كيوت أروى
أحييك من قلبي و أرفع لك ال"شيله " تعبيرا عن احترامي ... خو ما عندنا قبعه شسوي !
يعجبني جدا رايج الموضوعي و مناقشتج الحلوة ..
و معاج حق في كل الي قلتيه .. كوبا ما تحسنت ولا تطورت ولا صار فيها أي شي :> كل الي صار ثورة و ناس قامت و ناس نامت ...
لكن ... اعجابي في تشي جيفارا ليس إعجابا سياسيا أبدا ابدا ابدا
انا معجبه في سيرة حياته .. أيا كانت انجازاته .. سلبا أو ايجابا .. روح الثورة الي داخله جميلة جدا و لا يمكن أبدا انكارها ..
فلسفته في الحياة ..
شخص ابن ناس و عايله و ولد فلوس على قولتنا هالايام .. و عايلته من أرقى عوايل الارجنتين .. و شاب و دارس طب . شيبي من الدينا بعد ؟ ؟ لو واحد ثاني جان حط ريل على ريل ولا همه شي في الدنيا ...
بس الثورة الطموح اهما الي خلوه يتحرك و قلب نشاطه تماما وصار و ثوري و سياسي و فيلسوف ...
احبه من اجل روحه و ليس من اجل مواقفه السياسية .. فكوبا كانت و مازالت " رايحة فيها ! "
و مره من المرات تناقشت مع أحد الاصدقاء .... شفت انه وايد معجب هم بعد بتشي جيفارا ..
فأثار الموضوع فضولي ... الي اعرفه انه وايد وايد وايد شباب .. و يمكن كل الشباب بالكويت يحبون تشي جيفارا و يحطون صورته على التيشيرتات و السيارات و الكمبيوترات و الخ الخ الخ و ساعات حتى ما يدرون هذا شسالفته بس يحبونه و يعرفون انه تشي جيفارا بس شسالفه ما يدرون وين الله قاطهم
فسألته : انت كشاب .. ليش تحب تشي جيفارا ؟ وليش برايك الشباب يحبونه وايد جذي ؟
فالصديق هذا كان قااااااري وايد و باحث وايد عن تشي جيفارا .. من و اهو بالثانوية كان مهتم بالموضوع لانه هم الموضوع أثار فضوله
و لما يسافر يدور كتب عنه و يحاول يترجم الكتب الانجليزية و يقراها ..
يعني من الاخر الشاب مهووس بموضوع جيفارا
قالي شغله غريبة ... انه صورة جيفارا اهي السبب في كل هذا .......
يقول فعلا وايد ناس يحبونه و يحطون صورته المشهورة ..."الي انا حاطتها بالرد السابق بالصفحة السابقة "
يقول من ضمن الاآراء الي طلعت على حب الناس لجيفارا .. انه الصورة نفسها فيها شغلات تجذب العين البشرية و تؤثر عالنفسية
وضعيه الصورة و زاوية التقاطها ..
النظرة الي موجوده في عيون جيفارا ... و تعبير الوجه ككل ..... من اندررررر تعاااابير الوجه الي صورت ..
مو تعبير معصب .. مو تعبير زعلان .. مو تعبير مستانس ...
تعبير ماله اسم
فاهيا لها أثر خفي محد يدري شسالفته
و بالمناسبة الصورة هذي التقطت له في جنازة أصدقاءه الي كان يعتبرهم " ظهره" لما انفجر احد الموانئ الي كان جيفارا يخزن فيها اسلحته ..
فأشكرك يا كيوووت أروى على اثارة هذه المناقشة الرااااائعه فعلا ... و ارجو ان تكون وجهة نظري قد وصلت بشكل واضح لك عزيزتي
و بصراحة اكثر انا احبه بعد عشان .......................... شكله حلو
" بنات ماكو فااايدة "
