائمة بجريات 2014 و 2015
------------------★



1-2- حبي و حياتي + اميرة ( 30/8 )

3-4- آشوآآآق + فيلسوفة تتفلسف ( 2/9 )

5- طموحه بزياده ( 4/9 )

6- همس اشواقي ( 15/9 )

7- الأوركيد~ ( 17/9 )

8- ( 4/10 ) katrina90

9- ( 5/10 ) zoz_ota

10- طهر ( 5/10 )

11-12- أمورته & لوولوو_88 ( 7/10 )

13- اهذريبك~ ( 14/10 )

14- مهابه ( 21/10 )

15- بدون بس مغتربه ( 24/10 )

16- ( BaRBya ( 26/10

17- الفوز الحلو ( 28/10 )

18- أم عبو_د ( 15/11 )

19- ام_حوريه ( 19/11 )

20- دآآآنه ( 28/11 )

21- ام احلى بيبي ( 7/12 )

22- ( 12/12 ) th7awe

23- ( 21th ( 14/12

24- مايو 95 ( 4/1 )

25- شوكة رنانة ( 7/1 )

26- غزل ( 18/1 )

27- بنت الكويت 90 ( 30/1 )

28- زمرده ( 2/2 )


♥♥♥♥♥♥♥♥♥♥♥♥♥


اليوم آخر موعد ل ( حبيبه حمد ) .. و لها فتره مختفيا .. و أتمنى أنها ولدت بالسلامه و ربي قر عينها بشوفه ضنلعا يا رب ♡


الفال ل اميرة و حبي و حياتي و اشواق و فيلسوفه و طموحه بزياده ربي ترزقهم الولاده الميسره و يا رب تهون عليهم و تقر عيونهم ابيبياتهم بصحه و عافيه يا رب ♡

 

[لوولوو_88]

حبي و حياتي طمنينا عليييج نحاتيج من بعد الإفرازات مالج حس .. يا رب تكونين ولدتي و تبشرينا

 

[فيلسوفة تتفلسف]

وناسه مابقى شي وصل رقمي ٤

يارب ترزقنا السهاله

 

[فيلسوفة تتفلسف]

ادعولي بنات والله ضايق خلقي امس كنت مستانسه