ديوانيــة المنتــدى .. سوالف و وناسه .. حياكم الله

[مهاوي البحرين]

وينج

 

[مهاوي البحرين]

زينه

 

[زيـنـه]

تفضلي مهاوي

 

[زيـنـه]

مهاوي وينج ؟

 

[مهاوي البحرين]

هلا زينه

بس سؤالي جم سنه تفصل بين اعيالج (ربي يبلغج فيهم ان شاء الله)

 

[مهاوي البحرين]

انا ولدي عمره 2 وتسعة اشهر

والحين الكل يحن علي حملي حملي

زوجي

امي
خواتي

بس انا نفسيا مو متقبله الموضوع لانه وايد تعبت بحمالي

 

[زيـنـه]

شوفي انا حملت بالثاني يوم كمل الاول سنه و 3 اشهر

فيوم ولدت صار الفرق بينهم سنتين .

اعتبره خوش فرق بين الاول و الثاني .

بس الثالث يمكن اطول عليه شوي .

نصيحتي لج افضل تحملين الحين .. عشان لا يصير فرق وايد بينهم .

 

[dana_kuwait]

السلام عليكم
اشلونكم
شخباركم
شالدنيا فيكم
يالله مع السلامه

 

[زيـنـه]

هلا دانه

ماره على السريع

 

[Eng.shosha]

قووه بنااات شخبااركم ؟؟

باجر انشالله الشهادات بناات ادعولي انشالله نسبه زيييييييييييييييييييييييينه ومرتفعه

 

[مهاوي البحرين]

حيا الله من يه

شخباركم بنات

حياكم

 

[زيـنـه]

مهاوي ما رديتي

رديت على سؤالج

 

[مهاوي البحرين]

لحظه الغاليه

 

[مهاوي البحرين]

هلا زينه

امري

 

[مهاوي البحرين]

انا في بالي ادخله الروضه وبعدين احمل


بس الحنه اكثرت

 

[زيـنـه]

وايد مهاوي .. بتتعبين معاهم .. فخلي التعب واحد احسن لج.

 

[مهاوي البحرين]

زينه انا من الحين تعبانه ولدي وايد عنيد وعصبي واهل زوجي مناشبيني عليه لانه اول حفيد عندهم لو ودهم ياخذونه مني واربونه يعني انا اعصب اهم ادلعون فهمتيني

من جذيه ابي ادخله الروضه وبعدين احمل

يعني قررت السنه على شهر عشره احتمال ادخله وبعدين احمل

 

[أحلى الجياكر]

ييتكم بنات


إيه وين وصلنا ؟؟

فرق اليهال ..

أضم صوتى لصوت زينه ....خلى التعب واحد ....

 

[أحلى الجياكر]

ممممممم تدخل أهل الزوج فى التربية ....موضوع مو شى
لازم يا مهاوى فى موضوع التربية بالذات يكون فيه إتفاق بينج و بين زوجج على الخطوط العريضة ..و بالتالى ممكن يتصدى أهو لأهله مو إنتى ....فهمتينى ؟؟

و بعدين ..دايم الياهل الأول محطة تجارب وعليه تالى راح تتعلمين من أخطائج على الثانى و الثالث ...تيكت إيزى ...و لا تشدين على الياهل ..أقصاه ياهل

 

[مهاوي البحرين]

هلا احلى الجياكر

شنو الغدى