رابطة "دودات الكتب " .. حياكم

[.]

لتول..

مايصير نعلق ببلوقج؟؟

 

[Anastasia]

هههههههه ..
وي بعد عمري ما عاش من يهفج يالغالية اهفه انا باكبر ماعندي ..
.
تفزلي تفزلي .. قولي طلبج انا من ايدج هااد الين ايدج هااد ..

 

[Anastasia]

.

.

.
مؤرف

 

[Betty]

قوووه بناااات شخبااااركم

ولهاااااانه عليكم

سامحوووني على الغيبه

بس كنت لاهيه من امتحانات وبروجكتات وحاله وعفسه وعقها ساافرنا

فماكنت اقرا الردود
ادخل شوي اقرا المواضيع واطلع


المهم سمعت احد يتكلم عن العطر
قبل لا اسافر اخر روايه قريتها اهيا العطر
الروايه حلوه وتشوووق واااايد
بس نهايتها مليغه
بصراحه غير واقعيه جنها حق يهال
بس وانتي تقرين تستمتعين فيها وايد
وكنت بقولكم انه بيحطون الفلم على ام بي سي 2 بس اشوه خذيت طله سريعه على الردود
واعتقد ليتل قالت لكم ياحلاااتها متااابعه

والله لكم ووحششششه كلكم


لي عوده بإذن الله

اهلين نزاكه ولكم باك خيتو لج وحشه
شوقتوني على روايه العطر ان شاء الله باخذها

 

[Betty]

عيل خل نحاول نخلصهم عقب نخمط..

امبيه ليش مو راضي ياملغه..

خل اشوف شفيه ..

لانه ليتل معلقه وما لقي تعليقه اخاف خرف مبكر..

اهلين رونه
اي خلصهم بسرعه يا شطوره الكتاب هذا مايتفوت
البلوغ مادري شفيه ههه حلوه خرف مبجر

 

[.]

هلا جوجو..

كنت اسوي سيرج ع سوالف الظمني..

وعجبون قصص من كوكتيل 2000..

مثل قلبي ليس للبيع - اسوار قلبي - اهداء - قطرة قلبي << هذي لهم ارقام؟؟

و سوال 2 شنو اكثر شي اعجبج من السلاسل ؟؟

وللبنات فقط قط قريتيهم؟؟

وبس..

سلامتج..

 

[.]

اهلين رونه
اي خلصهم بسرعه يا شطوره الكتاب هذا مايتفوت
البلوغ مادري شفيه ههه حلوه خرف مبجر

هلا والله بتوي..

شلونج..

ماقلت لكم ماذا فعلت اليوم..

بحمدالله انتهيت من الغريبه وقراءت اول جم قصه من ياتي الليل لعبدالعزيز الحشاش..

وباجر اذا عندي وقت ببلش بكتاب اخت السجينه..

وبحاول يكون تقريري قوي عنهم ان شاءالله..

 

[Betty]

هلاااا بنوتات ..
.
حاليا قاعد اقرا رواية قديمة شوي لليلى العثمان اسمها "وسمية تخرج من البحر" .. بلشت باول اربعين صفحة واكتشفت ان مسوينها فلم كويتي بطولة سعاد عبدالله توني ادري لوول ..
حلوة لكن عندي تحفظ على شغلتين :
.
1- استخدامها لتعبيرات مقززة مثل (رائحة العرق تفوح منها ) واشياء اخرى ..
2- نفس فكرة رواية ثانية لها (حالة حب مجنونة) .. فكانت تكرار لا يخلو من املال .. يعني الروايتين تتحجى عن صبي وبنت مع الفوراق الطبقية كانو يلعبون مع بعض في الطفولة بعدين كبرو وتم فرض العزل بسبب العادات والتقاليد ..
.
اسلوبها الادبي وايد واايد حلوو .. وتسلسل الاحداث منطقي وجميل , لكن الاشياء اللي فوق خربتها
.

الشغلة الثانية ..
.
ديوان سعاد الصباح .. ( إليك يا ولدي ) .. قريت شوي منه بعد .. متألقة كعادتها .. واشعارها روعة شوي عليها ..
.

ألحين انيي حق السؤال اللي حابة اتناقش فيه معاكم ..
.
هل فعلا حالة الشعر تفرض على الشاعر ان يكون حزين ؟
يعني مثلا انا ذاك اليوم تناقشت مع ابوي عن هالامر .. فقاعد اقول ان ساعات الشاعر مايكون حزين ابدا ,لكن لمن ايي يكتب حالة الالهام تكون مليئة بالشجن والحزن ..
وبالنظر لكل الاشعار اللي انكتبت حتى اليوم .. قصائد السعادة لاتقارن بقصائد الحزن واللوعة ..
وانا عندي مقولة تفسر هالامر "الحزن للورق والمرح للحياة" ..
فاهوا عارضني وقال هالفكرة غلط .. والشاعر مايكتب شعر حزين الا اذا كان فعلا حزين .. وانها مو مجرد حالة يتقمصها حين يقرض الشعر ..
.
فأنتو مع اي رأي ؟
.

هلا و غلا جوجو اي انا شفت الفيلم من زمان كان رعب بالنسبه لي لوولبس كان حلو فيه خالد امين بعد
الله ودي اقرا حق سعاد الصباح من وين شريتي ديوانها ؟
شوفي جوابا على سؤالج على حسب بس الشعراء مرهفين الحس عشان جذي يتأثرون بسرعه و غالبا ما يكون شعرهم حزين
مره سمعت وحده تنتقد الشعراء بشكل عام بحجه انهم كله يتحلطمون و مأساويين صراحه مادري تضايقت من كلامها انا اشوفهم انهم قاعدين يرسمون الواقع المرير بطريقه بليغه و حلوه
خوش نقاش شكرا على طرح السؤال جوجو :eh_s(6):

 

[Betty]

هلا والله بتوي..

شلونج..

ماقلت لكم ماذا فعلت اليوم..

بحمدالله انتهيت من الغريبه وقراءت اول جم قصه من ياتي الليل لعبدالعزيز الحشاش..

وباجر اذا عندي وقت ببلش بكتاب اخت السجينه..

وبحاول يكون تقريري قوي عنهم ان شاءالله..

اهلين رونه انا الحمد الله بخير انتي شلونج خيتو ؟
عالبركه خلصتي منها
شرايج بعبد العزيز الحشاش ؟ وااي عجبتني آخر قصه رسائل من صدف صايره مأساويه هالأيام مادري شفيني

 

[Betty]

هذا لينك مدونتي للي يحبون يطلعون عليها


www.little-kingdome.blogspot.com

رووووونه .. علقت على أول موضوع ...

اهلين لتل ما شاء الله عليج مبدعه بس ليش مو كاتبه شي صارلج فتره ؟
عالعموم ناطرين جديدج في مملكتج الصغيره
موفقه حبيبتي

 

[Betty]

ليتل فرانسيس بيكون معاصر صح ؟
شدعوه جوجومؤرف بالعكس يونس هذي وحده ثاتيه تخرع بس حلوه انا اشوف ريال مبين نص ويه و مغطي ويه بشمسيه

[/url][/IMG]



عيل شوفي اللوحات اللي احبها للمبدع فان جوخ

[/url][/IMG]
The night cafe

[/url][/IMG]
The olive trees

 

[.]

اهلين رونه انا الحمد الله بخير انتي شلونج خيتو ؟
عالبركه خلصتي منها
شرايج بعبد العزيز الحشاش ؟ وااي عجبتني آخر قصه رسائل من صدف صايره مأساويه هالأيام مادري شفيني

الحمدالله بخير دامج بخير..

توني قريت بس 3 جنه عجبني اسلوبه لانه اخر اللي قريتهم عادين هذا اسلوب حلو متمكن ماشاءالله..

والله يبارك فيج قصدج خلصت وشو<< مافهم الا بالتفاصيل خخخ..

 

[Betty]

هلا و غلا رونه الحمد الله اعجبج انه الليل يأتي
اي قصدي انج خلصتي

 

[.]

بتوي قريت رسائل من الصدف بط جبدي ليش مارد وخذها مدام يبيها وشهالحركه يطرش احبج لوحده 2 الذكور غريبين ..

 

[Betty]

اي شفتي شلون عجبتني وااايد بس تقهر و تحر
شوفي اهوا كان يحبها بس حب من طرف واحد على قولتهم ما كانت تدري الظاهر عشان جذي يوم اهيا تزوجت سافر و ما قدر يرد حتى عقب ما انفصلت عن ريلها بس كسر خاطري وااي
احب هالمقطع
الموج المتكسر على قدميها الناعمتين و لكنها بالتأكيد هي ليست وحدها أكيد هذه المره مع وليدها تداعبه بزبد البحر و ترشه ببعض الماء المالح ابنها الذي كان أن يفترض أن يكون ابنك
ويح قلبي ودي ابجي
الذكور غريبين صح بس اهوا حس ان اهيا كسرت فيه لمن تزوجت غيره فيبي يقص على نفسه و دز احبج حق وحده ثانيه نكاية فيها

 

[.]

اي هالمقطع عجيب..

اهما الذكور جذي يبجون ع الاطلال ..

ويخربون ع نفسهم وع اللي يحبونها وع اللي بتزوجنه اذا راحت عليه اللي يحبها مسكينه بيوهقها ..

ومحاولاتهم لافصاح عن حبهم عقيمه وفاشله مثل مخهم

 

[Betty]

هههه جنج طبيتي بالجنس الآخر رونه
بس صاجه بكل كلمه حلوه يبجون عالاطلال
اي انا اتوقع ان البنت كانت تميل له او حست بشي حتى شوفي انفصلت ما كملت مع زوجها بس اهوا ما بادر و لا تكلم على قولتج محاولاتهم لافصاح عن حبهم عقيمه وفاشله مثل مخهم
بس تصدقين احلى قصص الحب و اعظمها اهيا المأساويه
ويح قلبي

 

[.]

خخخ اهما يحبون البارع اللي ماتستحي اما اللي تحترمه وتصد لا يخلونها وينطرونها تبادر ويح قلبي

ماطبيت فيهم هذا الصج خخخ..

 

[Betty]

اي و الله ماكو منطق كلش الحمد الله و الشكر يبون الوحده اللي تصارخ عليهم و لسانها يلوط اذانها و مبلتعه
شالحاله يعني شنسوي معاهم مخوخ ماكو اللهم ياكافي لوول انا اللي طبيت فيهم الحين ويح قلبي
يا هوى يا اهل الهوى خدني على بلادي

 

[.]

خخخ اشوه منتدانا نسائي خخ..

والحمدالله في بنات تشاطرني هذا الراي