>>>ديوانيه--- أمهات بجريات <<<

[مشتطـه]

بنات توه قعدت ابحث بالنت

والا اطلع مواضيع الدنيا والدين عن غازات المواليد


طلع شي طبيعي و واااااااااااايد يصير مع اليهال بأيامهم الاولى لان جهازهم الهضمي مو متعود شي جذي

ومن تجارب البنات كاتبين ان احسن شي قاز بامبي مدحوه حيل

 

["Om 3AzOoZ"]

والله مادري مشتطه على قولتج وحده عن وحده تفرق.


ام حسوني الطبيعي أغلبهم يسون لهم تنظيف حق الرحم عشان جذي طهرتي بسرعه يمكن عشان انا قيصريه فماسولي تنظيف بنطر وبشوف مليت من الكوتكس بتفرق حق روحي بتدهن وبتسنفر

 

["Om 3AzOoZ"]

مشتطه شنو هذا قاز بامبي ؟

 

[أم صقر المنصوري]

حدددددي دااايخه فيني النوووووم
وولدي كل شوي يقعد يبي حليب أو يبجي من الغازات
أحححس فيني نقص نوووم موو طبيعي
الله كريم ويعدي الأربعين

 

[أم صقر المنصوري]

أنا بعد للحين ينزل علي دم بس حيل خفيف
مو نفس أول الأيام ..

 

[(لولوه)]

قوه امهات واي فيني قمته مو طبيعيه
ولهت علي الطلعه المجمعات المطاعم السينمات واااااي وراي درب
توني لي عشر ايام من ولدت
احس مرات مالي خلق بنتي ودي ارد نفس قبل بدون مسئوليه
همي نفسي وزوجي بس الحين العنصر الثالث وااااايد مقيدني
معني ادري في ناس محرومه من الامومه
ربي لك الحمد الف مره علي تمام النعمه
مادري بنات اييكم نفس الشعور ولا لأ

 

[أم صقر المنصوري]

هلإ لولوه
أنا عن نفسي يالي هالشعور
حددي كنت اتضاايق وأبجي والنفسية صفر
بس شنسوي الحمدالله والشكر عالنعمه
هذي الدنيا ..
إنشاءالله بس تعدي فترة النفاس بيتغير كل شيء
حتى نفسياتنا بتتعدل ..

 

[Ms.electric]

بكلمكم بس أخلص من شيوخ

 

[om 7sony]

بنات احس حدي حوسه وموعارفه حق ولدي
احس بعدد يبيلي وقت عشان اتعلم عليه
ودي امدد قعدتي ببيت ابوي بس ريلي معور قلبي ,,, لازم ارجع له البيت
بس هم بنفس الوقت اقول لازم ارجع البيت اعتمد على نفسي اكثر عشان اتعلم عليه اكثر

اليوم حسين كسر خاطري حدده بطنه يعوره وامي تقول كللش مانام
اول ما رجعت لميته ونيمته وعيني دمعت الصراحه
قمت الوم نفسي اني خليته وطلعت
بس والله مو بيدي
اااخ بنات ......... ودي اقضي وقت اكثر معاه
بس مااا اقدر لااازم اتخرج هالكورس

 

[Ms.electric]

أخيه يا لولوة و أم حسون جنكم حاسين فيني و ربي

أم حسون تدرين كانت عندي محاضرة تخيلي طلعت وصلت نص الطريج جان أرد فوق تحت حق بنتي

رضعتها لين ساعة 1 جان اطلع حق محاضرتي الثانية

 

[Ms.electric]

أم حسوني عندج خدامة ؟؟ و إذا رديتي الشقة شلون دوامج راح تقطين حسوني عند أمج و إلا ؟؟

 

[om 7sony]

لا للاسف ما عندي خدامه

اذا رجعت شقتي ريلي راح يحاول يخلي اغلب دوامه عصر
عشان يقعد الصبح مع حسوني واذا قعد يوديه يا عند امي او عند خالتي ام ريلي

بحاول اعلمه عليه
هو يعرف يعطيه حليب
بس هم بعلمه عالبامبرز
الله يعين

 

[Ms.electric]

الله يعينا :/ ألحين عرفت ليش الجنة تحت أقدام الأمهات

 

[أم صقر المنصوري]

معاناه والله العظيم
الله كريم يسهل أمورنا

 

[أم صقر المنصوري]

أم حسوني ماعليه هالكورس بس
بتتعبين ؤانشاءالله تتخرجين وترتاحين
الله كريم صبري ..

 

[الملح و القبلة]

بنات أنا ثاني يوم طلعت من المستشفى بنتي ما نامت كله بجي و صرخه وحدة دقيت على أبوها وديتها قالي الدكتور غازات طبعاً اول شي تحاليل عشان يأخذون فلوس بعدين قالي غازات عطاني gass binbi

 

[أم صقر المنصوري]

الملح ماتشوف شر بنوتج ..
كلنا والله بيبياتنا مستعسرين
من هالغازات ...
حاولي تشربينها سكر نبات أو ماي غريب يريحها شوي
الله يعين

 

[الملح و القبلة]

أنا لي اليوم ١٣ اساساً من طلعت من المستشفى ينزل دم خفيف امي تقول يمكن سوولج تنظيفات

 

["Om 3AzOoZ"]

تدرون شنو الحلو بالموضوع انه كلنا ولدنا مع بعض تقريبا وعشنا نفس الاحداث مع البيبات كلنا عندنا نفس الهموم ونفس التفكير والله لما وحده فيكم تتكلم احس انا الي قاعده اتكلم نفس المشاعر يعني احس اني مو بروحي في احد يشاركني نفس الوضع.

الغازات مشكله ازليه والله امس عزوز فرفر بين ايدي كسر خاطري شعور مليييغ لما اشوفه جذي وما اقدر اسويله شي بعد قلبي عاد امس ريلي دق عالدكتور الي نراجع عنده حق عزيز قاله الغازات ماخفت وحده الولد تعبان يصير نعطيه ينسون لانه اهوا قبل قايلنا لا تعطونه اعشاب كلش عاد امس قال عطوه ينسون من غير سكر نبات واستعملو ماي غريب مال المستوصف هذا احسن نوع عاد اليوم بجرب وان شاءالله يفيد.

بنات بسألكم تشربون بيباتكم ماي انا قالولي بالمستشفى لا تشربينه ماي الا بعد 3 شهور فما اعطيه ماي كلش.*

 

[الملح و القبلة]

بنات انتوا نفسي ما ينزل عليكم دم بس مثل وصخ امي تقول يمكن نظفوج