رجيمي .. انا الحامل البطة ! (محمد ربيع)

[حياة ريلي]

سايلنت دام السالفه فيها بطاط و كتشب لا بالله خاربة هههه

 

[Melazlaza]

قوة حياة شلونج حبيبتي
ويني من زمان عن موضوعج
ماتشوفيني كله اتحلطم على الشهية المفتوحة
يلا انا معاج قلباً وقالباً
وان شاءالله من باجر ببدي معاج
بتعبج وياي شوي
انا اسوي الي طافني والا ابدي وياج بما ان نفس اشهر الحمل انا معاج؟؟

 

[حياة ريلي]

لا ابدي باخر واحد و باجر بنزل النظام اليديد عقب مراجعتي و اقولكم كم نزلت

 

[Melazlaza]

يعني انطرج باجر وابدي وياج ان شاءالله احين عشان كل وحدة تعرف جم نزلت ونشجع بعض ونترك الخربطة

ترى انا التزم بس يبيلي صاحب
والحين لقيتلي صاحبة
ان شاءالله نضعف بصحة وعافية

 

[أم راشد المطيري]

حياة ريلي من يوم الاحد ببدي اول رجيم وياج وان شاءالله انزل كيلوين وبحاول امشي يوميا نص ساعة عشان ما ابي ازيد اكثر من جذي

حدي متحطمة

 

[حياة ريلي]

ان شاء الله ترقبوا النظام الليله ان شاء الله

 

[SiLenT Qween]

انا وياكم بنات



عاشوا الحوامل

 

[Melazlaza]

حيووته بانتظاااارج ان شاءالله تكونين نازلة

اول ما تنزلينه ببدي معاج

بنات خنحط جم اوزاننا قبل الحمال وعقب عشان نتشجع لي نزلنا

 

[حياة ريلي]

سلام يا حلوات اسفة عالتاخير و لكني كنت طالعه

نتيجة الوزن هذا الاسبوع













نزلت




2 كيلوووووووو

صار وزني 84.5

 

[حياة ريلي]

النظام اليديد يا حلوات كالتالي
الافطار :
٢ توست + ( قطعة جبن او ملعقة لبنة او ٢ بيضة ) + خضروات+ شاي حليب او نسكافيه بالحليب

الضحى :
٥ تمرات او حبة فاكهه + شاي حليب او نسكافيه

الغداء :
٥ قطع جبدة دياي محموس بنتفة دهن + سلطة
نص دجاجة + ملوخية + سلطة
٣ قطع لحم ( ربع كيلو) + سبانخ + سلطة
سمكه بحجم كف اليد + ٥ ربيانات وسط + سلطة
و كل يوم اما نص خبزة خفيفة او كوب عيش مشخول و يكرر

المغرب :
حبتين فاكهه

العشاء:
٢ توست + ( جبن و لحم بارد او بيضة و جبن ) + سلطة
او صحن مشاوي

قبل النوم :
عصير او حليب

 

[Melazlaza]

حياة الف مبرووووووك النزول ماشالله خوش نتيجة والله شجعتيني حيل

ببدي وياج ان شاءالله من باجر
واذا ربي قدرني بدش واحط يومي الغذائي هني

 

[SiLenT Qween]

انا ببدا فيه بعد ويااكم



يلا بنات شدوا الهمه

 

[حياة ريلي]

انا ملتزمة الحمد لله ريوقي توست و لبنة و حليب
الضحى خذيت ٥ تمرات
الغدا كليت طاسة سلطة و طاسة مرق ربيان يم يم بدون دهن و خمس قفاش عيش
المغرب اكلت برتقاله و تفاحة و شربت حليب
العشا كليت صيخين تكا لحم بالمباركية و شوية تبولة
و الحين شربت قلاص لبن و كلت ٣ تمرات

وهذه يومياتي و سلامتكم و تعيشون يالله ابي باقي الكروشات الرشيقات

 

[شـيـوخـهـ]

موفقه حبيبتي

بنسخ نظامج وان شاء الله بحاول ابدي فيه خايفه من المتن لان بدت الشهيه الحين تنفتح على الاخر


الله يسهل عليج موفقه

 

[Melazlaza]

عواااافي حيوووته انا اليوم بادية
ريوقي توستتين بالحبوب جبن فيلادلفيا لايت حليب خالي الدسم اربع قطع اناناس

 

[حياة ريلي]

شلون الكروشات عسى مو مخربطين

 

[Melazlaza]

باك
تغديت تقريبا خمس قفاش مرقوق اخذت اللحم اكثر والخضار
العصر برتقالة ويعت جان اخذلي موزة

عالمغرب ولدي اكلني معاه بطاط مقلي اهي اهي اكلت وندمت بس ترى ثلاث بطاطات فقط لاغير
العشا حمسة خضار بدون خبز عقب ساعة عصير برتقال
قبل شوي كلت برتقاله
واحس بتخمه مادري ليش

 

[Melazlaza]

زفيني اذا خايرته

 

[حياة ريلي]

خاااااايرتة حدج !!!!
ليش عشاج حمسة ؟
بعدين وين السلطات وين السناكس مو زين

 

[حياة ريلي]

التزمي بالنظام و اكلي الاكل كله عشان لا تيوعين و تخربطين