رجيم طالب الشمري ينزل من 3 الى 4 كيلوات بالاسبوع عن تجربه(مدة الموضوع شهر من تاريخه)

[Glamour_85]

رد: رجيم طالب الشمري ينزل من 3 الى 4 كيلوات بالاسبوع عن تجربه

فله ساره
عاد ما لقيتي الا برجر كنج
اكثر صمونه فيها سعره حراريه من بين الطاعم السريعه اهو برجر كنج
والله يزيد النعمه ماحب همبورغر المطاعم ولا خزان مال البيت كأني آكر خروف ني اووووع
وكله خضاريف وهذيج المره كان في شي يابس بحلجي كأنه عظم ومره شفت شعر ابيض اضن صوف الخروف وهمبوغر المطاعم نفس الشي
وفوق هذا لو تفتحين الصمونه تشوفين الهمبورغره كلها نفر منفره جنه عليها حبوب حب الشباب قطيعه
الله يزيد النعمه وترى بنت عمي تدرس تغذيه وراحت المكان اللي يصنعون فيه هالسوالف
تقول انظف شي لحم المرتدلا والنقانق والوصخ اهو الهمبورغر لانه يحطون بقايا الخروف من شحم وخضاريف
واظن حوافر مو ناقص غير يحطون القرون والعين والاسنان واااااااااااع
استغفر الله ربي واتوب اليه سامحني يااارب

 

[Glamour_85]

رد: رجيم طالب الشمري ينزل من 3 الى 4 كيلوات بالاسبوع عن تجربه

اهليين ويسبر وعليكم السلام والرحمه
بالعافيه عليج بس الفتوش بالبيت ولا مالت مطعم
لانه المطعم ينقعونها زيت ويحطون خبز مقلي و شي

 

[Glamour_85]

رد: رجيم طالب الشمري ينزل من 3 الى 4 كيلوات بالاسبوع عن تجربه

اهلين حبيبتي عروس خايفه
انشالله تطلعين ملكه بعرسج قولي امين
قصدج حبوب الايزي لاكس
عادي انا جسمي معمل تجارب كل شي جربت لووول
بتسوين الرجيم اللي انا كاتبته

 

[Glamour_85]

رد: رجيم طالب الشمري ينزل من 3 الى 4 كيلوات بالاسبوع عن تجربه

اليوم قمت 12 ونص رضعت ولدي وحست في البيت وشربت شاي البايوجي الساعه 2 ونص
عقبها بنص ساعه شربت ماي ونفسيتي مسدوووده ما كليت وجبة الفطور قلت باكل ولا اشرب ماي بداله لول
حتى النسكافيه ما شربته المهم زوجي مشتهي مطعم وماحبيت ارده
رحنه وصلنه 6 وطلبت سلطة سيزر وقلتله خل الصلصه والخبز والدياي سبرت يعني على جنب
صار خس خالي وشوي زيتون وجبن بارميزات شويه فوق يادوب قمت كليت الدياي خالي مع الخس
والصلصه والخبز قطيتهم وزوجي مات قهر قال عيل بعد مافي مطاعم وانا رجييم قلتله انت معصقل وقعد يناجرني
اقوله كليت تقول ليش تاكلين وتتحلطم وضعفي هذا مو جسم انثى وكل ماتشوف وحده جسمها حلو تقولي ليش ما تصيرينلي جذي واذا سويت رجيم هم ما يعجبك انت شتبي بالضبط ترى يننتني يسكت
بذمتج الرياييل شيعجبهم بمووووووووت منه دعله حيرني اووف
المهم عقب رحنه ليلى جاليري وقيست جم بدله ضاق خلقي لانه اذا لبست الظهر طالع كأني مدرع يتمشى
واذا لبست شي ثاني كأني حامل ولمن اوريه يقولي ضعفي يطلع حلو ولا تسأليني كدرني
عقب رحنه بيت اهلي قعدنه شوي دردعت ماي وعقب وردينه البيت حست وشربت ماي ورضعت ولدي ونومته ورحت سويت عصير مكس اناناس وكيوي
وكاني الحين قاعده اشربه ويمه قلاصين ماي بشربهم عقبه عشان يصيرون 11 او 12 لوول

 

[Glamour_85]

رد: رجيم طالب الشمري ينزل من 3 الى 4 كيلوات بالاسبوع عن تجربه

السباحه ثم السباحه ثم السباحه ولا شيء غير السباحه مع الرجيم
والله يا بنات قبل ما اتزوج كان وزني 95 سويت رجيم مع مشي نص ساعه وايروبكس ماي ساعه وكنت اسبح على كيفي واغوص
والله والله والله وصل وزني 80 والكل منصدم من شكلي ممشوق ومشدود كأن وزني 70
وشجسمي انشد باقل من شهر مشالله
رديت متنت لي 85 عقب فتره وسويت رجيم من غير سباحه بس شويه امشي يوم نزل وزني مافرق الا شويييي كأني لي الحين 85
انا الصراحه احتمال كبير باجر بشترك بنادي فلكس الشعب لمدة سنه مسوين عرض عشان عيد الام والعرض لي 24
ووايد منزلين بسعره وانا ما صدقت الاشتراك ب 431 بالسنه مع زياده شهر ونص مجاني وتدشين عند خبراء تغذيه مجانا
وتروحين صبح وليل ومليون مره باليوم عادي واذا مليتي من الشعب تقدرين تروحين بنيد القار والجهرا على كيفج بس لانه اسمج مشتركه
وفوق هذا كله المدربه اللي ضعفتني بتمارين الايروبكس مال الماي كانت بشاتوفب ويوم سكرو راحت فلكس الشعب
سوري طولت بس اعيد واكرر مشي نص ساعه الى ساعه والاهم الايروبكس مال الماي والسباحه
بنات اشتركو معاي بليييز

 

[whisper]

رد: رجيم طالب الشمري ينزل من 3 الى 4 كيلوات بالاسبوع عن تجربه

هلا والله كويتية والله اليوم خربطت شوي على الغدا اكلت عيش و بسالج شلون الجاي معاج جم صارلج تاخذينة و جم نزلتي

 

[وردة وردية]

رد: رجيم طالب الشمري ينزل من 3 الى 4 كيلوات بالاسبوع عن تجربه

مسا الخير يا حلوات اليوم ثاني يوم بالرجيم صداع مو طبيعي ذبحني الجوع بسبب الدوام الكرافي طول اليوم فرة تجهيز للدرس النموذجي المهم رجعت البيت أكلت خبببببببببببببببببزة كاملة مع سلطة وبيضتين ( رحت فيها ) بس ما راح استسلم وبواصل عشان أغير لوكي الممل )))
إذا تذكرون وزني 77 وطولي 160 وأنا سبق جربت رجيم طالب ونزلت 12 كيلو بس لأني مفجوعة وأموت عالمعجنات رجعتهم خلال سنة
على فكرة كويتية شنو شاي البايوجي ومنين اشتريه ؟

 

[Glamour_85]

رد: رجيم طالب الشمري ينزل من 3 الى 4 كيلوات بالاسبوع عن تجربه

هلا حبيبتي ويسبر اي والله فادني انا خلال ثلاث ايام نزل وزني كيلوين ونص وعقب اسبوع وزنت نازله ثلاث كيلوات ونص
اهو شاي طبيعي يصنع بامريكا ويعبأ بالصين ومكون من فيتامينات وطحالب بحريه واول شي يطلع السموم من الجسم والماي الزايد
ويحرق السكريات وعقب يحرق الدهون ويسد الشهيه والحلو فيه بدو لا اسهال ولا شي بس عيبه ينش ريجج لازم تشربين عالاقل لترين يعني 8 اكواب ماي
واصلا راح تشربينهم واكثر بعد لانه يعطش وكل ما تشربين ماي اكثر تنزلين اكثر ويفصل تخففين اكلج وتمشين شوي يصير نتايجه عجيييبه
وانا ترجمت المكتوب عليه يفيد حتى حق الشعر والبشره وشريته من قسم منتجات متنوعه العلبه فيها 18 كيس وكل يوم الصبح على الريج حتى قبل ما تشربين ماي تحطين البودره بماي حار نص كوب وتنطرين شوي يبرد وتشربينه وعقب نص ساعه شربي ماي واكلي تمرتين عشان اذا كنتي من الوع اللي تدوخين وشريته من وحده اسمها هلب فل ب 10 وفي وحده اسمها الريم تبيعه ب 8 بس ما جربتها ولا اعرفها انا شريت من هلب فل وطلع منتجها اصلي اما الريم الصراحه ما ادري بس تقول اصلي
بسج خربطه ترى احنه بالبدايه ما مداج تملين

 

[Glamour_85]

رد: رجيم طالب الشمري ينزل من 3 الى 4 كيلوات بالاسبوع عن تجربه

هلا حبيبتي ورديه شربي ماي واكلي تمره عشان الصداع يا قلبي
واكلتي الخبره السميكه ولا الخفيفه والاسمر ولا الابيض هاااااااا اعترفييي
مو اكثر مني انا اموت على البطاط بالذات المهروسه مالت شيليز يمممممممممم
بالنسبه للشاي اي والله فادني انا خلال ثلاث ايام نزل وزني كيلوين ونص وعقب اسبوع وزنت نازله ثلاث كيلوات ونص
اهو شاي طبيعي يصنع بامريكا ويعبأ بالصين ومكون من فيتامينات وطحالب بحريه واول شي يطلع السموم من الجسم والماي الزايد
ويحرق السكريات وعقب يحرق الدهون ويسد الشهيه والحلو فيه بدو لا اسهال ولا شي بس عيبه ينش ريجج لازم تشربين عالاقل لترين يعني 8 اكواب ماي
واصلا راح تشربينهم واكثر بعد لانه يعطش وكل ما تشربين ماي اكثر تنزلين اكثر ويفصل تخففين اكلج وتمشين شوي يصير نتايجه عجيييبه
وانا ترجمت المكتوب عليه يفيد حتى حق الشعر والبشره وشريته من قسم منتجات متنوعه العلبه فيها 18 كيس وكل يوم الصبح على الريج حتى قبل ما تشربين ماي تحطين البودره بماي حار نص كوب وتنطرين شوي يبرد وتشربينه وعقب نص ساعه شربي ماي واكلي تمرتين عشان اذا كنتي من الوع اللي تدوخين وشريته من وحده اسمها هلب فل ب 10 وفي وحده اسمها الريم تبيعه ب 8 بس ما جربتها ولا اعرفها انا شريت من هلب فل وطلع منتجها اصلي اما الريم الصراحه ما ادري بس تقول اصلي

 

[Glamour_85]

رد: رجيم طالب الشمري ينزل من 3 الى 4 كيلوات بالاسبوع عن تجربه

اليوم قمت الصبح 10:30 تحرش بولدي عشا يقوم ورحت جهزت جنطته وسويت شاي بايوجي
ورديت شفته قعد بدلتله وانا بدلت ورحنه المستوصف طعمته حبيبي مسكين قزوه ابرتين بالفخذين
وقطرو بحلجه تقطورة العافيه يارب المهم وعقب وديته حق امي ورحت الدوام متاخر لووول باقي
ساعه وربع ينتهي الدوام ههههه خل يحمدون ربهم انا اساسا مطنشه كله مرضيات ماعندي خدامه
وولدي صغير وامي مو دوم فاضيتلنه المهم قعدت شربت مااااي لين قلت بس وشربت شاي حليب
المكس ماركة شاي علي ورديت ربت ماي وخلص الدوام رحت عند امي وطول ما انا قاعده ماي واوكل ولدي والعب معاه
ورحت الجمعيه شريت اكل حق القطاوه حبايبي عقب رحت بيت يدي قعدت شوي ورديت البيت
وكلت ولدي ورضعته ولعبت معاه ونومته وشربت ماي والحين قاعده اشرب عصير مكس
اناناس وكيوي وعقبه بشرب كوبين ماي وانام
يعني اليوم نفسيتي مسدوده وماكليت كلش ملش لووووووول

 

[whisper]

رد: رجيم طالب الشمري ينزل من 3 الى 4 كيلوات بالاسبوع عن تجربه

وااااااااي انا اليوم بلعت بلعة لان النفسية خايسة على الاساس الاخ ريلي توا اخيرا يوافق اني اشتغل عقب سنين قاعدة ماكو شغل و طلع واصطة و انصدمت ان موقفين التعينات لي بعد الانتخابات فحدي اكتئاااااب :eh_s(11):


شلون تشربين شي مال ريجيم و ترضعين؟؟؟؟ اخاف يضرج

 

[حيص بيص]

رد: رجيم طالب الشمري ينزل من 3 الى 4 كيلوات بالاسبوع عن تجربه

حيص بيص
حرام عليج انتي حامل شلج بالرجيم مو زين تره يصير جفاف بضناج بعيد الشر حراااااااااام
خلج طبيعيه ولا تندفين لين تولدين عقب سوي رجيم مو على بو اتي بالاربعين ما يخلون شي ما يوكلونجياه
انا كل ما يابولي شي مابي مابي مابي بس تمر وحليب وانقنق مني مناك بس مادري ليش ما ضعفت الا شوي
ويوم كنت حامل خلقه شهيتي مسدوده بس على اخر شوي شو انفتحت بس ما زاد وزني الحمدالله

بصراحه كان وزني بيصك 90 :O_SHH_: وقالتلي الطبيبه (نجيبه القطان )تقدرين تسوين رجيم بما انج تعديتي الرابع
اما طالب زفني:eh_s(2): وقالي لازم تجين من اول الحمل علشان تنظمين غذائج موبالاخر
وانا زايده وايد بحملتي الاولى.......... حملت بسرعه بعد الاربعين مادريت نفسي
خليني الحق على زوجي:RoadRunner: لايهج مني....وعلشان اقدر اتنفس عدل واتضبط
مشكوره عمري على النصيحه:hjy5jewf:
بس ادعولي اني اضعف واولد بالسلامه:yaaaaaarb:

 

[غلاي غير]

رد: رجيم طالب الشمري ينزل من 3 الى 4 كيلوات بالاسبوع عن تجربه

الرجيم روعه

 

[فلة سارة]

رد: رجيم طالب الشمري ينزل من 3 الى 4 كيلوات بالاسبوع عن تجربه

:080402ask_prv:هلا كويتيه صار لى يومين مادشيت النت
صراحه سويتى لى احباط انا قايلتلج انى اسوى نظام د المطوع وهو فيه وجبة ووبر من برجر كنج بس شكن مو لحم بالعكس صدر دجاج مشوى مع خس مع طماط مافى شى وانا مشكلتى احب اكل المطاعم واطلع وايد التزاماتى وايد فكله بره وايوع دار مدارى مطاعم عموما اهى مسموح فيها مرتين فى الأسبوع مو أكثر
بس انتى والله عفيه عليج اخبارج زينه ويالله تشجعى

 

[حيص بيص]

رد: رجيم طالب الشمري ينزل من 3 الى 4 كيلوات بالاسبوع عن تجربه

وشفيكم بنات ؟؟؟كل هذا من الرجيم !!!! وين مشاركاتكم:eh_s(9)::eh_s(9)::eh_s(9):

والا خربتوها ....
:botetoo::nbptr::

 

[whisper]

رد: رجيم طالب الشمري ينزل من 3 الى 4 كيلوات بالاسبوع عن تجربه

وشفيكم بنات ؟؟؟كل هذا من الرجيم !!!! وين مشاركاتكم:eh_s(9)::eh_s(9)::eh_s(9):

والا خربتوها ....
:botetoo::nbptr::

جنج تدرين :eh_s(11):

 

[Glamour_85]

لااااااااا ويسبر ما تفقنه على جذي
على اساس انتي مستعجله تبين تضعفين
ومبرووووك على موافقة زوجج
وين ناويه تحطين واسطتج
مو تحطينها اي مكان اخذي الاماكن السنعه

 

[Glamour_85]

حيص بيص
اي سوي نظام غذائي عشان ما تسمنين مو انج تضعفين هذا اللي اعرفه
الله يسهل عليج

 

[Glamour_85]

غلا غير
حياج سويه معانه

 

[Glamour_85]

فله ساره
انصحج بمطعم لو فات و هيلث ستوب ينفع حق الرجيم