ديوانيـة --> بجريآت <-- : تعالوا نفضفض ونسولف !

[Badouraa]

السلام عليكم
انا بعد معاكم بإذن الله
بس ولادتي تووووو الناس عليها لوول
والحمدلله عالسلامه للي ولدوو
والله يسهل عليناااا يارب

 

[مـهـــابــــه]

قصة ولادتي


الحمدلله يارب ع عطاياه و فضله كانت ولادتي ثاني اسبوع من التاسع و ماكان فيني اي شي ، دكتورتي من نهاية الثامن قررت ان انا قيصري لان راس الجنين كان فوق و وضعيته طولت ع هالحال شهرين تقريبا فقالت ما اتوقع انه بيفر خلاص و تعالي نحدد القيصري ما انصح انج تطولين لان البيبي حجمه صغير و ممكن يتعب باي لحظة و كلامها فعلا كان واقعي لكن انا قلت ببذل الاسباب اني اولد طبيعي و الباقي ع الله ، قررت اغير و اراجع عند دكتور محسن طلبه و اخليه يفر لي البيبي و فعلا فرها لي ع مرحلتين و صار الراس تحت مثل ماتمنيت بس قال لي نفس كلام دكتورتي ضروري تولدين مبجر لان البيبي صغير موقاعد يستفيد و وزنه ما يصعد و خلاني ع التخطيط يوم و ترك حتى يتطمن ع اوضاع الجنين ، يوم الولادة كان عندي تخطيط مثل ما طلب مني و رايحه ما اعاني ولا احس باي شي تخطيطي كان بالحكومي الساعه 7 المغرب حطوا الجهاز الاول النبض ضعيف قالوا نغير الجهاز حطوا الجهاز الثاني نفس الشي جابوا جهاز صغير نفس الشي النبض ضعيف قالوا لي لازم نسجل لج دخول الحين و نسوي اجراءات الولادة انا خفت هني وقلت للدكتور مابي اولد عندكم ابي خاص قال اوك اكتب لج تقرير تعرضينه عالمستشفى اللي بتولدين فيه و انصحج تروحين الحين لاتأخرين رديت البيت خذيت اغراضي رتبت اموري كانت الساعه 9 ونص بالليل و رحت لطورائ الامومه سوولي سونار و تخطيط وكانت الحاله للاسف كل مالها تزيد سوء والنبض يصعد و ينزل فجأه دقوا ع دكتوري محسن طلبه كان اجازة بيومها و استشاروه قال لهم جهزوها للعملية اذا الجنين تعبان انا ماقدر احط لها طلق صناعي وبهالحالة مافي الا قيصري .
اتكلت ع الله جهزوني و صعدوني غرفة العمليات جا الدكتور بسرعه الساعه 1 الا ربع بالليل حطوا لي تخدير كامل ماحسيت بشي ساعه 1 ونص بطلت عيني ع صوت البنت و صراخها رديت نمت مره ثانيه وقعدت ارجف من البرد جنه فيني كهربا رجف مو طبيعي اول مره يمر علي جذي يحطون البطاطين فوقي ماكو فايدة ليما جابو جيس نايلون و عبوه هوا حار حسيت اني ارتحت بس عوار العملية للحين طلبت مسكن طقوني ابرتين وحده ع فخذي اليسار و وحده فخذي اليمين ماكو فايدة ليما حطوا لي مسكن بالدرب ارتحت ونمت ساعتين تقريبا بعدها صعدت للجناح ثاني يوم بدلوا لي وغسلوني وبديت اكل و اتحرك اغصب نفسي عالمشي عشان يطيب الجرح بسرعه ، العمليه تعبها عقب مو حزتها وفعلا اول ثلاث ايام كانت صعبه ماقوم بروحي ولا اقعد بسهوله حتى الحمام وانتوا بكرامه يودوني و يغسلوني و يردوني فراشي
البنت الحمدلله صحتها ممتازة وما احتاجت شيشه ولا شي وزنها 2300 تقريبا ، مستشفى الامومه رعايتهم حيل ممتازة ع عكس اللي سمعته عنهم و الدكتور ممتاز مايحتاج سمعته ذهب و الحمدلله والشكر اولا و اخيرا .

 

[حسآيِف]

ماشاءالله ماشاءالله تبارك الرحمن
مبرووووك لكل اللي اولدووو يتربون بعزكم
والحمدلله على سلامتكم والله يعينكم على التعب والسهر
ويرزقكم برهم ويخليهم يااااارب

 

[لؤلؤةالكويت]

الحمدلله على السلامه خواتي اهذريبك و مهاااااابه

 

[ام احلى بيبي]

الحمدلله على السلااااامه كل اللي ولدوا
والفال لي و للباااااقين يااارب

انا توني داشه الثامن
الله يهون عليناااا ويفرحناا يارب

 

[شوكة رنانه]

وناااسه يالله متى دوري،،، الله يتمم عليكم كلكم

واللي ولدوا ربي يخليلكم عياللكم يارب يتربون بعزكم

 

[الأوركيد~]

الحمدلله الذي بنعمته تتم الصالحات

قصة ولادتي بنور عيني بتاريخ
05.09.2014

قبلها بيوم
04.09
قررت اشرب دارسين
و انا مو عدي كان ما شالله 16 الشهر

سوت لي الخدامة شاي احمر مع دارسين
و حطيت كمية كبيرة
و تميت اكله اكل ما شاءالله
&#55357;&#56835;
و انا اصلي العصر
حسيت مثل شي انبط بس خفيف مو بقوة و شي ينزل عليي
قطعت الصلاة و خفت
قلت لاختي جنه نزل علي الماي
عبالها امزح
دخلت الحمام و انتوا بكرامة
الا اشوف الكيرفري فيه ماي وردي تقريبا
قلت لاختي و قالت لامي
تسبحت و لبست
و خذت معاي اللازم للمستشفى من اوراق ثبوتية
شغل الولادة كله كان جاهز الحمدلله
بس ما زهبت لا شنطتي و لا شنطة ولدي
و هاي كانت غلطة
يا بنات جهزوا من اول يوم بال9
ما تدرون متى الله يكتب الولادة
المهم انطلقنا العصر للمستشفى
دخلوني غرفة التخطيط
و يوم دروا اول بيبي و الالم خفيف ما فحصوني
قالوا امشي بالعنبر و قعدي بماي دافي
حاولت اتمشى و الالم بدا يزيد و يزيد
مثل الم الدروة بس يقوى
و انا اقول لهم اتالم و هم يقولون تو الناس
و طلقي كان كله ترجيع كرمكم الله
انسدح شوي و اقوم اتلوى و اصيح يعور يعور
و امي و اختي يصبروني
الممرضه اخر شي عطتني حبه على قولتها تهدي
بس ما نفعت معاي لانه وحامي كان زواع كرمكم الله
فيمكن تكون طلعت
من الالم فكرت بابرة الظهر اللي كنت من اشد معارضينها
بس امي و اختي ما نصحوني و قالوا تحملي
انا مو ذاكرة الاوقات عدل لاني من الالم حتى ما كنت اشيك الوقت
بس اذكر خلوني لين الالم اشتد و صار كل 5 دقايق يمكن
شيكت و قالت ولادة
4 سم ما شالله فاتح
بس ينطرون شوي و يحولوني عنبر الولادة
قالت فيج حيل تمشين
قلت لا ابي كرسي
و انا حدي مو قادرة
قالت دام فييج حيل امشي
مشيت و للحين حتى ما اذكر شلون وصلت
دخلت عرفة الولادة
لبست لبس العمليات
و حطوا عليي التخطيط مال نبضي و الطلق و نبض البيبي
خذت الكماك
بالبداية ماعرفت له و كنت احس بالم
عقب بدلوا لي اياه و صرت اشفط و اشفط
عجيب جنه مخدرات
تحسين انج بعالم غير
و تخدرين
&#55357;&#56835;
يوم الطلق زاد فحصت و ما شاءالله الرحم فاتح 9
يالله ولادة
قالوا اول ما تيي طلقة بوووش
من تخدير الكمام
و الزواع
خلصت الطاقه
و ما قدرت اسوي بوش
نبض البيبي بدا يقل
فخافوا عليه
و طلعوه حبيبي بالشفاطة و حطوه على صدري
احلى لحظة و احلى شعور ربي لا يحرم احد منها
نسيت كل الالم و التعب الحمدلله
عقب خيطوني و تميت فترة يشيكون
لاني نزفت قبل و خلال الولادة
ولدت الفجر قريب الصبح

الحمدلله
احلى شعور
بس عقبها طولت بالمستشفى لانه حاشني التهاب و الانيميا زادت و يتني حرارة
و ولدي حبيبي ياه صفار و طلع عنده جين انيميا الفول
و حطوه بالحضانة

الحمدلله الحين الامور تمام
ربي يتمم عليي و على كل ام و حامل

اسمحولي طولت
و ما ذكرت تفاصيل كاملة بس عالسريع

و ربي يسهل للكل

و يخليلي وليدي و يخليلكم بيبيياتكم

 

[الأوركيد~]

الحمدلله عسلامة اللي ولدوا

و الله يسهل للباقي

و يرزق كل محروم

 

[maha26]

الحمدلله على سلامتج الاوركيد

 

[بدون بس مغتربه]

الحمدلله على سلامتج الاوركيد.. ويتربى بعزكم ماجاكم...

سريع كتبتي قصتج بس الحمدلله انها ولاده طبيعيه..

 

[بدون بس مغتربه]

قائمة بجريات 2014 و 2015
♡--------------------♡




1- بدون بس مغتربه ( 24/10 )

2- ( BaRBya ( 26/10

3- الفوز الحلو ( 28/10 )

4- سكره ( 14/11 )

5- أم عبو_د ( 15/11 )

6- ام_حوريه ( 19/11 )

7- دآآآنه ( 28/11 )

8- ام احلى بيبي ( 7/12 )

9- ( 12/12 ) th7awe

10- ( 21th ( 14/12

11- مايو 95 ( 4/1 )

12- شوكة رنانة ( 7/1 )

13- maha26 ( 7/1 )

14- غزل ( 18/1 )

15- بنت الكويت 90 ( 30/1 )

16- زمرده ( 2/2 )

17- لؤلؤة الكويت ( 23/3 )
♥♥♥♥♥♥♥♥♥♥♥♥♥
19- mazioona .. ( 12/4 )


الف مبروك ولادة ( اهذريبك ) الحمدالله على سلامتج و سلامة وليدج و ربي يجعله من الذريه الصالحه ♡


الفال ل بدون و باربيا و الفوز ربي يرزقهم الولاده الميسره و يا رب تهون عليهم و تقر عيونهم ابيبياتهم بصحه و عافيه يا رب ♡

ماصدقت صرت رقم واحد بس شكلي علقت عليه,,, قبست عليكم...:eh_s(11):

 

[سكرررة]

هههههههه بدون ان شاءالله ربي بيسهل عليج انسي الحين الولاده لا تفكرين فيها التفكير راح يتعبج ولما اتي ساعة الولاده ساعتها ان شاءالله ربي بيسهلها عليج عيل انا ابي اتأخر مابي اولد بسرعه غثيت زوجي مابى اولد ومابي اولد وزوجي يقهرني يبيني اولد بسرعه ويا كبر فرحته لما دشيت التاسع فرحان يقولي قربتي قربتي والله يسهل علينا ان شاءالله

 

[سكرررة]

بس انا اتوقع بتأخر باخذ التاسع كامل لان بنوتي لي الحين مانزلت الحوض الراس تحت بس مايل شوي صوب اليسار وثابته فديتها ماعندها نيه تعدل من وضعيتها الله يقر عيني وعين زوجي واهالينا بشوفتها بصحه وعافيه ويرزق كل محروم يارب

 

[سلطانة روحه]

الله يسهل عليكم يا رب

 

[بدون بس مغتربه]

هههههههههه سكرره حتى انا مو بس زوجي الكل يبيني اولد من دخلت التاسع..وانا ناطره وعلى الله

وماراح افكر بعد بالولاده كل طفل وله يومه عشان يطلع فيه...

 

[سكرررة]

معك حق كل طفل وله يوم والخيرة فيما كتبه الله

يا قلبي متوحشين على شوفة بيبياتنا الله يقر عيونا فيهم سالمين معافين يارب ويرزق كل من يتمنى

 

[maha26]

الله يسهل عليج بدوون امشي عالبحر

 

[شوكة رنانه]

وينكم صخه ماكووو احد ،،،

 

[اهذريبك~]

الله يبارك فيكم و الفال لكم يارب بالولادة السهله الطبيعيه

 

[اهذريبك~]

الحمد لله رب العالمين ، قصة ولادتي باحلى ولد :*

يوم الاربعاء كان عندي مراجعه و فحصتني الدكتورة و كنت متفائلة جدا بس صدمتني الدكتورة قالت الرحم سمييييك و مو فاتح غير نص سانتي و الراس مرتفع وعطتني خروع على اساس اشربه الخميس طلعت و انا متحطمة نفسيا و مت من البجي لان قبل اسبوع كان فاتح سانتي ونص ل 2 انجنيييييت ياربي شلون قفل.

سالت امي ماعندها فكرة عن الموضوع قالت كل شي بيد ربج بس انا ماقعدت جذي قمت ابحث و ابحث و قريت مواضيع بالنت عن الشمم بالشهر التاسع و ان الحامل لازم تتجنبهم عشان يفتح الرحم بسرعه و كان علاجه منقوع المرة و الحلتيته و قلت لامي و اصريت انها تعطيني و امي رافضه و عطتني خوا جوا كان فيه مرة و حلتيت بس اكتشفت بعد ماولدت ان مافيه الا مرة و خوا جوا ههههه اعترفت لي امي و حطتلي اياه بشاش و حطيته على خشمي ربع ساعه و نمت .

و من الفجر بدا يتصلب بطني حيييييل و ماقدرت انام مع عوار الظهر راح عن بالي انه طلق و رحت اخذ تخطيط بالحكومة و كنت بس بتطمن عالنبض و ماكنت ناوية ادخل عالدكتورة و دخلتني الممرضه و قلتلها و فحصت و قالت انتي مفتوحه 3 سانتي قريب ال 4 انا انصدمت و التخطيط باين الطلق منتظم كل 5 دقايق .

قالت انطري ساعتين و ارد افحص نطرت ساعتين و كان شعوري عادي مو متحمسه قلت اكيد بيصكر والا في شي غلط ههههه فقدت الامل المهم فحصت قالت 4 سانتي دخول و طلعت على مسؤليتي عشان بولد بالخاص .

رديت البيت تسبحت و تغديت و جهزت اغراضي و الساعه 2 دقيت على زوجي و عباله استعبط هههههه قال شنو نلعب امس نص و اليوم 4 سانتي !!! الحمد لله و قلت لا تستعجل رحت المستشفى 6 ونص المغرب و على ماسوينا اوراق الدخول و غيره دخلت جناح الولاده 9 و كان الطلق كل ماله يزيد و الممرضات متواصلات مع دكتورتي كانت من برا المستشفى قالت خلوها تمشي مشيت لييين ما قدرت امشي من العوار طلبت كمام عشان يخف بس ماكو فايده حسيته يضيعنيييي حيييل و شعور كلش مو حلو جني مهلوسة .

المهم دخلو علي ثنتين و فحصو الساعه 10 الحين 4 سانتي و موصيتهم الدكتوره يبطون الماي و يركبون طلق صناعي قلت لحد يجيني لين توصل امي و ابجي حيييل خذو فوني و بطو الماي و قالو لج 4 ارقام دقي بسرعه عشان بتاخذ الفون و انا قعدت ابجي مثل البيبي و امسك بطني و اقول بيذبحونة بطو مايه ودق زوجي و خرعته الممرضه و انا ابجييي حيييل من تاثير الكمام و اصيييح ابي امييي مسكين رد المستشفى من الخرعه ههههههه .

المهم فلمت حييييييييل حييييل و اصيييييح من العوار احس جني بنفجرررر و لما دخلت امي اقول لها قصو علي و بطو الماي يمه احبج و ابجي و اصيح هههههههه تاثير الكمام خياليييي .


زاد العوار عال11 وصلت 5 سانتي و بعدها الطلق حمى حييييل طلبت ابرة ظهر و امي رافضه و اقول كيفيييي تقول اضرارها و اقول انا من عمري راسي يصدع من غير شي ابي اخذها بس كنت بوضع لا احسد عليه ههههه وطلبتها تاخرت الدكتورة و لما وصلت و بيالله عطتني لانها لاحظت العوار حامي حيييل توقعت بطلت زياده المهم عطوني اياهااا و ارتحت صج لي قالو ابرة الرحمة من بعدها اوزع ابتسامات و اشوف الطلق و اضحك حيييل يارب تاجرنا .


قعدت اسولف مع امي طبعا امي تبجي مني من الخرعه هههههه من تاثير الكمام يدخلج بعوامه شي طبيعي عالوحده وصلت 6 ونص و بعدها 7 و 7 ونص و وصلت دكتورتي و الراس عالي قالت سوي بوووش عشان ينزل كل ماشافو طلق خلوني اسوي بوش و تقول شاطرة اكثر بعد ليييين مافتح 10 سانتي و جو ثنتين ضغطوا بطني و الدكتورة تنطر الراس و انا اسوي بوش حييييييل و بوعييي بس ماحس بالعوار و لله الحمد طلع البيبي و كان ازرق .

وجبت احلى ولد ياربي لك الحمد احلى شعور لما يقطونة على صدرري و انا واعيه يارب يرزقكم بالولادة السهله*