[] - راح الـكـثـيـر و مـا بـاقـي إلا الـقـلـيـل ( حياتي الرجيمية ) - []

[بطاطا]

هااااي بناااااات اشلونكم شخباركم عادي ممكن تقبلوني اني اكون معاكم يصيرتقبلوني حبيبي :ggdw::friends:

هلا و الله حبوبة

اانا بخير عساج بخير


حياج الله نورينا المكان مكانج

 

[بطاطا]

الله يعطيكم الصحه و العافيه يااااااا رب

هلا و الله حبوبة

و الله يعااااافيج

تسلمين حبوبة ع الدعوة الحلووووووووة

ما قصرتي

امين و اجمعين

 

[بطاطا]

بطاطا .. ممتاز .. عيل انضميتي رسمي حق حزب عبد الله المطوع
مرينا ديوانيه رشيقات المستقبل .. 3/4 الموجودين مراجعات عنده
فيدي و استفيدي

اي اي من حزب المطووووووووووووووع :eh_s(3):

ما شاء الله خوووش شي خنشوف السوالف و الاخبار و الحش هههههههههههههههه

تسلمين ع الدعوووووووة الحلوة حبوبة

 

[mahawey]

هااااااي بناااااات اشلونكم شخباركم مع الرجيم

 

[mahawey]

اشلونج اختي بطاطا ان شاءالله واشلووونج مع الرجيم انا رجيمي راح اترق بيض فوح مع خبزاسمرنص وراح اشرب نسكافيه وراح اسوي رياضه وبس والغداءمادري شنو

 

[mahawey]

ان شاءالله وباذن الله جميع بناااااات وانتي بعد وياهم بطاطا تضعفون بصحه وبعافيه ياربي

 

[بطاطا]

هااااااي بناااااات اشلونكم شخباركم مع الرجيم

اشلونج اختي بطاطا ان شاءالله واشلووونج مع الرجيم انا رجيمي راح اترق بيض فوح مع خبزاسمرنص وراح اشرب نسكافيه وراح اسوي رياضه وبس والغداءمادري شنو

ان شاءالله وباذن الله جميع بناااااات وانتي بعد وياهم بطاطا تضعفون بصحه وبعافيه ياربي

هلا والله حبوبة مهاوي

السموحة تاخرت عليج بالرد لاني مادش الموضوع بسبة المنتدى :eh_s(17):

اشوفه يتسنع الفير بو 10 دقايق و ترد حليمة لعادتها القديمة :nocommint:

و صراحة فيه رفعة ضغط .. و انا يالله مع الرجيم ههههههههههههه


رجيمي اووكي و الحمدلله مرتاحة و كل شي تمام

و حاليا انا اسيـِّـر على موضوع ديوانية رشيقات المستقبل

http://www.q8yat.net/showthread.php?t=553994&page=162


نسولف هناك و نتعرف على اوضاع بعض بالرجيم

و نشجع بعض

حياج هناك عشان تتحمسين معانا مابي مادخل الموضوع و تكونين هني و تتحبطين بعدين
و ان شاء الله لا تسنع المنتدى رادة و بقووووووووووووووووة ان شاء الله :eh_s(13):


ههههههه


حياج الله نورتي حبوبة

 

[أم علي الرفاعي]

انا اللي داشة عرض

((اصلا شمدخلني هالقسم >> اللقافة وما تسوي ))

انا وزني مثالي ولله الحمد

بس الكررررررررررشة قاتلتني !!!


شلووووووون تروح ؟؟؟؟؟؟؟؟!!!!

أكره الرياضة
ومالي مقاقتها ؟!!!


بس شكل الكرشة موشي
خصوصا اني كنت مصفوطة
وبطني لازق بظهري
>>> طبعا هالحجي قبل الزوااااااااااااااج !!

اما الحين عقب 2 اسم الله عليهم


لايعة جبدي
صايرة جني تيس !!

ضعيفة وكرشة
ههههههههه
ههههههههه


اهي مو وايد كبيرة

بس بالنسبة حق اللي
كانت عصاقيل

احسها دخيلة على جسمي
وودي ترووووووووووح ويييييع!!

 

[بطاطا]

هلا و الله ام علي

الله يخليلج عيالج ياااا رب

و الكرشة ما وصلت لها هههههههههههههه الحين ادور حل للضعف

بس اكيد في رياضة خاصة للكرش
يعني انا اشوف الاجانب تولد مني بطنها مصفوووق بظهرها مني

شمعنة احنا ؟؟

الغلط اتوقع بالنفاااااااس كله اكل و نوم شلون ما نكرش ؟؟؟


و الله يعيييينج حبوووووبة جربي الرياضة + ترك الاكل اللي يكرش و ان شاء الله تنحل المشكلة ​

 

[بطاطا]

-
-

-
-

-
-

-
-



بسم الله الرحمن الرحيم

أفتتح اليوميات من يديد


-
-

-
-

-
-

-
-​

 

[بطاطا]

موضوع عجبني و حسيت أحتاج أرجع له في كل لحظة

فاقتبسته من أختي




MisS *-* BMW

السلام عليكم ورحمه الله وبركاته

موضوعي واضح من العنوان ضعفتوا ورديتوا متنتوا مره ثااانيه ؟؟

انا عن نفسي نزلت 14 كيلوا ورديت متنتهم بعد 3 اشهر ومع العلم اني كنت امسويه رجيم لمده 4 اشهر عند دكتور بدر نصر الله ...!! واعرف وايد بنات اضعفوا وردوا امتنوا بسرعه تبون اتعرفون شنو السبب ؟؟

اول شيء بكل جسم الانسان يحتوي على 4 خلايا دهنيه متلاصقه واتكون موجوده بالمعده .. مثل الشكل هذااا ..



طبعا هذه الخللايا الدهنيه تختلف من شخص الى شخص شلون ؟؟ يعني من نوع الغذاء الناس اللي اتحافظ على اكلها وتاكل اكل ما يحتوي على دهون مثل الفواكه والخضروات او زيوت غير مشبعه مثل زيت الزيتون هذيلا انلاحظ انه الخلايا الدهنيه
اتكون بحاله جيده وطبيعيه وبالذات اذا كانوا متعودين على الرياضه والحركه لانهم راح يحرقون الدهون وراح تطلع من خلال العرف و البول وانتوا بكرامه .. فهي اتكون سهله الهضم أما الناس اللي تعتمد على اكلها كله بالدهون وبالذات الدهون المشبعه والمهدرجه مثل الوجبات السريعه والحلويات ودهن جوز الهند والزبده والسمن والخ .. انلاحظ اهني انه الدهون اللي ياكلها الانسان تتخزن بالخلايا الدهنيه الاساسيه لي ما تتنترس هذه الخلايا واللي يساعدها اكثر على قله الحركه والنشاط والافراط بأكل الدهون والحلويات :botetoo:

وراح انلاحظ انه راح تنترس الخلايا الدهنيه الاساسيه مثل الشكل هذا .. :eh_s(11):




لمن تنترس هذي الخلايا الدهنيه الاساسية شنو راح تتوقعون يصير ؟؟ تنفجر مثلا ؟
الجواب طبعا لأ بكل خليه دهنيه رئيسيه تنقسم الى خلايا دهنيه فرعيه وتكثر هذي الخلايا كل ما زاد اكل الانسان للدهون وتكثر الى ماله نهايه لي ما يموت الانسان !! لأنه الخلايا الدهنيه راح اتسوي ضيق بداخل الجسم وبالتالي راح اتسوي الى امراض القلب وانسداد بالشرايين وكروسترول وضغط وسكر والخ...!!

مثل هل صوووره الموضحه




طبعا مثل ما لاحظنا بهل صوره انه الخلايا الفرعيه اتكون منتشره بطريقه عشوائيه فمنها تتوزع على منطقه البطن واللي اهيا تعتبر من اخطر انواع السمنه ..! ومنه بالارداف والزنود والخ فتختلف ايضا من شخص الى اخر على حسب الجسم ..! :eh_s(16):


خلونا نفرض انه مثلا هذا الشخص اللي مصاب بالسمنه وعنده خلايا دهنيه كثيره بجسمه قرر انه يسوي رجيم :eh_s(15): وبدا يشمي على نظام غذائي :082502bye_prv: فتبتدي تنزل الدهون وتذوب من خلال العرق والبول والبراز وانتوا بكرامه . الحين الدهون وتخلص منها صح ؟ والخلايا الدهنيه اللي تطلع تتخزن منها الدهون تتوقعون شنو راح يصير فيها تذوب او تحترق ؟

طبعا لأ الجواب اهوا راح اتظل هذي الخلايا الدهنيه الفرعيه مثل ما اهياااا موجوده اللهم بس الدهن اللي داخلها راح يطلع من الجسم ..!

(( معلومه )) : عندكم بنات الخلايا الدهنيه الفرعيه تحترق اسرع من الخلايا الدهنيه الاساسيه لانه االفرعيه اتكون حديثه ما صارلها فتره .. اما الاساسيه اتكون وايد صعبه !! لانها اتكون عباره عن دهن صلب وجامد ..! صعب هضمه
ما اتلاحظون يا بنات لمن تبون اتسوون رجيم اول الكيلوات تنزلونهم بسرعه أما الكليوات الاخيره اخر 6 او 5 كيلوات لو تقعدين شهر اتسوين رجيم وتمشين ما تنزلين حتى نص كيلو طبعا يعتمد على الجسم فمعناته انها دهون اساسيه قاعده تحرقينهاا انتي ..! فيبيلها طوله بال وصبر واراده قويه ..! :n2006107:


خل انرد حق الخلايا الفرعيه اللي مازالت موجوده بالجسم .. وظيفتها انها توصل اشارات للجهاز العصبي في جسم الانسان
لانها تحتاج الى دهون واتحس انها بحاله فقر !! وبالتالي اتصير اهني الاعراض مثل شنو عندنا : الصداع - الجوع - عوامل نفسيه مثل :الاكتئاب - القلق - التوتر - العصبيه والخ .... فهذه الخلايا اتخلي الانسان وتعطيه اشارات بجهازه العصبي انه يبي دهوون فهني لازم تشتغل الاراده والالتزام مع الرجيم وانه ما يصير عندها ملل من الرجيم او الاحباط ..!


وعلما اذا راد الشخص نفسه رد ياكل مثل اول ترى جنه ما سوى شيء لانه راح اترد الخلايا الدهنيه كلها تنترس مثل اول ..! ويمكن اكثرررر فديروا بالكم يا بنات ترى انا انقرصت والله

وانا الحين قاعده اسوي رجيم مره ثانيه وافكر بعد الرجيم وبعد ما اوصل حق الوزن اللي ابيه اسوي ليزر ميزوثرابي عند دكتور بدر نصر الله .. لانه هل جهاز يحرق الخلايا الدهنيه الفرعيه كلها ودكتور بدر نصر الله نصحني وايد على هل جهاز ..

ونصيحه حق اصحاب الاراده الضعيفه .. واللي يحسون نفسهم ما يقدرون يكملون الرجيم خير شررر !! :eh_s(16):

لازم يسوون ربط معده او تحزيم او تدبيس لانه فكره هل عمليه شنو ؟ انه اول شيء يذوبون الدهون اللي موجوده بالمعده والخلايا الدهنيه بعدين يدبسوونها اللي اهيا الخلايا الاساسيه والفرعيه يحرقونها .. فما اتلاحظون الناس اللي امسويه ربط او تدبيس ما يقدرون يكملون اكلهم ..! وتكرمون يرجعون وايد ؟؟ ليش لانه المعده اصغرت حيل واحرقوا الخلايا الفرعيه فهذاا حل حق اللي ارادتهم ضعيفه وملوا من الرجيم :eh_s(16):

وهذا فيديو حق عمليه التدبيس

http://www.youtube.com/watch?v=aRXBu7K9IJM&feature=related


واتمنى انكم فهمتوا علي وفدتكم واللي عندها اي سؤال او استفسار عيوني لكم يا احلى كويتيات :eh_s(15):

وهذا من مجهودي الشخصي .. واتمنى انه يعجبكم وسامحوني على الاطاله وطوفوا البدليات هههههههه

تحياتي لكم

MisS *-* BMW

راح يفيدني بإذن الله :wqedqw:




​

 

[بطاطا]

:eh_s(17): :eh_s(17): :eh_s(17):

السلام عليكم و رحمة الله و بركاته

:eh_s(17): :eh_s(17): :eh_s(17):



إن شاء الله من يوم (- اليـِمعة -) الموافق


20 - 8 - 2010


راح أرجع و أنزل يومياتي بالرجيم من يديــــد

اللي خلاني أوقف يومياتي المشكلة اللي كانت بالمنتدى و الظاهر إن المشكلة إنحلت ... الحمدلله :eh_s(9):

و أنا رديت من يديد بنزل يومياتي بالرجيم و أشجع روحي - إن شاء الله


:icon30:

​

 

[بطاطا]

أنا أسوي رجيم عند الدكتور عبدالله المطوع :icon30:

و الحمدلله ماشية معاه و كل شي تمام التمام :eh_s(9):


-------- ​

في أول يوم لي عند الدكتور عبدالله المطوع .. بتاريخ 23 - 2 - 2010


رحت عند الدكتور بعد ما حللت و عطيته التحاليل و يوم شافهم و لا ينصدم شنو هذا و شلون الدم جذي دمي ضعيف ( انا مولودة اساسا فيني فقر دم و لعبت بحسبة دمي برجيماتي ههههه ) المهم دمي مثل ما قلت ضعيف و فيه 4 أشياء كلش منهارين .... و قال لي ما راح اقدر ابدا معاج رجيم الا لما ترفعين نسبة الدم بجسمج

عطاني نظام لرفع نسبة الدم امشي عليه لمدة اسبوعين .... طبعا انا ضاق خلقي قلت له دكتور وايد اسبوعين قال : ان سويتي رجيم عادي تموتين و دمج بهالحالة !!!!!
عاد خقيت انا و قلت يولي الضعف اهم شي صحتي ,,, و مشيت ع النظام مع الادوية اللي وصفها لي


--------


نظام رفع نسبة الدم بالجسم


******


نصايح مهمه


هذي أول خطوة للحفاظ على نسبة الدم

قبل الأكل بساعة و نص ابتعد عن الجاي و القهوة و الككاو
و عقب الأكل بساعة و نص ابتعد عن الجاي و القهوة و الككاو


أما بالنسبة للأكل اللي يرفع نسبة الدم
( ترتيبه من المفيد إلى الأفيد )

أولا: الجبدة و الجلاوي و القلوب

ثانيا: اللحم و الدياي و السمج و الربيان و التيركي

ثالثا: البقوليات = نخي - باجلا - فول - آش - عدس

رابعا: البيض = خاصة صفار البيض

خامسا: الخضار الورقية = اللي لونهم أخضر و كل ما كان لون الخضرة اخضر غامج يكون أفيد أكثر من الفاتح

سادسا: التمر

سابعا: المكسرات


هالأكل كله يحتاج لشي يوصله و ينشره بالجسم و هالشي يتم عن طريق

فيتامين سي اللي موجود في :


أولا: عصيرات حمضية = برتقال - كيوي - ليمون - أناناس

ثانيا: الفواكه

ثالثا: الفلفل الأخضر

رابعا: البروكلي


--------



هذي الأدوية اللي خذيتها

:

.... مشيت على النظام و راجعت الدكتور عبدالله المطوع عقب الاسبوعين .. و سألني عن الملاحظات اللي حسيتها مع العلاج و الحمدلله /

- الدوخة خفت
- الصداع خف
- تساقط الشعر خف

و بعدها بديت الرجيم مع الدكتور عبدالله المطوع بشكل رسمي .... :rerrerek:​

 

[بطاطا]

الرجيم الأول = رجيم النشويات



******


الريوق : 2 توست أسمر + جبن او لبنة قليلة الدسم + خضار + كوب حليب خالي الدسم + جاي أو قهوة أو نسكافيه

الضحى: جاي حليب أو نسكافيه + ككاو وسط + استكانة مكسرات + 3-4 تمرات

الغدا : 3 أيام سلطة + 5 قفاش عيش أو نص خبزة سمرة + صيخ مشوي أو صدر دياية أو سمجة مشوية وسط + دايت أو ماي
أيام سلطة + 2 سيخ مشوي أو 2 همبرغر + صدر دياية + علبة تونة + دايت أو ماي

المغرب : جاي أو قهوة أو نسكافيه + ككاو وسط أو حبة فاكهة ( ماعدا الموز و المانجا ) أو عكس الضحى

العشا : أفندي أو أناناس أو برتقال كمية مفتوحة
نص صمونة صب وي سمرة + دياي أو تيركي + جبن + خضار + دايت أو ماي
نص كف اليد لحوم + سلطة أي نوع مع زيت زيتون و ليمون + دايت أو ماي + قفشتين حمص أو متبل
كوب نخي أو آش + عصير أناناس أو برتقال ​

 

[بطاطا]

الرجيم الثاني = رجيم التوست


******


الريوق : شريحة توست أسمر + جبن او لبنة قليلة الدسم + خضار + كوب حليب خالي الدسم

الضحى : جاي حليب أو نسكافيه + حبة فاكهة أو 3-4 تمرات

الغدا : 2 توست أسمر + نص كف اليد لحوم او كوب بقوليات + سلطة + دايت أو ماي

المغرب : جاي أو قهوة أو نسكافيه + ككاو وسط أو حبة فاكهة ( ماعدا الموز و المانجا ) أو عكس الضحى

العشا : 1 توست أسمر + همبرغر مشوية أو بيضة عادي مقلية أو جبن أو لبنة أو مربى + خضار + كوب لبن خالي الدسم + حبة فاكهة ​

 

[بطاطا]

الرجيم الثالث = رجيم السوائل


******


لبن خالي الدسم
حليب خالي الدسم
روب خالي الدسم
العصيرات الطازجة و المعلبة
شوربة الخضار ( بدون ماجي او كريمة )
الماي
الجاي
دايت
القهوة
الخضار ( بجميع انواعه بدون اضافة زيت )
الفواكة ( ما عدا الموز و التمر )
الجلي
برد لولي توت أو برتقال
برد صاروخ
Pink Berry ​

 

[بطاطا]

الرجيم الرابع = رجيم التمر


******


الريوق : 7 تمرات + كوب حليب او لبن او روب خالي الدسم

الضحى : جاي حليب او نسكافيه + ستكانة مكسرات أو حب شمي

الغدا : سلطة + 3/4 كف اليد لحوم + دايت أو ماي

المغرب : جاي حليب أو نسكافيه + ككاو وسط

العشا : 5-7 تمرات + كوب حليب او لبن او روب خالي الدسم ​

 

[بطاطا]

الرجيم الخامس = رجيم رمضان

******

الفطور : 3 تمرات + كورب لبن قليل الدسم أو فيمتو لايت أو شوربة خفيفة ( عدس - خضار - شوفان )+ 1 كبة أو سمبوسة

صلاة

سلطة + 6 ملاعق من أي صنف من أصناف رمضان + نص كف اليد لحوم + دايت أو ماي أو فيمتو لايت

( الكبة أو السمبوسة = ملعقتين ... نص كف اليد لحوم = ملعقة )


ما بين الفطور و السحور :

* كوب محلبية
* ككاو وسط
* 2-3 لقيمات
* 1-2 قطايف
* 4 تمرات
* 2-3 ملاعق كنافة
+ جاي أو قهوة


السحور :

* 7 تمرات + كوب حليب أو لبن قليل الدسم
* 2 موز + كوب حليب أو لبن قليل الدسم
* 2 كوب كورن فليكس + كوب حليب خالي الدسم
* 2 توست أسمر + جبن أو لبنة قليل الدسم و قليل الملح + 4-5 زيتونات + كوب لبن قليل الدسم
* صمونة مطعم حلوم أو لبنة + عصير برتقال أو أناناس​

 

[(عروسة حبيبي)]

حبيبتي شدي حيلج
حرام تضيعين إلي سويتيه
سوي مساج طبي
آنه صرت سمبتيكه من الرجيم والمساج

 

[nono93]

اوف اوف نفسي نفسي

خلاص ستووووووووووب