رابطة "دودات الكتب " .. حياكم

[Cute Arwa]

هلا ليتل كوين .. انا قارية القصة من زمان بس حبيبت اعرف رايكم انتو فيها .. بالنسبة لي انا ما تستهويني قصص الحب بشكل عام بس رفيجتي لزمت علي اني اقراها كنوع من التغيير !مادري احس اني ضيعت ساعات من وقتي عشان اقرا عن واحد يحب وحدة لا و حب غير شرعي بعد ! ( مادري اذا راح نستاثم على قرايتها و الا لأ ؟! ) يعني احسها تضييع للوقت و الجهد و مع الاسف في شباب و شابات ممكن يتاثورن فيها و كل واحد بعيشلي القصة لأن احنا مو قعد نتكلم عن اجانب قعد نتكلم عن ناس من نفس ثقافتنا و خلفيتنا فيصير جنة شي عادي ! !

بس للامانة الكتابة و الاسلوب كان جيد و عرفت بعض المعلومات عن الثورة الجزائرية

فبس حبيبت اعرف رايكم انتو كشابات مثقفات و منطلقات ؟

تقبلوا مروري و مع احترامي للجميع

 

[Bq]

الموضوع رووووعه انا بشترك معااااكم وفكرتج عجيييييبه مشكووووره

كيوت اروى أنا معاااج في هل نقطه أن القصص أو روايات الرومانسيه يعني البعض يقراها لتضيع الوقت وبعضها

يكون أهما يحبون يقرون بس مع احترامي انه مالها فاااايده بس نقرى ديما يكون الفضول أقوى

تسلمين

 

[dream]

درووووم
.
افاا كلش ولازعلج يا الغالية ..
كتت برد عليج ياغلبي بس شنسوي شغلتنا مصاخة اليابانيين ههههه

.

شفتي !!

مو من قلبج جوجو ..؟!

كاتبة يا (غلبي) !!

اهلين دريم
حلو كتاب صلاح الراشد موجود بجرير صح ؟

يا هلا والله بيتي

اي والله مع انه صفحاته اشويه بس فيه كلام يعوضج عن 100 كتاب

لأ انا ما شريته من جرير من مكتبة عادية !

بس مو قادرة اتذكر..

تخيلي من باب الصدفة شدني العنوان ومحاور الكتاب وكميته فشريته ..

هلا دريم..

الله يعافيج يارب..

لا كا البنات ردوا ساعات ماينتبهون ع الردود اعذرينا..

من صجج !!

رونة .. عزيزات وغاليات ومابينا زعل ان شاء الله ..

بس احب اضحك معاكم اشوية .. والله مستمتعة بنقاشكم الحلو الله يحفظكم

 

[Betty]

هلاا وغلاا
الله يرحم احمد الربعي
ودواوين الاثنين ما قريته وان شاء الله اشوفه
وكاتب الدوائر الخمس دبي الحربي الكتاب قديم شوي

اهلين عسوله
انصحج تقرين كتاب دواوين الاثنين كاتبه يوسف المباركي اهوه كان معاهم و يعطيه العافيه كان موثق كل شي سواء بالصور او بالكتابه و هذا رابط جريده الجريده مسوين حلقات عن الموضوع
http://www.aljareeda.com/aljarida/Article.aspx?id=96482

 

[Betty]

اهلين بنوتات شخباركم
جوجو لوول انا كنت جذيه بس الله هداني
ليتل كوين طلعتي من الربع لوول
اي و الله صاجه ياوخيتي صاجه اقول حجزيلي الزنزانه اللي يمج مابي اضيع
الميار ولكم باك يا عسل
اهلين كيووت اروى و دمعه غلا حياكم حبايبي
هلا و غلا دريم خلاص عيل انا بشوفه اذا موجود بمكتبه الروضه تسلمين حياتي

 

[Anastasia]

اي صج بنات نسيت اقولكم
.

قريت خلال هالاسبوعين رواية لاغاثا كريستي .. اسمها "ثم لم يبقى احد" .. بطبعة دار الأجيال البيضة .. اذكر تكلمتو عنها اهني مرة لها اسماء ثانية من دور نشر ثانية .. "جزيرة الموت" .."واختفى كل شيء" بس احسن طبعة هذي لانها القاننونية ولانها نص كامل متكامل مو ضايفين عليه شي ولا منقصين منه شي نفس الطبعات الثانية مثل ما شرحتلكم من قبل..
القصة واايد وااايد حلوة .. واهيا عبارة عن لغز درامي محير .. وتيمة العقاب الالهي والشعور بالذنب ..ورعب نفسي .. احس طول القصة انا حاطة ايدي على قلبي ..
خن اعطيكم نبذة سريعة ..
.
احد الاشخاص المجهولين قام بتوجيه دعوات لعشرة اشخاص معينين .. هالاشخاص يجمعهم شي واحد .. كلهم قامو بجرائم لم يتم اثبات التهمة عليهم وفلتو من العدالة ..
فهالشخص المجهول يمثل يد العدالة على حد زعمه .. وقام بحكرهم بهالجزيرة النائية اللي شراها واثثها وسنعها .. وبدم باارد حكم عليهم بالاعدام .. من خلال اغنية اطفال قديمة ..

عشرة هنود صغار ذهبوا لتناول العشاء
اختنق أحدهم وبقي منهم تسعة
تسعة هنود صغار سهروا إلى وقت متأخر جداً

أفرط أحدهم في النوم فبقي منهم ثمانية
ثمانية هنود صغار سافروا إلى ديفون

قرر أحدهم البقاء فبقي منهم سبعة
سبعة هنود صغار كانوا يقطعون اللحم

شطر أحدهم نفسه نصفين فبقي منهم ستة
ستة هنود صغار كانوا يلعبون عند خلية نحل

لسعت نحلة واحداً فبقي منهم خمسة
خمسة هنود صغار مضوا لدراسة القانون

صار أحدهم في أحكام المساواة فبقي منهم أربعة
أربعة هنود صغار خرجوا إلى البحر

ابتلعت رنجة حمراء أحدهم فبقي منهم ثلاثة
ثلاثة هنود صغار مشوا في الحديقة

أكل الدب أحدهم وبقي منهم اثنان
هنديان صغيران جلسا في الشمس

أصيب أحدهما بضربة شمس وبقي منهم واحد
هندي صغير بقي وحيداً

ذهب وشنق نفسه ثم لم يبق منهم أحد

وقاعد يذبحهم واحد ورى الثاني ..
وطول هالايام المساجين عايشين برعب والبارانويا .. كل واحد يشك بالثاني .. من التالي؟ ومن القاتل؟ لانهم يدرون ان القاتل واحد منهم..
.
خن اكتبلكم النبذة اللي بالغلاف ..
.

"
عشرة اشخاص لايجمعهم اي قاسم مشترك ولا انسجام بينهم اجتذبهم دعوة غامضة الى جزيرة مقفرة معزولة .
وفجأة دوى تسجيل صوتي متهما كل واحد من الحضور بجريمة .. ولايلبث ان يسقط اول المدعوين ميتا !
التوتر يتعاظم حينما يلاحظ المدعوين ان القاتل ليس الا واحدا منهم وانه جاهز للضرب من جديد . انهم يتناقصون واحدا بعد واحد! ثم ..لم يبق احد! "

.
وهذي نبذة موسوعة ويكيبيديا
.

"بعد وصول الشخصيات إلى الجزيرة بوقت قصير، يُعلمهم غراموفون غامض بأنهم العشرة مذنبون بجرائم، بالرغم من أنه في حالتهم، لا يمكن للقانون أن يتعامل مع جرائمهم. مارستون، على سبيل المثال، كان مسئولاً عن موت طفلين بطريقته المستهترة في القيادة، وبدلاً من أن تتم مُقاضاته بشكل عادل، سُحبت منه رخصة قيادته لفترة قصيرة. السيد والسيدة روجر أهملا عن عمد العناية بمستخدم مريض. الجنرال ماك آرثر أرسل عشيق زوجته في مهمة انتحارية أثناء الحرب. خادمة الآنسة برينت قتلت نفسها بعد أن طردتها الأخيرة بقسوة من المنزل عندما حبلت بغير زواج. وارغريف حكم على متهم بريء بالإعدام. آرمسترونغ أمات مريضة بعملية جراحية أجراها لها وهو ثمل. بلور كذب تحت القسم في محاكمة أحد المتهمين بالإنتماء إلى عصابة لإدانته، وبعدها مات الرجل في السجن. لومبارد ترك مجموعة من السكان الأصليين للبلاد يموتون في حرش إفريقي. وفيرا كلايثورن أرسلت صبياً كان في رعايتها عن عمد ليسبح بعيداً عن الشاطئ ويغرق، وبُرءت بسبب ظروف القضية.

يقارن نزلاء الجزيرة أسباب وظروف استضافتهم في الجزيرة فيكتشفون أنهم جميعاً جاءوا لأسباب مزيفة، وأن الذي جاء بهم يعرف الكثير عن حياة كل منهم. ويكتشفون أيضاً أنهم عالقون في جزيرة بعيدة جداً عن شاطئ ديفون، ولا يمكنهم الخروج منها.

في الليلة الأولى يموت أنتوني مارستون بالسم، وفي الصباح لا تستيقظ السيدة روجرز، ويُعتقد أن ذلك كان بسبب جرعة مفرطة من عقارها المنوم.

ويتوالى موت الشخصيات لأسباب غامضة، بشكل يتبع أُغنية معلقة على جدار غرفة كل منهم، وعلى طاولة في غرفة الجلوس كانت هناك صينية عليها عشرة تماثيل صغيرة لهنود، كانت تنقص واحداً كلما مات أحدهم.

في النهاية يموت العشرة، وتجد الشرطة الجزيرة فارغة إلا من عشر جثث، دون أن يمكن حل الجريمة وكشف المجرم.

رسالة في زجاجة تكشف تفاصيل الجريمة فيما بعد، وتكشف القاتل الحقيقي الذي كان أحد القتلى."

.
ثاني شغلة قريتها .. قصة ماتتعدى الخمسين صفحة توزع مجانيا مع جريدة القبس ..
.

.
اسمها "شبح قصر كانترفيل" .. للكاتب المشهور " أوسكار وايلد" .. مع انها مترجمة بس ماحسيت ابدا انها مترجمة .. لغتها عربية فصيحة بليغة جدا جدا
.
قصة طريفة وخفيفة وممتعة .. عن شبح عريق ارستقراطي نبيل عايش بقصر ببريطانيا .. تتنقل له عايلة امريكية متححرة ومتطورة .. فبدال لا يخرعهم وايننهم .. يننوه ..

 

[Anastasia]

افففف ..
.
مو راضية تطلع الصورة المليقة ..
.
اصورها واحطها بعدين

 

[Anastasia]

نوورتيي مياار وينج يا الدبة مالج حس ..
.
اي ساعات تحوشني هالحالة المليقة ماودي اقرا شي وكتبي مكودين
.
عادي هذي فترة نقاهة .. جم يوم وتردين دودة اصلية خخخ

 

[.]

لاعاد مو نفسه ضبط ضبط
بس اقصد نفس الحقبة والتوجه السياسي

اي فاهمتج بس اقصد حبيت هالفتره احس كانوا محترمين صج يصلون بقصير بس هم ع الال بارزين انههم مسلمين عكس الباجي لانهم بهالفتره قلبوا حيل ..

وانا قاريه ان تركيا الشياب فيها اكثر التزام بالدين الاسلامي و الشباب حيل علمانين وبس سلامتج ..

رووووووووووووووووووووووووووووووونة ...

توني نازلة من فوق .. كنت قاعده أطالع سبوووونجج ويا اخوي الصغير يحليله اليووووم طلعو من البحر راحو الارض ... اهو و يا " بسيط " رفيجه نجمة البحر .. و شفيء الاخطبوط .. و هذا القبقب كراستي ، كلهم طلعو فوق و لحقهم نورس

ووووووووووووو ... شو كان بدي قووول بس نسيت ! مادري نسيت !!


اييييييييييييي


على رواية المنتظر


قريتها ..

اهي زينة ....... عادية يعني ! مو وااااااااااو كلش كلش !

فيها قلة أدب .. بس يعني اهي تنفع حق فوق 21 سنه مو أقل بس زينة يعني نوعا ما تونس شوي


بس موووووووووووووو بذيك القوة الي مسوينلها كل هالبروباجاندا و الزخمممممم الاعلامي !! بس شنسوي الاسم رناااااان و مغري و يبطل البيبان المسكرة ..

خليها على الله

هلا ليتل هالحلقه ماشفتها

خل اجيك باجي ديفيدياتي جود القاها..

وعيبهم مغيرين اساميهم باتريك صار بسيط واسكويرد صار شفسق مفرض كمخه ولعين خخ..

السلااام .. شلوونكمــ ؟؟
كنت متابعتكم بصمت هالفترة كلش ماني قادرة اقرا مادري ليش مع ان عندي واايد اشياء مو قاريتها :\
بس ابي اسال انا شارية الغريبة لازم اقرا قبل السجينة ولا ابلش فيها عادي ؟

وعليكم السلام والرحمه ..

و الحمدالله بخير دامج بخير ..

انا عن نفسي توني مخلصه السجينه وفقدتهم ال اوفقير وان شاءالله باجر اشتري الغريبه وبشتري رواية اختها ودي اقرا قصتهم باكثر من جانب واحتمال اخذ مالت امهم بعد ..

احس لي قريتي السجينه عقب الغريبه بيكون تسلسل الاحداث منطقي لانه السجينه مبلشه من لما كانت ام 5 سنين ..

والغريبه اتوقع حياتها عقب السجن..

مجرد رايي

بسوي سيرج عن الغريبه بتاكد من رايي وارد لج خبر ان شاءالله..

 

[Anastasia]

كا صورت الرواية ""شبح كانترفيل" .. تونس بس مو واو ..
.

.
رونة هذي اسماء الاسلاسل ..
.
بطنش سلاسل الاطفال وهالخرابيط اوكي ؟ .. قوليلي اذا تبينهم ..
.
روايا مصرية للجيب ..
.
1- رجل المستحيل
2-ملف المستقبل
3-الاعداد الخاصة
4-كوكتيل
5-أرزاق
6-حرب الجواسيس
7-حرب الجواسيسظعدد خاص
8-فارس الاندلس
9-سيف العدالة
10-مغامرت(عX 2)
11-زووم
12-بانوراما
13-العميل السري
14-بطولات مصرية
15-زهور (رومانسية نفس روايات عبير بس شريفة ومافيها مواقف خلاعية)
16-ماوراء الطبيعة
17-ماوراء الطبيعة عدد خاص
18-ماوراء الطبيعة كوميكس (يعني صايرة قصة مصورة عندي عددين يونسون)
19-سافاري (مالت احمد خالد توفيق بعد قصص طبيب مصري بادغال افريقيا)
20-رجفة الخوف (قصص مرعبة مترجمها احمد خالد توفيق)
21-روايات عالمية للجيب (هم مترجمها احمد خالد توفيق تف تف تف قولو ما شا الله بناات لوول ههه)
22-المكتب رقم 19
23-نوفا
24-المكتب17
25-سلة الروايات (تشكيلة قصص وكتاب مختلفين فيها شغلات حلوة اخذي منها اعداد لوتس كلهم عجيبين واعداد السيد س)
26-لوتس ( بدايا السلسلة كانت بسلة الروايات بعدين فتح الكاتب سلسلة له مستقلة محمد سليمان عبد المالك)
27-السيد س (نفس الشي بداية هالسلسلة كانت بسلة الروايات بعدين استقل بسلسلة بروح محمد سليمان عبدالمالك)
28-ترانزيت
29-عالم آخر
30-ميجا
31-حدث بالفعل
32-عالم غريب
33-المعارف العصرية
34-كوماندوز
35-عالم الجاسوسية
36-حالات خاصة
37-اشهر الحوادث والقضايا
38-روايات (كتابي)
39-القلعة تحكي
40-مواقف من تاريخ الاسلام
41-كومبو
42-مغامرات تيفة
43-مغامرات بلية
44-مغامرات نيمو الجرئ
45-للبنات فقط
46-للبنات فقط
47-المغامر
48-اوسكار
49-سوبر اوسكار
50-اضحك مع عمرو وفهمي
51-فلاش (القصص المصورة اللي بالمصري)
52-فلاش/عدد خاص
53-مطبوعات فلاش
54-مغامرات فلاش
55-سوبر فلاش
56-سماش
57-مسابقات موهوب
58-كلمات
..
هذي اعداد سلسلة ماوراء الطبيعة

.
وهذي سلمج الله اعداد سلسلة سافاري
.

.
وهذي فنتازيا (من احلى السلاسل اللي قريتها)
.

.

 

[.]

الله يعطيج العافيه يارب جوجو..

تسلم ايدج يارب..

اهو ماتبيع قصص غير عن السلاسل؟؟

لاني جته قريت وحده بتشرتي منهم السجينه؟؟

ومشكووره..

 

[Anastasia]

امبلة عندهم شغلات ثانية ..
شريت منهم قصص هاري بوتر كاملين ..
بس مادري عن غير جذي ..
.
لا لا السجينة ماتوقع يبيعونها ..
.
شوفي انتي دقي عليهم وسأليهم ومابيقصرون ان شا الله .. والمصري اللي يرد على التلفون خوووش واحد ..

 

[.]

اي مره تصلت عليهم بس كانوا مو موجودين اللي ابيعهم..

مرسي..

 

[Anastasia]

ضايج خلقي رونة ..
.
باجر دواماتنا .. ويع

 

[.]

عاد 4 ثانوي وناسه ذكرتيني بايام الخوالي اهي اهي..

موفقه يارب..

 

[Anastasia]

لتل كوويينووو ..
.
شهيتييني على صمون فلافل ودقوس قمت وسويتلي عاد
.
وسويت كرك بعد >>>غراامي
.
سويتهم بريحااتي
والله اني سنعة
.

يتراوالي انا اكثر وحدة تحط صور بالمنتدى

 

[Little_Queen]

جوجو .. أحسسسسسسسسسج مستانسه بكاميرتج صوري يبا صوري ما عليج من أحد

بلعااااااااااافية الكرررررك عاد أبي اذوووقه من إيدياااتج يا وخيتي .. و بلعااافية الفلااافل و الدقوووس ... آآخ يا ويلييييي !


=====================

رونه .. جيكي عالحلقة و قوليلي شرايج فيها ... اهي حلقة اسمها بالانجليزي pressure ساندي السنجابه تقعد تضغطهم تقولهم احنا الكائنات الارضية احسن منكم و احنا افضل منكم فاهما يقررون يروحون الارض و يثبتون حق ساندي انهم يقدرون يعيشون فوق !

====================
بيتي .. اييييي يبا من الربع لا يهمج و الزنزانه فاضية أفا عليج و زاهبه ناطرينج كلناااا لا و التقيت بياحليله شبح الرفيق تشي جيفارا !!! مادري شيابه بس يحليله دش رحب فيني ... والله أني احبه هالبني آدم احبه احبه احبه

أبي اتزوج واحد يشبهه !!!! آآآآخ قلبي يا إرنسسسستو جيفارا .. فديييتك ! " ارجنتيني وينه وين فديتك انا الثانية بعد !!

فعلا انصحكم كلكم يا بنات تقرون قصة حياته .. شخص جدير بالاهتمام فعلا شوفو شلون الانسانيه و الثورة ليس لها وطن ..

اهو كان ارجنتيني بس قااااد الثورة الكوبية بكبرها ! لو احناالحين جان نقول : ويييي انا شكو بكوبا !! ... بس لأنه شاف ظلم و اضطهاد قرر يساعد ...

انصحكم تدورون في جووجل و تقرون عنه نبذه YOU WILL LOVE HIM

=======================================


كيوت أروى ..

انا اتفق معاج في نقطة معينه .. انه لا نضيع وقت و احنا نقرا قصص مامنها فايدة .. لكن شوفي طالما الي كاتب اهو اديب له كتابات محترمة .. و الاهم يكون عربي ... و الرواية مو مترجمه و سوالف عبيرو احلام و مادري شنو ..

انا اقول انها تستحق تقرينها عالاقل تشوفين شنو القضية المطروحه و تتعرفين على فنيات الرواية و القصة اذا فيج ميول للكتابه

و كما أقول داااائما : حتى اسوأ الكتب .. نتعلم منها على الاقل تعريفا للسوء ! .. ماكو كتاب في الدنيا مووووو مفيد والله لو يكون شنو .. اقل ما فيها بتتعلمين مصطلح يديد .. جملة حلوة .. كلمة يديدة تنضاف لقاموسج اللغوي ..


و حياكم الله مره ثانية كلكم احبكم وااايد

 

[Little_Queen]

دمعة غلا تسلمين يا قلبي و الموضوع نووور بوجوووودج و نورينا اكثر بمشاركاااتج الغالية

 

[][ الميـــــــار ][]

مشكوورين اللي ردو جوجو-ليتل-رونه-بيتي :****
وحياكم القرائات اليدد .. جوجو صوري اصلن مسوية فوااصل بالموضوع كثري من الصور حلو تصويرج


امم عيل ماكو الا اشتري السجينة قبل احسن عشان ما اتخربط و شكلي ببلش برواية بائعة الخبز برد اصير دودة اصلية مثلكم

 

[Cute Arwa]

اختي العزيزة ليتل كوين

فعلا اثار انتباهي اعجابك الكبير في تشي جيفارا ، باختصار شديد انا اعترف ان قراءتي قليلة عن تشي جيفارا او عن التاريخ الكوبي لكن مثل ما هناك كتب و مقالات تسطره كبطل قومي و ثوري و انساني هناك مقالات و كتب اخرى تسطره كقاتل قاسي متعطش للدماء و مسؤول عن قتل و اعدام الاف من الشعب الكوبي من غير محاكمة قانونية ! و ان الذي رسم صورة البطل الثوري في رؤوس الشباب هي البروباجندا مالت الحكومة الكوبية و فيدل كاسترو !
(انا ماني مع او ضد جيفارا لأني من خلال قراءتي المتواضعة ما اعرف منو الصادق او الكاذب) .. بس بيني و بين نفسي لما اشوف الشباب جذي متأثرين في شخصية جيفارا اتساءل هل كوبا تغيرت للأفضل عقب الثورة ؟؟ انا اشوف ان كوبا طلعت من حكم ديكتاتوري و دخلت حكم ديكتاتوري ثاني .. فيدل كاسترو شريك و صديق جيفارا حكم كوبا لمدة 32 سنة و الحين لما تعب سلم السلطة حق اخو راؤول ! من قيام الثورة في كوبا للحين يعني تقريبا خلال 50 سنة اكثر من 2 مليون كوبي من جميع الطبقات الاجتماعية هاجروا برة كوبا ( في ناس هاجرت ((سباحة)) مو على قارب لأمريكا و المكسيك ) هذا طبعا غير الحرب الباردة و العزلة و التدهور الاقتصادي و الفقر و الاعتداء على حقوق الانسان اللي راح يطول الشرح اذا بكتب عنها .. فشنو الاستفادة و التغيير العظيم اللي حصل لكوبا عقب ثورة كاسترو و جيفارا ؟؟

هذا رأيي المتواضع ، اتمنى اقرا وجهة نظرج يمكن انتو شايفين شي انا مو شايفته

سوري على الطوالة بس اذا عندي راي راح لازم اكتبه عشان احس الاستفادة تعم الجميع من خلال قراءة مختلف وجهات النظر

مع احترامي و تقبلوا مروري

و شكرا على تعليقك مابي اعقب عليه الحين علشان لا تطول السالفة