(( الجزء السابع و العشرين ))
شوق: بنت حرام!!!!!!
======================================
بيت ام شوق
ام شوق: شوووق!!!..شيايبج هالحــــزه...
شوق الصدمه كانت اكبر منهاا...كانت تتكلم بصعوبه: يمه قوليلي
ام شوق: شقول لج
شوق: قولييلي الحقيقه
ام شوق: يمه شوق شفييج..اي حقيقه؟ شصاير ؟؟ تهاوشتي انتي وفواز
شوق: يمه..آنا مو بنتج.؟
ام شوق: ها...شنو ( بان على ملامحها التوتر)..
لكنها قبل لاتنطق....شوق طاحت تحت ريووولــها
============================================
يـــوم الأحـــــــد...،،،،
الصبـــح الساعه 7 ،،،
مها: صبآآآآآآآآآآآح الورد ( والابتسامه شاقه فيسها شق)
بو جراح: صباااحج عسل ـ،،، ها مستعده حق اول يوم جامعي
مها: يبه بنشق من الونااااااااااااسه
جراح: تدلين ؟
مها: شرايك حبيبي..اكيد ادل
بو جرااح: وافيني بالتفاصيل أول بأول
مها: اول يوم ماكو دراسه بروح اشوف الكلاسات و الدكاتره و احوس شوي ،، خبرك انا كليتي احلى و احدث كليه في الكويت
بو جراح: قعدي قعدي تريقي
مها: لالا يبه بتريق هنااك مافيني صبر ( تبوس راس ابوها وتشيل الجنطه تعلقها على جتفها...)..يلا يبه باي بااااااااااااااااي
ام جراح( توها يايه من المطبخ و بيدها كرواسون): تعالي يمه سخنته لج
مها: يمه باي باي باي امواح
=====================================
مناير ( تلبس بدر القميص): حبيبي مابي الزواج يأثر على دراستك
بدر: تطمني ماراح يصير هالشي،، نزلي تريقي معااي
مناير: اغير هدومي و انززززل
=====================================
دخـلت مها ،، جــــامــعــة الكــــويت ( كليــــة العــــلوم الإداريـــــــــــه ) ،،،،
كانت راقيه حيل...الكلاسات موزعه بطريقة حديثـــه حيييل ،،..
كان في حركه مو طبيعيه بالكليـــه ،، بنات الإتحااااد كانوا يصيدون المستجدات عشان يضمنون اصواتهم للسنه اليديده ،،
بنت ( ماسكه فايلات بيدها): لو سمحتي ..تفضلي( تعطيها فايلها)..اي خدمه؟
مها: اي ،، ياليت تدليني وين الكفتيريا،، و وين كلاس 109
بنت( تشرح لها مكان الكفتيريـــا والكلاس ...)
تتجه مها للكفتيريــا ،، كانت عباره عن قاعه واسعه فيها اكثر من مطعم ،،، واهيا تمشي بين الطاولات ،،،،
...............: هاذي مو جنها مها؟
وتقرب بنت من مهااا ..
........: مها؟
مها: اهليييييييييييييييييييييين ( و تبوسها )
[ كانت هاذي رفيجـــة مها نوره...اكبر منها بسنه و تخرجت قبلها..وكانت معاها بالثنويه ...]
نوره: مبروك القبوووول
مها: الله يبارك فيج حياااتي،،، سنه ثانيه انتي صح؟
نوره: وقفت قيدي كورس..
مها: ليش؟!
نوره: تزوجت
مها( تلمها): مبروووووك حياتي
نوره: الله يبارك فيج...قعدي قعدي
تقرب مها من الطاوله و تقعد .وكان في مجموعة بنات قال لهم : هآآآآآآي
البنات: هآآآآي مهاااا
قعدوا و طلبت مها كرواسن و كوفي ،،،،
قعدت مها تتلفت،،
من صجج مها !!...تدورين عليـــه؟؟؟!...حطت ايدها على راسها...مشتاقتله.....لأ شنو مشتاقتله ...انا اصلا" خلاص نسيته ،،، تناقضت مشاااعــرـرها ،، ماكانت عارفه شتبي......
نوره: ها ترا انا خبره بالدكاتره هني قبل لاتسجلين الكورس الياي سأليني ترا بعضهم يتنيحس
مها( كانت سارحــــه)
نوره: مها!!..هالوووو وين رحتي
مها( تبتسم): ها...معاكم...مو امصدقه اني الحين بجامعة الكويت و طالبه فيها بعد
نوره: ههههههه اكلي اكلي..هالحجي مو علي آنا
مها( كانت تاكل بس شدتها آخر كلمه قالتها نوره): ليش...شحاطه ببالج؟
كان في كافتيريتين في الكليه ..وحده للبنات و وحده للشباب ،،،
مها: الساعه 8..بروح كلاسي
نوره: اشفيها اللي شاده حيلها من اول يوووووم
مها: نوروو عطيني رقمج
مشت مها....امغطيه عيونها عن الشمـــس بنظاره ديور...لافه الشيله بطريقه متقنه..بدت تتقن طريقة لف الشيلــــه ،، كعبهاا عااالي حيـــل ،،،
عبدالله:هاااااااااالاااااااااااا بدير حبيبي ..( يبوسه)..مبروك يالمعرس مبروك..
نطوا عليه الشباااب كل واحد لامه من صووووب....
حمد: هااا شلونك مع الزوآآآآج
بدر( يبتسم):تحس إنك بديت حياة يديده
حمد: مرتاح بدير؟
بدر: لازم ارتاااح
عبدالله: شفييه الحبيب...شكلها امطلعه بروحك
بدر: لا ابد مو امقصره معااي بس انا فيني خلل بعواطفي
عبدالله: اها يعني السالفه مسأله فيزيائيه مركبه
بدر: مسأله عاطفيه عاطله
حمد: اذلف زين انت وراسك...شووف طالعتلك خدود و متنان الكلب..ههههههههههههه و ويهك مشالله باين عليه مرتااح
بدر(يبتسم)
مها كانت تتمشى داخل الكليـــه..ماتدري تدورّ على شنووو.....عقلها يقول ادور كلاسي....وقلبها يقول ادور حبيبي......
كانت القاعات مجهزه بطريقه حيل حديثه بدت تتعبث شوي..دخلت المكبته ...ودخلت الاب ...
اخيرا" [ كلاس 109 ]..
إبتسمت مهاا..لقيت اللي ابيه....بس قلبها يقوووول ..لأ..مو هاذا اللي ادّور عليه..
دخلت بخطوات ثابته وصوت الكعب عااالي...القاعه كانت صغيره ...وفيها بنتين بس...و شاب....
مها: السلام ( مع ابتسامه)
البنات: وعليكم السلام..
اختارت مها اول كرسي...طلعت فوونها بدت تتعبث فيه ماتحب تقعد بدون حركه....
بعد 10 دقايق..ملل....
دخل الدكتور ( عبدالله الشايجي...)
الدكتور: صباح الخير..اعتذر عن التأخير....
كان رجل اربعيني الشيب بده يصبغ شعره...ويحوله للون الرمادي....نظاره طبيه..شكله هيبه....حده هيبه.....
الدكتور: ابيكم تعرفون شغله ..انا من النوع اللي احترم طلابي الملتزمين ..وما اعطل اي محاضره حتى لو كان اللي حاضر معاي طالب واحد بس...واشكرلكم حضوركم عادةً اليوم الأول العدد قليل جدا...انتوا توكم ياييين من الثنويه و النظام شوي يديد عليكم ..بس مع الوقت راح تعتادون عليه...دكتوركم عبدالله الشايجي...( يبتسم)
مها( ضحكت بعبط وعضت شفايفها: يحليله شاد حيله وايد)...
نزلت مهاا النظاره....الدكتور وايد يتفلسف....بس كان حضاري...اول ماخلص كلامه شكرنا و طلع حتى مانطر الوقت....
طلعت مهــا من الكلآس.....عندها بعد كلاس الساعه 10....بس كشتت....تمشت بالكليه....الجو حآآآر يحرق....
اخيرا" قررت انها ترجع البيت....زهقت ،،
ركبت الباص اللي يوصلها للباركينغ بما انه بعيييد شوي...
بدت تطالع فايل المستقله اللي بيدها........ قطته ع الأرض ماتدري ليش طول الوقت كانت شايلته .....( مع احترامي لكل القوائم)....
خطـوه .....بعدها خطووه..
بدر: كلاسي ياجماعه يلا على خيررررر ( رافع ايده )
لف ويهه
مها !
مها ماشافته..ماكانت تقدر ترفع راسها فوووق ..الشمس كانت عاموديه..فاتحه جنطتها تدوّر السووويج..
————————————
بعد شوي انزل بارت
