ديوانيـة --> بجريآت <-- : تعالوا نفضفض ونسولف !

[مـهـــابــــه]

شفت اللسته قعدت اطق اصبع ههههههههه

 

[سكرررة]

هههههه أحس اني بحلم .. يوم احط اسمي رقمي 30 كان .. سبحان الله الأيام تركض .. يا رب حسن الخلق و السلامه و التيسير يا رب

اللهم آميييييين

 

[لوولوو_88]

ههههههه مهابه يااااااج الدوووووووور طقي طقي ههههههههههه

 

[مذهلة2013]

الله يهون عليييج لولو


مها خطر روحي انا اتذكر نزل علي الماي فجاه روحي جيكي

 

[مذهلة2013]

بنات الولاده صج شيء مو هين بس استمتعي صوري كل شيء انا اتذكر صورت كل شيء والحين لما اشوف الصور استانس

 

[طموحه بزياده]

مذهله


شنو صورتي بالضبط ؟ هههههههه


انا صور بنتي بس وانا بجناحي واحلا صور توها والده ووجها متفوخ

 

[لوولوو_88]

آمين حبيبتي مذهله ما تقصرين

 

[لؤلؤةالكويت]

السلام عليكم

الله يعطيكم العافيه يالشيخات ضموووني معاكم محبتكم لولوة الكويت بچريه بالشهر الرابع

وولادتي ب 23 / 3 / 2015


باقيلي اسبوعين وخمس ايام وادخل الخامس لكن من امس احس بمغوص وطول يومي بالسرير لحد الحين لو اتحرك شوي تجيني مغووص بأرحامي وظهري

مادري شسالفه ومتكاسله اروح لدكتورتي ومعاااااي اكرمكم الله غاااااااازات مو طبيعيه مت منها ..

 

[مذهلة2013]

طموحه

صورت غرفه الولادة الطبيعيه صورت انا مع اهلي وزوجي
صورت شكلي وانا حامل ههههههه
صورت غرفه المستشفى
صورت الاستقبال كله من حلو و القاعه واكييد بنتي
كل شيء صوورته
ترا جد لحظات حلوووة
صورت انا مع زوجي بغرفه العمليات القيصريه ريلي صور بنتي واهي توها طالعه من بطني
خلو الكاميرا مع اغراض المستشفى

 

[أمورته]

بسم الله الرحمن الرحيم
ماشاءالله ولاحول ولاقوة الا بالله
رزقت بمولده يوم الخميس الموافق 25-9-2014 وكانت بالاسبوع 38 ويومين

بدت قصه الولاده <<طبعاا كلش ماتعرف تعبر
كان عندي موعد يوم 23 طلبت من دكتوره تسويلي فحص داخلي ارفضت وانا من اخر الثامن تجاديم فيني وحاسه اني مفتوحه المهم طمنتني انه راس البيبي نازل بالحوض واستانست
>> يافرحه ماتمت
ليششش?
الحين تعرفون…
يوم الاربعاء بالليل احس بعوار ماقدر انقلب لا يمين ولا يسار عوار عوار بس من كثر مافيني نوم ماقاعد احسب واطنش لان نمت متاخر
المهم صباح الخميس <<متعوب ع صباح ترا
ساعه تسع ونص تقريبا صباحاا قمت من نوم قلت خلاص الي فيني ولاده من عوار الي تحملته
من كثر ماقرى القصص الولاده قلت بسوي مثلهم يعني .. تسبحت وتكشخت وصليت وقريت سوره مريم مع العلم محافظه عليها من اول مادخلت التاااسع واكلت تمر وشربت حليب قلت خل بططني خفيف
الساعه 11 ونص قررت اروح المستشفى بس كان العوار محتمل بس صج نسيت اقولكم انه الماي كان يصب علي شوي شوي بس كل ما اتاخر كل ما كت زياده .. رحت مستشفى دشيت ع دكتوووره كانت دكتوره لمياء افحصتني وكان الفحص يعور لانها فاجئتني فيه بس بو ثواني ويخلص
قالت انتي ولاده مفتوحه 4 سناتي
وحيل استانست ودشيت ع ريولي فرحانه بولد طبيعي يعني اسدحوني ع سرير وحطو الطلق وكان. يبلش من 40 الى 70 تقريبااا وكانت ساعه وحده يت الدكتوره تشوف ولا تقول نفس شي 4 اخذي الكمام
وصارو يدشون كل ثلاث اربع ساعات يجيكون اذا انفتحت او لا وانا مو داريه عنهم من كمااام بس الي افهمه انه صارو يحطون طلق صناعي بالدرب ويقولون للحين اربع سانتي لاحد مادش دكتور جان يقول اذا مافتحت لحد سااعه تسع ونص نحولها قصيريه جان اقوله قصيري لا لا وانا مو بوعيي
صارت تسع ونص اخذو موافقه ريلي وحولوني وانا اصرخ مابي قصيري وهما ماخلو عذر ماعطوني اياه انه لازم قصيري دكتور يقولي حوضج صغير والدكتوره تقول البيبي تعب وبعدين دخلوني تخدير وانا تكفون مابي قصيري
يقولون ترا اي شي يصير ع مسووليتج
جان اخاف واقولهم ريلي شقال ..
قالوا لي موافق
جان اقولهم حرام عليكم انا ماخليت شي ماسويت عشان مابي اولد قصيري
كل يوم امشي واشتغل وتخلوني قيصري
مابي قصيري وابجي ومتضايقه واتحلطم كانت حالتي ماساويه << دمعت عيونها لما تذكرت عذاب والله يارب تاجرنا ع هالتعب وتعوضنا خير
المهم وصلنا التخدير تحاول تسولف معاي مالت التخدير جم عمرج شنو ماكله وانا اجاوبها وبكل كلامي مابي عمليه مابي قيصري
هالحججي الساعه عشر بالليل حطت الكمام وانا اصرخ داخله مابي قصيري انا كل شي اسوي ليش قيصري <<قصدي ماكنت رباديه وقاعده كنت يوميا امشي بالبيت ع الاقل واشتغل فيه وقرفصا وكل شي

جان احس اخر شي شالو شعر بطني وكتو ع ريولي وبطني ماده ماشفت لونها بس اتوقع احمر بارده وماحسيت بشي الا ساعه 12 ونص اول مافجيت عيني قالوا لي ولدتي والحمدالله الياهل زين
وطلعوني من الافاقه الساعه 1 ونص
صج ماقلت لكم اخر عذر سمعته من دكتوره قالت الحبل سري لقيناه لاف ع الياهل لفتين احمدي ربك وانحاشت



ولدت بمستشفى الامومه
الدكتور صبري والدكتوره لمياء اثنينهم يقولون احنا ولدناج

مستسفى فاشل حيل وخاصه من ناحيه الاهتمام فيج
يعني اقصد خدمة الممرضات مالهم خلق يشتغلون واذا طلبتي ايونج ساعه مايون يعني تموتين بمكانج محد درى عنج

احسن شي فيهم اكلهم بس انا ماشتهي الاكل من الي شفته


والحمدالله من قبل ومن بعد
والفال لكم بالولاده السهله الميسره

 

[سكرررة]

الف الحمدالله على سلامتج أمورته وكل شي بأجره ان شاءالله
انا فالاسبوع ٣٣ وبديت اخاف من أمس وانا مكتئبه

 

[أمورته]

الله يسلمج يارب وعساها خيره ان. شاءالله


بس بسال مذهله
الحين شلون اقدر اهتم بالجرح وشنو اقدر اشرب من اعشاب
لان سمعت القيصريه ماتاخذ اعشاب او شي

 

[لوولوو_88]

حبيبتي امورته عساها خيره لج و لبنيتج .. ما تدرين لو ناطره أكثر على الطبيعي يصير ابنوتج شي الله لا يقوله أو تتعب .. الخيرة فيما اختاره رب العالمين .. المهم السلامه لج و لبنيتج ♡ والله فرحاااانه لج واااايد واااايد .. ربي يبارك لج ابنوتج و يجعلها من الذريه الصالحه و يرزقكم برها ♡

 

[لؤلؤةالكويت]

الحمدلله ع السلامه الاخت امووووورته يالله عاد آنه حاطه فبالي اولد بمستشفى الامومه او مستشفى العرف


الله يسهل ع الجميع ..



عاد مدحولي دكتور محسن طلبه بمستشفى الامومه وحماتي ومرت ولد عمتي وبنت عمتي والدين عنده يمدحونه

وقلل يومين ولدت مرت ولد عمتي وتمدح بالامومه انها ماحست بالولاده لانها يمكن اخذت ابرة الظهر

 

[سمراء كالخمري]

الحمدالله على سلامتج وسلامه البنووته اموووورته والله كل شي خيره صراحه لا تعترضين على القيصري بس لازم يقولون لج من قبل اذا حوضج صغير ولا نوووو غريبه مابلغوووج الا حزه الولاده :eh_s(4):

 

[الفوز حلو]

الحمدلله على سلامتج ووسلامه البنوته امورته
هالشي الي مخوفني من الخاص
اعرف وحده راجعت العرف والسلام وكلهم اقروا لها قيصري والحكومه قالو وضعج طبيعي
وبنت عمي نفس الشي السلام استعجلو عليها قيصيري عشان الماي ينقص مع ان عادي مرت اخوي تلماي ينقص وابدكتوره اصبرت عليها يومين وولدت طبيعي
يارب كلنا نولد طبيعي وتتسهل امورنا

 

[اهذريبك~]

سبحان الله امورتة مكتوووب لج و الحمد لله على سلامتج و سلامة البنوووووتة

و الامومة معروف فاشل من ناحية الممرضين و لولا دكتور محسن طلبه ماكان ارتفع سوقه

 

[بدون بس مغتربه]

الحمدلله على سلامتج امورته وسلامة البنوته,, تضايقت من قريت قصتج.. بس حكمة رب العالمين والله يستر ان شالله الولاده الجايه طبيعي...

بس انا بعد مستغربه يعني ليش ماوسوعج او شي ليش عطوج طلق على طول في شي علط ... يلاا الحمدلله على سلامتج

وحي الله باللي انضم لنا..

 

[أمورته]

عساها خيره ان شاءالله هم اهملوني وايد لان وايد عندهم حالات ولاده
ويمكن فعلا تصرفهم صحيح لان بالنهايه كل شي خيره بس الحين تعب بالقومه والقعده وصدر فيه حليب وتاذيت حيل مو قادره امسك البيبي قاطتها اول ع مستشفي واليوم طلعت ع امي مسكينه

يارب تشافيني باسرع وقت
وجنه اليوم بنتي المسكينه فيها بو صفار

 

[فيلسوفة تتفلسف]

الحمدلله على سلامتج امورته وكل شي بأجره والله حاسه فيج لو الوحده من اول ادش قيصريه احسن مايعذبونها وفحوصات وطلوق والله يعينج اهم شي حاولي تتحركين وتمشين ترى كل ماتحركتي تشافيتي بسرعه اكلمج من تجربه والله يقومج بالسلامه

والسهالات من رب العالمين لا ادويه ولا دكتور ولا مستشفى اهم شي الوحده تدعي وتسلم امورها بيد رب العالمين