>>>ديوانيه--- أمهات بجريات <<<

[مشتطـه]

اي والله يا ام عزوز

لما تفضفضون احس انا اللي اكتب

لولوة انا نفس شعورج بالضبط


الملح لا والله انا ينزل علي دم ومو شوية

اول مرة اسمع بسالفة تنظيفات مادري


امبيييييييه الغازات مع الكل
حتى انا ولدي يفرفر ويعورني قلبي وابجي مادري شسوي له

بعد عمرررررررررررري

 

[مشتطـه]

بنات متى ناوين على ثاني بيبي

ادري السؤال مبجر بس وايد افكر بسالفة منع الحمل

 

[om 7sony]

امبيه ام عزوز
لا حرااااام عطيه ماي
يعطش الياهل
حراام
هو ما راح يشرب الا نقطه
بس المهم يبل ريجه
واذا ما شرب انتي حطيله شوي على حلجه

 

["Om 3AzOoZ"]

والله مشتطه انا من افكر بسالفة الحمل مره ثانيه تحوشني ضيقه من اذكر سالفة العمليه انا بعد النفاس براجع ان شاءالله اقدر اولد طبيعي لانه هالشي وايد مأزمني.

 

[om 7sony]

والله مشتطه انا بعد احاتي سالفة المانع
وريلي قايل ما يبي ياهل الا بعد سنتين
انا مابي اخذ حبوب ،،،
مادري شالدبره :/

كنت حاطه في بالي شي ،، بس ريلي عصلق ههههه موراضي

 

["Om 3AzOoZ"]

الله ام حسوني قالولي موزين ينزل على عيونه والحليبه الي يشربها ثلاث ارباعها ماي عشان جذي مايحتاج ماي.

 

[om 7sony]

اي انا بعد امي تقول
صدر حليب وصدر ماي
انا ما اقصد تشربينه يرتوي
بس قصدي تبللين ريجه
قلت لج ام عزوز
هي قطره بس
حرام ينشف ريجه فقير

 

[om 7sony]

بنات اليوم صار لي موقف لاا احسد عليه
بس حدددي هلكانه وموقادره اكتب
باجر ان شاء الله اقول لكم شصار
احس ابي افضفض

 

[Ms.electric]

مشتطة أنا ودي بعد سنتين يعني أكون متخرجة و مقدمة على شغل بإذن. الله

أم حسون الحال من. بعضه ريلي تعود على. شيء و قالي بصريح العبارة. مأقدر على الشي

الثاني

 

[Ms.electric]

أم عزوز ترى في مجال تولدين طبيعي لا تحاتين ؛)

 

["Om 3AzOoZ"]

ياحليلكم ام حسوني ومس على سالفة الشي الثاني ههههههه تدبر لا تحاتون بس الوحده لازم تكون حريصه لانه الريال بهالسالفه عادي يخون

مس انا الدكتوره قالتلي كل ولاداتج بتكون قيصريه والسبب عنق الرحم عندي صغير البيبي مايمر فيه عشان جذي بروح اجيك بعد الاربعين عند دكتوره ثانيه بشوف هالكلام صج ولا لا واتمنى انه يكون لا الله كريم.

اليوم طلعت قلت حق ريلي عندي جم شغله ابيها بالجمعيه وابي امر الصيدليه والحواي واااي بنات احس الشوارع تغيرت اقول حق ريلي جنه زايدين اضاءة الشوارع صايره سفره يضحك علي ويقولي عشان انتي من زمان مو طالعه والله لو تشوفوني شلون اشوف الشارع واليتات الزينه الي حاطينها بالشوارع تقولون هذي اول مره تطلع من البيت والله كسرت خاطر روحي بس احس غيرت جو شوي الحمدالله.

 

[الثالثه]

ابشركم ولدت امس
واليوم انضميت لديوانيه اليديده

 

[أم صقر المنصوري]

واااي بناات طافتني سؤالف ؤاايد انشغلت اليوم وماقدرت
أشبك ..
أولا الحمدالله على السلامه الثالثه ومبرووك ماياكم يتربئ بعزكم ..
أم عزوز حرام عليج لازم تشربينه مااي لو نقطه عالأقل تبلين ريجه ..
واذا على سالفه آلياهل الثاني أنا كلش مااأفكر الحين مع المعاناة اللي
عايشته يمكن بعد سنه الله كريم والمانع الطبيعي يمكن يصدمج مومضمون
أنا بصراحه بأخذ حبوب اضمن ؤالله ..

 

[أم صقر المنصوري]

إي صجج بنات على سالفة ينزل دم أنا أول أيام ؤاايد
بس من طفت اليوم العاشر ينزل علي خفيف وهاليومين
بس إفرازات لونها بيج وانتو بكرامه يعني مادري نظفت
أنا الحين ولأ بعد ..

 

[om 7sony]

الثالثه
الف مبروووووك
ها شنو يبتي ؟!
ولكم في عالم الامومه

 

["Om 3AzOoZ"]

الثالثه الف الحمدالله على سلامتج مبروك ماياكم ياقلبي ها بنت ولا ولد؟؟

بنات انا مع الدم تنزل مني افرازات شفافه هذي عادي ولا شنو؟؟

ام حسوني شنو الموقف ما قلتي؟؟

اي ام صقر خلاص شكلي ببل ريجه شوي.

 

[أم صقر المنصوري]

أم حسوني قصدج تقوليلها
ولكم في عالم ألسهر ونقص النوم
والبجي اللي ماتدرين ليش ..
ههههههه
الله يخلي بيبياتنا لنا ياارب ..

 

[(لولوه)]

الحمدلله علي سلامتج الثالثه ومبروك ما ياج
حياج الله بتجمعنا اليديد

 

[(لولوه)]

واي بنات المود بالنفاس حده ملخبط
مرات اييني شعور ابي الكل حواليني اهلي خالاتي بنات خالي
ادق عليهم وحده وحده اقولهم تعالوا عندي ضيقة خلق
واذا يوني فجئه احس مالي خلقهم ودي يردون بيتهم بسرعه
امبيه بنات عسى مو هالمود يستمر معاي لي عقب النفاس

 

[أم صقر المنصوري]

لولوه لآ لا تحاتين مود النفاس هذا خاص بفترة
الأربعين ماراح أئيلج بعد ..