رابطة "دودات الكتب " .. حياكم

[Betty]

هلا و غلا ليتل كوين منو كاتب روايه العطر ؟
و عطينا لنك بلوغج بليز

 

[Betty]

رونه عساج ما تفقدين غالي ابد يارب

 

[.]

مرسي يتوي..

واجمعين يارب..

ذاك اليوم شفت كتاب الي عن الربعي كنت باخذه بس ترددت ..

 

[Betty]

رونه ليش ترددتي الكتاب اينن وااي روعه شوي عليه كاهو يمي
لا تخافين مو سياسي اهوا مثل بيوغرافي للربعي الله يرحمه ياليت يكون في ربعي ثاني وااي جان احنا بخير الله يرحمه برحمته

 

[.]

لانه عندي وايد كتب تقريبا 6 ماقريتهم ..

قلت باحترم نفسي ليما اخلصهم ..

وفي روايه منيشنه عليها وكتاب خاطري فيه يقولون احصله بدايموند بوك اسمه 7 وجوه للحب..

وابي اخمط من الظمني خخ..

امبيه ادمنت القراءه خاصة عقب بلوقي ..

الي محد يوطوطه غيري خخخخخخخخخخ..

 

[Betty]

رونه انا نفس حالتج شكثر عندي و ما خلصتهم و بس قاعده و اشري
و بلوغج انا اوطوط فيه بعد بس اليوم علق معاي مو قادره اعلق

 

[.]

عيل خل نحاول نخلصهم عقب نخمط..

امبيه ليش مو راضي ياملغه..

خل اشوف شفيه ..

لانه ليتل معلقه وما لقي تعليقه اخاف خرف مبكر..

 

[~NaZaKa~]

قوووه بناااات شخبااااركم

ولهاااااانه عليكم

سامحوووني على الغيبه

بس كنت لاهيه من امتحانات وبروجكتات وحاله وعفسه وعقها ساافرنا

فماكنت اقرا الردود
ادخل شوي اقرا المواضيع واطلع


المهم سمعت احد يتكلم عن العطر
قبل لا اسافر اخر روايه قريتها اهيا العطر
الروايه حلوه وتشوووق واااايد
بس نهايتها مليغه
بصراحه غير واقعيه جنها حق يهال
بس وانتي تقرين تستمتعين فيها وايد
وكنت بقولكم انه بيحطون الفلم على ام بي سي 2 بس اشوه خذيت طله سريعه على الردود
واعتقد ليتل قالت لكم ياحلاااتها متااابعه

والله لكم ووحششششه كلكم


لي عوده بإذن الله

 

[.]

ولكم باك نزاكه..

والحمدالله ع السلامه..

 

[~NaZaKa~]

يسلموووو
حيااااتي روووونه

شخبااارج حبيبتي

شقاعده تقرين حاليا ؟

 

[.]

هلا والله..

الحمدالله الله يسلمج..

انتي زيك؟؟

انا الحين اقرا الغريبه صايره اطول بالقصه اول يوم واخلصها الحين قرن يبيلي

وانتي مازا تقراين؟

 

[~NaZaKa~]

انا جينه الحمدلله

الغريبه بعد توني قاريتها قبل العطر

بس انتي قاريه السجينه ؟؟

احس لازم تقرين السجينه قبل الغريبه
عشان تستمتعين اكثر وتستوعبين مشاعرها

حاليا انا مو قاعده اقرا شي للأسف
وايد لاهيا بس عندي روايه اسمها (موت مشتهى) واهي الي الدور عليها

 

[.]

اي خلصت السجينه فشتقت لهم عاد رحت خذيت الغريبه و قصة اختها سكينه بعد..

انه ناويه اسوي تقرير عنهم بس انطر اخلص الغريبه عساس يصير تقرير متكامل..

و اي مثلي ناصحت وحده من الخوات انه تبلش بالسجينه عقب الغريبه ..

بس القصص المترجمه مشكله شكثر البدليات خخ..

و قراءه ممتعه

 

[~NaZaKa~]

اي لووووووول
عاد انتي طوووفي

وناااسه شوقتيني على التقرير

ان شالله نقراه

اذا قريتي قصة اختها سكينه عفيه قوليلي عن اي مرحله من حياتها متكلمه ؟؟

 

[Anastasia]

هلاااا بنوتات ..
.
حاليا قاعد اقرا رواية قديمة شوي لليلى العثمان اسمها "وسمية تخرج من البحر" .. بلشت باول اربعين صفحة واكتشفت ان مسوينها فلم كويتي بطولة سعاد عبدالله توني ادري لوول ..
حلوة لكن عندي تحفظ على شغلتين :
.
1- استخدامها لتعبيرات مقززة مثل (رائحة العرق تفوح منها ) واشياء اخرى ..
2- نفس فكرة رواية ثانية لها (حالة حب مجنونة) .. فكانت تكرار لا يخلو من املال .. يعني الروايتين تتحجى عن صبي وبنت مع الفوراق الطبقية كانو يلعبون مع بعض في الطفولة بعدين كبرو وتم فرض العزل بسبب العادات والتقاليد ..
.
اسلوبها الادبي وايد واايد حلوو .. وتسلسل الاحداث منطقي وجميل , لكن الاشياء اللي فوق خربتها
.

الشغلة الثانية ..
.
ديوان سعاد الصباح .. ( إليك يا ولدي ) .. قريت شوي منه بعد .. متألقة كعادتها .. واشعارها روعة شوي عليها ..
.

ألحين انيي حق السؤال اللي حابة اتناقش فيه معاكم ..
.
هل فعلا حالة الشعر تفرض على الشاعر ان يكون حزين ؟
يعني مثلا انا ذاك اليوم تناقشت مع ابوي عن هالامر .. فقاعد اقول ان ساعات الشاعر مايكون حزين ابدا ,لكن لمن ايي يكتب حالة الالهام تكون مليئة بالشجن والحزن ..
وبالنظر لكل الاشعار اللي انكتبت حتى اليوم .. قصائد السعادة لاتقارن بقصائد الحزن واللوعة ..
وانا عندي مقولة تفسر هالامر "الحزن للورق والمرح للحياة" ..
فاهوا عارضني وقال هالفكرة غلط .. والشاعر مايكتب شعر حزين الا اذا كان فعلا حزين .. وانها مو مجرد حالة يتقمصها حين يقرض الشعر ..
.
فأنتو مع اي رأي ؟
.

 

[.]

اي ان شاءالله نزاكه بلشت اشطب عليه..

جوجو ..

خوش تنويع قراءه ممتعه

عندي طلب اذا تقدرين عن الظمني حاسه انج بتهفيني باكبر ما عندج..

 

[Little_Queen]

هذا لينك مدونتي للي يحبون يطلعون عليها


www.little-kingdome.blogspot.com

رووووونه .. علقت على أول موضوع ...

 

[Little_Queen]

هل فعلا حالة الشعر تفرض على الشاعر ان يكون حزين ؟


مو شرط .. بس مشاعر الحزن أكثر بلاغة من مشاعر الفرح ، للفرح تعبيرات كثيرة .. الرقص الغناء الضحك ... الابتسام ..

اما الحزن .. فليس له سوى الدموع .. و التفريغ الابداعي .. شعر .. قصة .. تأليف موسيقى .. رسم ..

الحزن ... اعظم مبدع في الدنيا !

و انا معاج لازم الشاعر يكون في حاله معينه كي يكتب ... ما يقدر اي وقت يكتب ... و هذا بالظبط نفس كل المبدعين و الموهوبين ..

بس مو شرط الحالة تكون حزن .. ساعات يكون وايد مستانس بس يكتب حزين !!

الموضوع متعلق بكيفية اخراج هذه الابيات و الابداعات ....

في فنان اسمه فرانسيس بيكون .... سوو عليه سيرج بقووقل .. بتلاحظون انه لوحاته كلها يرسم الناس بطريقة مشوهه و سوداوية ..

...... و الحقيقة انه هذا الريال كان جدااااااااااااا ضحووووووووك و مرح و سكير و على قولتهم " الكشرة من هنيييي لي هنيييي " .. و كان معطي الدنيا طاااااااااااااااااااف

فإنتي كلامج فيه شئ من الصحه .. و كلام الوالد أيضا فيه شئ من الصحة ..


هذا رأيي

 

[Little_Queen]

نازاااااااااااااكااااااااااااااااا

ولكم بااااااااااااااااااااااااااااااااااااااااااااك


لا والله انا حبيت وايد نهاية العطر عجبتني جدا جدا جدا مو متوقعه بقراها مره ثانية الحين

كاتب رواية العطر : باتريك زوسكيند

 

[.]

عيل مانزل ليتل لانه مو موجود..

ع عموم مرسي خيتوو..