ديوانيــة المنتــدى .. سوالف و وناسه .. حياكم الله

[مهاوي البحرين]

ومنكم نستفيد يا احلى الجياكر

 

[أحلى الجياكر]

مهاوى ..غدانا مجبوس لحم ....هونت عنه ...طلبت لى تيركى ساندوج..و كبست عليهم بجالاكسى

 

[أحلى الجياكر]

أنا حاضرة و بالشوفة يا بنت المنامة تامرون أمر
ما معاكم خبر زين يا رسول السلامة ..
بسألك عن البحرين ..كيف أهل المنامة ..:ggdw:

 

[مهاوي البحرين]

ليش هونتي عنه

 

[مهاوي البحرين]

انا من الرفاع

وبالعافيه عليكم

 

[أحلى الجياكر]

عيش و حشو ..و مطيبات ..و ثوم يبل يفتخ ..و شوربة عجبة ..وما تبينى أهون

إذا كلت راح أنتفخ مثل حوت نافق منتحر على اليال ..و الجو مال نوم ...شتبين يصير فينى ؟؟




ولا يهونون أهل الرفاع

الله يعافيج و بيت مكة يوديج


إنتى شغداكم ؟

عندكم مطعم عراقى بالسيف ...شى

 

[زيـنـه]

مهاوي .. الله يكتب لج اللي فيه الخير

احلاهم .. عاشت ام اللايف ستايل عاااااشت ...صفقه:eh_s(9): جك جك جك جك:eh_s(9): على الجالكسي

قهوتي الفرنسيه بالطريج:rerrerek:

 

[مهاوي البحرين]

اوديني وياج ان شاء الله

غدانا الوالده طابخه برياني سمج

 

[أحلى الجياكر]

زيون يوزى عنى
أمس أنا محترمة حدى ...
اليوم بديت أخورها ...
باجر بصوم
الجمعة ....عيدنا و عيد الرسول

 

[أحلى الجياكر]

ممممممممم بريانى سمج ..عوافى

 

[زيـنـه]

احلاهم يعني ماكو غدا ثاني بالبيت ؟؟؟

و الا سناك و حلو المغرب

مو هذا اللايف ستايل ؟

 

[مهاوي البحرين]

بالعافيه زينه

انا توني شاربه نسكافيه من اللهافه انكتت على عبايتي

 

[مهاوي البحرين]

انا مو دايم اتغدى لانه حزه الغدى راحت

اروح الكل متغدي

 

[زيـنـه]

مهاوي .. مو شي مثل هالحوادث بالدوام .. بس قولي ما بقى شي على الهده

احلاهم .. لايف ستايلي غداي خضار (كوسا وزهره مسلوقه) + همبورجر ( بس الهمبورجر بلا صمون و سوالف)

تعلمي تعلمي

 

[مهاوي البحرين]

ايه والله ما بقى شيىء عن الهده

 

[Dancing^Queen]

عدنا من جديد
شكو ماكو
شطاف

 

[زيـنـه]

كوكو .. شلونج و شنو اخر الاخبار ؟

ما طاف شي كنا انا و مهاوي نحرس الديوانيه

 

[أحلى الجياكر]

زينة ..لايف ستايلى هو ..
اكل يوم و يوع يوم


مهاوى ..أشوى إنها عباية سودا


كوين ...طافج ..طــــــافج ... بس أشوى لحقتى

 

[زيـنـه]

احلاهم .. مو شي لايف ستايلج .. لايف ستايلي احلى ! (سوالف اليهال لا حروا بعضهم)
باجر معزومه عرس بيتوتي .. و من الحين عيزاااانه

 

[مهاوي البحرين]

انا بمشى

باروح اشغل طيارتي


مع السلامه


انشوفكم باجر