رابطة "دودات الكتب " .. حياكم

[باونتى]

السلام عليكم .. شفت شعاركم فى توقيع كذا عضوه قلت خلا ادش واشوف
رجعتونى لايام القراءه .. فى ايام طفولتى كنت اقرا مجلة ماجد وقصص المكتبة الخضراء وقصص مكتبة لبنان .. وفى مرحلة المراهقه قريت روايات عبير :eh_s(6):
وقريت قصص شهيدات الكويت وسيرتهم الذاتيه : سعاد الحسن , سناء الفودرى , وفاء العامر .. الله يرحمهم .
وقريت ديوان الشاعر أحمد رامى والشاعر ايليا أبو ماضى .. ونزار قبانى ..
وقريت قصص احسان عبدالقدوس .. وقصص أغاثا كريستى ومازلت اقراهم
بس بعد الزواج والعيال أهملت هذه الهوايه وصار ما عندى وقت للقراءه :0bee2e8d89: بس لمن شفت موضوعكم بصرااااحه تشجعت واااااااااايد وودى أرجع اقرا مثل قبل .. وان شاء الله راح أنظم وقتى .. أنا أحب القصص الاجتماعيه فياريت تفيدونى بأسماء قصص حلوه عشان اشتريها .. وشكراااااااااااااااا لصاحبة الموضوع وتحياتى لكل العضوات اقصد لكل الدودات :eh_s(6):

 

[Anastasia]

فديتج حبيبة امها والله انج حبيبة :*
.
ام العصاقيل ..
.
صج ااعجيبتج عيون على السماء .. بس ماتحسينها وايد كئيبة على قولة كميليا كاتبة تستلذ بالحزن والكآبة ,, يختي ماني قادرة اتنفس عدل طول الرواية كل ساع كافختني بحدث يضيج الخلق .. احلى رواياتها انثى العنكبوت واهيا اشواهم من ناحية المنطقية .. لان الباجي غير منطقيين مثل الزوجة العذؤاء اللي تزوج واحد بعدين يطلع بنية ووويين قاعدين صج فلم سلاني على قولة نزاكة .. صج نزاكة وينها !!
.
غيشا لو تشوفين اول صفحة انا كاتبة عنها .. وبصفحة 26 كتبت رايي فيها عقب ماخلصتها .. اول اهيا اسمها (ذكريات غيشا) وكاتبها لآرثر غولدن وغلافها ابي وعليه وحدة صماخها شكبره اسود وحاطة شدو ازرق هيلقي ؟ اذا اي هذي اللي اقصدها
.
حبيبة امها .. دانييل ستيل قطي رواياتها كللها كلها وصخة ورايحة فيها لدرجة ان بالنسخة العربية حاطين نقط نقط عند البلاوي .. وعليا اتوهقو ..
بسسس .. اخذي منهم اماديا اللي حاطة صورتها بصوتي الشخصية روووووووعة رووعة رووعة ونظييفة .. وانا كاتبة عنها بصفحة 25 .. رووعة بس ماتلاقينها باي مكان .. انا شريتها من معر الكتاب اللي تو من المؤسسة نفسها .. يمكن تلاقينها بجرير ان شا الله ..
.
دريمر حلقة الرعب اتينن وهم بعد منتصف الليل .. واسطورة البيت اتونس .. شفافة وهادية .. نفس مخاوف طفولتنا .. في عدد توني من مدة قاريته ماذكر شسمه .. بس عجبني حييل .. اللي اهما عايلة تستقبل الاموات والاشباح علما يتاقلمون ويستوعبون انهم ماتو بعدين يغادرون للعالم الاخر .. اتهبل .. بس خن اتاكد من اسمها واقولج

 

[Anastasia]

حيااااااااااج باونتي ويااانا اسفرت وانورت..
.
شهييتييني على باونتي :')
.
اقري الصفحات السايقة مخالف لو طويلة .. بس في شغلات واايد قلناها اتهبل .. وناسيتهم الحين

 

[باونتى]

حيااااااااااج باونتي ويااانا اسفرت وانورت..
.
شهييتييني على باونتي :')
.
اقري الصفحات السايقة مخالف لو طويلة .. بس في شغلات واايد قلناها اتهبل .. وناسيتهم الحين

الله يحييج يالغاليه .. بروح أتصفح واقرا ردودكم وان شاء الله ألقى اللى ابيييه

 

[dreamer_33]

كاميليا .. ولا يهمج وهذي بعد مقتطفات من روايات د.احمد خالد توفيق ..



أنت مراهقة يا فتاة.. هذا كل شىء.. رأسك أضيق مما يعتمل فيه من أفكار، و قلبك أصغر مما يموج فيه من عواطف..


هناك أحزان حقيقية و أحزان نخلقها لأنفسنا، و النوع الأخير أكثر ألمًا و أكثر إمتاعًا و شاعرية، و يستحيل الخلاص منه إلا حين تنبت أول شعرة بيضاء فى مفارقنا ..


لست خبيرًا فى نفسية المرأة لكنى أعتقد أن المرأة حين تشعر بأن هناك أخرى تهدد عرش سحرها، فإنها تلجأ إلى إختبار مشاعر الرجال حولها.. لو وجدتهم مفتونين بالأخرى فإنها تبدأ فى إعلان إشمئزازها من القادمة الجديدة.. كم أنتم حمقى تنخدعون بسهولة ! كم أنتم بلهاء ! هذه أقبح مخلوقة قابلتها فى حياتى.. إن المساحيق تفعل الكثير.. أما لو وجدت الرجال غير متحمسين أو متحفظين، فإنها تبدأ على الفور فى إعلان إفتتناها بالقادمة الجديدة ! كم هى رائعة.. كم هى ساحرة ! و هى بهذا تتظاهر بالموضوعية و الروح الرياضية !


إن المرأة تحب رجلها ليس لأنه أقوى الرجال، و لا أوسمهم، و لا أغناهم، بل لأنه هو.. بضعفه و قوته.. و الحب ليس إستعراض قوة لكنه طاقة عطاء دافئة مستمرة ..


الشجاعة العظمى هى ألا تخشى أن تبدو جبانًا ! ألا يجرفك حماس الآخرين الأهوج الذى يدفعك لتكون منهم..


غريب هو ذلك العالم المتشابك الكامن تحت فروة رأسى.. و أبدًا لن أتمكن من فهم ذلك الكائن الذى هو أنا..



لو أن كوبرا (رانجهال) إختارت بيتها تحت فراشك، فلابد أنك ستفتقدها لو صحوت يومًا فلم تسمع فحيحها !


الحكمة ذبابة خضراء مهما حاولت إقتناصها بالجهد تفشل، فإن أنت نسيت أمرها و جلست تتأمل؛ حطت على ذراعك من تلقاء ذاتها.. !



إن الإدارة تتطلب المزيد من الدنيوية و قدرًا أقل من التجرد.. الفلاسفة يجلسون فى الظل يتأملون، بينما القادة يخرجون ليقودوا..


عندما يتصرف الفنان كالسادة، و عندما يندمج في الطبقة التي كان يتوق للانضمام لها في الماضي، فله أن يكتب شهادة وفاة موهبته..



نماين و جوجو و ناتشوو .. شنو اعدادكم المفضلة من روايات د. أحمد خالد توفيق ؟ (سواء من ماوراء الطبيعة / سافاري / فانتازيا )

 

[dreamer_33]

جوجو قصدج (اسطورة ايجور ) ؟؟ انا بعد عجبتني .. حلوة

 

[Anastasia]

اسطورة بيت الاشباح صج خرعتني .. مادري يمكن لاني كنت اقراها بنص الليل ..
.
شفتي الاعداد اللي مسويهم على شكل كومكس .. قصة مصورة .. اسطورة المرأة الافعى .. والثانية مادري شسمها .. حلوين بس مو نفس الاوراق لصفررر الصغيرة على فكرة ترى الرسامين والاخراج كله كويتي .. صج الكويت تعززز

 

[dreamer_33]

اي الكوميكس ماحبيته :/ رفعت حلاته تقرينه من الورق بس ! وانتي ترسمينه بخيالج .. عاد انا خيالي واااااسع واندمج بدون الصور احس احلى .. امااحب اقرا رفعت مصور .. ماعجبني

انتي شرايج؟

اي الرسام كويتي جنه دكتور بعد من عائلة الطبيخ اذا ماخانتني الذاكرة وياكثر ماتخوّن !

 

[Anastasia]

اي عدل
.
جان تبين يعني .. اذكر نزلتها من موقع .. اهيا وعدد خاص من ما وراء الطبيعة حلو .. اللي اييلج كل حرف وعليه قصة .. ماعرف اشرح لوول ..
.
بس والله حلو وخفيف .. معني ماحب اقرا كتب من النت موولية .. اذكر حتن مرة نزلت رواية السجينة من النت ماااعرفت اقراها كلش مارتحت الا لمن شريتها .. بس سوالف روايات وخرابيط البنات حبني واحبك .. احيانا بس مو اي شي يعني ماحب خيال المراهقات ,, تحسين احداث غير منطقية مجرد تفريغ لعواطف مراهقة .. يعني مثلا "ملامح الحزن العتيق" وايد حلوة .. معنه خارتها اخر شي بس حلوة .. واول شي فيها من ملامح رواية "أنثى العنكبوت" مالت قماشة العليان .. ماقصد القصة لا البيئة .. يعني اكو بالسعودية نظام اللي المرة عايشة مثلا بجدة وتشتغل بقرية ثانية بعيدة .. فتطر تقوم من قبل الفير وتركب مع باص لين توصل للقرية تخيلي سفر يوميا ذهايا وايابا بس رووعة شوية عليها وتحسين اللي كاتبتها ناضجة وحدة عارفة شتكتب ..موتقعد تخربطلي .. مثل قصة قريتها مرى ناسية شسمها بنية صارلها حادث وقامو وشلعو رحمها .. لا لا وين قاعدين اصلا اللي يستاصلون رحمها مستحيل تعيش حياة زوجية طبيعية مثل اللي مصورتها بالرواية الخربوطة اللي قريتها !!!
.
طاااع انا ويين نطيت .. ههه صج سالفة اتير سالفة

 

[camilia]

smart lady طبعا انا نفسج افضل الكتاب له متعه خاصة.. وانا اساسا ما احب اقرا وايد من النت
لكن بحكم اني بغربة فاضطر اني انزلهم من النت
ماشاء الله اختيارتج موفقة .. عندي فكرة عن بعضهم
ا1-لكتاب why men love/ bitches
انا شخصيا ما قريتة .. لكن وحدة رفيجاتي قرته وايد تمدحة .. وقعدتنا جم مرة وعطتنا درروس منه
مثل ماقالت camilila
اهم مو قصدهم البنات الي مو زينين .. قصدهم شلون الرجل يفضل المراة الي شخصيتها قوية ذكية واثقة من نفسها
وهذا بصراحة تشوفينة صحيح ينطبق بالحياة
2- الرجال من المريخ والنساء من الزهرة .. فعلا حلو وسلسل
3-لا تحزن .. هم فعلا كتاب قيم وحلاتة تخلينة حواليج من وقت لي وقت تقرين منه
4- دانيال ستيل ... قريتلها جم رواية بعضهم عجبوني وبعضهم لا عادي,, بس طبعا هالشي يختلف من قارىء للاخر ..
5- الخيميائي ( وياريت camilia
تفيديني - او اي وحدة من الخوات قاريتها ) اسمع مدح وايد لها .. بس انا قريتها من فترة ..فقط بالبداية وما كملت ما شدتني .. فما ادري يمكن استعيلت بالحكم ؟

الخيميائي رووعة صدقيني انا جذي ببداية كل قصه ما اتحمس واقعد افكر ( هل راح تكون مضيعه وقت عالفاضي ولا شي يسوى ) بس صدقيني الخيميائي فيها فلسفة حلوة وبسيطة نوعا ما مو مثل بعض كتب باولو كوهيلو المعقدة نوعا ما, شوفي انا القصه ماني فاكرتها بالضبط بس اللي اذكره انها شدتني حيل لما راح البادية وتعرف على فاطمة والخيميائي , اهني الاحداث تلقينها قاعد تركض فتلقين نفسج مستعيله بتعرفين شنو السر اللي قاعد يدور عليه البطل .

 

[dreamer_33]

اي عدل
.
جان تبين يعني .. اذكر نزلتها من موقع .. اهيا وعدد خاص من ما وراء الطبيعة حلو .. اللي اييلج كل حرف وعليه قصة .. ماعرف اشرح لوول ..
p

اذا قصدج كوميكس ( المرأة الأفعى ) انا قاريتها وقلت لج ماعجبني ان رفعت كوميكس ..

والثانية ماادري قصدج : (في كهوف دراجوسان ) ؟؟ >>> جنه جذي الاسم .. اذا هذي هم قاريتها
بس كلهم ورقية ماقريت بالنت للد. احمد خالد توفيق الا رواية تفاعلية جنه اسمها قصة ربع مخيفة و من زماااااااااااااااااان مااذكر منها الا ان الموسيقى اللي تشتغل وانتي تقرين القصة عجييييييييييييبة ومرعبة !

مااحب اقرا بالنت روايات .. افضل الكتاب .. ممتع اكثر :>


هههههه اي والله نطيتي بعيييييد

بس مارديتي على سؤالي بخصوص اعدادج المفضلة من الروايات ؟ (ابي رد تفصيلي ) >>> اتشرط بعد خخخخخخ

 

[camilia]

dreamer_33 كالعاادة احسنتي اختيار المقتطفاات
والله الدكتور رفعت اسلووبه يضضضحك انا تقريبا قاريه كل قصصه قبل 7 سنين والله يخلي الضمني بس ويييه شييذكرني الحين بالاحداااث , ونفسسسج جوجو كررهت الياثووم لانه مو مثل اللي ببالي . بالنسبة حق رواياته اليديدة كلش ماقريت ولا وحدة منهم , بيييه صارلي فترة ما قريت رواية متخصصه بالماورائيات , وخليتوني أحن لهالنوع من الكتب , بالنسبه حق دانييل ستيل بنت خالي عندها كذا قصه لها بس احسها مثل قصص عبير بس على أطور ,, فعشان جذي ماتحمست اقرالها!

 

[.]

رونه ..
احنا ماراح نخلص هالموضوع الا وانتي منضمة لقائمة قراء اد.احمد خالد توفيق لووول

وراج وراج لحد ماتطيحين بغرام رفعت اسماعيل وربعه

نصيحة بلشي باللي ذكرتهم للاخت اللؤلؤة السوداء وبعدين تعالي قولي رايج ؟! ترا كل عدد فيهم يمكن ب350 فلس !! لانها روايات جيب يعني صغيرة كبر الكف ..

شرايج ؟؟

هلا دريم..

قريت له قوس قزح..

اي اهي رخيصه بس باحترم نفسي وماكود عندي فوق 9 كتب ماقريتهم..

وجربت اقرا فلاش مع رفيجي جانكم تعرفونها عجبتني تونس فحطيتها بس باللستة الظمني خخخ وبسيف اللي قلتوهم بعد عساس لما اطلبهم ان شاءالله..

حبيبه وي عديتج بشي مو حلوو..

 

[camilia]

رونة شسالفه الليسته ؟ ههههههه , عيل انا والله عندي 18 كتاب مادري متى ناوية اخللصهم ولاااا بعد قاعده اسويلي ليسته يديييدة بشتري بعد , الله يعين

 

[Anastasia]

اي نفس عبير .. بس على وصاخة بزيااادة ..
.
واللي يبط الجبد بعد .. قريتلها رواية المعجزة .. البطل عمره ستين والبطلة جريب الخمسين .. ههههه تخيلي
.
لا لا مو في كهوف دراجوسان وحدة ثانية مادري شسمها .. المهم ..
.
على طاري كهوف دراجوسان اتينن .. اللي يحطلج فصل .. وبنهايته عدة خيارات وانتي تنقين .. عجبتني فكرتها .. صج الفكرة مو يديدة لانه قريت من زمان كذا رواية انجليزية جذي .. بس هذي الفكرة اول مرة تعرض عربيا ..
.
المغول هم تضيج الخلق بس حلوة .. ومنو بعد .. ارض الظلام .. اللي كلها ظلمة و
اكو وحدة اسمها 37 .. نفس الشي هم اتينن ..
.
وقصة ربع مخيفة توووووني قاريتها قبل 3 ايام جنه .. بس ماعجبتني .. وبعدين .. شصار ماكو نهاية ..
.
بالنسبة للروايات ماتذكر صراحة .. بس احس كلللل وحدة لها طعم خاص بروحها ولها ذكرى حلوة .. لانه انا كنت اقراها وقت الشتا وطلعات الياخور والبر والدوة والفريير وااي الحين كل مارد اقراها تطري علي طواري ذيج الايام هههههه
.
بس كنت احب قصص (هن تشو كان) .. وايد حبيتها .. ومنو بعد .. حلوة القصة اللي صاير اسمها ارقام .. اللي اهوا كائن فضائي ياي يزور الارض لان كوكبه بينقرض..بعدين يفقد الاتصال .. وكل ساع يتقمص شخصية ..
.
ماااحب سواالف الاثنين سالم وسلمى خصووصا اسطورة ار العظايا .. ظيجت خلقي ..لان احس هذي نهايتنا اذا ردينا لديننا
.
وهم ارض الظلام جنه .. اللي ممنوع عليهم الضوء وصار الشعب عميان وكل شي بالسماع .. صج ابداااع شلون احكم حبك هالعالم ..
.
وارض المغول .. غريبة ..
.
في اسطورة المحركين .. بس ماكملتها لان قبلها عدد وبعدها عدد جنه .. اللي اهوا جنرال روسي وعنده موهبة الغوص بافكار الاخرين وتاريخهم ..
.
اسطورة حسناء المقبرة .. حلوة
.
اسطورة التوأمين واللي قبلها اهما عبارة عن جزأين .. مشكلتي ماحفظ الاسماااء .. هذيله اووووللل مابديت اقرا بسلسة ماوراء الطبيعة قريتهم
ومنو بعد .. ياربي ناااسية ههههه
بيمعهم وبصورهم ان شالله ..

 

[Anastasia]

فلااش يووونسسس .. كل الحجي مصري مصري مصري مصري .. اختنقت اخر شي مااااصدقت لقيت قصة ليلى والذيب كاتبينها بالعربي الفصحى وااي هههههه
.
رونة بعد هم لاتطوفج سلسلة فانتازيا روووعة شوية عليها ..اصلا انا اول مابلشت اقرا بكتابات احمد خالد توفيق فيهم
.
شوفي انا اول كنت افتح على قائمة السلاسل وانقي اللي تعجبني اسماؤهم مو شرط بالترتيب.. واذا وصلتلي وحدة من جزأين عادي ارد اشتري جزأها الثاني ..
وكنت اخلص ثلاث اربع باليوم الواحد لذيذين وخفيفين ويونسووون
.
بنات .. منو قرت سلسلة لوتس مالت محمد سليمان عبد المالك .. تهبببلل ..اللي بزمن الفراعنة .. ياناااس احب الفراعنة ..

 

[.]

رونة شسالفه الليسته ؟ ههههههه , عيل انا والله عندي 18 كتاب مادري متى ناوية اخللصهم ولاااا بعد قاعده اسويلي ليسته يديييدة بشتري بعد , الله يعين

هلا كاميليا..

خخ هذا الله يسلمج اي احد يمدح كتاب حطيته باللسته خخ..

لا يبيله نقرا انا ماقريت شي راضيه اخلص نصهم خخ..

 

[.]

فلااش يووونسسس .. كل الحجي مصري مصري مصري مصري .. اختنقت اخر شي مااااصدقت لقيت قصة ليلى والذيب كاتبينها بالعربي الفصحى وااي هههههه
.
رونة بعد هم لاتطوفج سلسلة فانتازيا روووعة شوية عليها ..اصلا انا اول مابلشت اقرا بكتابات احمد خالد توفيق فيهم
.
شوفي انا اول كنت افتح على قائمة السلاسل وانقي اللي تعجبني اسماؤهم مو شرط بالترتيب.. واذا وصلتلي وحدة من جزأين عادي ارد اشتري جزأها الثاني ..
وكنت اخلص ثلاث اربع باليوم الواحد لذيذين وخفيفين ويونسووون
.
بنات .. منو قرت سلسلة لوتس مالت محمد سليمان عبد المالك .. تهبببلل ..اللي بزمن الفراعنة .. ياناااس احب الفراعنة ..

هلا جوجو..

وينها بتي..


فلاش تونس انه فيها قيم ومبادئ احب اقرا شي جذي انا اللي قريته جنه العدد 75 وقريت بس خليوا ومواطن مطحون ورسمت التوصيل خخ وحلينا انا ورفيجتي جم مسابقه ممتعه والله..

انا ماقريت الا كتبه اليديده احمد توفيق وبجرب اقراله من ماوراء الطبيعه ان شاءالله بس الظمني مايوصلون الا مره بالاسبوع..

فبجهز للستتي منهم ماوراء الطبيعه..

انزين فانتازيا عن شنو؟؟

قريت نبذه عنها بس ابي رايكم..

و روايات الجيب ايام لما هبيت بتختخ بنت عمي يابت لي الرجل المستحيل ماحبيته ..

ومرسي خااالص..

 

[Anastasia]

فانتازيا قتلجججج
.
اللي وحدة طااايح حظها اسمها عبير مو حلوة ومو ذكية وفقيرة ومسيجينة بس ميزتها تموووت بالقراءة.. وتتزوج مهندس كمبيوتر وهالمهندس مسوي برنامج عالكمبيوتر وهالبرنامج تركبين اقطاب على راسج وتشغلينه .. ومنه تدشين اي عالم اهيا قاريته ..مثلا شكسبير او هاري بوتر او كليوباترا وباتمان وسوبرمان وعوالم ديزني وعوالم الاخوين غريم اللي فيه ليلى والذيب وسندرلا والبجعات وغيره وغيره مع تحوير بالقصة ..
يصير جنه حلم ..
.
امبي يشوووق .. والله رووعة .. وي ادزلج مع راجو عددين ثلاثة ..ههههه

 

[Anastasia]

اي
.
وبعد اكو عدد من فنتازيا مسويه عن تختخ واااي ايونس ..
.
يعني المغامرون اكبرو .. وتختخ يحليله بيبلغ .. وعمال بيدور عالحب الحئيئي هههه
ومالقى جدامه الا نوسة .. ونوسة اهيا عبير البطلة منتحلة شخصيتها ..
.
وبعدين اهلها صارو شديدين وامها قالتلها عيب مافي طلعة مع الصبيان .. خبرج ايام الستينات كانو الاهل صج اهل مو الحين خري مري
.
المهم .. بعدين يصير لغز .. وتختخ شغااال رسايل حب واعجاب لنوسة .. بس رسايل كاتبها بالحبر السري بعصير الليمون مايبين الا اذا حطيتي الرساله عالحرارة فهمتيني .. مابي احرق عليج القصة ..
.
اسم العدد (خمسة منهم)\
.
هذا موقع تحملين منه روايات فنتازيا .. نزليلج عدد ولا عددين شوفي اسلوبه عجبج ماعجبج بعدين اشتريه .. حلوو واتوقع مسوين حق الصفحات سكان فجننننه العدد بسن ايدينج .. وعلى فكرة احمد خالد توفيق اسلوبه يونننسسسس وساخرر .. وفعلا اعتبر اهوا اللي قواني لغويا .. الحين انا على مر المراحل بالمدرسة داايما امتحاناتي التعبير توب توب فل مارك .. ودايما يودوني مسابقات تعبير والقاء .. والله الفضل من الله ثم منه يزاه الله الف خير ولد الحلال ..
.
http://www.liilas.com/vb3/showthread.php?t=73437
.
بس اهم شي شوفي صورة المنقبة اللي حاطينها (سارة رعت لكم) وااي ابدااع ههههه تلووع الجبد .. شكلها عقيدية ملبسينها نقاب مع حواجبها الزوايا المنفرجة.. قطيعة شوهو صورة النقاب ببلاويهم