>>>ديوانيه--- أمهات بجريات <<<

[om 7sony]

والله زين ذكرتوني نات
ان شاء الله بروح اخذ التحاميل
ان عزوز
اجربهم واقولج
افف بنات ما بقى شي
اخلص الاربعين

بدت الاعمال الشاقه واعمال الصيانه والترميم
هههه

 

[Ms.electric]

لوووووووووووووووووووووول انتم السابقون و نحن اللاحقون ام حسون

 

["Om 3AzOoZ"]

والله مس شكلي باخذهم اهم جم وحده بالعلبه يعني جم يوم الوحده تستخدمهم؟؟؟

لووووووووووول ام حسوني الحال من بعضه من امس بلشت اعابل بعمري ومخليه الصالون حق اخر اسبوع.


من ضيقة الخلق دشيت يوتيوب قلت بشوف شلون يسون العمليه القيصريه والله ياليتني ما شفت عورني قلبي وقعدت ابجي والله احس العوار رجعلي مره ثانيه والله لقاااافه حدي تحسفت اني شفت هالشي اللحين الفيديو ماراح انساه انا سامعه شلون يسون القيصريه بس لما شفتها غير :eh_s(2): كسرت خاطر روحي انه صار فيني كل هذا وانا مبنجه والله استغرب من البنات الي يقدرون يولدون طبيعي ويطلبون قيصريه والله ميانين.

 

[Ms.electric]

ام عزووز اهما 14 تحميلة بيتادين بس شكلهم غريب :\ امبي مادري شلون احطهم

 

[om 7sony]

يا حياتي ام عزوز

يلا المهم سلامتج وسلامة ولدج
وان شاء الله يكبر وتشوفينه معرس وتنسين عوار الولاده

 

[om 7sony]

واي مس
١٤ وحده ؟؟؟؟؟
عيل ما بيمديني اخلصهم قبل لا ارجع البيت
لا ابي ارجع نظيفه

الا اذا مرتين باليوم
؟؟؟
عطينا التفاصيل ام شيوخ

 

[أم صقر المنصوري]

أم حسوني غداا شرر وليدج
وطهووور العافية
والفال للباجي نطهرهم قرريب ..

 

[أم صقر المنصوري]

إي خووش تحاميل الكل يمدهم ؤالله
إنشاءالله بستخدمهم آخر 5أياام ..
لأن طريقة استخدامهم آخرر 5 أيام بس .. هذا
اللي عرفته ..

 

["Om 3AzOoZ"]

الله يسلمج من كل شر ام حسوني حياتي.

اي عفيه مس اقري وقوليلنا شلون طريقتهم !!

 

[أم صقر المنصوري]

بنااات
صدري يعورني حيييل في حليب وولدي
موراضي يرضع شسوي

 

["Om 3AzOoZ"]

ام صقر شفطيه موزين يتيبس بعدين وفي حريم يصخنون ديري بالج.

 

[Ms.electric]

En sha2 allah bs2l w agolkm

 

[أم صقر المنصوري]

إي خلاص أم عزوز بشفظه مأكو غير هالحل
يعورني يمكن ارتاح شوي ..

 

[(لولوه)]

قوه بناااااات
بنتي اليوم زايده عسارتها مادري شفيها
يأست حاطتها بحضني واهي تبجي وقاعده اطالعها وابجي
مرضعتها ومغيره حفاظتها وبدلت ملابسها وعطيتها غاز بمبي
قلت يمكن تطخ هم ماكو فايده
يايني شعور اردها ابطني جم يوم انام وارتاح وبعدين ارد اطلعها

 

[om 7sony]

لولوه
والله اذا عرفتي شلون ترجعينها ببطنج علميني الطريقه
لوووول

الصراحه كان المفروض نطلعهم جم يوم بروفه ونردهم بعدين
هههه

 

[om 7sony]

اي بنات خل اقولكم شنو الموقف اللي صار لي امس

اقولكم يوم الاحد بالليل حسوني كللللش ما نام
وايد استعسر وبطنه حيل كان يعوره
المهم,,, طبعا ضليت قاعده طوول الليل معاه والاثنين الصبح رحت دوامي وانا يبدا دوامي الساعه 8
تخيلوا الوضع
ضليت بالجامعه لي الساعه 1 الظهر رجعت ولا امي تقولي حسون كلش ما نام
قمت احاتيه وخفت عليه ولاني مو نايمه تازمت اكثر
وما نام حسوني الا الساعه 4
حست شوي ونمت عالساعه5 وشي
تخيلوا الساعه 6 دق علي ريلي يقولي تعاليلي انا مريض
تخيلوا ,,, واطييير شقتي
رحت له ولا حرارته مليون فقييير ,,,, مسخن وتعبااان ومو قادر يشيل روحه
وصار قلبي مع ولدي وريلي ,,, اثنينهم مرضى ,, وانا تعبانه مو نايمه
ماسااااااة
تخيلوا كمادات ودوا واكل وحااله وبنفس الوقت كل فكري مع حسوني

شوي ولا اختي تقولي ,,, ترى في ناس يايين لج
انا صار فيني @@ لااااااااااااااااااااااااااااااااااء مستحيييييييييييييييييييييييل مو وقته
والله وضلت المره ما طلعت لم رجعت البيت وقعدت معاي وسولفت وما طلعت الا وانا هلكاااااانه من التعب
يا الهي مووو صج
الحمدلله على كل حال
وغير جذي من كثر ما احاتي حسين ما تغديت ولاني احاتي ابوه ما تعشيت :/
يعني حالتي كانت كسيفه ولله الحمد

وووبس
كان ودي افضفض

 

[om 7sony]

ام صقور
شفطي
وحطي بالثلاجه حق الطوارئ او بالفريزر
انا ما جربت الفريزر بس يقولون يتم لي 3 شهور ما يخترب

 

[أم صقر المنصوري]

واااي أم حسوني الله يعينج
معاناه ؤالله بس الحمدالله على كل
حال ..
إي إنشاءالله بشفط مالي غير هالحل بس أخاف
يعووور

 

["Om 3AzOoZ"]

وااااي ام حسوني موقفج عده عوار قلب بعد قلبي صج الله يعينج يالله كله بأجره المهم انهم بخير اللحين هذا اهم شي.


حلوه سالفه البرووفه هههههههه صاجه والله كان يبيلنا ميداني اخر اسبوعين قبل الولاده هع هع هع


لولوه والله مشكلة الغازات مالها حل كلنا نعاني منها والله عزيز ويهاا يصير طماطه من العوار والله جان زين فيني ولا فيه الله كريم.

 

[(لولوه)]

هههههه ام حسوني
صايرين بكل الاوضاع نتحلطم بداية الحمال والنسات اخر الحمال والثقل
بعد الولاده السهر والتعب الله يكون بعونه
اي صج بنات هدايا البيبي اذا كانت فلوس تري مايصير تصرفينها علي نفسك
اما تصرفينها علي الياهل او تحطينها بحساب له بالبك
يالله بنات شنو اغرب هديه ياتج وشنو اكثر هديه استانستي عليها

بنات متى تطيح الخيوط
وشنو ربطتوا بطنكم فيه
وشنو طرق عنايتكم بجسمكم
ومنو بتاخذ اجازة وضع وامومه
شلون علي البيبي اذا داومتوا الصبح بيكون عند منو