** ذلتني عيونها **

[حقائق لم تكتشف]

رد : ** ذلتني عيونها **

لا ليش حرام عليج دموعي بعيني :'(
بس البارتات روعه

 

[صمـ الـوداع ــت]

رد : ** ذلتني عيونها **

يـــلا ويــن انا ناطــره

فــوشيــه إشرايج اقترح عليج إقتراح :080402ask_prv: تحدديــن وقــت اللي تنزلين فيه الاجـزاء يعني مثلا كـل 6 المغــرب تنزلين جزء علشان ما ننطــر ... إشــرايــج مــوو خــووش إقتراح :icon30: من إخــتج الصغيرونه :hjy5jewf:​

 

[حنطاويه عسل]

كملي بليييييييز
ناطرينج حبوبه

 

[صمـ الـوداع ــت]

رد : ** ذلتني عيونها **

فــوشيــه :rgewrg: خـلاص خـلاص زعلــت لاتكلميني
وينـج عسىى ماشـر
نسيت الـروايــةة:eh_s(2): لايبــه أتغشمــر
يــلا أبـــــوووي إنتــي كملـــي نــاطرتـج ع نــااار >>> مشويـات مو روايةةة فديتني جناا مصختهااا :eh_s(10):
اوكـي اوكــي خلصــت

سـي يـووو فوشيـه :balo::balo:​

 

[حقائق لم تكتشف]

رد : ** ذلتني عيونها **

يلا فوووشيه نبي بااارت

 

[صعب الكلام]

رد : ** ذلتني عيونها **

موفقه بما اني قاريه القصه

اقولكم ان بدر ماراح ين=تزوج مهاااا....

 

[صعب الكلام]

رد : ** ذلتني عيونها **

موفقه بما اني قاريه القصه

اقولكم ان بدر ماراح يتزوج مهاااا....

راح يتزوج بنت عمه ...

ومها راح تتزوج ولد عم بدر....

 

[فــوشــيــة]

مـــــيـــــخــــالــــــف بــــنــــــات اعذرووووني

انشاء أكمل الأجزاء ​

 

[فــوشــيــة]

رد: رد : ** ذلتني عيونها **

موفقه بما اني قاريه القصه

اقولكم ان بدر ماراح يتزوج مهاااا....

راح يتزوج بنت عمه ...

ومها راح تتزوج ولد عم بدر....

الله يهداااج جان ما قلتي خربتي علي >> يلا ميخالف ​

 

[فــوشــيــة]

وببيت شوق..

مها: خلآص شوق مافيني صبر لآزم اروحله البيت
شوق: لا يالمينونه لأ صبري وصدقيني اذا مارد عليج اليوم انا اروح معااج باجر بس صبري حبيبتي صبري
مها: مابقى فيني صبرررر
----------------------------------------------------------------------

دخل بدر وأبوه وكل انواع الحزن به...اول ماشافهم مبارك عمه عفس ملامحه ..
مبارك: هلا اخوي حياكم الدوانيه
دخلوا الدوانيه و بدر ماكان قادر يرفع راسه ...وتكلم ابوه

بو بدر: والله يامبارك خير الكلام ماقل ودل..وتعرفني انا اخوك ماحب اللف الدوران والقرقه اللي مالها معنى
مبارك: عدل يابو بدر بس بعدي مافهمت قصدك
بو بدر: انا يااايك اليوم طالب ايد منايررر لولدي بدر ..شقلت يامبارك
مبارك: نعم؟؟..تخطبون مناير؟؟ ( انصدم من موقف بو بدر وعرف ان بدر مغصوووب وباين هالشي على ملامحه بكل وضووح).. انطق يابدر انت اللي بتتزوج ..تبي مناير؟؟

بدر(رفع راسه وشاف صورة مها جدامه ...غمض ه بقوه...وقال): اي عمي..ماراح ألقى احسن منها

مبارك: انت متأكد يابدر من كلاااامك؟؟؟

بدر( دمعت عينه و جفنه بسرعه تحووول لون الدم نزل راسه وقال): اي عمي..ابي مناير

مبارك: شفيييك بدر ...مو على بعضك؟

بدر: لا تعبان شوي
مبارك: وجانك تعبان ليش ما أجلت ييتكم ليوم ثاني

بو بدر: مستعيل الريال مستعيل على الزواج..مافيه صبر يوم واحد زياده..اقوله ياريال اركد انت تعبان خلها يوم ثاني..يقولي اخاف تروح البنت من ايدي

مبارك: لا وين بتروح يعني ..انت اولى ياولدي..( احساسه كان يقوله بدر فيه شي..وانه ياي مغصوووب بس كلام بدر كان يناقض ملامحه واحساسه...احتار مبارك وماكان بيده يقول غيرررر)...اشاور المره واردلكم خبر...

بو بدر: مامن غريب شاورها الحين
مبارك: لا يابو بدر عطنا وقت
بو بدر: خلنا نشوفها انزين
مبارك:هلا؟..يلا انشالله ابلغهم..

طلع مبارك من الدوانيه لقى ام فيصل بويهه ...مامداه ينطق كلمه وحده
فوزيه: شيبون ياااييين؟؟ تحج انطق ..شعنده بدر و ابوه
مبارك: ياييين يخطبون مناير
فوزيه: مو قال مايبيها شعنده يااااي قضبهم الباب
مبارك: لا يافوزيه مهما يكون بو بدر اخوي والموضوع مايسوى ..لا يبه صعدي شاوري البنيه
فوزيه: لا اشاورها ولا شي..انا مو موافقه
مبارك.: شاوري البنت وهاذا نصيب...ومايصير نوقف بويهه احنا..اهيا اللي تقرر..صعدي شوفي رايهاا..
فوزيه: اللي تشوفه يابو فيصل..

صعدت فووزيه فووووق

================================

داخل الدوانيه..

بو بدر: بدر ارفع راسك وانت تحاجي الريااييل لاتصير جنك مره
بدر: انشالله يبه ( رفع راسه بس عينه بعدها كانت تحت)
بو بدر: يكون امسوي شي انت الحين...قرب اعدل لك النسفه...
بدر: انا مرتاح جذي


==============================


فوق بغرفة مناير..

مناير: مغصووب يايمه مغصوووووب
فوزيه: نزلي شووووفيه يمكن عنده كلام يقوووله..وانتي بدورج قوليله انج ماتبينه...بس مايصير ترفضين مني والطريج نزلي عطيه فرررصه..
مناير: ما ابيه يمه ما ابيه ما ابي اشوف ويهه قوليله مناير ماتبيك
فوزيه: نزلي انتي و قوليله هالحجي...عندج 5 دقايق تجهزي فيهم...
مناير: يصير خير يمه يصير خير...

لبست مناير دراعه عباره عن 3 قطع..كان لونها ذهبي..ولبست شيله..شكلها راقي...مو شي غريب عليهاا...رسمت عينها بطريقه سريعه...و حطت على شفايفها قلوس خفيف...بس ها كانت وارمه من كثر البجي...عشان جذي الكحل ماكان ثابت كاان سااااااااايح....


==============================

بالدوانيه::

بو بدر: جنها تأخرت مناير
مبارك(بنفسيه): نازله نازله
بو بدر: انشالله السكن بيكوون عندي بالبيت لين يتخرج بدر
مبارك: الله يكتب اللي فيه الخير
بو بدر: والمهر تطلب اللي تبيه بنتنا
مبارك ( ساكت)..

دخلت مناير الدوانيه وكانت ريحة عطرها قوووووووويه وحلوه...
مناير( مارفعت راسها): السلام..شلونك عمي؟
بو بدر: هلا والله مناير..هلا ببنتي مناير..بخير عساج بخير انتي شلون صحتج
مناير: بخير..( نفسيه..)
مبارك: يبه مناير..عمج اليوم ياي خاطب..طالب ايدج للزواج لولده بدر..قوليلنا رايج...
مناير: موافقه..

فز بدر من مكاانه ونظراته ماكانت ثابته..يطالع ابوه و عمه...وابوه هني دخل بموضوع المهر

بو بدر: الله يبشرج بالخير يابنيتي..نتكلم بالمهر يابو فيصل..ولا نخلي الحريم يتكلمون فيه...؟
مبارك: اللي تشوفه..
بو بدر: نخلي الحريم احسن..عشان تاخذ راحتها مناير...يلا ولدي بدر سريناا..


بدر( ماكان مستوعب اللي صار جدامه قبل شووووي ماكان مستوعب ..مناير موافقه؟؟؟..منايرررر تدري اني ما ابيها...ليش تسوي جذي....ليش....والله انك صرت انت المره يابدر...وغيرك يحدد مصيرك و يرسم حياتك......نظراته ماكانت ثااابته ...ومناير لاحظت ملامحه شلون تغيررررت بعد مانطقت وقالت انها موافقه....))

مناير(( تكلم نفسها...اي يابدر موافقه...موافقه يابدر....جانك مو قد هالشي...ليش ياي تخطب...جانك ماتبييني..ليش يييت .....موافقه يابدر مووووافقه))

بو بدر: شفيك يبه سرحت بالعروس قلنالك سرينا لاحق يابدر لاحق
بدر( طالع ابوه بإحتقار وقام وطلع بره)


مبارك استغرب..كل شي يدل على ان بدر مايبي مناير...لكن ليش مناير وافقت ...شنو يدور براسهاا...

==============================================

ببيت شووق..

مها: امشي معاي السوووق شوق..
شوق: السووق؟..السوق وانتي بهالحاله؟؟..شعندج هناك
مها: بعدين افهمج...

------------------------------------------------------------------

رد البيت بدر لقى امه عند الباب..وصعد على طول ..بعد ماعطاها نظرررره ..

ام بدر: شفيه ولدك هالخبل...شصار هناك علمني..
بو بدر: وافقت مناير
ام بدر: وي مالت عليه ..خلني اييبب بس كلولولولولولوولولش..
دانه كانت بغرفتها تتكلم بالموبايل..ولما سمعت اليباب....نزلت بسرعه..
دانه: خيرر..شصاااير...شهاليباب..
ام بدر: مناير وافقت يمه
دانه: نعم؟؟؟؟.... منااااااير..؟؟..مناير وافقت...صج ماكو كرامه...

====================

بدر دخل غرفته..وعلى طول رفع موبايله و دق على مناير..

مناير كااانت قاعده ع السرير تبجي..
ولما شافت بدر يدق على طول ردت..
مناير: ألو
بدر: مناير ما بيج..
مناير: ماتبيني..؟..عيل ليش ييت تخطب..
بدر: مغصوب..انا مغصوب عليج
مناير: وانا موافقه وابيك
بدر: فهميني انا ماا ابيج...في وحده بحياتي و لازم اتزوجها
مناير: وانا ابيك ..وانشالله راح نتزوج بأقرب وقت

كانت تبي تنرفزه ماحست بنفسها الا واهي تحولت لأنسانه بدون احساس ومشاعر..ماتدري ليش سوت جذي...شفيني اأأنا؟...شصاار فيني...؟...ليش قاعده اسوي جذي بالريال؟..اهو ماله ذنب....شفيج مناير شفيييييج....


بدر سكر موبايله.......حط ايده على راسه يفــــــكـر...مها انقطعت اتصاللاتها....تعبت واهي تدق..حبي نامت...اكيد ناامت.............ونام بدر بصعووبه هالمره ....وقعد عشان كان عنده امتحان ميدتيرم ماكان يقدر يغيب عن المحاضره بهاليوم بالذااات..ماكان دارس شي....بس لازم يداوم...

قعد 8 لبس بسرعه وطلع بدون ريوق( فطور)..كان شكله تعبان..وهالات حول ه...وداايخ...والتفكيرررر شل مخه..ماقام يفكر بشي....بالعكس كان هادي...اكثر من كل مره..


الدكتوره: بدر ...يلا سلم الورقه لو سمحت
بدر( كان سارح): نعم..يلا انشالله ثواني بس

بعد ماسلم الووورقه....رجع للمواقف..اللي سفط فيها سياارته....تتوقعون منوو لقى؟؟...

مها..

لقى مهااا...

لقى حبه و حلم اللي مات...

مها..


كانت متسنده على سيارته...مثل اول مره شافها فيها بالضبط...

بس هالمره كانت مها غير...

كانت لابسه الشيله( حجاب)..لافتها وامغطيه شعرها...ولبسها كان ساتر...غير عن كل مره..

ملامح البريئه بدون مكياج هالمره....خدودها مورده من الحر ..كانت تنطره من فتره...

وكانت قذلتها تطلع من الشيله و تحاول تدخلها بسرعه...وامنزله راسهاا..وكان في هوا..بس هوا حااااااااااااااااااااار...يحرك الشيله...

بدر وقف فتره بدون ولا كلمه.....يراقب ملامحها البريئه اللي حرقتها الشمس......ماكانت تقدر ترفع راسها و تطالعه..لأن الشمس كاانت عموديه وقويه..وكانت ها تدمع..كل ماحاولت ترفع عيوونها فوووق و تطالعه..كانت هااديه..عكس كل مره....وكل براءة الكون فيهااا....وشفايفها مورده اكثر من كل مررررره....

بدر ماحس بروحه الا واهوو ماسكها من ويهها ويرفع راسها فوووق..وشاف دمعه بعيووونها ...
كان وده يحظنها حييييييييييييييييل ...ويبجي على صدرهاا.....ويقول اللي مايقدر يقووله...

بشرتها كانت نااااعمه حييييييييييييل...كان يلمس بشرتها ..بس مسكت ايده و نزلتهااا ....

مها ( بعد فترة صمت): راضي عني الحين؟؟؟( وقلبها كان يدق بقوه..وانفاسها بدت تتسارع)
بدر بعد ماسمع كلمتهاا...دمعت عيوونه...ماكان قادر يسوي شي....ماكان قادر ينقذ بقايا عشقه....هاذي اللي ابيها يا نااس..هاذي اللي قلبي يبيهااا......

بدر: مها!!..لازم تمشين الحين
مها: ليلحين زعلان بدر
بدر ( قطع كلااامها): روحي يامها...لازم تردين البيت الحين
مها ( بدت تبجي): بدر والله آسفه قاعده احاول ارضيك انا بدر
بدر ( حط ايده على شفايفهااا عشان تسكت..وحاول يهديها): اوش بس خلاص....ردي البيت الحين يامها
مها: كلمني..قول شفيك
بدر: مها سمعيني زين
مها( قطعت كلامه): اسمعك تكلم
بدر: مو كل شي الانسان يحلم فيه يصير صح
مها( بدت تتنفس بصعوبه): وشنو معناة هالحجي وليش تقوله الحين
بدر: مها..انا خطبت...


انتظروا العاااشر​

 

[فــوشــيــة]

بدر( بنظرات غير ثابته): مها ...آنا خطبت

مها ابتسمت ابتسامه خفيفه...كبرت الابتسامه...بانت اسنانها.....وكبرت اكثرر...قعدت تضحك....وقامت تصفق بيدهااا.....ارتفع صووووت ضحكتهااا...

وفجـــأه...سكتت..
تجمدت ملامحها...
كانت رافعه راسها فوق و تطالعه..

مسكت الشيله حييييل و لفتها حييل على راسهااا..ودخلت خصله كااانت طالعه ...لفت الشيله بعددد...وكانت تفلت....وردت تلفهااا حييل على راسهاا...
مها : شوف بدر شووووف..شوف انا تحجبت بدر...(( وتلف الشيله بعد مره)).

تنزل راااسهااا تطالع لبسهااا..: شوف بدر لبسي...شوف امس شريته ...شوفني بدر طالعني...انا تحجبت بدر...هاك بدر هااك ( وتمد ايييدها وتعطيه سويج السياره)..خلاص ما ابيها..مابي اطلع من البيت ...اخذ السويج بدر..انا اسمع الكلام بدر...شوفني بدر ..طالعني بدر شووفني..

كانت بها دمعه تلمع بكل وضووح...: بدر انته تجذب علي صح ( وتضحك)..عشان اسمع الحجي مره ثانيه..صح بدر صح....(( شافت بدر امنزل راااسه و موقادر يحط عينه بعيينها..فجأه اختفت ابتسامتهاا))..

مها: بدر تقص علي بدر..قول انك تقص علي..كل هذا لأني ماسمعت كلامك..جذي تسوي بدر...جذي؟....( وغرقت بنوووووبة بجي...وحطت راسها على صدره..)

هني بدر مسك ايدها حيل و ابعدها عنه....: روحي مها ...روحي...خلاص لاتذبحيني بكلامج..تكفيييين روحي..

مها: بدر انا قمت اسمع الكلام شوفني شسويت عشانك( رفعت راااسها فرق الطول كان وايد كبير..وها كانت تلمع والشمس كااانت حااااره..وكانت مها تتنفس بصعووووبه..)

بدر: غصبن علي مها..والله غصبن علي (( نزل لها وحط اركبه على الأرض))
مها دزته ومسكت ايده حيييل لدرجة ان اضافرها جرررحت ايده ...: بدر ماتخليني صح؟..انت ماراح تخليني؟..(بنبرة حااااده وصوت مرتفع)

بدر نزل راسه...ومها كملت كلامها: قول انك ماراح تخليني..قول..بدر قول..حبيبي ارفع راسك ..ارفع راسك كلمني...حبيبي قول انك ماراح تخليني ..بدر ما ااقدر بدر..تكفه ارفع راسك ..

نسمة هوااا ترخي شيلة مها ووبان جزء كبير من شعرها..
بدر: الله يوفقج وين ماكنتي...شوفي حياتج..طريجي غير طريجج
مها(كانت هاديه وتسمع كل كلمه من كلامه..وبعد آخر كلمه...تمت هاديه لثووواني..وبعدها انفجرت و غرقت بنوبة بجي...)


بدر ماكان قادر يسوي شي غير انه يوقف وراها و يحط ايدها على شفايفها..وتمت تبجي بكل هدوء و دموعها كانت تنزل على كفه....ووشوي....شال ايده....وابتعد عنها خطوتيين...ركب سيارته....وحرررررك...

كانت خطواته ثقيـــــــــله..قلبه يقووله شيلها اخذها معااااك ...اخطفها من دنيتهااا و عالمنا...واخذها بعييييييييييد..بعيد بعيد بعيد..في عالم انت واهي بس..وكل الاحلام تتحقق..وكل اللي نبيه يصير..ونفرض احلامنا على الواقع..نقهر القدر و الواقع...نقهر الناس ...نبتعد...نبتعد....ونبتعد...ونبتعد....

وعقله يقول....اللي بيني و بين هالإنسانه انتتهى..انت الحين لازم تطوي هالصفحه...وتعيش الواقع....الوااقع يابدر الواقع..اللي بيفرض عليك دنيا انته ماتبيهاا..وابد ماكنت امفكر انك بتعيشهااا..ابتعد بدر عنها...ابتعد ابتعد ابتعد ابتعد...اهي في بداية حياتهااا..وانشالله تلقى اللي يسعدها..اما انت..في انسانه بإنتظااارك...مناير يابدر مناير ..تنطرك..

مها وقفت فتره ...طاحت الشيله ..كانت متجمده بوقفتهاا..وهواا يطير خصلاتهااا..حارررر....
بعد ماشافته راح وتركهاا...وتلاشى بدر...ركبت سيارتهاا...وقعدت فتره..قبل لا تحــرك..

اتفقنا ننتهي و كلاٍ رآح في طـــريقــه..
تـركـتـك وعـنـك مـشـيت و قضـيت يوم في سريري..

الساعه 4 العصر...مها على سريرها منسدحه على بطنها و حطه ايدها تحت رقبتهاا و سارحه..
بدر كان بعد بسريره...وفجأه لاحظ جروح بيده..كانت من مها..لما مسكته بأيدها حييل..جرحته بأضافرها...

مادمــعــت عيني والله..بس سكنـي هم وضيقــه..
حسيت بخنقه و عبره...وصرت افكر في مصيري..

نامت مها بصعوبه الساعه 3 الفيررر..


في يومي الثـــاني صحيت...أثاريني بسرعه نسيت!!

نزلت مهاا لقت اهلها مجتمعيين على الغدا..

قمت اســـولف واضحك والجنون نشفت ريقـــه..!!

لكن اللي صار وبعده ..انتهيت...وانتهيت..


مها(كانت تكلم جراح): بدر عطني قفشه..
كل اللي قاعدين على طاولة الطعاام ألتفتوا وطالعوا مها..

طريت اسمك وانا اسولف وانشبت في قلبي حريـقـــه..!!

قامت وقفت مها .. تطالع ابوها و امها..وجراح و اختها..

ليتني لاضحـــكت ولا سولفت ولا حكــــيت...
انصدم من كان حولي و كل من عبّر بطريقه..
كل من طافت عليه سالفة اني بجد نسيـــت..

رفعت راسي و اثاري عيني اهدابها بي غريقه..
هذا والله اللي صار..احترقت و انطفيــــــــــت..

ســالفة النسيان خدعــــه..
افضحتنـــي زلــه و دمــعه..
وانكشفت وبانت حقيقه!!!..

طافت على عقلي..وقلبي اللي صحاني و قال...

آنا والله مانسيت..

والحـــال بعده ما اطيقــــــــــه!!..


ام جراح: مها...تعالي يمه كملي غداااج

صعدت مهاا غرفتها و دموعهااا ماليه عينهاا...

واول ماحست انها بروحهاا...راحت بنووووبة بجي....
مها: يمه خليني وخري عن الباب ..بعدين اتغدا

ام جراح: على راحتج يمه(( قلبها كان نازغها بقوه..ولو ان السالفه واضحه وضوح الشمس..بس محد نطق وحرك ساكن...))


بعد ثلاث ايام ...ومها حالها من سيء إلى اسوء..لكنها مافكرت تكلم بدر..بأي طريقه من الطرق....



بيت بو جراح ( بيت مها)...
شوق: بس خلاص يامها والله انج قطعتي لي قلبي...بس انسيه ..الريال وراح..وانشالله الله بيعوضج بللي احسن منه ...
مها: والله ياشوق مو بيدي ..لو بيدي انسى..لو بس بيدي...جان ماتشوفين هاذا حالي..


صعبه تحب انسان..ويتجاهلك تالي..
و لو بيدي النسيان..ماكان ذا حالي..
تروح وتجيني انت
تلقاني مثل ماكنت ..
وحبي لك..
ماتغيره الايام..


شوق: حبيبتي مها...خطبتي باجر...ومحتاجتلج تكفين ابيج يمي
مها: لا ياشوق..ماله داعي تقولين...انا اول وحده معاج...مستحيل اخليييج ياشوق..مستحيل..



=======================================

في النزهه
وبالتحديد بيت مبارك عم بدر..

ام بدر: الدزه انشالله الاسبوع الياي ...شرايج فوزيه؟
( الدزه..عادة من عادات اهل الخليج..اختفت فتره و رجعت بقوه..وعشان نوضح معناها...عباره عن صندوق فيه المهر و مصحف و انواع الاطياب و البخور..)

فوزيه: لا يا ام بدر..خلينا ننطر اخوها فيصل ..كلها اسبوعين ويرد من لندن..

[ نسينا نوضح شغله: فيصل اخو مناير كان يدرس الهندسه الوراثيه في لندن واهوا اكبر من مناير بسنه وانتهى من دراسته وراح يرجع الكويت بعد اسبوعين بس]

ام بدر: خلينا نخلص من الدزه و الأسبوع اللي وراه الملجه...وانشالله يكون فيصل موجود
فوزيه: اللي تشوفينه يا ام بدر..

======================================

الخميس
الساعه 6 المغرب..بيت ام شووق...
مها ( التعب باين عليها بكل وضوح ..بس حضرت خطبة شوق عشان خاطرها ولأنها رفيجة عمرها): عرووس لا اله الا الله
شوق: الفال لج ياقلبي...ونفرح فيج
مها ماقدرت تمسك دموعها...بجت و حظنت شوق حيييييل ..
شوق: لو ادري ان هالدعوه بتسوي جذي ماقلتها..بس ياحياتي بس...


تحت عند الحريم...

ام شوق: بنتي توها خالصه الثنويه وابيها تكمل دراستها ..هاذا اكثر شي يهمني
ام فواز( المره اللي يايه تخطب): اكيد يامشاعل احنا اهم شي عندنا شهادة البنت..ولدي فواز توه متخرج من كلية الحقوق..وقدم على وظيفه وانشالله خلال شهر بيشتغل...ويقدر يصرف عليهاا
ام شوق: و وين بتسكنون بنتي
ام فواز: بيتنا باليرموك وعندنا دور كاامل يقدر يسكن فيه معاها فتره بسيطه لين يأثثون الشقه اللي اجرناها .. بس ماقلتيلي متى تبون العرس؟
ام شوق: والله يا ام فواز..عروس هالوقت غير قبل..الحين كل شي صار حار بحار..وانا اقول لو نستعيل احسن
ام فواز: يعني شهر كافي للعروس تتجهز فيه
ام شوق: اي كافي و يزيد ..
ام فواز: على خير انشالله...جنها طولت العروووس..
ام شوق: شوووق شووق يمه يلا نزلي خلي ام المعرس تشووفج..


شوق كانت فوق تكلم مها.
مها: يلا شوق..يلا حبيبتي سمي و نزلي عند الحريم
شوق: نزلي معاي مها
مها: لا مايصير حبيبتي لازم تكونين بروحج ..سمي و نزلي..
شوق( دمعت عينها): تمنيت ايي هاليوم..بس المعرس...يكون حمد
مها: خافي ربج ..وانشالله حياتج تكون اسعد مع فواز...خلاص انسي هالتعبان و نزلي


نزلت شوووق وقامت لها ام فواز
ام فوزا: لا إله الا الله...قمر ..
شوق( نزلت راسها استحت حيل....)


=============================================

بعد ايااام..

مها كانت قاعده مع اختها منال ( زوجة عبدالرحمن)..
منال: مها باب التسجيل للجامعه بيسكر وماشفتج حركتي ساكن..
مها: مادري يامنال مادري..مادري وين اروح ..
منال: باجر امرج الصبح و نروح نسجل انا لو بخليج جذي..بيضيع عليج كورس وانتي بعدج ماسويتي شي
مها: اللي تشوفينه منال..اللي تشوفينه


=========================================

بدر مع رفيجه خالد على البحر...
خالد: الحمدلله والشكر...انا اول مره اشوف واحد ملجته باجر وماد البوز جذي
بدر: أأخ يابدر...آآخ ..لو تدري بللي في قلبي...
خالد: ادري ان بقلبك شي..تكلم ليش ساكت...انا خالد يابدر..رفيجك من عمر...وحاس انك شايل هم كبر راسي...تحج قول شفيك
بدر: انسى يابدر انسى...ابيك معاي باجر
خالد: استح على ويهك من صجك انته..اكيد بكون معاااك شهالحجي..امش بس امش...


=============================================

في النزهه...بيت مبارك..بو فيصل...

فوزيه: كلوولوولولولولولوولولولووش...الحمدلله ع السلامه يافيصل...تعال يمه تعال...خلني اكحل عيني بشووفتك...

[ فيصل..انسان طيب حيل نكته و دمه خفيف...مع كل هاذا كااان محبوب من الكل...خبل مثل مايقولون ..انتهى من دراسته في لندن....ورجع الكويت..من حيث الشكل..كان ابيض ..سكسوكه..مزيون االريال ..وشكله حيل حلوو باللبس الشعبي ( دشداشه و غتره و عقال)]..

مناير: لااا مشالله شحلات الوي ينور..متنان صاير دب..
فيصل: وانتي يالسيلانيه كل مالج و تستجكرين اكثر
نوره ( ابتسامتها صارت بالحسره...ابتسامتها صارت باهته..تراجعت بدراستها..اكثر وحده اثرت فيها خطبت بدر من مناير..بعد مها اكيد..ماكانت مستوعبه الشخص اللي حبيته...ياخذ اختي؟!...بس اقتنعت في داخلها ماكان بيدها غير انها تتمنى لهم الخير اهما الاثنين من حبها لأختها..ولو اي وحده بمكانها جان مشاعرها تحولت لحقد..بس كاانت عاقله و فاهمه والموقف وقوة الموقف خلاها تفكر بعقل): فيصل يالتعباااان البيت ميت بدونك

بو فيصل: وخروا زين خلوا الريال يرتااح..صج حريم..لزقه....اصعد يبه اخذلك دش و ناملك ساعتين ريح شوي..
فيصل: اييي يبه دايخ و تعبان...من رخصتكم


===========================

بليل الساعه 1 الفير..بدر حاط راسه ع المخده..باجر ..باجر راح اعيش حياة مجبور عليها...باجر راح تنفرض علي انسانه..انا ما أبيها...باجر اطوي صفحة الماضي...وابدى خطوة النسيان.....

مها كانت امكثره بندول.. حاسه بالتعب بس ماتحركت ولاقامت من فراشها..ماكانت تبي تخرع اهلها..تعودت على هالوضع..باجر اانشالله اكون احسن....باجر انشالله كل شي يتعدل للأحسن.....النعاس كااان ياخذها بعييييد..بس كانت تعاند ها...

عــيونها..اللي ذبلت واستقرت دمعه بعينها..ماجفت من صدمتها الاخيره...دقت على شوق..كانت تتحجى بصعوبه...كانت دايخه حييل..
شوق: مها خرعيتني شفيج تتكلمين جذي
مها: شوق ابي بدر شوق
شوق ( بدت تبجي): مهااا تكفييين رحمي حالج
مها: شوق ما اقدر اعيش بدونه شوق...
شوق: تكفين لا تتهورين وتكلمينه..خلاص الريال بيتزوج انسيه مها تكفين انسيه ورحمي حااااالج

مها سكرت التليفون بويه شووق..ها كاانت تتسكر ...كانت دايخه..بس تفتحها بصعوووبه....

اخيرا" دزت مسج لبدر...
[ليه دايم احتاجك قبل لاتغفي عيني..
وفي عز ضعفــــي.. ناديت ابيــــك....
تعبس شفاي..وتظلمني سنيني..
وانا ما بيدي غير..اناديـــك..اناديــــــك..
بدر..ابيــــــك ]


بدر شاف المسج....غمض ه حييييل....اخيرا" قرر يفتح تليفونه...شال البطاريه...وكسر الخط.....

انتظروا الجزء الحادي عشرر​

 

[فــوشــيــة]

الخميس 8الصبح في بيت بو جراح..

منال: مها....مهاا...قومي يالتعبانه قووووومي...
مها( فتحت ها بصعوبه..نامت متأخر امس...فزت لما شافت منال): شنو منال شصاير!!!!
منال: قومي قووووووووومي....غسلي ويهج ونزلي تحت نبيج
مها: شصايرررر خرعتيني وقفتي قلبي....صاير شي منال ردي شصايرر
منال: انقبلتي ياحظي انقبلتي ( وبيدها الجريده)
مها: صج..!!...صج منال صج ( ابتسمت ...صارلها فتره ما ابتسمت...)
منال: مبروك حبيبتي مبروووووك...
مها: الله يبارك بعمرج ياقلبي
منال: يلا كلنا ننطرج تحت...بيباركون لج.والغدا على حسابي كلكم معزومين بأي مطعم تختارونه..
مها( ابتسمت مهاااااا و حظنت اختهااا)...

=============================================

في الروضه..بيت بو بدر...الساعه 12 الظهر..

ام بدر: قوم يالتعبان قووووم...يلا بديرررر..اكو معرس ينام لي هالحزه
بدر: انشالله يايمه ..الحين اقووووم بس عاااد صرعتينا
ام بدر: الله يعييني علييييك...خالد دق ع االبيت يبيك يبي يكلمك يقول جهازك امسكر من البااارحه
بدر( تذكر انه كسر خطه..وفز من نومته و قامت خذا الفوطه و دخل ياخذ شاااور).....
ام بدر: الحمدلله والشكر..يالله كمله بعقله هالريال..مادري شنو يدور بعقله...

=================================================

بدر تحت الدش...كان يفكر....بمها اكيــــد....ويتذكر بعض تفاصيل حبهم...يغمض عيووونه

[ بدر لاهي بالموبايل ورايح صوب المواقف وشاف مها لأول مره بحياته لقاها متسنده على باب السياره.....وحاطه ايدها عليها..ومتخصره بالوقفه...كانت معصبه حدها...
بدر تجمد بمكانه...قرب شوي...
بدر: لو سمحتي..شوي
مها رفعت نظارتهاا...وقالتله: شايف ي...بذلك فيها ]


بجى بدر....والماي كاان ينززززل على ملامحه ويختلط بدمووووعه...

وذاكرته كااانت تفرض عليه يتذكر صوت مهااا غصبن علييييييه....

[[[[[[[[[[[[[[[[[مها( تقاطعه بصراخ): ياخييي بطني يعوووووووورني
بدر( سكت فتره وبعدين انفجر من الضحك): سلامات حياتي سلامات
مها: حياتك؟؟..متى صرت حياتك
بدر: امس الفيررر وانا قاعد جان تصيرين حياتي
مها: اهاا يعني بتقنعني انك حبيتني بهالسرعه
بدر: اسرع شي بهالوجود...الحب..أسرع من الضوء نفسه...بلحظه ..تحس انك ملك انسان ..وان مالك غناة عنه
مها: اشفييييييييه روميو خل يعطينا ويه
بدر: ويهي وكلي لج ..ترا انا ما اعرف اغازل و اقول كلام حلوو..ولعلمج ضميري يأنبني لأني قاعد اكلم اخت رفيجي
مها: اشفييه بو ضمير
بدر: انا ابيج بالحلال
مها: هلا هلا؟؟ ما اسمع ..؟؟ تبيني بشنوو؟؟
بدر: بالحلال يامها
مها: لالا شكلي قمت اسمع غلط ..كله هاذا من عوار بطني؟!....
بدر:لا سامعتني زين انتي..انا ابيج انتي...
مها(زاد عليها العوار): اسكت انزززين نتفاهم عقب اسبوع]]]]]]]]]]]]

يغمض بدر ه حيل تحت الدششششش...ويبجي....ويضحك..........ه صارت حمرررره..حس بالقهر يقطع قلبه...فتح ه بصعووووبه......لكنه حتى واهو فاتح عيوووونه...شاف مهااا جدااامه...بخياله طبعا"

[[[[[[[[[وصرررخت مهاااا...
بدر وقف...وماكان بيده شي يسويه...غير انه يوقف وراها و يسكر حلجهااا...
بدر: سكتي يالخبله فضحتينااا
مها: انت شيايبك هنيييييي..اكيد بتعلم جراح..والله ما ادوخك مره ثااااانيه بس لا تقووله تكفه
بدر: سكتيييي لايسمعج ..انا شدراني انج اخته ..ماكنت ادري اصلا"...والله محد راح يدري ...خلصينا طلعي بسرعه لا يدخل جراح و يشوووفج...
وتهده مهاا بسرعه واهيا ترجف و تفتح البااااب...بس عثرت بنعالهاااا...جاان تشيله بيدها وتلمه على صدرها...وتدخل....]]]]]]]]]]


آآآآآآآآآخ يامها آآآآآآآآآآآخ.......ضميره كان يجرحه بقووووه....كان يتعمد يجرررررحه...يحسسه بمدى الجرح والأذى اللي سببه لمهااا...وذاكرته كانت تشارك ضميره ..وتعيييد صور مهااا جدامه..ماكان يقدر يهرب من خياله..اللي يفرض عليه ملامح مهاا في آخر لقاء لهم...غصبن عليييييه..وعلى احساسه.
[[[[[[[[[[[[[[[[[[[مها: بدر انا قمت اسمع الكلام شوفني شسويت عشانك( رفعت راااسها فرق الطول كان وايد كبير..وها كانت تلمع والشمس كااانت حااااره..وكانت مها تتنفس بصعووووبه..)

بدر: غصبن علي مها..والله غصبن علي (( نزل لها وحط اركبه على الأرض))
مها دزته ومسكت ايده حيييل لدرجة ان اضافرها جرررحت ايده ...: بدر ماتخليني صح؟..انت ماراح تخليني؟..(بنبرة حااااده وصوت مرتفع)]]]]]]]]]]]]]]]]]]]]]




واخيرا" قرر يسحب الفوطه.........ويتجاهل قلبه.........
ويطلع من الحمام ( عزكم الله)
=============================================

شوق تدق على مهاااا....
مها: ألو
شوق: هااااا مهاوي..لاتقولين انج نااايمه
مها: لا وين نايمه قاعده من الصبح اليوم
شوق: ألف ألف مبروك ياقلبي
مها: الله يبارك فيييج حياااتي
شوق: انقبلتي بالكليه اللي تبينها..شفتي شلون الله ياخذ والله يعطي
مها: بس ياشوق بس..لاتذكريني تكفين
شوق:آسفه مها..والله مو قصدي...
مها: لا تعتذرين..عاذرتج يالغاليه
شوق: مهاا طلبتج
مها: كلي لج آآمري ياقلبي
شوق: بغيييت امرج آخذج السوق..مابقى على عرسي الا اسبوعين وانا بعدي ماخلصت تجهيزي
مها: بس شوق
شوق: لا بس ولا شي..انا طوفت لج واايد..ما اعرف اجهز روحي مع امي...طول الطريج نجره و هواش..تكفين لاتكسرين بخاطري وخليني امرج
مها: اللي تشوفينه ياشوق...ناطرتج
شوق: هيييييييييييا..يلا يلا بلبس ..قومي لبسي نص ساعه وانا عندج

===========================================

الساعه 4 العصر
بدر كان بالحلاق.....يحلق له لحيته...اللي تجاهلها فتررره...طالت وايد....اليوم بملج على مناير....اليوم يابدر اليوم....
الحلاق: ارفاااع(ارفع) راسك لفوء(فوق) شوي ايواا باس(بس)
خالد: يه يه يه..اي..الحين صرت شزينك...مو قبل شوي..جنك طالع من السجن المركزي..
بدر ( ابتسم ابتسامه ماكانت من قلبه...)
خالد: جراح دق علي يبارك لك..ماصارت جني سكرتيرتك مابقى احد مادق علي..متى بتشتري خط يديد
بدر: انشالله باجر
===========================================

مها كانت بالسوق مع شوووق..
شوق: شمي هاذا...ريحته حلوه صح
مها: شواق وايد شريتي عطورات..لاتكثرين...اختي منال بتجهيزها كثرت عطور وبعد العرس بشهر يابتهم كلهم لي..تقول جبدي لاعت منهم...
شوق: بس ريحته حلوه شمي ..خلاص آآخر واحد هاذا ..ماراح اكثر..
مها: يلا عشان نلحق نروح نشوف شصار على نفنوف عرسج ..
شوق: يلا يلا نطريني بس احاسب...
===============================================
في النزهــــه...بيت مبارك بو فيصل....

كانوا الأهل مجتمعيين بحفله بسيطه و محفوفه..بس للملجه و كتب الكتاب...ماكانوا يبون ناس واايد..كانوا امخططين ان الملجه تكون بسيطه...

هذا ماهو بدر ليلٍ يختفي...مع طلوع الفجر و بزوغ الفجر..او بدر يصبح بعد مده هلال..هذا بدر مكتمل طول الشهر...ولا إلـــــه الأ الله...
نزلت مناير بنفنوف اخضرررر روعه...كان عاري من جهة الصدر..مكياجها كاان ذهبي...وشعرهااا كان مرتفع كله فووووق..قاموا وقفوا الحريم لهاا ....و فوزيه تعدل لها الفنوف...و ام بدر تيبب...دانه كاان الرفض باين بعيووونها....نوره نفس الشي...دانه عفست ملامحها......نوره كانت ضيفه ماجنها اخت العروس....
ساره كانت تصفق و مستانسه..وبناتها جوري و همس..كانوا لابسين نفانيف ورديه حلوه وقاعدين يم امهم يصفقون...وبطن ساره كانت بارزه..تعلن قدوم طفل او طفله ثالثه..

قعدت مناير....وقربت منها فوزيه عدلت لها نفنوفهاا...وحطت المبخر يمهااا...وزاد اليبااااب...

قاموا ثنتين من رفيجات مناير و رقصوا جدامهااا...مناير..كانت مبتسمه...نظرتها شاامخه...مكياج جسمها كان ذهبي...رافعه راسها فوق بدون اي حيا ...واغنيه ..ورا اغنيه....كانوا بنات ساره يرقصون...نوره قامت بكل انكسار...ارقصت جدام منايررر عشان تبعد الشكوك عنها و تكف عنها حجي الناس....دانه كانت رافضه انها تتحرك من مكااانها.....


بعد ساعه....
ام بدر: يلا بنات المتحجبه تلبس حجابها..بدر بيدخل....

يامعيــــريس..عين الله ترعـــآك..والقمر و النــــجوم تمشي ورآآآآآك..
يامعيــــريس..عين الله ترعـــآآك..والقمر و النجـــــوم تمشي ورآآآآآك..

دخل بدر بروحه..بما ان بالملجه الاغلبيه تفضل دخول المعرس بروحه...كان ويهه ينور..بدون بشت...بس امنزل الغتره ....ومر يم الحريم مارفع راااسه....كان امركز على خطواته....مسكته امه من ايده...وخذته لكرسيه...قعد بدر ورفع راسه اخيرا"....لقى مناير تبتسم له...تسريحتهاا كانت رووعه لفتت نظر بدر...شعرها اسوووود سواد الليل..اول مره يشوف شعرهاا....لف راسه و نزل رااسه..بس لاحظ لأحد يأشر له...
امه....كانت تأشر له....وفهم منها انها تبيه يبوس راااسهاا...

نزل راسه رافض الفكره...بس امه عفست ملامحها و قربت منه ...ام بدر: بدر بوس راس العروس..
بدر قبل لا ينطق..كملت كلامها امها: بوس راسها يلا الحين....

ابتعدت ام بدر.....

بدر رفع راسه..شاف امه تأأأشر و تأأشر...

اخيرا" قرر يقرب من مناير...مسك راسها......وباسه...

شم ريحة البخوور فيهاا..ابتعد عنهااا....






==============================================
الساعه 10
نواف كان قاعد على الرصيف (( نواف ولد جيران شوق اللي ساكن بالملحق واللي حبها وكانت تتجاهله))..
شعره كان منفووش ودشداشته كانت مبهذله....حاط راسه على ايده.........


شوق الساعه 10 بليل ردت من السوق....سفطت سيارتهاا...وشافت نووواف..: اففففففففف شيبي هاذا قاعد هنييييي...
نواف لما شافها قااام وقف ...ولما قربت شوق بسيارتها شبت ليتات السياره عليه....وعفس ملامحه لأن كان الضوء قووووي...

نزلت شوووق كعبها كان عالي حيييل وكان بيدها جياس واايد من البلاوي اللي شاريتها لتجهيزها...: شعندك قاعد هني..انت وبعدين معااااك
نواف: شوق....شوق احبج شووق...
شوق: حبتك القراده...انت من صجك انت ..ليلحين عندك امل فيني...ياخي انا عرسي بعد اسبوعين ياريال...وتسوي خيررر اذا جهزت طيرانك من الحين..توفر علي فلوس الفرقه اللي بنيييبها

نواف ابتعد بكل هدووء..

===========================================

بالمنصوريه...
بيت بو جراح....
ام جراح: يمه مها شكلج مايسر...خليني ادق على جرااااح ايي ياخذج الطبيب
مها: لا يمه لأ...ماله داعي صدقيني ..خليني بروحي هذا التعب من الفراره بالسوق..انشالله بس اقعد بكون احسن...


ام جراح ماتطمنت لشكل بنتهاا...التعب زاد عليهااا...ودقت على جرااح....
جراح: هلا يمه خير شصاااير
ام جراح: لا ابد بغيناك تاخذ مها المستشفى تعبانه شوي
جراح: يمه صبري نص ساعه...رفيجي ملج خليني ابارك له و اطلع..



انتظروا الجزء الثاني عشررر​

 

[حقائق لم تكتشف]

رد : ** ذلتني عيونها **

ايوااا في بارت
الحين بقرا البارت

 

[حقائق لم تكتشف]

رد : ** ذلتني عيونها **

وااو البارتات روعه
تسلم ايدج

 

[فــوشــيــة]

جراح: يمه صبري نص ساعه...رفيجي ملج خليني ابارك له و اطلع..
ام جراح: انزين انزين..لاتبطي(لاتتأخر) ناطرينك

وسكرت ام جراح التليفوون..

مها: شقال جرااح...

ام جراح: يقول رفيجه ملج يبارك له وياي مهو مطول

مها ( بدت شفايفها ترجف):شقال يمه شقال!

ام جراح: ياي يمه ياي مهو طول

مها: جراح شقال يمه

ام جراح: يمه مها شفيييج قال انه ياي
مها: يبارك لرفيجه
ام جراح: اي يقول جذي وبعدها بيي ياخذج ماراح يطول...
مها( بها دمعه ترجف حطت راسها بين ريووولها وفجأه طلع منها صووت نحيب من اعماااقهااا)...

=========================================

جراح: بالمبارك يابو ناصر بالمبارك
بدر: يبارك فييك
جراح: ليش ياي الدوانيه في اكووو واحد غبي يهد مرته بيوم الملجه ؟؟
بدر: ناطرها تبدل باخذها المطعم
جراح ( حس برفيجه متضاايق وحب يختصر الحجي بدون لقافه): يلا يابوناصر الله يوفقك انشالله ..انا ماشي الحين

بدر: وين جراح ووين؟؟.خلك اقعد شوي

جراح: لا داقين علي الاهل يبوني اخذهم المستشفى

بدر ( فز قلبه): ليش..منو من اهلك تعبان

جراح: مهووو وعيارة تالي الليل ..

بدر(وصوته يرجف): نخيتك طمني عليها

جراح: اي انشالله اطمنك..يلا بو ناصر نشوفك على خير ولاتقطع مانبي الزواج ياخذك منا

بدر: على خير يالغالي....

سرح بدر ...وكااان خالد يقرق على راسه بس بدر مو معاه
روحه وقلبه مع مها...روحه تبي مهااا...ورافضه غيرها...بس اللي صار يجبره يتنساها ..روحه تحــبها..روحه ماتبي غير وحده وبس.....مها...

ان كـــان ربي ماكتب لي معك نصيب..
أفترقنا و صرت بحياتك شخصٍِ غريب..
ياللـــه توفقها في كل الدروب..
ويسعدج في كل شروق و كل غــــروب..

بدر حط راسه بين كفوفه ...
خالد: بدر!!!..شفيك ياريال ؟..ارفع راسك...شيقوولون الريااايييل عنك الحين

بدر( رفع راسه وبانت دمعه بعينه..وبصوت مخنوق ):ما اقدر يابدر ما اقدر..

خالد: شنو ما تقدرررر تعوذ من ابليس يااارياااال..في معرس بيوم ملجته هاذي حالته

بدر(نزلت دمعته على خده): مقهور ياخالد مقهووور..احس اني مخنووق مو قادر ياخالد

خالد: مو قادر شنووو انت شفييييك

بدر: ما ابيها ياخالد..ما ابلعهاا..قلبي مايبيها ياخالد..مايبيهااا

خالد: يرحملي وااااالديك ارحم حالك ياريال ..شذنبها البنت شذنبها...صدقني بعد الزواج كل شي بيتغيررر

بدر: ما اتخيل روحي معاها ..مادري شلون بنجتمع انا واهي بسكن واحد

خالد: ياريااااال خاف ربك انت شقاعد تقوووول اسكت بس وارفع رااسك لحد يحس بشي
بدر: ياخالد حس فيني آنا...
خالد( يقطع كلامه): بس اسكت...حاس فيييك ..خلاص اسكت...الحين المره بتاخذها تعشيهااا..لاتحسسها بشي ...الله يخلييييك..وانشالله لي صرتوا مع بعض بسكن واحد كل شي يتغير صدقني

بدر( رفع ايده فوق): مو فاهمني ...ياريال ما أبيها

خالد: الكلمه يت متأخره..عمك بيناديك الحين و يقولك المره جهزت..لاتحسسه بشي...تعوذ من ابليس ياريال وانشالله بتكون خيره لك..."وعسى ان تكرهوا شي وهو خيرا لكم"

بدر ( نزل رااااسه)...
خالد: كاهو عمك يناديك ...قوم فز مثل الريااييل..ولا تحسسه ان فييك شي...وانشالله مع العشره بتحبها...صدقني الحب اييي بعد الزواج ياريال

بدر( طالع خالد بنظره حسسه فيها ان مو فاهم شي ولا قادر يفهم احساس بدر...وقام وقف يم عمه مبارك...)

========================================

جراح بالسيااره..رن تليفونه
جراح: يمه ياي كاني بالطرييييج
ام جراح: انزل يمه شيلها معااي البنت تعبانه مو قادره تمشي
جراح: مو قادره تمشي؟...يلا يمه ياي كاني داش المنطقه
ام جراح: بسرعه ياريال تراني خايفه ..قلبي قارصني حاسه ان فيها شي
جراح: انشالله ماشر يا ام جراح ..وكاني ياي..

==========================================

بالدوانيه...

مبارك: العروس جهزت تعال خذها من داخل..ما اوصيك على بنتي..عطيتك اغلى ماعندي
بدر(نزل راسه): بي
مبارك: تسلم ياولد اخوي..

دخل بدر عليها لقاها بالصاااله جاهزه ومنغثه لأن ماخل معاها داخل واهي تبدل حاله حال اي معرس..وامها قنعتها بأن الريال مستحي وباجر يتعوود....

عمه وقف يمه...
مبارك: يلا مناير قومي مع ريلج
فوزيه: كلولولووولولولوولولوش..ألف الصلاة والسلام عليك ياحبيب الله محمد
ام بدر: كلولولولوولولوولولولولوش
مناير رفعت راسها ويت عينها بعييين بدر..حسته ما يبيها بكل مافيه..باين به و واضح وضووووح الشمس....بس حاولت تخدع روحهااا قامت وقفت ....

( كان لبسها عباره عن تنووره رااقيه حييييل لونها بيج وقميص تحته بدي وشيله شوارفيسكي بيج و جنطتها كانت شانيل ..كعب عااالي...وكل مافيها كشخه وذرررررررررررررب وراقي حيل)

ام بدر: شفيك بدر مستحي خلاص المره وصارت مرتك على سنة الله ورسوله قرب يود(امسك) ايدهااا
بدر عفس ملامحه وقرب من مناير و مسك ايدها..

فوزيه: كلولولوولولولوولوولش...مشالله لا اله الا الله ...الله يحفظكم ياعيالي ويحرسكم من العين

ام بدر: مشالله شحلاتكم مع بعض الله لا يفرق شملكم و منك المال يابدر و منها العياااال
بدر ( ابتسم ابتسامه ماكان فيها نوع من الأرتيااح..مجرد انه حرك شفاه...لا اكثر ولا اقل..
وقلبه كان مع مهاا...شصار عليها الحين....حبيبتي تعبانه...تعبانه مها...)

===============================================
ام جراح : شوي شوي عليهااا يمه..
جراح: يلا كا...حطي ريلج مهااا..

مها حطت ريلها داخل السياره وانسدحت دااخلهاا...واول ماحطت راسها على الكشن...بدت تقمت حرقتهااا...

بس بان صوتها واهي تبجي وتحاول تقمت صوووتها وحاطه شفايفها ع الكشن ودموعها كانت حاااااره تنزل بكل ببطىء..وتعفس ملامحهاا ...وتحس بخنقه مو طبيعيه بصدرهاا...

ام جراح: استعيل ياااريااال البنت مادري شفييها..يمه بنيتي..من انقبلت بالجامعه واهي مو مترقعه..يالله انك تحفظها لي..يارب

جراح: لا ماشر انشالله ...مهااا حبيبتي بسج دلع خرعتي الوالده

مها( كانت ترجف رفعت راسها شوي...وردت حطته ع الكشن...خصلاتها تبللت دموووع).....وذاكرتها كانت تعيد عليها صور واحاديث


...من الماااضــــــي...

[[[[[[[[مها: اكلم شوق
بدر: بليييييييييه بعد شوق
مها: حبيبي شوق نصي الثاني
بدر: وآنا؟
مها: انته انا
بدر: انا شنو؟
مها: إنته آآنا..وآنا إنته
بدر: يابعد طوايفي وهلي وكل ناسي احبج يامها احبج
مها: اموووووووت فيك
بدر: ماراح اخليج مها
مها: فال الله ولا فالك شياب طاري الفراق الحين
بدر: كلمه كنت بقولها..والحين قلتها وانا مرتااح
مها: عسى دوم مرتااح حبيبي
بدر: وعسى الله لايحرمني من وجودج بحياتي
مها: وعسى الله لايغير علينا حبيبي
بدر:آآمين ياقلبي]]]]]]]]]]]]]


صوت نحيبها كان يزداد......وبدت تبجي بحسرررره....بس تحاول تكتم صوووتها كثر ماتقدررر...بس للأسف خانتها مشاعرهاا..اللي كانت باينه بكل وضووح..مقهوره.....مختنقه...والطريج...لأول مره تحسه طووووويل..

============================================

شوق حطت راسها ع السرير و نثرت خصلآآآآتها ع الوساده(المخده)...وسرحت تطالع سقف الغرفه......
شوق (تكلم نفسها)..بعد اسبوعين من اليوم..راح ابدى حياة يديده...
راح اربط روحي بإنسان ما اعرف عنه شي....اللهم اسمه و شهادته...
راح اعيش معاااه..وانام ليلتي يمه...
سرير واااحد..
وانا ماعندي فكره عن اطباعه..ولا حتى قعدت معاااه ...
كل شي صار بسرعه ...استعيلتي يايمه....
انشالله يارب يكون مثل ماتمنيته
ينسيني حمد..واللي خلفوه..
وابدى معااااه حياه يديده..
واطوي صفحة شغب الماضي
بما فيها من طفوله..ومراهقه...
وابدا حيـــاة يديده..
=========================================
بدر ركب مع مناير السياااره.....

والحريم لاحقينهم لي باب السياره
فوزيه: ديربالك على بنتي يابدر...تراهي ي هاذي
بدر (( ابتسم...ماكان قادر يتقبل ولا كلمه من خالته مرت عمه))
ام بدر ( حاولت ترقع الموقف): بعيوونه يافوزيه وان ماكفتها عيووونه اشيلها بي

فوزيه: تسلملي عويناتج..( جمع بالكويتي)
مناير كانت تبتسم ابتسامه باررررده...

وبعد دقااايق..
فوزيه: في حفظ الرحمن
ام بدر: الله معااااكم

حرررك بدر......

=========================================

جراح نزل بسرعه للطوارىء...

جراح: لو سمحت...محتاجييين وول جير ( كرسي متحرك)

شالوا مها وقعدت على الكرسي...ودزوها لي غرفة الدكتوووور...
الدكتور: عسى ماشرر
جراح: تعبت شوي و يبناها طمنا دكتور
الدكتور قاس ضغطها وشاف حرارتهااا ...وطلب منها تنسدح ع السرير ...
الدكتور: مها تسمعيني


مها تفتح عينها بصعوووبه...

الدكتور: تنفسي...
مها تحاول تتنفس .....
الدكتور...طلب من السستر الاكسجين ...وحط الاكسجين لهاا...

مها كانت ها تدمع ...بس كانت هاديه والاكسجييين يغطي نص ويهها وتتنفس....بس بصعوووبه..

=================================================


السياره...
بدر كااان هااااااادي بس بنفس الوقت متوترررر...كل تفكيره كان بمهاا..آآخ يمها آآآآخ
شصار عليج ياقلبي الحين.....

مناير كانت رافعه حاااجب..ومنغثه لأنه ماكان امعبرهااا..
اخيرا" قررت تنطق..
مناير: حبيبي
بدر كان سارح وما انتبه لها لما نادته
مناير: بدر
اخيرا" سمعهاا
بدر( جنه توه صاحي من حلم طوووووويل و ويهه كان امتنح حيل): ها..هلا..هلا مناير..

مناير: عسى ماشرر بدر
بدر: لا..شنو..ماشر..شنو ..ِشفيج
مناير: طول الطريج سارررح وتقول لي شفيج
بدر: لا عادي...مو سارح
مناير: بدر
بدر: نعم
مناير: انته...ماتحبني صح
بدر: لو ما احبج جان ماخطبتج
===========================================

تنفسي مها تنفسييي...
حالة مها كل مالها و تزداد سوووووء..

ام جراح: دكتور طمني...شفيها بنتي...
تنفسي مها تنفسي...


انتظروا الجزء الثالث عشر​

 

[فــوشــيــة]

ام جراح: دكتور طمني...شفيها بنتي؟؟

الدكتور: الحمدلله مافيها شي..مجرد سخونه داخليه و ضيق تنفس...خليها تاخذ اكسجين خمس دقايق.وبعدها تقدر ترجع البيت..بس لازم تاكل الحبوب اللي بكتبهم لها اول بأول..

ام جراح: الحمدلله ..والله خرعتني...

الدكتور: واهم شي راحتهاا..لازم ترتااااح..ولحد يضايقهاا..

ام جراح: والله يادكتور محد ضايقها ابد..بس يومين صارلها ماتقوم من فراشهااا

الدكتور: لازم تتحرك مايصير تتكيسل..والراحه النفسيه اهم شي

ام جراح: انشالله يادكتور....(( وتحط ايدها على راس مها))..ها يمه مها احسن؟؟
مها (تحرك راسهاا)
ام جراح: الحمدلله..الحمد والشكر لك

=============================================

بدر دخل المطعم مع مناير..ماكان في ناس واايد الوقت متأخر (( برج الحمام))
مطعم راقي يتعشون فيه اغلب المعاريس...كونه راقي و فخم نوعا" ما..

قعدوا على الطاوله.....

مناير: حبيبي شكلك تعبان
بدر كان سارح مو معاها
مناير عفست ملامحها ..وماعادت كلامها..لأنها تدري لو شنو تسوي..ماراح تقدر تكسب اهتمامه..

طلبوا العشااا...

==========================================

ام جراح ردت مع جراح و مها البيت في وقت متأخر....

انسدحت مها ع السرير...وتلحفت كانت حاسه ببرد مو طبيعي......وكان جسمها يعرق اكثر من المعتاااد...

ام جراح: تبين ايييبلج شي تشربينه

مها( رفعت ايدها رافضه تشرب اي شي)

ام جراح: لا يمه خليني اسويلج عصير ليمون يسحب هالسخونه منج
مها ماكانت قادره تتكلم..حاسه بتعب ووبإرهاق مو طبيعي......
سحبت موبايلهااا من تحت المخده...
وبدون تفكير..
[ذلته ي....إتصـــال]


بس الصدمه انها لقت الخط مفصــــول...
دموعها نزلوا وحده وره الثااانيه بدون لاتحس وبدون لاتعفس ملامحها....خدودها كانت باارزه...ودموعها حاره تنذرف بكل هدوووووء.....دقت علىى شوق اللي كانت توها غاافيه..

شوق: ألو...ألوووو...مها شفييييج ..ردي
مها: شوق ..شوق(صوتها يبجي) شوق تحبيني ؟
شوق: شنو هالحجي مها قوليلي شفيج شصارلج
مها: تكفين قولي حق بدر يكلمني تكفين شوووق
شوق: مهاااا انا باجر من الصبح عندج هدي حبيبتي وحاولي تنااامين
مها: ابي بدر شوق....شوق ابيه....أبيه الحين ..ابيه يكلمني....شوق شو ش


بدت ترجف بقوووووه شفايفها كانت متشققه و ناااشفه...


نسآآني...!!
ضــآع كل شي ورآآآآح؟؟
محتـــآجه امووت..
يمكن في موتي ..ارتــآآح ويرتــآآآح...
محتــــآجــه امووت..
بعد ماكل شي قدامي طآآآآآآآآآآآح...
محتآآجه اندفن
ألفين مره...
محتاجه انكفن..
وآآآآرتــــــــــآآآح...


============================================

اخيرا رد بدر مع مناير من المطعم و الطريج اهو اهوو..هادي طول الطريج....محد نطق بكلمه.....محاوله آخرى من مناير..عشان تكسب اهتمامه...
مناير (بدلع): حبيبي
بدر: هلا
مناير:وين فكرت نقضي شهر العسل
بدر: بالكويت(بنفسيه وجفاف)


مناير(تبتسم): لا حبيبي خلنا نسافر..ودي انا وياك نكون بروحنا
بدر: وانا عندي كليتي ما اقدر اسافر

مناير اخيرررا" عفست ملامحهاااا وسلمت قالت ماكووو فايده بس بينها وبين نفسهاا....[[[ بعد العرس ...وبعد مايجمعنا سرير واااحد...مناير بتنسيك االدنيا ومافيهااا]]]....

وصلها بدر لبيتهم بالنزهه....ونزلت ( ماراح تسكن معااه قبل العرس...عشان جذي ردها البيت)
مناير: حبيبي ))قبل لاتنزل))


بدر: نعم
مناير: تصبح على خيـــر
بدر: وانتي من اهله..

واول مانزلت مناير حررررك على طوووول..مانطرها حتى تدخل البيت..

واهيا تمت ثواني واقفه جدام بيتهم....سارحه.....بعدين قلبت بإيدها بحركة استهزائيه من نوعها...وكأنها متأكده بأنها قادره تنسيه حبه..ودنيته...مها....

آآآآآآآآخ يامها...بدر كان يسووووق ويفكر بمهاا...

حبيبي تعبان منهد حيــــلّه
ليتني مثل التعب..اطرحـه لأيـــــــام
ارفعه وفوق صدري اشيـــــــله..
وان تعافى..اتعبه واتعبه...
لجل يرجع ينااااااااااااااام...

صوتها المبحوح ماكان يغيب ثواني عن ذاكرته..

[بدر: لااا مها مافيني شي شوي متضايق
مها: اي باين ..يلا حبيبي قول لي شفييك عن الدلع
بدر: مشتاقلج
مها: اووله اووله يالجذاب ..قول شفيك خلصني لا تقص علي]

غمض بدر عيووونه وبداا يبجي...
خلاص يابدر....حاول تنسىى...
حااول تنساها بس خلاص..الدموع ماراح تقدم ولا تأخر...ولا راح ترجع المااضي..
انساها يابدر انسااهاا..

انا مدري ليــــه لدمعتي اسولف فيها و اطريهـــا؟!
بدري على الراحه..وصبري بين كفوفي ذآآب..
فمآآن التذكار اللي يذكرني آنا فيهاااا..
تكفين اذرفيهااا ياي انا رمشي شـــــــآب
أنا بنسى ماضيها..يلا ي إذرفيهـــــــا..

وتنزل دمعه حاره على خد بدر......


ليله صعبه.......

نام بدر..
نامت مـهـا..


===========================================

شوق من الصبح كانت ببيت بو جراح بالمنصوريه....
الساعه 10 الصبح

ام جراح: هلا بنيتي شواقه...حياج حبيبتي
شوق: يحيييج خالتي...
وبعد ماقعدت شوووق
شوق: بعد أذنج خالتي...باخذ مها معاي السوق
ام جراح: لا ياشوق فكينا من سيرة السوق امس من ردت من السوق واهيا طايحه بالفراش.,.صبري عليها جم يوم

شوق: خالتي مها محتاجه تغير جوو صدقيني هالشي راح يحسن حالتها

ام جراح: لا ياشوق تكفين لاتحرجيني..خطوه وحده بره البيت ماراح اخليها تطلع

شوق: خالتي.لاتنسين ان الحركه زينه لهااا..وقعدة السرير ماراح تفيدها بشي..تكفين خليني آآخذها و صدقيني قبل الغدا اردها لكم البيت


ام جراح: والله ياشوووق...( تسكت فجأه) شرايج لو تمرينا باجر..يمكن تكون احسن

شوق( مسكت ايد خالتها):لا ياخالتي اليوم...طيعيني ..وصدقيني اوعدج...انشالله تتحسن..اهي بحاجه لتغيير جوو..

ام جراح: امري لله يابنيتي ...بس ليتها ترضى...صعدي شوفيها فوووق...

شوق قربت من خالتها..وباست خدها...واستأذنتها عشان تصعد فوووق..

ام جراح: منتي غريبه صعدي يمه صعدي جراح مو بالبيت
شوق : تسلمين خالتي...


صعدت شوووق غرفة مهاا.....

بس مالقتهاا بسريرهااا...

شوق: مهااااااا...!!!...

طلعت شوق مره ثانيه من الغرفه وراحت لأم جراااح......

شوق: خالتي ( بقلق)..انتي متأكده..ان مها...بغرفتها؟!!







انتظروا الجزء الرابع عشر​

 

[فــوشــيــة]

شوق:خالتي(بقلق)..إنتي..متأكده..ان مها بغرفتها؟..

ام جراح كااانت ماسكه فنيان(فنجان) القهوه ...طاح من ايدهاا....وبحركه سريعه...
صعدت فوووق ...غرفـــــة مها.....وشوووق كانت وراها.....

ام جراح واهي تصعد الدري: انا توني طاله عليها كانت على السرير...
..

شوق: خالتي مالقيتها..والله مالقيتهااا...
ام جراح: انا توني ماخذتلها كوب الحليب...انا توني لحفتها بفرااشها

..
خطوه..بعدها خطووووه..
ويفتحووون باب غرفــــة مهــا...

مها كانت لافه فوطه على جسمها و فوطه ثااانيه ماسكتها بيدها و تنشف فيهااا شعرهااا...وأول ما شافت شووووق.إبتسمت...

ام جراح( حطت ايدها على قلبها و خذت نفس طوووووووووويل...)
مها قامت و قربت من شووووق وباستهااا: هلا والله حيالله من يانا ( مع ابتسااامه كبيره...)

شوق كانت علامات الاستفاهم تارسه مخهااا...وامتنحه...

ام جراح: يمه خرعتينااا ماقلتيلي انج داشه تتسبحين
مها: تضااايقت من نفسي قلت اقووم آآخذ شاور حااااااار..عشان احس اني آدميه (( وتضحك بصوت عالي..))

شوق [ ساكته ولا كلمه]

ام جراح ( تطالع شوووق)
شوق كانت تطالع ام جرااااح...

اخيرا"
ام جراح: يمه مها شوق يايه تاخذج السوق

مها: اي تووني يايه بقولج بطلع...زهقت من قعدة البيت...واللي يسلمج يمه طاوليني البودر اللي صوب ايييدج...
[ ام جراح كانت واقفه يم التسريحه (( المايستواليت)) مدت ايدها وطاولت بنتها البودر]..

مها بدت ترش من البودر على جسمها..وشوق مازالت سايلنت بدون اي تعليق....

فتحت مها الكبت(خزانة الملابس)...وسحبت بلوزه سوده طويله شووي...مع جينز سكني...وبعدما ماخلوها و طلعوا...بدلت ...كان لبسها عاادي ....لبست كعب عالي....ماحطت ميك أب...رشت عطر على رقبتهاا.....

دخلت عليها شووق..لقت مها تلف الشيله على شعرهااا...
مها: تعالي شوق...تعالي حياتي ساعديني..دخت مادري شلون يلفونها....
شوق: مها!!!...شصارلج انتي؟؟..مو قادره استوعب شي
مها( ابتسمت): مو صاير شي
شوق: مو طبيعيه
مها: مو طبيعيه لأني قاعده احاول انسى ( وبدت تلمع دمعه بعينها بس كانت مبتسمه)..مو طبيعيه لأني قررت انسى الأنسان اللي باعني؟؟؟
شوق: لا مها ...تكفين لاتفهميني غلط...بس والله تفاجأت
مها( نزلت راسهااا)
شوق قربت من مها و حظنتهاااااا حييييييييييييييييل.....


مها: بس عاد بس شووواق ..ابيج تفرين فيني الكويت كلهاااااا احس صارلي فتره مو طالعه...ابي اروح كل مكااااااااان
شوق: لا ياحبيبتي قبل كل شي لازم آآخذج مكان مهم حيييييل

مها: مهم حيل؟؟؟...وين شوق
شوق: امشي معاي وراح تشوووفين وين باخذج ( مع ابتسامه كبيره)..
مها تمت امتنحه بدون تعليق....

=================================================

بدر نزل من غرفته تعب من القعده بروحه و من التفكيررررر...لقى داانه قاعده تحت تلعب بالبي اس بي...

بدر: صباح الخير
دانه( ترفع راسها و تبتسم): صباح النور..حيالله المعرس المغصووب( وتضحك بصوت عالي)
بدر (يعفس ملامحه): الشرهه مو عليج تدرين...[ قام وقف]..

دانه: لالالا آآسفه بس خلاص..اقعد اقعد...والله ما اتحجى
بدر( رد قعد..مو عشانها..لأن مايدري وين يروح و محتاج يفضفض).: دانه...تهقين راح احبها بعد الزواج

دانه( تعفس حواجبها و ترفع ها فوق يعني تفكر): والله يابدر آسفه ..بس مناير وحده ماتنبلع..الله يعييينك عليها

بدر: شلون يعني ماتنبلع ..كلميني عنها عشان اعرف شنو اطباعها

دانه: مليقه تحب النكد...ما اقولك ان لسانها طويل..لأأ..بس البنت مليقه...من واحنا صغار وانا احاول ابلعها..بس ياخوي واقفتليييييييي هني هني مو قادره ابلعها

بدر: ماكو امل احبها؟
دانه: شدراني انا..يمكن انت تقدر تبلعها...اما بالنسبه لي...فـ إنسى..
بدر: انزين يعني كلش مافي لها حسنات...قصدي ايجابيات
دانه: بصراحه اهي ذربه و تحب الكشخه ...انيقه المره...انشالله تقدر تحبهااا
بدر: واللي قلتلج عنها
دانه: قصدك مها؟؟ انت وبعدين وياااك..خلاص يبه انسااااااااااااها انساها
بدر: خلاص انزززين ..دانوو
دانه( تفتح البي اس بي و تكمل لعب): نعم
بدر: بطلع معااج قومي لبسي..
دانه: مالي خلق اتحرك من مكاااني...انا زين وصلت لي هالمرحله
بدر: آآخذج اشتريلج كل شي تبينه بس قومي ..ودي اطلع معاااج
دانه: كل اللي ابيه؟
بدر: كل اللي تبينه
دانه: تاخذني النصر الرياضي ابي طاولة تنس
بدر: آآخذلج طاولة تنس..بس قوووومي
دانه: ايوووآآ..اي الحين خوش ريال...وصدقني ترا مناير زينه ..حاول تبلعهاا...زين يبه..يلا اا نا لابسه
بدر: بتروحين معاي جذي؟
دانه: اي شفيه لبسي...تي شيرت مال اوادم...وجينززز..
بدر: وهالكشه .؟؟.قومي يلا قومي غيري لبسي و تعدلي
دانه: يلا زين يبه انا ساعتين انقزه وارفعه فوق سبريه واستشوار..تبيني الحين اقوم امشطه يلا مناك..بتاخذني ولا روح بروحك
بدر: لا خلاص خلاص..يلا قوووومي...

واهما طالعين عند الباب...طلعت بويههم اختهم ساااره....يايه تزورهم ...يوم اليمعه بعد..لازم يتزاورون الأهل...
ساره: كلولولولولوش...شفيه المعرس طاالع..وين رااايح

بدر: اي معرس ززين...بروح مشوار يحسسني اني آدمي
ساره: اخذوني معاااكم عفيه عفيه امواح امواح( تحرك شفايفها يعني تبووس)
بدر: لا يبه قعدي انتي واللي ببطنج شيشيلج...انا ما راح اطول راد ع الغدا...يلا دووينه....


وركبوا السيــــــــآآره...

================================================== =

شوق ماصارلها شهر من قصت الليسن..متهوررررررره حيل..كانت داااااايسه حييل...وحاااطه أليسأأ ((( حبيت أياامي بيك و بعشيهاا ليك...ولا عمري حبيت من ابليك....))

مها كانت سااااارحــــه طووول الطريج....وشواقه تحاول تفصل على مها وتلطف الجووو..تضحك مها بس ضحكااات بعيده كل البعد عن قلبهاااا...واخيرا سفطت شوق جدام "" ليـــلى جالليلــــــري ""

مها: شحقه يايبتني هني خلينا نروح الفناار
شوق: لأ لأ انا امجهزتلج سبرااااااااايز
مها: سبراايز !!..ماشي نشووووف..

نزلوا مها وشوووق ودخلوا واحد من المحلااات...
نزلت شووق النظاره:صباح الخير...مدام هيام موجوده

.......

وبعد دقايق طلعت لها مدام هيااام صاحبة المحل ومصممة ازياء ...
هيام: اهلين وسهلييين
شوق: هاذي مها اللي قلتلج عنها
هيام: مشالله يخزي العين...جسمه كتير حلوو..حيلبأله الفستان اللي اخترناه...
وتروح تييب النفنوف...
مها: واااااااااو...
كان لوونــه احمر لون الدم.....راقي بشكل مو طبيعي....عاري يكشف مفاتنهااا...من جهة الصدر عااري بطريقه مبالغ فيها....ومن الظهرر.......قصير من جدام و طويل من وراا....ذيل على قولتهم...

شوق: شراايج فيني بس؟
مها: ذوووووووق...عطيني ودي ألبسه
هيام: لا تنزعيه أبل ما اشووفوو..من شان حط الدبابيس ازا بدك..
مها ( حركت راسها مبتسمه..)

بعد خمس دقااايق....

طلعت مها من غرفة التبديل...

================================================

بدر و دانه بالسياره رايحين النصر الرياضي..
بدر: دانه طالبج
دانه: آمر بوناصر
بدر: بغييت جهازج شوي
دانه: لاللالالاا لا حبيبي..عشان تدق عليهااا ..لا يبه لااا...خلاص يبه ابتعد انت ليش لزقه؟
بدر: تكفين بس اسمع ألو واسكره..عن النحاسه دوينه..انا اخوج
دانه: لا حبيبي لااا ..تكفه اعفيني..خلاص انت الحين متزوج مالك شغل بالبنت
بدر: دانه حبيبتي شرايج تكلمينها و تقولينلها عن موقفي
دانه: لا حبيبي اذا درت راح تعذرك ..خلها جذي ماتدري يمكن تكرهك عشان تقدر تنساك
بدر: بس الله مايرضى@ لازم تدري
دانه: لاتحمق ززين...ادق اكلمها اذا شفت النفسيه حلوه سولفت معاها واذا لأ قلت لها انا غلطااانه وسكرته
بدر: اي بس قطيه سبيكر عشان اسمع صووتها
دانه: إنا لله...خلاص زززين لا تحن ..اوف قطييعه...


==================================================
شوق: عجييييييييييييييييييب والله لو اني ريال..جان مادري شنو صار فيني
مها : ههههههههههههههههههههههه ( ضحكت من قلب هالمره... وماسكه ذيل النفنوف..وشعرها كان مرتفع فووق...)...

ورن موبايلهااا....

وترفعه مها تطالع ....
شوق: منو؟
مها: رقم غريب !!!
شوق: لاتردين
مها: اوكي...( بس قلبها بدا يعورها فجأه...حست ان المتصل بدر او من طرف بدر..بس تجاهلت احساسها....وحاولت تتظاهر انها مو مهتمه و ماسكه ذيل النفنوف ...)
مها: شرااايج لو ترفعه لي شوووي من هني؟

================================================== ====

شوق: شفت شلون...ماترد
بدر: تكفين حااولي بعد مره عشاني دانه..عشاني...
شوق: انززززززززين....
.......
[ المشترك لايرد...]..

شوق: سمعت؟؟
بدر: دزي لها مسج
شوق: انت ينييت ..شكتب فيه
بدر: انتي وبعدين معاج سوي الللي اقوله وبس...
شوق: مااشي..

========================================

هيام: لو بدنا نرفعوو شوي...ايوا...ارفعي ايدك من شان الدبوس..ايوا..بس
وصوت المسج..
فتحت مها المسج..

[ ردي انا دانــه..ابيــج ضروري..]
شوق: منوو؟؟؟
مها ( ابتسمت ): يحليييييييييييلها داانه...والله غبااار..
شوق: اي داانه
مها: دانه يبه دانه والله عبالي انقرضت ...
شوق: دانه السمره اللي كانت معانا بالانقليزي قبل
مها: اي اعتقد اهي..لحظه..كاهي دقت....

وترد مهـــا...

===========================================

بدر: ردت ردت..
دانه: ألوو ( قطته سبيكر)
مها: اهليييين...هلا والله....انتي وييينج
دانه: ها !!!!!!
مها: لا حس ولا خبر ..لا تسألين ولا شي
دانه: شنو؟
مها: وين رحتي يالخايسه اي كليه سجلتي؟
دانه: لا مها انا مو دانه اللي تقصدينها
مها: ها عيل؟؟؟!!!!!
دانه: آآنـــا...دانه ...دانه من طرف بدر..انا اخته الصغير
مها( قلبها بده يدق بقوووه): بدر!!
دانه: سمعيني بكلمج شوي...انتي فاضيه الحين
مها: انا مو بالبيت...بس عادي ..آمري شبغيتي؟
دانه: مها حبيت اقولج ان بــدر انغصب ياخذ مناير بنت عمي
مها: الله يوفقه...وغير هالحجي؟
دانه( رفعت راسها فوق تطالع اخوها ماكانت عارفه شتقول...اخيرا"...بدر قرر ياخذ الموبايل من اخته....)
بدر: ألوو
مها: ها؟...بدر!!!!
بدر: شلونج مها
مها: بخير ..نعم خير؟
بدر: مها انا آسف على اتصالي
مها: وغير هالحجي؟
بدر: مها انا آسف اذا غلطت بحقج
مها: لا تعتذر ....اذا عندك شي غير الاعتذار قوله..ماعندك قول باي وسكره
بدر: انتي ليش تكلميني جني مرتكب جريمه بحقج
مها: لا ابد..ما ارتكبت جريمه بحقي...بس انا اكبر الأمور وايد...صح بدر؟
بدر: مهاا..
مها: لا مها ولا شي..انت الحين واحد متزوج..واعتقد طريجك غير طريجي..مو هاذا كلامك؟
بدر: انا بوضح لج شغله بس
مها: لا توضح لي ولا اوضح لك وياليت ماتدق مره ثانيه
بدر: مها سمعيني
مها: باي بدر باي...

حذف بدر الموبايل بحظن اخته...وطق بأيده على السكان بقووووه...
بدر: هااذا حجي ينقال...بدر مغصووب
دانه: وانا شدراني
بدر: جب ولا كلمه
دانه: اهيا تجعمك انا شنو ذنبي تجببني؟
بدر( صرخ بقوه): بس خلاص سكتي ما ابي اسمع صووتج
============================================

مها تمت فتره ماسكه جهازها وسارحه
شوق: منو كنتي تكلمين ....
مها: بدر
شوق: بدر!!!!....شيبي داق هالتعبان
مها: بعدين اقولج ....شوق خلينا نطلع حاسه اني مختنقه
شوق: اسمالله عليج بدلي وانا ناطره بره...

=================================================


فيصـــــــل ..... اخو مناير .......في مرينا شرق ...رسى طراده اخيرا".....

عبدالعزيز: وش علااامك من الاسمرانيه..من الاسمرانيه....( بنبرة واحد فاصل)
فيصل: يلا حجي شيل السمج حطه بالثلاجه ذبحتنا الشمس....
عبدالعزيز: ياااااااااااااحبيبي...
فيصل: اشفيها فيروز
عبدالعزيز: اسكت المزاااااااااااج عالي
فيصل: ايواااااا...عطني عطني الصبوره بشيلها بيدي..تعالي حبيبتي تعالي ...(( ويلم الصبوره..))

[ فيصل متولع بالحداق...حياته كلها بحــر ببحــــــر...ويموت بالسمج...ويحب الغوووض....لبسه كان عباره عن شووورت جينز...وتي شيرت احمر..ولابس كاااب ]
يوسف كان يلف الميدار و يلم عدة الحداق و يحطهم بصندوق الطراد......

فيصل: يلا شباب نزلوا من الطراد خل نروح نشرب لنا شي
يوسف: بهالزفر...لا حبيبي نخيس الأوادم..حلايه صبورتك...خذلك بيبسي من الثلاجه و فكنا جانك بتشرب يعني
فيصل: لا بغيييت ستار بكس
يوسف: بعدددددددددددد
عبداللعزيز: لا حبيبي لا...شناوي عليه...تبي البنوتات الناعمات هذيل اللي جنهم مرشوشين سبريه على كشختهم تلووع جبودهم لا يبه خلنا جذي احسن
( هالشله بالذااات موو سوالفهم بناات بس يحبوون يعبطوون....لا اكثر)

فيصل ( يطالع ريوله ..كان لابس نعال): اوف اوف يالجلحه..طالع يويسف طالع
عبدالعزيز: اهي جلحه اهي الطحالب اللي تارسه ريلك
يوسف: شدعوه انت امقصررر ولد الالمانيه
فيصل: خخخخخخخخخ حلو حلو حلوو ...شفت شلون ...قلنالك خلك سااااكت .....

نزلوا من الطرااااد...ومشوا على خط البحر رادين للباركينغ......

بالوقت اللي كانت فيه مها مع شووووق يتمشوون ع البحــر..

شوق: بس هاذا اللي قاله؟
مها: اصلا" انا ماعطيته فرصه...شوق لا تشوفين شصار فيني لما سمعت صوته..خقيـــــــــت..
شوق: مالت عليج والله..بس هم ماتنلاميين...

فيصل و ربعه كانوا ماريـــــن...
ويقرب فيصل ويحط الصبوره بويه مها....
فيصل: بذمتكم شباب ماتشبهها؟

يوسف و عبدالعزيز بطوها ضحكــــ
مها: عن الغلط و وخر يلا مناك
فيصل: نفس الحلج...كا شووفوا ( ويحرك حلج الصبوووره)
مها: بتووخر ولا شلون
فيصل: وي حمقت صبورتي ..حمقت
مها: اذلف زززين...قذر قطيعه...وخر ذبحتنا ريحتك
فيصل يحط الصبوره على الارض..ويرفع تي شيرته و يشم نفسه.:: مافيني ريحه....بس شوي زفر بيدي...
ويمش ايده بملابس مها
مها: يااااقذرررر...( بصوت عاااااااااالي)
فيصل: هاج هاج تبيج تحبج ( ويقرب الصبوره من مها)
مها: وخر والله ان ماوخرت الحين لاتلوم الا نفسك ويييييييييييييييييييع شنو هاذا ارف

فيصل ( يكلم الصبوره): تعالي حبيبتي تعالي...تعورتي؟؟؟ ( ويبوس الصبوره)..اموااح حبيبتي انتي بس...فصول معاج لاتخاافين
شوق: قطييييييييييعه..امشي امشي...
الشباب يضحكوووووون...

ردوا شوق ومها السياره.....
مها: جبح ويهه قليل ادب لوع جبدي..جبدي قامت تقولب
شوق: هههههههههههههههههه بس شفتيه شسوه والله كنت بضحك بس ماسكه رووحي
شوي ولا يطق الجامه فيصل...( ه كاانت عسليه وبالشمس شكله اينن...)

فيصل : تبونها؟؟؟
شوق: لا خلها حقك يالخايس ( يتكلمون عن الصبوره)
فيصل ( يكلم السمجه): خلاص عمري لاتبجين انا ابيج ..

مها: وييييييييييييييع صج لوعه
شوق: ههههههههههههههههههههههههههههههههههههههههه

ساقت شوووق..عشان توووصل مها بيتهم.....

ولما وصلوا....

نزلت مهااا...
مها: يلا حبيبتي مشكوره ويعطيج ألف عفيه
شوق: ولو حبيبتي..بس روحي تغدي و ديري بالج على نفسج
مها ( تبتسم...)

وقفت مها بالحديقه....رن موبايلها

جراح: مها وينج
مها: كاني عند الباب
جراح: يلا امي تحاتيج
مها: يلا كاني الحين بدخل...

وقبل لاتدخل...شافت سيارة فيصل جدام بيتهم...!!!!!!! والصبوره معااااه !!!!
مها ( تكلم روحها): شووف الخاايس...
فيصل: انتي؟ !!!!!
مها: انتي شيايبك هني والله بايعها..
فيصل: شتبين انتي....ياي حق عبدالرحمن انا
مها: نعم؟؟ ! عبدالرحمن ريل منال اختي؟
فيصل: خخخخخخخخخخخخ ياحلو الصدفه بس
مها ( نزلت راسها ):شتبي فيه اهوا ساكن بدور بروحه..تقدر تصعده من الدري هناك ( وتأشر)
فيصل: ليلحين ماتبين الصبوره؟؟




انتظروا الجزء الخامس عشرر..​

 

[milke SHiKe]

رد : ** ذلتني عيونها **

امبييييييييييي مو صج انا قريت الجزء الأول والثاني الصراحه اندمجت هااع
يسلموو فوشيه

برب اكمل

 

[فــوشــيــة]

رد: رد : ** ذلتني عيونها **

امبييييييييييي مو صج انا قريت الجزء الأول والثاني الصراحه اندمجت هااع
يسلموو فوشيه

برب اكمل

تـــســـلــــمــــيـــــن يــــــا قـــلــــبـــــي :eh_s(21):

:balo::balo:​

وإن شــــــاء الله تــــســــتــــــمــــتــــــــعـــيـــــن

:balo::balo:​

 

[^^صمت^^]

يلااااااااااااااا نبي الباااااااااااااارت