>>>ديوانيه--- أمهات بجريات <<<

[مشتطـه]

وااااي ام عزووووز انتي نفسي
انا عقب طلعتي ب 5 ايام عيد زواجي
وبكون بالعمره ان شاءالله

 

[مشتطـه]

ام عزوووز راح اجرررررب طريقتج
شوقتيني

انا اشرب كل يوم بليل الساعه 9
كمون وزنجبيل ودارسين مع بعض
يقولون ينظف الرحم

 

[Ms.electric]

مشتطة صدميني و قولي إن عيد زواجج بشهر 3 ؛)

جني بجرب خلطتكم

 

[عيون روحي]

السلام عليكم

انا ام من ٥ ايام كيفكم حبوبات طمنوني عنكم انا ولادتي كانت بطلق صناعي الله يعطيني اجره بس كان مرررره عذاب بس يوسف يستحق هالعذاب كله

 

[om 7sony]

عيون روحي
الحمدلله عالسلامه ومبروك ما ياج
يتربى بعزج يسوفي

 

[Ms.electric]

اليوم رحت البيرق و شريت الكعب اللي بخاطري بنات روحو اكوا في شغلات حلوة يعني اذا كان لج مزاج تركبين

 

[مشتطـه]

مس اي بشهر 3 ليش اصدمج ؟

 

[مشتطـه]

بنات
انا طاح خياطي الحمدلله

بس احس بثقل من تحت مرات
تحسون مثلي
؟
مو وااايد عالخفيف ؟

 

[مشتطـه]

واليوم لي 20

وليلحين فيني دم على بني محومر
مو شوية ؟

منو وقف الدم عنها؟

 

[om 7sony]

شكلها مس معاج عيد زواجها شهر ٣

انا بعدكم ... شهر ٤ عيد زواجي

الله يتمم علينا يا رب

 

[om 7sony]

مشتطه انا تقريبا ١٢ يوم وقف عني الدم
بس ضلت تنزل علي تكرمين مثل الوصاخه
لي ٢٠ يوم يمكن

ترى كل وحدة تختلف عن الثانيه
وانا احس اذا طول الدم معناته بطنج قاعد يتنظف عدل

 

[مشتطـه]

ام حسووني يمكن

وانا اشرب كمن ودارسين وزنجبيل كل يوم وهذا ينظف الرحم حييل


لا عيد زواجها مو معاي بالتوقيع لها 9 اشهر متزوجه ؟

 

[Ms.electric]

مشتطة امبلا عيد زواجي وياج ؛) و اعتقد أنا بعدج بيوم

إنا 24/ 3 ؛) ،، اللي بالتوقيع هذا من يوم عرسي

وناااااسة هههه

و مشتطة عادي أنا ليلحين ينزل علي بس مووو دم دم لا نفس البني يعني غامج

لا تشوفون عيؤني جني صفدع من البجي

ماني قادرة أشيل شيوخة حدي متضايقة و خفت أرضعها و أنا أبجي أوترها

 

[كرستــــــــالة]

طالعين من الشر إن شاء الله و تردون لازواجكم احلى عرااااااايس

 

[كرستــــــــالة]

مس اختي امس توها شاريه بدله تهبل من اكوااااا البيرق .......زوووغه بيج باسود راقيه

 

[Ms.electric]

أي و الله كرشتالة شفت أشياء وإيد عجيبة

 

[عيون روحي]

مشتطه هذا ينحف ولا لا

انا ما ابغى انحف ابغى امتن

 

[كرستــــــــالة]

و تحت في السرداب اذكر في محلات حلوة فيها سوالف لبس فنتاك للبيت مو قمصان .........لا بس شغل ملابس قصات ظهر هالسوالف

 

[fofo90]

صباااح الخير امهاات
شلوونكم
صارلي يومين ماشبكت طافتني سوالف واايد
انا ام صقر بس سوويت تغييرات على الاسم والصور
اكيييد عرفتوني

 

[fofo90]

اي صجج غلى سالفة العوار ةالثقل من تحت انا كنت احس مثلكم
وكرهت اروح الحمام والكل قالي اكيد رحمج نازل ..
ورحت الدكتورة وفحصتني الحمدالله رحمي مكانه وكل شي زين حتى الجرح
بس قالت احتمال التهاب بالبول عزكم الله وسوتلي تحاليل وناطرة
نتيجتهم ..
والله كريم