ديوانيــة المنتــدى .. سوالف و وناسه .. حياكم الله

[مسك 3]

هلا بفلانا شلونج يا عسل

 

[LaSt WoMeN]

هلا حبوبة .. انا بخير الله يسلمج
بشري عنج و عن الأهل ..

ها شصار على مشروعنا

 

[مسك 3]

تصدقين ما ادري اتوقع يوم السبت سبمبوت اهوا اللي تبين فيه هالمشاريع الفنيه

 

[LaSt WoMeN]

اي ان شاء الله .. حلاته الشي بحرته

عاد لا يصير " الافتتاح " أيام الاسبوع الصبح عندي دوام ..

تصدقين .. حسبي الله عليهم قاصين من معاشي 250 دينار !!!!!!

انقهرت .. مادري شالسالفة أول مرة بحياتي أنطر يوم السبت ايي

 

[مسك 3]

اللي يسمع عن المشروع قبل الحاضر يبلغ الغايب

 

[مسك 3]

اوووف 250 مره وحده
شدعوه
شكلهم مو مودين اجازتج او طبيه مالتج للشؤون الاداريه

 

[مسك 3]

مو طبيعي الوضع صج يوعانه أمبييه
عاد مستانسه ضعفت شوي مالي خلق أردهم
فلانا أخاف البنك مستقطع منج والا نازل الراتب ناقص؟

 

[LaSt WoMeN]

لا مسك اشدعوه اجازاتي و طبياتي بتوصل 250 !

صار لي مدة ما خذيت اجازة و استئذاناتي كلها موقعة
و رايحة لهم و طبياتي كذلك و كلها طبيتين ثلاث !

الظاهر غلطة .. خو المالية اللي عندنا تعباانة ..

 

[LaSt WoMeN]

لا انا مشتركة بخدمة الي يدزون لي مسج لما ينزل المعاش و يحطون لي اشكثر صار عقب الاستقطاع .. يعني قبل و بعد

بس اهو نازل أساسا 220 و الاستقطاع 86 د.ك لووووول شوفي شبقى لي اشتري لي شي واحد و اقعد يعني !

 

[مسك 3]

ذكرتيني على الماليه أتعس مكان في كل وزاره يكون الماليه ما أدري ليش
وكله اخطاء شغلهم وهم يعطونهم بدلات زياده

 

[مسك 3]

يا حليلهم ثقة بعد جان قصوه كله

 

[LaSt WoMeN]

لوول اي والله .. الكويتيين بصراحة ما ننفع حق محاسبة

مالها خلق تحسب راحت و قصته كله حسبي الله عليهم مالي خلق اتعنى لهم بالهالبرد .. المفروض يعطوني بدل عنوة ههههه

انزين .. لا يقص عليج ابليس دامج ضعفتي .. روحي شوفي جسمج بالمنظرة علشان تتحسفين تاكلين .. سوي لج ماعون سلطة عوود و الا اكلي علج ..

و تدرين اذا صار لج جم يوم مو مكثرة أكل معدتج تصغر و تتعود انج ما تاكلين وايد .. و الله معاج

 

[مسك 3]

وينج طلعت العده مالت مرفه الخضره هههههههههههه
وبسوي عيش مصري بشعريه لأن الوقت مبجر يمدي آكل وأحرقه
آكله ألحين ولا بعدين على 11 تيي حاله مو طبيعيه من اليوع بخلي السلطه أول شي عشان ما يأنبني ظميري

 

[مسك 3]

شفيج فلانا بدل عنوه وبدل ضيقه خلق يومين ولازم تعويض عن عدم روحه السوق هالويك اند ههههههههههههه
تبين بعد والا أزيد فجأة معاشج معاش وزير

 

[LaSt WoMeN]

هههه

اي صح الحين احسن ..
شربي عقبها مرقدوش .. و الا شاي اخضر علشان يهضم ..

و عليج بالعافية ..

 

[مسك 3]

على طاري الشاي الأخضر
جربتي اللي بالياسمين ؟؟؟

 

[LaSt WoMeN]

لا والله .. تصدقين امس رحت الجمعية و تذكرته .. دورته و لا لقيته !

أي لون علبته ؟

 

[مسك 3]

لونه أخضر ماركه تويننغ ومرسوم عليه ياسمينه

 

[LaSt WoMeN]

بشوفه ان شاء الله اذا رحت مركز سلطان أضمن ..
لأني ما حصلته بجمعية العديلية

انتي شسالفتج على العيش المصري هالأيام ؟ مسووك شكلج ام هبة .. ذيج الأيام هبيتي بالزهرة و البطاط و هالأيام هابة بالعيش المصري ما يندرى عن التالي

 

[مسك 3]

صباح الخير