>>>ديوانيه--- أمهات بجريات <<<

[كرستــــــــالة]

مرحبا امهات شلونكم يا
ممكن سؤال انا ولدت يوم الاربعاء و احس الخياط اليوم يقرصني عادي و لا في مشكله
و ادعولي يطلع و لدي اليوم من الطبيب بالسلامه

 

[om 7sony]

كرستاله
ان شاء الله يطلع بالسلامه يارب وتقر عينج بشوفة وليدج بحظنج

الاغلب طبيعي تحسين بالم الخياط
لا تكثرين قعده خلج منسدحه اغلب وقتج
واذا ما تحملتي العوار اخذي مسكن
واستمري عالغسول والمرهم وان شاء الله ما عليج الا العافيه

ومبروك ما ياج

 

[Ms.electric]

بنااااااااااات ملل :\

 

[كرستــــــــالة]

الله يبارك فيج ام حسون &#55357;&#56856;

الحمد الله يعني الالم طبيعي .....كله احس الخياط بينفتح شنو كريه الخياط&#55357;&#56874;

 

[Ms.electric]

كرستالة هذا احساس طبيعي انا اول الايام كنت اخاف اعطس علشان على بالي ينفتح الخياط

 

[om 7sony]

بنات
وين احلا انسانه
لاهيه مع بنوتتها ولا للحين ما طاحت عالديوانيه اليديده؟؟

 

[Ghaima]

مبروووووك افتتاح تجمع امهات بجرياااات

حمدلله على سلامتكم


انا احس تعبت من الحمل ابي اوولد بنات

منو مجربه الحلبة

ومنو مجرب الحلتيتة باجر موعد ولادتي وللحين صامدة وفاتحة 2 سانتي بس

 

[om 7sony]

غيمة
الله يسلمج حبيبتي

والله يسهل عليج يا رب
وتنضمين لنا قريباً
للاسف ما جربت لا الحلبه ولا الحلتيته

عندج احلا انسانه خبره بهالسوالف ؛)

 

[مشتطـه]

غيمة انتي اللي مبطله تجمع بجريات الاولي هههههه زين شفنااااج



مادري خليها على الله وبيطلع باذن الله

 

["Om 3AzOoZ"]

هالوووووو انمهااااات عنونااات شلونكم ولهت عليكم هاليومين طافتني سوالف وايد.

انا ان شاءالله الاربعا الياي اطلع منرالنفاس مو هالاسبوع الي وراه وحدي حايسه لين اللحين ماجهزت شي احس ماعندي وقت بس ان شاءالله هاليومين ضروري اروح اخلص شغلي.

امممم على سالفة البيبي وين بحطه باخذه معاي مادري احس تعودت عليه ما اقدر اخليه ، امممم ماراح نطلع لانه خالتي بتسويلي عزيمه في البيت بنخش الطلعه حق عيد زواجنا لانه وراه بجم يوم.

والله انا مثلكم حدي محتاره ابي بدله حلوه ورزه مادري من وين ومالي خلق فراره ودي ادش المحل اخذها واطلع.

 

["Om 3AzOoZ"]

بنات الي تبي الكرشه تروح كل يوم الصبح عالريج ماي حار يعني دافي مع كمون مطحون وتعصرون عليه ليمونه جربوا ودعولي راح تحسون بالفرق.

 

[om 7sony]

ام عزوز
بجرب طريقتج
بس تهقين تييب نتيجه لي يوم الخميس؟؟

 

[Ms.electric]

يا صباح المتعطش للنوم ؛/

هلا أم عزوز لج وحشة و الله ،، هههه أنا اطلع بعدج ب 3 أيام يعني السبت و احتمال كبير إذا طهرت اطلع اليمعه

أم حسوني سهرانة جنج ،،

يا جماعة يوغانة ،، كنت أرضع شيوخ بعدين قلت مأقدر سويتلها صناعي احتياط بس أعودها على طعمه و رحت كليت

مشتطة نصيحة روحي جيكي أفضل لج

 

[om 7sony]

مس
بعد شنسوي ،،، صار السهر واجب يومي


مس بتعودينها عالصناعي؟؟
ومتى ناويه تقطعين الرضاعه

انا ودي اخلي رضعاته طبيعي وصناعي بس اخاف بطنه مو زين له .. ولا عادي؟؟

 

[om 7sony]

اي صح نسيت

حسوني يسلم على شيوخه ؛)

 

[Ghaima]

هههه اي انا اللي بطلت التجمع الأول واختفيييت مادريت عنه ههههه

والله لا تلوموني حيل تعبت مرتين ادش المستشفى واخذ مضادات وصار فيني فقر بالدم واي واي خلوها مستوره بس صج تعبت

المشكلة ابي اولد وادري ما راح اتم طول وقتي حامل هههه بس تعرفون الاحساس اللي خلاص اي شي بس ولدوووني

يمة انا سمعت ان الطلق الصناعي مو زين كلش يمكن تنفصل المشيمة مادري شنو فمو مفكرة فيه بس بجرب الاعشاب يمدحون الحلبة والحلتيتة

عفية فيدوني

وشلون عنوناتكم وبيبياتكم الله يرزقنا يا ربي شوفة ضنانا ونحضنه ويرزق كل محرومة يا ربي يا كريم

 

[Ms.electric]

ام حسوني حتن شيوخة تسلم عليه لوووووووووووووووووول

اممم انا مو ناوية اقطع الرضاعة يعني لو يحصلي ارضعها لمدة سنتين علشان جذي قاعدة اسوي بحث على الموانع

اللي تخليني ارضع بس هم لازم اعودها على الصناعي لأن في ظروف راح تصير المفروض يكون في بديل عن حليبي

و انا قبل لا اطلع من المستشفى سألت قلت عادي ارضع طبيعي و صناعي ما يأثر قالتلي لأ عادي بس لمن ترضعين صناعي بين كل

رضعة و الثانية 3 ساعات ... و اللي عندي سيميلاك كومفورت ... بس ما تشرب الا سانتي :\ و ما تكمله حبيبتي

الصراحة الرضاعة الطبيعية مفيدة و الله علشان جذي ما ودي اتركها

غيمة خليها على الله و لا تاخذين و لا شي نصيحة ...

ام صقوري اين انتي ؟؟

تبين تضحكين ام حسون امس الفير اكلم شيوخة و ابجي مستانسة لووووووووووول قاعدة اتذكر الطلق و الولادة و كل شي

 

[om 7sony]

غيمه
الله يهون عليج وتتسهل ولادتج يارب
وان شاء الله تولدين بطلق طبيعي يارب
بس هم لا تحاتين الطلق الصناعي
انا اخذته ما في شي

 

[om 7sony]

وييي مس
انا كل ما احد ياني تذكرت الولاده
ههههههههه
كله صوب وتخريف الكمام صوب

 

[Ms.electric]

لوووووووووووووول التخريف مال الكمام فلم بروحه هههه

أتذكر يوم تفحصني بغرفة الولادة هههههههههههه أم حسون تعرفين الرسوم المتحركة لمن تطلع عيونهم مع صرخة

بالضبط كنت جذي و كنت أصرخ باسم ريلي لوووووووووووووول و الله كل ما أذكر هالموقف. إفطس ضحك