ديوانيــة المنتــدى .. سوالف و وناسه .. حياكم الله

[Dancing^Queen]

اي واللهي مسوكه
بس شبشرججججججج
بين الخشب مال مكتبي
موكل مكان بس بين

 

[أحلى الجياكر]

مسوكة ..مادرى شلون ؟؟ أنا شفتها العام على بنيه ..شكلها يهبل ..بس محل الورد يسويها من الصبح ؟؟ ولا أوديها من الليل ...؟؟؟
جرح ...أى مذكرات لهيتى فيهم ؟؟؟

كوين ...أنا عرفت الأولى عشان أعرف الثانية !!!!!!!!!!!!!!!!!!!!!!!
والله من زمان ما رحت عروس ....
إنزين يا حلوين ...ودى أسوى حق إختى عشا و وناسة وبالمرة يلوة ...من وين أييب الخدرة الخضرا ؟؟ و أبى مشمووم ..من وين حبايبى ؟؟

 

[أحلى الجياكر]

كوين ديرى بالج من الغبار !!! غبار أسود مو !! ديرى بالج ...

 

[SeNyOrA Q8eYa]

احلاهم شنو تبين اتسوين حق بنتج؟

 

[أحلى الجياكر]

حبيبه ..مو أطفال الروضة خبه تخرجهم ..جنه صج أبى الورد على القبعه ..داير مدارها ..و ودى طوق ورد على رقبتها تحب تتميز بنتى و تصيى أميرة على قولتها

 

[مسك 3]

كوكو الله يعينج حبيبتي الماسكرا أي لون صارت
أحلاهم بالليل وحطيه بالثلاجه ما يضره
اليلوه جربي روحي البلوكات اخذي خام ساري والا شانتون وحطي اورغنزا دار مداره وشريطه ذهبيه
والمشموم ما ادري شوفي أحد زارع المشموم فوق السطوحي وحطي ترتر أخضر بفضي مع المشموم وورق ورد أبيض يطلع حلو

 

[مسك 3]

حبيبه ..مو أطفال الروضة خبه تخرجهم ..جنه صج أبى الورد على القبعه ..داير مدارها ..و ودى طوق ورد على رقبتها تحب تتميز بنتى و تصيى أميرة على قولتها

الله يبلغج فيها عروس يا زينها :eh_s(22):

 

[SeNyOrA Q8eYa]

هههههههههههههههههه
اي حلو سويه لها خليها تستانس

 

[Dancing^Queen]

اخيرا رضت تفتح معاي الصفحه غفيت وانا انطر الله خير



احلاهم
عندج ام ام اس؟
بطرشلج شي وابي رايج اذا ممكن
وشبغيتي حق الاموره الجميله الله يحرسها؟

 

[أحلى الجياكر]

مسك ....حلوة هذى لوووووووووووووووووووووووول
يا زارع المشموم فوق السطوحى ..لا تشلعه يا شيخخخ عذبت روحى الله يرحمك يالنفيسى
مسووك أبى شى جاهز حبيبتى ...شفتى ويهى عدل ؟؟؟؟؟ أنا مالت ترتر فضى ؟؟

حبيبه ..الله يسلمج ...و نبلغ فيج يا رب

كوين ...عندى أم أم أمس ....
و بغيت حق الحلوة بنت الجيكرة الورد الطبيعى إالى ينحط على قبعة التخرج

 

[Dancing^Queen]

احلاهم الورد من محلات الورد مثل ماقالت مسك
وياحلاتهم والله بيتخرجون الله يبلغج فيها بتتخرجها من الجامعه ياااااااااااااارب ونادينا نكت نون وانيبب واهي تفتشل من رفيجات امها العياييز
فاصل ونواصل عندي افكار

 

[مسك 3]

الا مال اليلوه ما غيره الأخضر بالذهبي والا تبين فناتق ؟؟
خل أسأل مراجعي

 

[مسك 3]

أحلاهم انا الله يسلمج هابه بالفضي والزري هاليومين ما ادري شعندي صايره هوانم غاردن سيتي عبالي الكل مثلي ههههههه

 

[أحلى الجياكر]

لا تطوفكم بناتتتت فتااكة

 

[أحلى الجياكر]

مسك ..ماكو إلا جذيه ....

كوين ..أفا عليج ...نون و بس !! إالى يخطر على بالج بسويه لها

 

[Dancing^Queen]

الله ذكرتيني بالمسرحيه
ياغير الناس واحلاهم
يازااااااااااااارع المشمووووووووم فوق السطوحي
قله لاتزرع تراك عذبتي رووووووووووحي وسلامتكم
هلامسرحيه عزيزه علي قلبي


الحين حق الدره المصونه ولجوهره المكنونه الله يحرسها
طبعي بالكمبيوتر شهادات شكر حق مدراستها وحطي صورتها فيها خلي الدوام يولي اهووووووووووووووووووو خل يولون ، سوي شهاده حق بنتج وطبعيها
انا سويت حق ولد حماتي اخترت شكل من الباور بوينت رحت اخترت سلايد من هناك وحطيت تيمبلت حلو وسويت انسيرت للصوره وكتبت الي معلمتي فلانه وشكر وخرابيط وبيت شعر وطبعته
وحق الناظره بعد والوكيله وملوتهم غير بالتزين لزقت عليهم ورد طبيعي العنونو الابيض اللي جنه كشه ماعرف اسمه
وصارت حيل حلوه
ولفيناهم وربطانهم بشرايط مطبع عليهم من جمل ملوت التخرج ووكفا الله المسلمين شر القتال
وتشترين هديه للناظره والوكيله او درع او شي وتقدمينه لهم مع الشهاده
ترا والله البنيه بتستانس
لان بتشوفين فناتق اليهال يتناغرون واحدهم يحر الثاني
والله العظيم مره وصلت فيهم طالبه امها وابوها يايبن بوفيه حق بنتهم بالمدرسه
وطبعبعا لاتنسين كتي عليها نون ياعمري وحطي فيه خرده للتفلع مانسا امي كتت علي اختي نون يوم تخرجها من الروضه (وانا ماكتت علي لاني ماتخرجت من الروضه) وحزت بقلبي


وعلي الخدره مالت اليلوه
ترا نا شايفه خياط الشعب مال الجمعيه مره مسوي حق وحده مالت اليلوه
خضرا بذهبي وحاط بطرفها كشاكش كانت شزينها
وخوش خياط سريع المفعول دق دق دق الا مخلص عطيه اليوم باجر يخلص افا عليج وعنده تطريز وكل شي
روحي القي نظره قوليله انت ماعندك خام؟ في عنده مساطر
ووالا اخذي خام اخضر عادي شانتون واشتري ثوب اخضر وحطيه فوقه قصقصيييييييييه وحطيه يصير قطعه مشغوله وشيعي الفراغات بشي
الخياط مايقول لا

 

[أحلى الجياكر]

يا سلام عليج يأم الافكااار
إن شاء الله يكون لى خلق و اسوى هالأفكار لها ..لأنى أحب أبلتها وايد ..إسمها إستر رودريجيز ...و ماكو ناظرة و وكيله أشوا
و عن النون أفا عليج على و من غير سالفة نكت نون الخردة ..مو يوم كنسلو كورس لندن كتيت على روحى نون الفرحه !!
و عن خام اليلوة ماكو إلا جذيه عيل ..خام و يدقه الخياط و مسوك بعد جبدى منها الترتر الفظى ....

 

[أحلى الجياكر]

كوين ..خياط الشعب قلتى !!!!!!!!!!!!!!! هيييييييييه وصلتى مضاربنا حياج الله يا بنت العم فى مسقط رأسى

 

[أحلى الجياكر]

بكل أسف أعلن إنسحابى الآن و إلى الملتقى ...حان وقت الهده ....ز
خنت حيلى إالى ليما الحين قاعدين ..كوين ..أجفت عندج أشيل و أحط و أفيل معاج ؟؟؟؟
مسك ....كونى على تج حبيبتى
و باجر أكو حديقة و لا لآ ؟؟؟ خلا أزهب العدة

 

[مسك 3]

على هواكم أحلاهم مسجي لي احنا من الصبح قاعدين يا عسل