{ رجيـم و رجـيـم والله كـريـم .. رجيمي لطالب الشمري ;) [[ يوميـاتـي ]] }

[ضعيفه وعصله]

~ ..

السـلاآمـ عليكمـ ورحمـة الله وبركـاتهـ ..


شلـونكمـ شخبـاركمـ !!

انا عـن نفسـي دخلـت عـالـم الستينـات والفضل يعود لله ثـم للدكتور طالب الشمري

أول مرة رحت لـه كان وزني 74.2
و نزلت عندهـ .. وبعدين رديت 73.2 وسويت رجيم بروحي وثبت وزني ورحت له
يوم رحت له كان وزني 70.3 وكان على فكره ثابت صارله اسبوعين مع اني اسوي رجيم ورياضة

واليـوم رحـت وصار وزني 69.6

:ggdw:

وصرت من البنات اللي يقولون كلمة ستين

بـاااآآركـولـي .. ~

وصـار يقولي يا ضعيفه :tomato2:

المهمـ ..

عطـاني نظـام يديد لين تاريخ 8 - 12
وانا مستانسة من النتايج فـبديت بالنظام من اليوم

الريوق : نسكفيه او جاي حليب او قهوه عربية او كابتشينو
+ نص لتر ماي

الغدا : الايدام من أكل البيت + خس طماط وخيار + من 1 الى 6 قفشات عيش او نص خبزه سمره و اقدر ما اكلهم واكتفي بالايدام .. مع بيبسي دايت ,, // او يكون الغدا ساندوج اي نوع يكون حجمها زين مو كبير حييل مع بيبسي دايت << وهذي للتغيير يعني

بين الغدا و العشا : نفس الريوق :: وقالي اذا بتطلعين البر او الشاليه او متيمعين تقدرين تذوقين قطعه فطيره و قطعه كيك والباجي خليه على الجاي والقهوه و اذا تقدرين انحاشي

العشا : فتوش أو تبوله أو سلطة جبن أو سلطة ذرة .. وكمية الذرة تكون كوب ,, بدون بيبسي دايت


وحييييييييييييل حييييل عاجبني النظام ادعووووولي بنات ودي يخلص شهر 12 و وزني 65
قولوا امييييين


و ان شاءالله بكتب يومياتي اهني

وابي منكم التشجيع بليز لا تخلوووني برووحي ما اقدر اكمل من غير تشجيع


وعلى فكـره طولي 162

..~​

 

[ضعيفه وعصله]

راح ابلش اليوم غداي كان

ساندوج من هارديز مع بيبسي دايت ..

والعشا للحين ما ادري

 

[ضعيفه وعصله]

وينكم بنات ماكو تشجيع

 

[سارونه87]

عاشت عاشت
انا اراجع عنده
والحمدلله صرت نازله 13 كيلو بشهر ونص
خوش دكتور والله

 

[LoOLoO-17]

وناااااااسه اقدر اكل اي شاندويتش ابيه؟؟


انزين شنو طلبتي من هارديز عشان توضحين اكثر

 

[ضعيفه وعصله]

طلبت الساندوج اليديده فريسكو وايد حلوه وخفيفة


و توني تعشيت صحن تبوله والحمدلله

 

[LoOLoO-17]

عليج بالعافيه يعني اكل اي سندويتشه ابيها بس صغيره انزين يصير اكل فطيره من المطعم؟

او من فطاير الفيصل نفس ريجيمج قبل ؟؟ وجم كيلو نزلتي على ريجيمه الليي قبل؟


وهذا جم كيلو ينزل؟:eh_s(6):

 

[ضعيفه وعصله]

لولو حبيبتي رجيمه اللي قبل تغير جسمي بس يتلي الدوره على موعدي عنده و هم صارلي يومين كرمج الله امساك

فـ نزلت 700 قرام بس
قالي مو معقول انتي متأكده انج ملتزمه ؟ قلت اي
جان يسألني عليج الدوره قلت اي قال اي يوم قلت له اول يوم قال عدل عشان جذي
بعدين قالي فيج امساك قلت اي قال اي لان الاكل و السوائل محتبسة في جسمج هذا مو وزنج
ان شاءالله الاسبوع الياي تكونين نازله اكثر
وقالي اخذ حبوب ملين من عنده بس نسيت اخذ وانا طالعه
ان شاءالله باجر امر اخذلي

و الفطاير من المطعم ممنوع
اهو قالي عن صمونه الفيصل بس

 

[كراميلا مرة]

موفقة
ويارب توصلين لهدفج بصحة وعافية

 

[ضعيفه وعصله]

حياتي والله تسلمين يا قلبي على تشجيعج

 

[ضعيفه وعصله]

رفع

 

[miss_lymoona]

وناسه خوس رجيم احس مافيه حرمان شدي حيلج حبوبه

 

[mn.mn]

موفقة حبيبتي الرجيم حلو بس الريوق مافي شي

وان شاء الله على السنة اليديدة انتي تحت ال 65

 

[ضعيفه وعصله]

ليمونه تسلمين يا روووحي
حياج حبيبتي

منمن عااادي اول الايام كان صعب بس الحمدلله اللحين صارلي 4 اشهر دايما جذي ريوقي حتى تعودت


نورتوووو والله يسمع منج منمن

 

[ضعيفه وعصله]

اليوم ريوقي كان : قلاص ونص ماي + نسكفيه
الغدا : 3 قفشات عيش + صدر دياي + شوي خس و خيار .. بدون بيبسي لان علي الدوره

 

[J.e.N.a.A.a.N]

هلا ضعيفة حبيبتي
تصدقين انا امس قريت رجيمج وقررت اني اروح له ورحت له اليوم وعطاني رجيم يشبه رجيمج ومنوع وحلو
بس بسالج
الحين الكابتشينو والحليب عادي اشربهم كامل الدسم ؟
والساندويش عادي اكل جيكن فيليه مالت نايف بدون مايونيز عاد هذه اموت عليها
وبالنسبة للعشا قالي عكس الغدا يعني شلون ما فهمت
وراح انضم معاج حبوبة

 

[تيناا]

اليوم كان عندي مراجعه ومارحت لاني زايده

 

[J.e.N.a.A.a.N]

الكوفي ميت اخذه كامل الدسم صح ؟

 

[ضعيفه وعصله]

جنى الزيـن ..هلا حبيبتي .. الله يوفقج يارب بس ممكن تذكريلي وزنج وطولج ؟
مممممم الساندوج عادي اذا اهو قالج اكلي اي نوع ساندوج انتي حطي في بالج ان حجمها ما يكون كبير حيل يعني ما تكون مثل الخيز الفرنسي
و خليها 3 مرات مثلا كل اسبوعين او مره كل اسبوع للتغيير بس

انا النسكفيه ما اهتم اذا قليل دسم او خالي الدسم او كامل الدسم
واحط شكر تتوقعين جم قفشه احط اربع قفشات
وانا اشرب النسكفيه 3 مرات تقريبا يعني 4 في 3 = 12 قفشة شكر يوميا والحمدلله ما يضرني
لان اهو يقول الهدف ان نقلل حجم المعده و نتعود على اكل شويه .. نعدل طريقتنا بالاكل
يلا خليني اشجعج وتشجعيني


انا اليوم عشاي مثل امس .. تبوله والحمدلله

تينا :| ليييييش ما رحتي عادي حتى لو زايده يعطيج نظام يعوض اللي زدتيه
جم مره اروحله زايده كيلو انا لما رديت له مرة ثانية قبل اسبوعين كنت زايده كيلو ونص
ونزلتهم اللحين الحمدلله

رووووحي ولا توقفين

 

[J.e.N.a.A.a.N]

صباح الخير
شلونكم بنوتات
حبيبتي ضعيفة انا راح اوزن نفسي اليوم ان شاء الله واحطه لج
وبالنسبة للغدا قاعدة افكر اكل ماك جيكن الصغيرة وبيبسي دايت صغير صح ؟
بس الدكتور ما قالي عن البيبسي اذا اشربه او لا
تتوقعون عادي اشربه دايت ؟