>>>ديوانيه--- أمهات بجريات <<<

["Om 3AzOoZ"]

هلا ام حسوني حياتي شلونج انا بخير عساج بخير وعزوز مطلعلي قرون عافس نومته ونومتي معاه شلون حسوني وين ناويه اتطهرينه انا مادحين لي طبيب بالسيف يقولون عنه شاطر شكلي بروح له.

 

["Om 3AzOoZ"]

ماتشوفين شر ام صقر حاولي تريحين هذا من التعب.

 

[الملح و القبلة]

السلام عليكم بنات شلونكم
و الله فاقدتكم بس تعرفون البيبي ينام امه تبي تريح و بس وين تريح ناس داشة و ناس طالعة

و اكتئاب ما بعد الولادة كله ابجي و إخواني الله يخليهم لي و امي و خواتي كله يهدون فيني
يوم الخميس كان موعدي عند الدكتور قالي تعالي هم بعد 10 ايام عشان يشيك عل الجرح و هم دنيتها
عند الدكتور بجيه و دكتور يقولي حمدي ربج الولادة مثل الموت و الله نجاج منها المشكلة ابو الشباب مو مصدق يقول نفسية بالحمل و هم بعد الولادة
هم بغت يصك هوشة بيني و بينه عشان اسم البنت أنا ابي أسامي جديدة و هو يبي قديمة و سمى اسم ما ابيه و زعلت حيل و هم بجي لانه كان قايل لي راح اسمي الي تبينه فتضايقت بس و عدني انه يغيره فالله يستر يقول معامله التغيير يبيلها شهر

 

[الملح و القبلة]

بنات ما عليكم امر بغيت رداده زينه

 

[om 7sony]

ام عزوز شنو اسم الدكتور ؟؟
انا ولدي موعده عند دكتور عبدالله بالسيف
تكفين طمنيني وقولي ان هو اللي سمعتي عنه

 

[مشتطـه]

ام حسوني هههههههههههههههههههههههههههه خالتي عروسة عجبتني

 

[مشتطـه]

انا بطهره بالاميري ؟

شحقة خاص كله نفس الشي !!

 

[om 7sony]

الملح
الله يعينج حبيبتي
ً
بس انتي اذا ترضعين طبيعي حاولي تكون نفسيتج احسن من جذي عشان البيبي

 

[مشتطـه]

بنـات ترى مايمدي تخلصون شغلكم


انا اقول بس تكملين 15 يوم طلعي سوي شغلج

 

[om 7sony]

لوووول مشتطه
اي من دشيت عليهم وهم ينادوني خالتي عروسه
و علي عليهم عبالهم هذا اسمي

 

[om 7sony]

اي والله مشتطه صاجه
مادري ليش ما فكرت بالحكومه :/
خل اشوف ريلي يمكن نغير راينا ونروح حكومه

 

[أم صقر المنصوري]

أنا وريلي ناوين نطهره بالهادي بس صج مستشفى
الحكومة موجود رأاح عن بالنا ؤالله ...

أحسسن شيء أطوفين 20 يوم وبعدها تطلعين
تخلصين شغلج ...

 

[مشتطـه]

انا رفيج ابوي بالاميري دكتور لما دق ابوي يحجز موعد قال لا تطهرونه قبل الـ30 يوم

ايي 20 يوم زين
يبقالج 20 يوم




واااي بنات تييني ضيقة مرات بأوقات كلش مو شي



بنات انتو استقبالكم بس بالمستشفى والا تسوون بالبيت ؟

 

[Ms.electric]

أم عزوز الله يسلمج لمعة الذهب ،، عقب ما تسوينه تطلعين تلمعين يعني تشوفين يلدج في لمعة

و حده عجيب أذكر سويته حق عرسي ؛) ،، إنا لمن سويتلي ملف كتبتلهم إن ما يعوروني ؛)

أمبي صداع ببجي ؛/

 

["Om 3AzOoZ"]

اي ام حسوني اهوا عبدالله دهام اعتقد يمدحونه وايد

بنات الوحده متى تطهر انا لين اللحين ينزل علي دم خفيف بس مو كل يوم يوم وترك وساعات كل يوم مو منتظم وانا صارلي 25 يوم من ولدت؟؟

 

[مشتطـه]

ام عزوز اي عادي اتوقع لج 40 يوم

تو الناس علييييييج



اي عبدالله الدهام شااطر ماشاءالله سمعت عنه




مس ماشاءالله توقيعج ليلحين ترى ماخلص موعدج باقيلج اسبووع ههههههههه

انتي ولدتي مبجر

 

[om 7sony]

امبيه مشتطه
انا داشه بكتب حق مس يلا شيلي توقيعج هههههه

 

[om 7sony]

مادري ام عزوز
انا ١٠ ايام وطهرت
الظاهر كل وحده تختلف عن الثانيه

 

["Om 3AzOoZ"]

انا كنت ناويه اطهره باليزر لانه مايحس بالعوار بس امي مو راضيه تقولي حرام عليج لا تقامرين بالولد هذا شي يديد وماندري شنو اضراره صراحه خفت وهونت فسألت قالولي احسن طريقه الشاش وألمها اخف واحسن من الحلقه.

 

[مشتطـه]

آآخ بنات ولدي متروس بطنه غازات
والحين قاعده انا معاه بالصاله بروحنا

والكل نايم
واهو نااايم وفجأة يبجي بجية صرخه

قلبي يعورني علييييييه


انا ما اتحمل

قاعده أبجي بروحي فيني ضييييقة


الحمدلله ياااا رب

احس ابي اروح شقتتي


لو بجى محد يسمعنا

هني احاتي خواتي واخواني وابوي لا يتضايقون من الصوت